نور بنعس: ميار يلا قومي صلاة الفجر
ميار __
نور بصت ليها: يلا قومي بقا جربي صلي الفجر كدا ترتاحي والله اوى حتى علي الأقل علشان خاطر ربنا قومي المره دي صلي الفجر ودعي تحسي بالراحة جداً والله
ميار بتعب: نور روحي صلي و نامى بقا علشان بكره في دروس الصبح بدري
نور بالعند: لا مش هنام اخلصي قومي بقا يلا هو انتي صغيره علشان مش تصلي دا انتي كبيره
ميار بزهق: نور انا بدأت اتعصب روحي صلي انتي وانا هقوم شويه كدا
نور جت تكلم احمد فتح الباب داخل
احمد: ميار فين الشاحن بتاعك علشان الشاحن باظ بتاعي
ميار بعصبيه: اطلع بره علشان مش كل شويه هاتي الشاحن هاتي الزفت
احمد ببرود: هاخد غصب عنك الشاحن. راح فصل الشاحن من الفون بتاعها راح اخدو
ميار قامت من علي المكتب بغضب: اااحمد اقسم بالله العظيم مش هتاخد الشاحن علشان انا الشاحن باظ بسببك
نور: اديله الشاحن يا ميار هو اخوكي برضو
احمد بضيق: لا هي مش عندها ولا غالي أبداً
عمومأ تمام لو جيتي طلبتي حاجه مني والله العظيم مش هسأل فيكي تاني
راح طلع.
نور بزعل: هو زعل منك حرام بلاش تزعلوا بعض انتوا اخوات.
ميار بعصبيه: بس يا نور هو باظ بسببه مش عاوز يجيب لي شاحن ليه
نور بهدوء: تمام اللي اللي يريحك ي ستي المهم يلا روحي توضي و اطلعي صلي تصبحي على خير
راحت طلعت.
شافت احمد قاعد في الصالون بيحاول يشغل في الفون.
نور رجعت الاوضه تاني. راحت جبت الشاحن.
ميار بضيق: سيبي الشاحن يا نور نور: لا خلي يشحن الفون وانتي ابقي اشحني بقا
ميار بعصبيه: قولت لا لا لا
نور عند فيها اخدت الشاحن.
راحت ادت الشاحن لي
نور: الشاحن اهو
ميار طلعت بغضب: نورررر ااانتي بدخلي نفسك ليه فيهه اللييي ملكيش فيههه.
نور مهتمتش بالكلام.
احمد بهدوء: خدي الشاحن اهو وانا هجيب واحد الصبح مش عايز منك حاجه اصلا
ميار اخدت الشاحن راحت دخلت
نور بزعل: معلش متزعلش بقي هات ليك شاحن ان شاءلله
احمد بزهق: بلاش تتعودي علي ميار اوى احسن ميار دي غادرة تغدر بأي حد بلاش تعندي فيها نصيحه مني ليكي علشان متندميش بعدين. قام داخل الاوضه بتاعته بضيق من ميار
نور باستغراب: انتي فعلاً غريبه اوى يا ميار تبقي حلوة حلوة مره واحده تتغيري لوحدك. ربنا يهديكي. راحت اتوضت وصلت قرات الأذكار بعدها نامت
♡__________♡__________♡
في يوم جديد في الصبح.
حياة الصغيره بدات تقوم وتعيط
ساره قامت بسرعه لما سمعت انها بتعيط شألت حياة دخلت المطبخ تعمل ليها لبن صناعي.
بعد ما خلصت دخلت الاوضه اتغضت هي وهي بدات تشرب ليها اللبن
——————————————-
كريم قام فتح الفون شاف المكالمات بتاعت وليد. قام داخل الحمام اخد دش بعدها خلص طلع صلي صلاة الصبح.
