نور دخلت المطبخ. لقت اميرة.
نور: بتعملي ايه يا خالتو.؟؟
اميرة بإبتسامة: بعمل نسكافيه ل ميار. اعمل ليكي انتي كمان اي رايك؟
نور بإبتسامة: سبيه وانا اعمل انت يا خالتو.
اميرة: لا يا حبيبتي
نور: بس روحي علشان الجو برد عليكي وانتي واقفه كده انا هعمل لينا احنا التلاته روحي اقعدي انتي.
اميرة ضحكت: يعني برد عليا مش برد عليكي يا نور.
نور بإبتسامة: اه روحي بقا علشان نجي نقعد مع بعض دلوقتي.
اميرة بإبتسامة: طب ماشي اللي يريحك. وطلعت. نور بدأت تعمل النسكافيه.. بعد ما خلصت. راحت الاوضه دخلته راحت الاوضه بتاعتها جابت الدبدوب و الشوكولاتة راحت ليهم الاوضه بتاعت ميار. طلعت علي السرير جنبهم اتغطت هي و الدبدوب.
( الدبدوب بقا واحد من البيت كمان 😂)
ميار ضحكت جامد: نور ناقص تخليه ياكل معانا كمان انا لو منك قومي هاتي لي هدوم علشان يلبس من البرد.
نور بعبث: حبيبي دا اكيد جعان و كمان بردان.
اميرة بضحك: مش لدرجه دي يا نور يا حبيبتي.
بقا قاعدين في جو هدي مع نفسهم في هزار و ضحك.
نور مسكت فون ميار بدأت تتصور مع بعض هما الثلاثه و الدبدوب..
نور بحب: خلي الصور دي عندك يا مرمور احلي الذكريات واحنا مع بعض لما اجيب فون ان شاءلله تبقي تبعتي لما الصور دي كلها.
ميار بإبتسامة: يااه التلفون بتاعي من ساعه لما جبت مفيش في ولا حاجه حلوه مفيش ذكريات مع صحاب ولا مع اهلي اهو انهارده عملت فيه ذكره حلوة منك انتي و ماما.
اميرة بإبتسامة: خليكم دايما مع بعض حلوين خلي ما بينكم حاجه اسمها حب و صدقه بلاش تكرهوا بعض يوم من الأيام. قالت بحزن شديد: انا و اختي منال الله يرحمها يارب كنا مش اخوات بس احنا كنا ام و اب لبعض. كنا فعلاً صحاب صحاب كنا احنا الاتنين بنحب بعض جدا نخاف علي بعض اوى كنا دائما لما واحده فينا تتعب التانيه كنا تفضل تعيط بدل الدموع دم علي التانيه كنا متعلقين ببعض اوى اوى. بس من بعد ماانا اتجوزت وهي كل واحده فينا الحياة اخذتها ولهت كل واحده فينا عن بعض. حتي السؤال كان غصب عننا برضو كل واحده كانت جوزها صعب معاها.
نور بدأت تعيط جامد.
ميار بصدمه منها: ماما ياريتك ما كنتي قولتي حاجه اهي عيطت مش هنعرف نخليها تسكت خالص.
اميرة حـ,ـضنتها بدموع. كانت حـ,ـضنها فيها جامد و في عيونها دموع. مش قادره تهدى فيها من شده الحزن و الدموع.
ميار بحزن: كفايه بقا انتوا الاتنين ليه بتعيط و ادعوا لها بالرحمة احسن من ده كلة كفايه يا ماما هدي فيها بدل ما بتعيطي انتي كمان
اميرة طلعتها من حـ,ـضنها بدأت تمسح دموعها: اهدي يا نور خلاص اهدي.
نور بعيط: هي وحشاني اوى اوى والله ماما.
اميرة بحزن: وحشنا كلنا والله.
ميار: صلي على النبي كده في اي يا ماما انتي وهي.
اميرة و نور: عليه افضل الصلاة والسلام..
اميرة بصت ل نور اللي حصل بتبكي بصمت.اتنهدت وقالت: نور كفايه يا حبيبتي عياط.
نور كانت مش قادره تمسك دموعها جواها حزينه.
ميار بزهق: كفاااايه بقااا يااا نكديييه الله. افتكرت حاجه. قالت علشان تضحك: بقولك ايه يا نور
نور بصت ليها بدموع: امم
ميار بضحك: اي رايك اجبلك احمد يضحكك.
نور بدموع؛ لا مش تجيبي حد يضحكني مليش نفس اضحك
ميار بصت لها قالت: يغوتتي😂
نور ضحكت جامد غصب عنها وفي عيونها دموع.
