مرام : ياالله شو اسمك حلو …قلي شو عم يوجعك
زين : رجلي عم توجعني
مرام : خلص لاتخاف رح وصلك لعند الدكتور وبنتطمن عليك ….لو سمحت مالك شيلو وجيبو ع السيارة
مالك : حاضر
اخذت مرام زين الى الطبيب واطمنت عليه وان رجله سليمة فقط رضوض بسيطة …واخذته الى منزله في حارة فقيرة وحملته ودخلت به وحكت لامه كل الذي حصل وكانت تتكلم مع زين وزين احبها كثير
ام زين : والله مابعرف كيف بدي اتشكرك
مرام : ولو انا ماعملت شي هيدا واجبي ….بس ليش عم تخليه يشتغل هالشغل
ام زين : والله من ديقة الحال مافي غير انا وزين عايشين لحالنا وابوه تركنا من زمان واخواتي مابيتعترفو علي واذا انا اشتغلت بيجو وبياخدو المصاري مني وبيصرفوهم ع القمار وعايشين من هالكم دولار يلي بطلعون زين بشغلو انهار دولار وانهار دولارين يادوب يجبولنا الخبزات ..والحمد لله احسن الشي
مرام: خلص طولي بالك انا رح ساعدك رح ظبطلكن البيت لانو بأي لحظة ممكن ينزل عليكم وزين مابدي اياه يرجع يشتغل بالشوارع ورح خصصلكم راتب شهري بتعيشي منو انت وابنك وزين بيروح عالمدرسة افهمتي
ام زين : بس يامدام هيك كتير
مرام : مافي شي كتير على زين الحلو …المهم متل ماوصيتك زين بدو يروح ع المدرسة …
ام زين : حاضر
اتصلت مرام بغسان وجاء اليها
مرام : غسان بدك قلك شو تعمل ولا بتعرف لحالك
غسان : ولو يامرام مابدنا توصاي
مرام : اوك يلا شوف شوبدك تعمل وبلش تنفيذ …واقتربت من زين وقبلته على خده وذهبت
…..كانت متجهة نحو المنزل كانت تنظر من النافذة وشاردة وتقول : ليش هيك الدنيا ليش القوي بياكل الضعيف ليش هالدنيا ظالمة الله يفرجها احسن الشي …
وصلت الى المنزل كان ليلى وهبة وعليا جالسين في المطبخ سمعت صوتهم واتجهت اليهن
مرام : هاااي ياحلوين
الجميع : هااااي مرام
مرام : شو هالجمعة الحلوة
عليا : انت الحلو ياحلو
رأت فناجين قهوة على صينيةعلى المجلى
مرام : كان عنا ضيوف ؟؟
عليا : اي كان هون اهلها لهبةعم يطمنو عليها
مرام : عنجد اي منيح وكيفون اهلك ياهبة
هبة : الحمد لله بخير بسلمو عليكي
مرام : الله يسلمك ….شو لول ليش ماعم تحكي
ليلى: لا مافيشي
مرام : لأ فيه احكي شو صاير معك
ليلى : ممكن نحكي على انفراد
مرام : اوك انا طالعة غير تيابي تعالي معي بنحكي
عليا : حبيبتي مرام حضرلك الغدا
مرام : اي والله ياريت لانو كتير جوعانة …
………..
في غرفة مرام تجلس مع ليلى وليلى حكت لها ماحدث بينها وبين كرم
مرام : ليلى بصراحة انا غيرت رأي فيه لما عرفت انو هو كرم صديق يوسف بصراحة هيدا الشب كتير منيح انا برأي عطيه فرصة لانو هو الوحيد مازعجني … واذا هو حبك متل ماقلتي عطيه فرصة
ليلى بفرح : انت عم تحكي جد
مرام : اي والله جد واصلا هو ماكتير غني متل يوسف
ليلى : بس كيف بدي اعطيه فرصة وكيف بدي اوصلو
مرام : اذا بحبك رح يحاول مرة وتنتين وتلاتة
ليلى: تسلملي ياحلا اخت بالدنيا
مرام : يلا نزلي هلق بس لحتى اخد شاور وبعدها بدي روح لعند عمو ويمكن نامو عندو
ليلى : اوك
خرجت ليلى ومرام بقيت مكانها وبدأت تبكي وتنزل الدموع التي تحبسها طوال النهار : هه انا عم انصح العالم وبساعدهم بس انا مين بدو ينصحني ااااااخ ياقلبي والله معد احمل هالعيشة كل انهار مصيبة وكل انهار صدمة والله معد فيني ليش بحس كل مصايب الدني بتجي لعندي انا وبس…. والله مافي نوع من انواع العذاب بهالحياة ماجربتو اااخ ياربي والله تعبت وبعدين شو ؟
…………………………….