بعدها طلع راحت الاوضه بتاعت سارة
سارة بصت لي بإبتسامة: بتشرب اللبن بتنام تاني اهي
كريم قعد جنبها علي السرير ابتسم ابتسامه كلها حزن
سارة شايفة قد اي ملامح وشه عليها حزن و التعب
كريم اخد حياة شالها باسها من خدودها
حضـ,ـنها جامد
_________________________
في منزل السيوفي.
الكل منهم كان موجود في الصالون
شهد بإبتسامة: ميار عيد ميلادك انهارده كل سنه وانتي طيبه ياروحي
ميار بإبتسامة: وانتى طيبه ياقلبي
نور كانت طالعه من الاوضه سمعت قالت بإبتسامة: كل سنه وانتي طيبه يروح قلبي العمر كله ليكي يارب السنه الجايه تجي كده وانتي محققه كل حاجه نفسك فيها
ميار بإبتسامة: وانتي طيبه ي جميل
الكل بدأ يعيد فيها
نور: خالتو عندي درس انا ماشيه
اميرة: ماشي ي حبيبتي خدي بالك من نفسك.
نور: حاضر يا خالتو. راحت مشيت.
ميار هي كمان كان عندها درس مشيت
اميرة بهدوء: شهد
شهد بصت ليها: نعم يا مرات عمي
اميرة بإبتسامة: انعم الله عليكي ي حبيبتي اومال فين أمال
شهد: تقريباً لسه نايمه ولا ايه مش عارفه
قاامت علشان تمشي
اميرة باستغراب: لابسه كده راحه فين دلوقتي؟
شهد: هروح عند تيته
اميرة بهدوء: تمام اقعدي هناك بقا كام يوم بلاش تروحي تجي كل شويه
شهد بإبتسامة: حاضر عاوزه حاجه
اميرة: سلامتك يا حبيبتي خدي بالك من نفسك
احمد طلع من الاوضه: استني انا وصلك
شهد بسرعة: لا
احمد بغضب: لا ليه ان شاءلله
اميرة بهدوء: احمد اهدي خلاص هي تمشي لوحده
شهد: انا امشي لوحدي سلام يا مرات عمي
جت تخرج من الباب
احمد بغضب: هو انا مش بتكلم معاكي يا حيواااانه اانتي
شهد وقفت بهدوء: احمد في ايه انا امشي لوحدي.
اميرة: احمد بقولك اهدي شويه بصت ل شهد: امشي ي بت
شهد راحت مشيت
اميرة بهدوء: هو انت
بتحب شهد صح؟
احمد ____
اميرة: علي فكرة انا عارفه و فاهمه دماغك كويس علشان انا امك عارفه انك بتحبها بس عاوزه اقولك كلمه واحده اللي بيحب حد مش بيأذيه او يوصله ل طريق غلط
احمد بعصبيه: انا مش فاهم تقصدي اي بأكدا اصلا وبعدين انا ولا بحب ولا بتاع
اميرة اتنهدت وقالت: انت فاهم انا قصدي اي كويس عمومأ انا قولت اللي عندي لو بتحبها حافظ عليها مش تعمل حاجه تأذيها. وخاف ربنا
مشيت من قدامه
احمد اتنهد بغضب جواه راح ماشي طلع من البيت خالص.
♕_____________________♕
نور كانت ماشيه علي الطريق شافت قدامها مكتبه راحت تجيب منها حاجات. وقفت بصت علي المكتبة بصت ليها في كل ركن فيها بتبحث علي حاجه ب عيونها بتقول يارب تلاقي اللي في بالها.
شافت بالصدفة اللي هي عاوزه بقت فرحانه من جواها.
بنت طلعت ليها بإبتسامة: اي اوامر حضرتك
نور بإبتسامة: الأمر لله وحده
بدأت تجيب الحاجات اللي هي عاوزه بعدها مشيت علي الدرس.
وهي ماشي كان في حد عمال يتكلم كلام مش مفهوم ليها
نور كانت ماشيه مش مهتمه بالكلام بتاعته
الشاب فاضل ماشي وراها يتكلم يقول كلام مش كويس.
