رواية فريده الجزء الاول الحلقه الثانيه بقلم الكاتب محمد منصور حصريه وجديده
وهنا عبد الله بص وراء عادل ناحية جيهان مرات عادل وقال
دي المدام
بص عادل وراء ل جيهان اللي كانت لابسة الروب وبتقول لعادل وهي بتبص ل عبد الله باستغراب
مين دة يا عادل
عبد الله
انا المفروض كنت حماه لكن النصيب
جيهان
مش فاهمة
عادل ل جيهان
جيهان خشي جوة
جيهان ما اتحركتش وفضلت باصة لعبد الله قلقانة منه وعادل قال لها
جيهان اية ما سمعتنيش
هنا جيهان اتحركت وكانت رجليها تقيلة الفضول بيقتـ,ــ,ـلها عايزا تعرف مين دة. وقفلت باب الاوضة وهي بتسمع صوت عادل بيقول
افتكر انك تمشي دلوقتي وبهدوء احسن ما اتصل بالبوليس واخليهم يجوء ياخدوك من هنا بفضيحة
عبد الله
وهتستفاد اية. اسمع يا ابني انا عايزك تنسي اللي كان بينك وبين فريدة الله يرحمها وفكر في مستقبلك اللي ممكن يضيع بسبب مخك الناشف
عادل
فريدة دلوقتي في دار الحق وانا وانت في دار الباطل ومش هستغرب ان في الزمن دة يجي اب يطلب من دكتور طب شرعي انه يطلع بنته خاينه
عبد الله
علشان دي الحقيقية
عادل
الحقيقية انا اعرفها اكتر منك
عبد الله
انت باصص لها بعين العـ,ـاشق لكن عـ,ـايزك تفتكر ان فريدة دي جه عليها يوم ورفضتك
عادل باستهزاء
لا بجد يعني مش انت اللي وقتها قولت عليه اني مجرد خريج مستـ,ـقبله ملهوش اي ملامح
عبد الله
لا يا عادل بنتي هي اللي رفضتك
عادل باستهزاء اكتر
دة انت لسة قايل انا اللي رفضك دلوقتي بتقول هي اللي رفضتك
عبد الله
مش هتفرق لكن باين عليك انك لسة بتحبها وبسبب حبك ليها كتبت تقرير يودي جوزها ل حبل المشنقة
عادل
انت غلطان يا استاذ عبد الله واللي كان بيني وبين بنتك خلص وانا كتبت اللي يرضي ربنا وضميري
عبد الله صوته اتغير وقال
صح بنتي مظلومة وهي ما خانتش جوزها. اوعي تغي،،،،،
لكن عبد الله بدا يتصاب بحاله من حالات التشنج ووقع علي الارض وحط ايدة علي بوقة كان بيكتم نفسه قرب منه عادل وهو مصدوم وبيقول
بتعمل لية كدة
وشاف عادل. ان عبد الله بدا يتخنق مسك عادل ايد عبد الله وحاول انه يبعدها عنه لكنه ما قدرش واتوقف عبد الله عن الحركة و هنا جيهان تقف وراء عادل وتقول
هو مات
بص لها عادل وقال
ما عرفش
جيهان
انت مش دكتور اعمله انعاش للقلب
هنا عادل حط ايدية الاثنين علي صدر عبد الله وبدا يضغط ويضغط ويعمل انعاش يدوي للقلب وفعلا القلب استجاب ورجع تاني للحياة وهنا يفتح عبد الله عيونه بطريقة خوفت عادل اللي رجع لوراء من الخضة و عبد الله وقف ونفض هدومة وكانه ما كنش لسة ميت ورجع للدنيا. وقال ل جيهان
ياريت يا مدام تعقلي جوزك وتخلي ملف الجنايات اللي تحت ايدة. يكتب في تقرير يخليها تخلص من غير خساير ولو مش خايف علي نفسه يخاف عليكي وعلي في بطنك
وبعدها خرج عبد الله من الـ,ـشقة وعادل باصص ناحية الباب مش مصدق اللي شافه وجيهان بصت ل بطنها وقالت
اللي في بطني. ازاي وانا ما بخلفش
بص لها عادل وهنا جيهان قالت
مين الراجل دة يا عادل واية اللي قاله دة
عادل قام وقفل باب الشقة وقعد علي الركنة ياخد نفسه لسة مش مصدق اللي شافه وجيهان قعدت جنب منه وقالت
عادل ما تسبنيش كدة ورد عليه
بص لها عادل وقال
دة يبقي ،،،،،،
ونرجع لكام سنة وراء وعادل قاعد في شقة عبد الله وفريدة قاعدة قصاد منه وبتقول وهي بتبص ل عبد الله
اية رايك في بابا يا عادل
عادل
عمي دة احسن الناس
عبد الله
سيبنا من المجاملات وقولي. تمتلك اية
عادل بص ل فريدة مستغرب السؤال وهنا فريدة قررت ترد بالنيابة عن عادل وقالت
بابا عادل لسة متخرج وهيبدتي حياته
عبد الله