في منزل يوسف كان جالس مع رزان كانت تجلس بجانبه وتحاول ان تفتح معه مواضيع هو كان يجاوب بأي او لا …فزهقت منه
رزان : انا بدي فل عبيتنا ممكن توصلني
يوسف : اوك تفضلي
في السيارة على الطريق
مدت يدها رزان لتمسك يد يوسف
يوسف سحب يده بسرعة
رزان : يوسف ليش هيك عم تعاملني انا خطيبتك ومن حقي امسك ايدك
يوسف : رزان نحنا احكينا من قبل وقلتلك مابحبك وانو مارح نكمل انا كنت عم فكر نترك بهل الفترة بس يلي عم يأخرني هية امي
رزان : طيب ليش عطيني سبب يمنعك من انك تقرب مني ونتعرف على بعض
يوسف : بالمختصر انا بحب وحدة غيرك
رزان : طيب ليش ماتزوجتها
يوسف : كانت مختفية ومابعرف عنها شي
رزان : كانت !! يعني رجعت ظهرت
يوسف : اي وانا مستحيل كمل حياتي مع وحدة غيرها مشان هيك ريحي حالك ولاتحاولي معي
رزان : يوسف انا بدي افسخ الخطبة واليوم قبل بكرا
يوسف : بترجاكي رزان بس هالفترة مشان امي
رزان : بس انا معد احمل ..
يوسف : اطلبي يلي بدك اياه وانا جاهز بس هالفترة الله يخليكي خليها تمرق على خير
رزان : اطلب ايا شي متل شو ؟؟
يوسف : بكرى رح يكون عندك احلا سيارة وموديل سنتها واذا بدك بشتريلك شقة وبسجلها بأسمك
رزان فرجت كثيرا لكنها لم تظهر هذا الشيء ليوسف : لا شكرا انا مابدي منك شي خلص متل مابدك رح كمل بهالمسلسل لشوف شو اخرتها
يوسف : شكرا كتير رزان بس الشقة والسيارة خلال اسبوع بكونو عندك
…….
اوصل يوسف رزان وعاد الى منزل تطمن على امه وبعدها ذهب الى غرفة كرم
طرق الباب ودخل
يوسف : كرم وينك ماشفناك اليوم
كرم : هون ماطلعت ع مكان
يوسف : كرم شبك ليش هيك مانك على بعضك
كرم :امبارح لما كنا بالمشفى قابلت ليلى واحكيت معها
يوسف : شو كانت عم تعمل …وشو قالتلك
كرم : مابعرف قال صاحبتها ….. يمكن مرام معباي براسها قال شو خايفي يصير فينا متلكن انت ومرام قال مابدها تغامر وقال هية مابتنكر انو في شي جواتها تحرك تجاهي
يوسف : مرااام …ااااخ ليش عم تعمل هيك عم توجع حالها والحواليها
كرم : يوسف كيفك انت
يوسف : هه الحمد لله من الله بخير …..انا رايح مشوار بدك شي
كرم : لا سلامتك بس ع وين
يوسف : بعدين بقلك باي
كرم : باي
خرج يوسف وكان قد حل المساء وذهب اتجاه منزل مرام وقف بسيارته وبدأ يراقب الفيلا لعله يراها ويبرد قلبه …..
فجأة تخرج مرام بسيارتها من بوابة الفيلا وكانت بكامل انقتها …ولحقها يوسف …توقفت عند مطعم دليفيري احضرت طعام ثم خرجت …ركبت السيارة واتجهت الى شقه عمها ….. ويوسف يتبعها يوسف عرف ان هذا المنزل لهشام لان سليمان احضر له العنوان ….نزلت مرام من السيارة ونزل ورائها يوسف صعدت الى الطابق الذي توجد به الشقة ..طرقت الباب وفتح لها هشام واخدها بالاحضان يوسف كان مختبئ ويشاهدم وكان النار تشتعل بقلبه وتمنى ان يذهب ويخلص على هشام من غيرته ومن قربه من مرام ..
