نفَسها بدأ يضيق دماغها بتدور بألف فكرة ومساحة الأمان اللي كانت فاكرة إنها عايشاها فجأة اختفت.
وقفت بسرعة بدأت تجمع حاجاتها بشكل عشوائي شنطتها باسبورها أي فلوس معاها وهي مش حاسة غير بدقات قلبها اللي بتصرخ إنها لازم تهرب… دلوقتي حالًا!
لكن قبل ما تفتح باب الشقة تليفونها رن… رقم غريب.
ردت بيد مرتعشه وقبل ما تنطق الصوت اللي طلع من الناحية التانية خلاها تتجمد مكانها
الصوت: لو فتحتي الباب مش هتلحقي توصي على نفسك.”
ملك شهقت رجعت خطوة لورا ضربات قلبها بقت مسموعة في ودانها حاولت تتكلم لكن حلقها ناشف.
الصوت تابع ببرود: فاكرة نفسك ذكية؟ فاكرة إنك لما تختفي هتبقي في أمان؟ إنتي مش فاهمة مين اللي بتلعبي معاه.
ملك بلعت ريقها بصعوبة، غمغمت بصوت متقطع وهي بتحاول تخفي رعشتها: إنت… إنت عايز إيه؟
ضحكة خافتة طلعت من السماعة باردة مخيفة.
عايزك تفتكري كويس… مين اللي أنقذك زمان… ومين اللي تخلَّيتي عنه.
يتبع