اميرة غصب عنها ضحكت هي ايضأ. قالت بابتسامة: علي طول تضحكي فيها كدا يا ميار.
ميار بإبتسامة: لاز نخليها تضحك علشان الوجه الجميل ده ملهوش الحزن اصلا.
نور قاامت حـ,ـضنت ميار جامد قالت بحب: انا بحبك.
ميار بإبتسامة حـ,ـضنتها جامد: وانا بحبك كمان يغوتتي.
نور ابتسمت عليها.
اميرة بصت علي الساعة كانت 2/30.قالت: يا بنات كل واحده تنام الوقت اتأخر.
سمعو صوت عالي في الصالون.
نور بخوف: في اي يا خالتو هو بيزعق ليه.؟؟؟؟
اميرة بهدوء: مش عارفه.
ميار،: تعالو نشوف في اي.
قامو طلعو بره..
اميرة: في اي يا احمد انت وليد بيزعق ليك ليه.
احمد بنرفز: مش عارف انام من ساعة اما جيت وهو بيزعق علي الفاضي مش عارف اي ده والله
ابو وليد بغضب: مش عارف بيزعق ليك ليه واحد كل يوم سهران لحد نص الليل ومش عارف ليه.
احمد بعصبيه: عمي لو سمحت انا مش صغير علشان حد يجي يقولي انت سهران فين لحد دلوقتي ما كل واحد حر في نفسه وبعدين هكون سهران فين يعني سهران في قلب الشارع بتاعنا انا بقعد هنا بره انا و اصحابي
محمد بحدة: اااحمد ااتكلم بهدوء مع عمك و ابن عمك انت مش وخد بالك ان صوتك عالي مع اللي اكبر منك ولا ايه.
اميرة بهدوء: صلي على النبي مفيش حاجه لكل ده وبعدين احمد بيقعد بره في الشارع يا وليد مش بيروح مثلا علي القهوة زي مانت ما فكر ولا حاجه والله.
وليد اتنهد وقال: عليه افضل الصلاة والسلام والله يا مرات عمي ولا بتحكم فيه ولا حاجه كل المشكلة مش عايزو ولا يقعد مع صحاب سوء ولا حتي يقعد علي القهوه علشان هما دول اللي يوصلوا الطريق اللي الغلط
احمد بزهق.: تشكّر يا غالي كلك واجب والله.
وليد بنرفز: انت كل حاجه عندك بسخرية وتريقه كده هو انت اي بالظبط يا بني.
احمد بهدوء: هو انا قولت حاجه بقولكم تصبحوا علي الجنة ان شاءلله. داخل الاوضه بتاعته ينام.
محمد بتعب منه: لا حول ولاقوة الابالله الله يهديك يا احمد يا بني
ميار بضيق جواها: قد اي دايما تبقي خايف علينا ياا ابن عمي يبقي قلبك علينا
نور جواها كانت هتمـ,ـوت من الغيظ منه نفسها ترد عليه اللي عملو فيها.
اميرة بصت ليهم هما الاتنين لقيتهم سرحانين كدا.
قالت باستغراب: مالك يا سرحانه انتي وهي هاا.؟؟؟؟
نور و ميار اخدو بالهم.
ميار: هاا لا مفيش انا هروح انام بقا علشان انا عندي درس الصبح بدري. تصبحي على خير ياقلبي تعالي نامى معايا في الاوضه يا نور. و دخلت الاوضه بتاعتها
نور بنعس: وانا كمان يا خالتو تصبحي على خير يا عمري. بصت خدها. وراحت دخلت عند ميار علشان تنام.
اميرة ابتسمت عليها من قلبها. وراحت الاوضه عند احمد.
_________________________
نور بغيظ: عارفه يا ميار انا بكرهه اوي اللي اسمه زفت وليد ده علشان هو دائما يزعق لكل كده ومتعصب هو مش بيحب البشر اصلا الحيوان ده.
ميار بعصبيه: نور اتلمى لمي لسانك احسنلك نامى وانتي ساكته بقا.
نور باستغراب: هو بيزعق لينا دائما و عصبي حتى احمد زعق لي دلوقتي مش تزعلي عليه اصلا.
ميار بغضب: بالله نامى و اسكتي احسن اقسم بالله العظيم اروح اقوله كل ده اخليه يجي يقطع لسانك المره دي و ده مش كلام.
نور بزعل: كدا أهون عليكي يا مرمر.