دخلت مرام واغلق الباب عليهم
اقترب يوسف ووضع اذنه على الباب
كانت مرام تقول : لو تعرف انا شو شتقتلك …كتير تعذبت بغيابك وصار معي كتير شغلات بدي احكيلك اياها … يعني اليوم السهرة صباحية
هشام : وانا اشتقتلك كمان ياعمري …وبعدها الصوت اصبح بعيد ولم يعد يسمع شيء…..و من كمية الغضب التي بداخله بدأ يضرب بيده على الحائط ….ثم نزل واتجه الى منزل سليمان
………………..
مرام حضرت العشاء لها ولعماها وجسلو تعشو سويا
هشام : مرام حبيبيتي باين عليكي كتير تعبانة قوليلي ياعمو شو صار معك بغيابي
مرام انفجرت من البكاء …قام هشام اليها وضمها على صدره ثم سحبها من على الطاولة وجلسو على الاريكة جلس هشام وجلست مرام بجواره ووضعت رأسها على كتفه وبدات تقول له كل شيء بداخلها …مرام ترتاح بوجود عمها كثيرا …
…………………………..
في منزل سليمان ..يطرق الباب يوسف فتح له سليمان وكان يرتدي بجامه وشعره منكوش
يوسف : شو كنت نايم في حدا بنام من هلق لك الساعة تسعة
سليمان : هههه لا هلق فقت من اول ماجيت من الشغل وانا نايم
يوسف: بدي احكي معك بموضوع ضروري
سليمان : اي تفضل …
دخلو وجلسا في الصالة
يوسف : سليمان لحقني رح انجلط لك ماعم افهم شو عم يصير حوالي
سليمان : شوفي شو صاير معك
يوسف : لك راحت لعندو ع البيت اسمعتها باداني عم تقلو اشتقلك مشان الله قلي شو اعمل والله ماعم استحمل فكرة انها هلق معو بنفس البيت
سليمان : مين هيدي وعوين راحت
يوسف : مرام راحت عبيت هشام ودخلت لعندو وصارت تقلو انها اشتاقتلو اكيد في شي بيناتون
سليمان : يوسف اهدى وخلينا نفكر ع رواق احسن مايصير معك متل المرة الماضية
يوسف : ااوووووف يالله والله عم موت انا
سليمان: يوسف مرام صاحبة دين وهشام كمان والدليل انو كان مسيحي واسلم واليوم اجا من العمرة يعني اكيد مارح يعملو شي مع بعض بالحرام …
يوسف : سليمان ع وين بدك توصل
سليمان : قصدي ممكن تكون مرتو
يوسف : يافهيم ما انت جبت المعلومات اليوم وقلت انها مانا متزوجتو
سليمان : ممكن تكون متزوجتو بالسر او زواج عرفي
يوسف : انا لازم اتأكد
سليمان : اكيد حدا بالشركة تبعتهم بيعرف شي واحمد اكيد بيعرف وهيدي يلي بحبها كرم كمان يمكن بتعرف ..خلص اتركها علي يومين وبتكون كل المعلومات عندك
يوسف : بدي انطر يومين
سليمان : يعني شو طلع بأيدي بدي روح واسأل بالشركة ..
يوسف : اوك ماشي ….يلا سلام
سليمان : عوين رايح بعد ماشربناك شي
يوسف : شكرا غير مرة
خرج يوسف وخرجت نسمة من الغرفة
نسمة : حبيبي شبو يوسف
سليمان : مشغول بموضوع مرام رح يجن عليها
نسمة : نيالها مرام اشقد يوسف بحبها ومستعد يعمل اي شي عشانها
سليمان : بس مايكون ماعاجبك حبي مدام نسمة
نسمة : لا ماهيك انت مافي منك ومافي متل حبك
سليمان حملها واتجه نحو غرفة النوم وقال : هلق بدي فرجيكي الحب على اصولو هههههه
………………………….
في منزل هشام
عمها كان يسمعها ودموعه ايضا تسيل من حزنه على مرام ..مرام حكت له كل شيء عن المشكلة التي اكتشفتها بأنها لن تكون ام بيوم من الايام وكيف انقذت هبة وكيف التقت بمها وبعدها بيوسف …..
