اسي.ره_عائلة_القناوي
31
في معرض مراد القناوي ☺️
كان واقف بيستقبل الناس في المعرض بتاعه هو بيرحب بيهم كمان وكانوا مذهولين بصوره
ساندي / الناس كلها مبهوره بشغلك انا مش فاهمه انت ازاي اتاخرت جدا انك تاخد خطوه المعرض دي
مراد مسك ايديها وبسها وقالها / وعمري ما كنت هاخدها لولاكي يا ساندي ، ربنا يخليكي ليا بجد
ساندي قربت منه لكن بعدت عنه اول ما سمعت صوت عاصي اللي كان واقف مبتسم و بيقول/ يااه ده انتوا سبتوا الناس اللي معزومه ومركزين في حاجات تانيه خالص
مراد بس الناحيه الثانيه و عمل نفسه ما سمعوش وقال / ساندي انا رايح اشوف الناس ولما تخلصي ابقي تعالي
عاصي قرب ناحيته ومسك دراعه وقاله / هتمشي وهسيب اخوك الكبير وهو بيتكلم ولا ايه ، مالك يا مراد انا قلت كله هيقلب عليا ما عدا انت
مراد بصله بتريقة / وانت لما اخذت القرار انك تفرقنا رجعتلي ، وبعدين زعلان ليه اني مش برد عليك ما انا ياما حاولت اوصلك واكلمك وانت مكنتش بترد عليا ولا هو حلال ليك وحرام عليا
وسابه مراد وراح يرحب بضيوفه في المعرض و قربت ساندي من عاصي وقالتله / سوري يا عاصي مراد مش عايزه يتكلم في اي حاجه حصلت زمان وارجوك بلاش تفتح الذكريات دي علشان هو بيتعب اوي
عاصي بصلها من من فوق لتحت بقرف / انتي مش هتقوليلس انا اتكلم مع اخويا اقوله ايه وخليكي في حالك احسنلك
وسابها وخرج من المعرض وراح الشركه اللي بقى هو اللي يتابعها بعد ما مراد قرر يبعد تماما عن شغله و يركز في موهبته وشغل الخاص ،و زين كمان رجع امريكا
_____________________________________________
في دبي 🔥
في اوضة رهف دخلت وبتبص علي السرير لكن اتفاجات انه اسر لسه نايم
قربت من السرير / قوم بقي هتفضل نايم لحد امتى ، البنات كلهم نزلوا
اسر و هو بيفتح عينيه / ده اي الصباح الفل ده ، مالك بعيدة كدة او اي حاجة
رهف بكسوف / الله . قوم و انا هعملك حتى فطار هتاكل صوابعك وراه
مسك ايديها بتحكم / و مين قالك اني عايز افطر ، حد يشوف القمر ده قدامه و يفكر في اكل برضو
رهف بكسوف / اسر الشركة كدة انت هتتاخر وحياتي قوم بقي
اسر / وحياتك عندي انا ما هقووم
ولسه بيقرب منها اتفا.جاه بالباب اتفتح ودخلت تماره وهي بتقول / اوعي تكوني نمتي يا رهف و سبتيني
ولكن لفت وشها بسرعه باحراج لما لقت اسر منغير تيشرت وقالت باحر.اج / انا اسفه والله ما كنتش اعرف انك هنا افتكرتك رحت الشغل
اسر هو بيبعد عن رهف وبيقولها من تحت ضرسه / لا عادي حصل خير
واخد الفوطة و راح الحمام و هو بيقول / استغفر الله العظيم يا رب من ده بيت
