الفصل الخامس عشر فضل باصصلها و هو تايه فيها

كمل بمكر و هو بيتصنع الالم..
= متشليهاش بقى عشان لسه بتوجعني

حركت ايديها على اللزقه الطبيه بحنان و اتكلمت ببراءه
= نجيب الدكتور تاني

ريان بحنان و هو بيحط ايديه على ايديها
= لا انا عايزاك انتي

هزيت راسها بخجل و هي بتعض على شفايفها مقدرش يتمالك نفسه وقتها و قرب وشها منه و كان لسه هيقرب من شفايفها
لكن قاطعه عمر اللي دخل و اتكلم باحراج
= احم

بعدت حياة بخجل مفرط
اتحول ريان لكتله من الغضب استغربتها حياة و بص لعمر و اتكلم بغضب مفرط
= كمال الشناوي

عمر بهدوء = ماله

ريان بفحيح= عايزه اشوف بكره خبر في اول صفحه بان مصنع من المصانع بتاعته اللي مش متأمن عليها و.لع و نفذ دلوقتي

حياة بصتله بصدمه و خوف

عمر بطاعه= تمام هبلغ الرجاله و هيحصل دلوقتي

ريان بهدوء = تمام يلا

خرج عمر و حياة بصيت لريان بصدمه و هي بتبعد عنه
بصلها باستغراب
اتكلمت بغضب مفرط و صدمه
= انت كنت بتهزر صح !!!!!!!
بقلمي يارا عبدالعزيز

قام اتعدل و قعد على السرير و هو مستغرب طريقتها اتكلم بهدوء و بعض الاستغراب
= لا مش بهزر

حياة وقتها انفجرت فيه و اتكلمت بغضب مفرط
= انت ازاي بالقساوه… دي ازاي بجد ؟!!!!!!
انهارده الصبح امرت بان نڤين تتحبس في الارشيف الاوضه اللي مفيهاش نقطه هوا واحدة و من غير اكل و لا شرب و مفكرتش فايه اللي ممكن يحصلها لا و مكتفتش بكدا بس لا هتسلمها للشرطه و هترفضها و وقفت عيشها و هي عندها اخواتها و امها ملهمش غيرها و دلوقتي عايز تحـ.رق مصنع و مش مهم مين اللي هيبقى جواه و لا كام واحد هينقطع اكل عيشه لما المصنع دا يتحـ.رق ما انت لو كنت جربت في مره تلاقي نفسك في الشارع من غير مليم تصرف بيه على نفسك كنت حسيت
لو جربت في مره انك تفقد حد عزيز عليك كنت حسيت
دا حتى امك مسلمتش منك و بتعاملها اسوء معامله ايه الجبروت دا حرام عليك و الله اللي بتعمله في الناس دا انا كنت مستغربه ليه كل الناس بتترعب منك اوي كدا لحد اما عرفتك صح

قام وقف بهدوء و راح وقف قدامها و اتكلم بهدوء برغم من ان كلامها كان زي في قلبه
بصلها بجمود عكس اللي جواه من الم
= خلصتي ؟

حياة بصتله بخوف و هزيت راسها

بصلها و اتكلم بغضب مفرط و هو بيضـ.رب برجله الارض
= قولتلك متخافيش مني متخافيش
نڤين اللي صعبانه عليكي دي هي نفسها اللي حبستك انهاردة من غير ما تفكر ايه اللي ممكن يحصلك كانت فكرت في اخواتها و امها قبل ما تعمل اللي عاملته و بالنسبه لكمال الشناوي فهو بيحصد نتيجه اللي عامله هو اللي بدأ و البادي اظلم..

حياة بسخرية
= و امك الست اللي ربتك و جابتك الدنيا ايه !!!!!!

ضر.ب التربيزه برجله و اتكلم بفحيح و هو بيمسك ايديها بكل قوته لدرجه انها حسيت ان ايديها هتـ.نكسر تحت أيديه
= و انتي مالك ؟
انتي مين عشان تدخلي في حياتي و تقوليلي اعمل ايه و معملش ايه انتي واحدة اتجوزتها لسبب و لسه عارفها انبارح انتي مش من حقك تتكلمي معايا كدا و تسألي في حاجات متخصكيش

حياة بدموع= صح انت صح انا مين و انت مين
احنا مش حاجه لبعض خليك في الجناح بتاعك لوحدك بقى و انا هنزل انام مع ماما عشان مسببش ليك اي ازعاج ما انا مش حاجه بقى

كانت لسه هتمشي بس مسك ايديها و شدها عليه و اتكلم بندم = حياة حياة بطلي تبقي صغيره كدا

حياة بدموع = انا مش صغيره انا كبيره و بعرف اخاد بالي من نفسي و مش محتاجك لا انت و لا غيرك اعمل اللي انت عايزاه مـ.وت دا و احـ.رق دا و قول انا باخد حقي عن اذنك

بعدت ايديه عنها تحت نظرات الندم الشديد منه و اتكلمت بحده
= عن اذنك يباشا

كانت لسه هتخرج من باب الاوضه بس وقفها صوته
= حياة

التفتت ليه بغضب مفرط و لكن انصدمت بشده لما لاقيت

…يتبع….