وبدأ يتناقشو بموضوع يوسف
هشام ؛ ميمو حبيتي كأنك زوتيها على يوسف يعني الزلمي قلك كلشي صار معو بوضوح ليش حملتيه المسؤولية الو بكلشي صار معك لاتنسي انو هيدي كتبة رب العالمين
مرام : لو كان معي يومها كان خفف عني كتير
هشام : تخيلي حالك محلو ودخلتي ولقيته بحضن وحدة تانية شو بتعملي اكيد رح تتركيه
مرام : بس كنت اسمعتو
هشام : هالحكي كذب … كل واحد بينحط بهالموقف وبشوف بعينو الخيانة مستحيل يسمع مبررات التاني
مرام : بس ماكنت ضربتو وزليتو
هشام : هلق هو بهيدي غِلط بس والله حرام عليكي سامحيه
مرام : والله انا من قلبي مسامحتو من زمان
هشام : ارجعيلو وكملو حياتكم مع بعض انتوبتحبو بعضكم وهو قال انو بعدو بدو اياكي
مرام : شو نسيت انو خاطب
هشام : هلق بعدك عم تقوليلي انو خاطبها مشان امو
مرام : طيب وانا
هشام : شو انت
مرام : مابقدر كون ام او كون ام لولادو
هشام : شو انت اكرم من الله
مرام : اكيد لا بس ليش لحتى نبني احلام ماممكن تتحقق ..بترجاك عمو سيرة يوسف لاتجبلي اياها خلص شلتو من حياتي من زمان ….بدي قوم نام بون وي
هشام : بون وي
……………………………
مر يومين على نفس الحال …كان اليوم جمعة وقررت عائلة يوسف ان تجتمع بمطعم …
في مطعم فخم كبير مخصص للعائلات كان المطعم مقسوم نصفين نصف داخلي للعائلات الكبيرة وكان يحتوي على طاولات كبيرة والنصف الخارجي طاولات عادي للعائلات الصغير ويفصل بين القصمين جدار من الزجاز معكوس أي ان الذي بالداخل يستطيع ان يرى الناس في الخارج لكن الناس في الخارج لاتستطيع رؤيت من في الداخل وكان يوجد بالمطعم صالة للاطفال …اختارت عائلة يوسف قسم من الداخل ..كان موجو يارا وزوجها ويوسف ورزان ومنار ومحمد وسارة وكرم والاطفال لكن الدكتور محمود لم يأتي بعد …طلبو طعام وبدأو يأكلو
……………………
مرام كانت معها ليلى كانتا في دار الايتام ومعهم طفلتين من الميتم ومسؤلة من الميتم ترافق الطفلتين اية وشهد والمرافقة اسمها سوسن …كانو في السوق واشترت مرام لشهد واية ملابس كثيرة والعاب واحذية واكسسوار ..مرام دائما تذهب الى الميتم وتخرج معها طفلين تشتري لهم ملابس والعاب وتغديهم وتعيدهم الى الميتم ……دخلت مرام الى نفس المطعم كانت تمسك بالطفلتين بيديها ….جلسو بالقسم الخارجي …
اية وشهد : ماما مرام ممكن ننزل نلعب بالالعاب لحتى يجي الاكل
مرام : اكيد ياعمري بس انتبهو على بعض
اية وشهد : حاضر
…………………..
على طاولة يوسف
نظرت سارة اتجاه الخارج كانت تأكل وبفمها الشوكة عندما رأت مرام تفاجئت وبدأت تسعل
يوسف بدأ يدق على ظهرها :سارة شبك انتبه على حالك وانت عم تاكلي
سارة شربت ماء : اتطلعو لهنيك مش هديك هية مرام
نظرو جميعا يوسف شرد بملامحها الجميلة وكيف كانت تكلم الطفلتين وتضحك لهم …كرم نظر ووجد معها ليلى وبدأ قلبه يخفق بسرعة وايضا جلس يتأملها منار ومحمد ويارا وعمر انصدمو بها وماذا تفعل هنا …رزان لم تفهم شيء لم تعرف من تكون مرام اصلا
منار : ماما يوسف هيدي هية نفسها مرام
يوسف بتنهيدة : اي هيدي هية
منار استغربت من ردة فعل يوسف وتوقعت ان تكون ردة فعله غير هذه ..ايضا الجميع توقع من يوسف ان يقوم ويذهب اليها
منار : يوسف انت منيح
يوسف : اي ماما
سارة احست ان الجو متوتر فقررت ان تأخذ رزان الى الحمام لكي يتكلمو براحتهم : رزان ممكن تقومي معي ع الحمام بدي ظبط الميكب
رزان : اوك يلا
ذهبت رزان مع سارة
منار : يوسف شو شعورك هلق لما شفت مرام
يوسف : ماما انا شفتها لمرام قبل هلق من حولي ايام … وشو شعوري جاي على بالي قوم اخطفها على مكان محدا بيعرفو وخبيها عن العالم كلو
منار : انت بعدك بتحبها
يوسف : هههه قال بحبها لك انا بعشق الارض يلي بتمشي عليها …من يوم يلي شفتها فيه اعرفت عنوانها وكل يوم بروح بوقف حد بيتها بالساعات لحتى المحها
منار : طيب مزال لقيتها رجعها واتزوجها
يوسف : هههه ان شاء الله بالاول لحتى اعرف شوفي بينها وبين هشام العيسى وبعدين لحتى تسامحني بالعملتو فيها
منار : ومين هيدا كمان هشام العيسى
يوسف : زلمي قد ابوها عطاها كل املاكو بس شو المقابل انا مابعرف وحتى سألت قال انها مانا مرتو
محمد : طول بالك كلشي مع الوقت بينحل
يارا : مشاء الله عنها صايرة بتجنن احلا من اول بمليون درجة
يوسف بنفسه هية طول عمرا بتجنن …يقبرني جمالك ياعمري يامرام ….
منار : بس مين البنات يلي كانو معها
يوسف : والله مابعرف
…………في صالة الالعاب تعرفت اية وشهد على اولاد سارة ويارا …انتهو الاطفال من العب وعادو الى طاولتهم
مرام : انبسطو
اية : اي كتير
مرام : وانت يا شهد
شهد : كتير انبسطت وتعرفت على ولاد حبابين وفي ولد من جالنا اسمو يوسف كتير مهضوم
مرام : هههه كمان يوسف …الله يسعدكن
…………………
على طاولة عائلة يوسف
يوسف الصغير ابن يارا عمره ست سنوات : بابا جدو خالو …شايفين هدوليك البنات
نظرو الى طاولة مرام
يوسف : اي شبون
يوسف ص: هدول يا حرام ماعندون اهل
عمر : كيف يعني …
يوسف ص: شهد قالتلي انو هنن ماعندون لا اب ولا ام قال عايشين بشي اسمو ميتم ….باب شو يعني ميتم
نظرو جميعا الى بعضهم
عمر : بابا هيدا متل المدرسة بس بنامو فيها
يوسف : خالو وشو قالولك كمان
يوسف ص: قال هنن بحبو امون مرام كتير وهية بتحبون …وبتضل تشتريلون تياب والعاب وبتطلعن وبتطعميهم بمطاعم فخمة
ابتسم يوسف ابتسامة اعجاب بمرام
مرام تطعم الطفلتين بيديها وكانت تبتسم ابسامة عريضة وتضحك معهو ويوسف لم يرفع نظره عنها والكل لاحظ كمية الشوق والحب التي بعيون يوسف
………………………
مرام : يلا شهدوة افتحي تمك هم هم
رن موبايلها : الو هلا عمو
هشام : وينك ميمو بدي شوفك ضروري قبل ماسافر
مرام : تسافر ع وين
هشام : وينك انت انا جاي لعندك
مرام : بمطعم ******
هشام : عشر دقايق وبكون عندك …
ليلى : مرام شبو عمك
مرام : قال بدو يسافر بس ع وين مابعرف ماصرلو يومين جاي من السفر اوووف
مرام ظهر على وجهها الانزعاج …ويوسف لاحظ ايضا
ليلى : مرام طولي بالك انو مش مستاهلة القصة
مرام : انا تعبت من الوحدة عالقليلة يضل جنبي شهر بضل مسافر …..
سوسن : دوموزيل مرام نحنا صار لازم نرجع ع الميتم
مرام : اوك الشوفير برا رح يوصلكن
سوسن : عن اذنك وشكرا على اليوم الحلو
مرام : انا ماعملت شي …. يلا يابنات وين بوست الماما مرام …اقترو منها وقبلها وبعدها خرجو ….
…بعد قليل دخل هشام ومعه شوفير الخاص وصديق السفر علي …. اقترب من الطاولة وقفت مرام لكي تسلم على علي
علي : كيفك مرام
مرام : الحمد لله وانت
علي :بخير
جلس هشام بجانب مرام …
………يوسف كان يشاهد
محمد : هيدا هو هشام مش هيك
يوسف : اي هيدا هو ….يوسف كان يتمالك اعصابه وكأن النار سوف تخرج من رأسه …رزان لاحظت بأن يوسف لايرفع نظره عن مرام وعرفت انها هية حبيبته
…………….
هشام : شبها بنتي الحلوي ليش زعلانة
مرام : عو ين مسافر
هشام ؛ اممم انت زعلاني لانو بدي سافر
مرام : ليش في سبب غيرو
هشام : مسافر على مصر
مرام : شوفي بمصر
هشام : شغلة ضرورية
مرام : مابتنحكى
هشام : بصراحة ماوقتها
مرام : وايمت وقتها
هشام : مابعرف …المهم انا ماحبيت سافر قبل ماودعك طيارتي بعد ساعة ويادوب لحق روح ع المطار بدك جبلك شي معي
مرام بحزن: لا سلامتك
اقترب منها هشام وحاوطه بيده وجزبها اليه : بترجاكي يامرام لاتزعلي بوعدك ماطول
مرام لم تحب ان تزعل عمها ابتسمت ابتسامة صغير : وعد
هشام : وعد …..يلا انا ماشي بدك شي
مرام : الله يكون معك ….وقفت مرام وضمته ضمة طويلة والدموع نزلت من عينيها
هشام مسح لها دموعها : مرام حاج تبكي والله ببطل سافر
مرام : لا لا سافر الله معك
مشى هشام وجلست مرام على الكرسي وبدأت تبكي
يوسف كان يراقب كل شيء وكان بقمة غيظه من قرب مرام بهشام وكان قلبه يتقطع عندما رأها تبكي لايعرف سبب بكائها لكن بكائها يوجعه كثير
محمد : يوسف ليش ماعم تاكل من اول ماقعدنا ما اكلت شي
يوسف: اي اي بابا رح اكل
…………..
مرام جالسة تمسح دموعها
ليلى : مرام طولي بالك
مرام : والله اقرفت من هالعيشة ….تقومي لنمشي
ليلى: اوك
صوت صريخ من خلفها يقول خالة مرام خالة مرام
التفت مرام ووجدت زين يحاول ان يدخل لكن الحارس يمنعه وبدأ ينده لمرام ….قامت مرام بسرع اليه وصرخت بوجه الحارس : انت مابتفهم كيف هيك عم تشحطو
الحارس : بس يامدام ممنوع هدول الاطفال يدخلو لهون
مرام : ماقلك انو داخل لعندي
الحارس : سوري فكرتو عم يكذب
نظرت مرام الى زين وكان يرتدي ملابسه المهترئة وبيده علبة مسكة ….سحبته من يده وذهبت الى الطاولة …
مرام : اقعد هون …
ليلى : مرام مين هيدا الولد
مرام : اسمو زين …..اي قلي زين ليش هيك تيابك وليش مانك بالمدرسة
زين : والله ياخالة اجا خالي واخد كل المصاري مع الماما ونحنا رجعنا فقرا واطريت ارجع بيع مسكة ….
مرام ضربت بيدها على الطاولة ؛ الواطي الندل …وانت كيف عرفت انو انا هون
زين : من سيارتك عرفتها
مرام : خلص حبيبي ولا يهمك انا بتصرف ..المهم انت جوعان
زين : اي كتير
مرام : خسا الجوع ..
طلبت مرام اكل لزين …وكان زين يأكل بشراهة
عائلة يوسف كلها تراقب مرام وماذا تفعل
يوسف بنفسه : يقبرني قلبك ما اطيبو مش مخلاي حدا الا ومساعدتو
…………………
ليلى : مرام شو قصت هيدا الولد
مرام حكت لها كل شيء ….
ليلى ؛ وشو ناي تعملي بموضوع خالو …اذا كل مابتعطيهن مصاري خالو بياخدون مشكلة
مرام : اكيد مشكلة بس انا رح حالها
ليلى : كيف ؟؟
مرام : حيدر
ليلى : والله جبتيها …يلا اتصلي فيه
مرام اتصلت : الو كيفك حيدر
حيدر : اهلا مرام كيفك انت
مرام : الحمد لله ….
حيدر : قوليلي مرام في شي
مرام : بصراحة اي في واحد عم يزعجني وبدي اياك تعاقبو بس بالقانون
حيدر : ماعاش يلي بيزعج احلا بنت بالكون …مين هو وشلون بدي عاقبو بالقانون هو عامل شي
مرام : بصراحة الشغلة بدها قعدة بكرى منيح
حيدر : كتير منيح
مرام : اوك بكرا بمر لعندك ع المخفر
حيدر : مخفر شو …شو نسيتي انك من يومين وعدتيني نطلع انا واياكي على شي مكان
مرام : ااااه والله نسيت اوك ماشي ع الساعة اربعة العصر حدد المكان وابعتلي ..باي
حيدر : باي ..
شبع زين وحاسبت مرام الطاولة
جائها اتصال من احمد …طلبت من ليلى ان تأخذ زين وينتظروها بالسيارة …
مشت ليلى وبيدها زين وخلفها مرام تتحدث على الهاتف مع احمد بمواضيع الشغل
…………
يوسف كان يشعر بأن روحه تذهب مع مرام ولايريدها ان تذهب ويريد ان تبقى مكانها …وايضا كرم نفس الشعور …..
سارة : ليكو اجا محمود
………..
مرام كانت تمشي ببطىء وتضع سماعة الهاتف على اذنها وتتكلم …ومحمود داخل وكان يقلب بهاتفه …
خبط كتف مرام بكتف محمود
مرام قالت سووري سورري وتابعت مشيها
محمود عندما خبطت به نظر اليها ….ثم توقف مكانه وكانت علامة التعجب على وجهه وقال : مرااااام !!!
ثم التفت اليها كانت مرام قد مشت بضع خطوات صغيرة ونده عليها : مرااام
مرام توقفت مكانها والتفت الى مصدر الصوت ….وتفاجئت بمحمود رفعت الهاتف واغلقته …واقتربت من محمود : دكتور محمود ؟؟!!
محمود : مرام شو هالصدفة الحلوة
مرام فرحت كثيرا لانها رأته : عنجد كتير كتير شتقتلك
محمود : وانا بالاكتر شو عاملي بحالك لك صايرة بتجنني
مرام : ميرسي هيدا من زوقك
…………
على طاولة يوسف الكل كان مصدوم وبدأت اسئلة تدور برأسهم من اين محمود يعرف مرام يوسف وسارة كان في قمة غيظيهم لان مرام ومحمود باين عليهم الفرح وهم يتكلمون مع بعضهم
………….
محمود : لك وين اختفيتي …سبع سنين ياظالمة ومابتقولي عندي صديق تسألي عنو …بس انا كنت تابع اخبارك من بعيد واطمن عليكي
مرام : والله حقك علي بس رقمك الخاص ضيعتو …وجيت مرتين عالعيادة وتقلي السكرتيرة لازم اخد موعد قبل اسبوعين لحتى قالبك …وانا كان عندي التزامات بالشغل ومابقدر ارتبط بالمواعيد كتير
محمود : عادي ولا يهمك هلق بتاخدي رقمي وانا كمان رح اخد رقمك مشان اذا ضيعتيه مرة تانية انا اتصل فيكي هههه
مرام : والله ياريت…قلي كيفك
محمود : مشتقلك كتير …عنجد مرام انت المريضة الوحيدة يلي عجبتني لا تفهميني غلط انا معجب فيكي وبشغلك وبشخصيتك وبعتبرك متل اختي
مرام : واعز ان شاء الله عنجد انت كمان كتير برتحلك وحبيتك متل خيي …
محمود : كيفو هشام بيك
مرام : الحمد لله بس بضل مسافر من شوي اجا ودعني وراح ع مصر
محمود : مرام انت منيحة ؟؟
مرام : بصراحة لا انا كتير تعبانة …عنجد حاسي قلبي ميت
محمود : مرام ليش كل هالتشائم ..بعرفك قوية
مرام : لا انا كتير ضعيفة ومكسورة
محمود : شو رأيك تجي بكرا لعندي ع العيادة وبنحكي
مرام : اوك اي ساعة
محمود : الساعة اربعة منيح
مرام : الساعة اربعة ..لا مافيني عندي موعد مع الضابط حيدر
محمود : ومين بكون هيدا الضابط حيدر
مرام : قصة طويلة من بين هالقصص يلي بدي احكيلك اياها
محمود : بعد بكرى الساعة عشرة الصبح منيح
مرام : كتير منيح ….يلا مابدي اخرك
محمود : ع وين ..والرقم
مرام : هههه والله نسيت ..سجل عندك *******
محمود : رح اعملك مسيكول
………
سارة : كأنو طولو وهم واقفين مع بعض وكمان اخد رقم هاتفها …انا بفرجيك يامحمود
………..
مرام : عنجد كتير انبسطت بشوفك ….يلا باي
محمود : باي
……………
وصل محمود الى الطاولة وكان مبتسم ابتسامة عريض ….. وكان الجميع ينظر له نظرة غريبة
محمود : خير شوفي ليش هيك عم تتطلعو علي
لم يرد عليه احد
محمود : مرتي الحلوة رح تقلي شوفي …شوفي سارة ليش هيك عم تتطلعو علي شبكن
سارة : مين هيدي يلي كنت واقف معها
محمود : اااه انت غيرانة …اي اطمني هيدي مريضة كانت تتعالج عندي من زمان
يوسف : شوووو مريضة …مرام كانت تتعالج عندك
محمود : وانت كيف اعرفت اسمها …..لحظة لحظة بس ماتكون مرام نفسها مرام
يوسف : اي هيدي هية مرام ماغيرها قلي انت من ايمت بتعرفها وكيف عرفتها
محمود : شبك يوسف اهدى ..رح قلك مرام لما كانت بغيبوبة واول مافاقت عمها طلب مني اشرف عليها لانها كانت بصدمة نفسية قوية
الجميع : عمها؟؟؟؟!!!!!!!
محمود : اي عمها مرام بتكون بنت خيو لهشام العيسى بظن بتعرفوه كان رجل اعمال مشهور
يوسف : محمود مشان الله افهام علي مرام كانت مقطوعة من شجرة وماعندا اقرباء …وهشام العيسى كان مسيحي شو جاب مرام لهشام
محمود : ههههههه رح قلك مرام اول مافاقت من الغيبوبة ماكانت بتعرف هشام انو بكون عمها و كان عم يساعدها قال لانها بتشبه بنتو الميتة …وقرر انو يشغلها عندو بالشركة ويشتريلا بيت صغير على قدها لانها صارت وحيدة …المهم مرام بالاول كانت رافضة بس انا اقنعتها تروح تعيش حياتها المهم مرام وافقت وطلبت انها تروح ع بيتها تضل يومين وتودعو و تبلش حياتها من جديد …وهية البيت لقت صندوق وبقلب هالصندوق سر العيلة وهو انو ابوها كان مسيحي واسلم وتزوج امها لمرام كان اسمو جورج العيسى ..وغير اسمو وسمى حالو جابر العبد …ومرام لما عرفت الحقيقة انصدمت واتصلت فيني …وانا رحت اخدتها لعند عمها ونحنا بالطريق عملنا حادث …سارة بتتذكري من سبع سنين قلتلك عملت حادث كانت مرام معي بالسيارة انا الحمد لله ماصابني شي بس هية فاتت شقفة ازاز براسها ما كبيري قطبتين وتركتها مع عمها ومن هادك اليوم ماشفتها بس بسمع اخبارها لليوم هيدي هية كل القصة
يوسف : يعني هشام بكون عمها الف حمد وشكر الك يارب
محمود : ليش شو كنت مفكر حضرتك
يوسف : كنت مفكرها مرتو
محمود : هههههه غبي ورح تضل طول عمرك غبي
يوسف : محمود بس انت طول هالسنين بتعرف وينها مرام وساكت
محمود : وانا شو عرفني انو مرام هية نفسها حبيبتك …هية كانت بدا تحكيلي بس الظروف ماسمحتلها
رزان : انا عن اذنك بدي امشي
الجميع كانو ناسين ان رزان جالسة معهم
منار : رزان حبيتي اقعدي …لاتفهمي يوسف غلط هو كان يحبها من زمان بس هلق لأ ….
رزان : طانط الموضوع صار واضح ومافي داعي للف والدوران نزعت المحبس من يدها ووضعته على الطاولة ومشت
منار : رزان رزان وقفي يابنتي
محمد : رزان ياعمو وقفي دقيقة
رزان لم ترد عليهم وخرجت من المطعم وهية غير متأثرةبل كانت فرجة جدا ….
……………………..
يتبع …….
الجزء يلي بعدو نزل بقلب الصفحة
والضهر رح انشر جزئين والمسا جزئين بكون خلصت
