#احببت_مربيه_ابنتي
#بارت16
#تفاااااااااااعل
الحلقة 16
حنين: خلاث يا فيح ثبعت كفاية اكل
فرح: طيب يا حنين يلا خلينا نغسل أيدينا
حنين: ماثي
و حملتها و ذهبوا إلى دورة المياه و عادوا مرة أخرى إلى ادهم و قالت
فرح:دورك بقا يلا
و ادهم: طب وانتي مش هتاكلي
فرح: لا هاكل معاك يلا
و بدأت فرح تطعمه و ادهم كان سعيد جدا و شعر كأنه طفل صغير و امه هي التي تأكله و و هي أيضا شعرت بنفس الشعور و قال
ادهم وهو يمسك ايديها
ادهم :انتي حلوة كدة ازاي
فرح:ايه السؤال الغريب ده خلقة ربنا انا مال أهلي
ادهم: عارفة يابت يا فرح
فرح: عارفة ايه
ادهم: انا غلطان اني أبقى معاكي رومانسي ملكيش انتي في الرومانسي خالص وربنا مش هقولك كلمة حلوة تاني
فرح:احسن بردو
ادهم بزعل: شبعت خلاص مش عايز أكل
فرح: انت زعلت
ادهم:انتي شايفة ايه
فرح: طب خلاث يا ادهمتي متزعلش يا حبيبي
ادهم: لا بقولك ايه هاتي المأذون
فرح:مأذون ايه بس اسكت بقا وبعدين حنين سمعانا
ادهم: مش هتفهم متخافيش
فرح: ممم طويب بس اسكت بردو
ادهم و هو يقبل كف يديها قبلة طويلة و قال
ادهم: بحبك
فرح: وانا كمان
*****************
و في مكان آخر
عند محمد
” بص دلوقتي جالي خبر أن ادهم عامل حفلة بخصوص حاجات هيقولها خطاب يعني ”
هتف مدحت هذا الكلام و هو ينظر إلى محمد باهتمام
محمد مرددة: و تفتكر ايه هي الحاجات دي
مدحت: مش عارف المهم الحفلة قبل تركيا تقريبا بأسبوع بس هو وقت قريب كدة
محمد: هروح و هشوف بقا و ربنا يستر
مدحت: تمام هو هيبقى في قاعة كدة بس الموضوع كدة شكله مش موزون
محمد بتهكم: اما نشوف سي فضايح و مفجأت ادهم بيه هتبقى أيه المرادي
*******************
و في مكان آخر
عند نرمين
“عملت ايه يا سيف”
ردتفت نرمين بهذه الكلام و هي تتحدث في الهاتف و تاخد رشفة من قهوتها
“خلاص انا تحت بيتها اهو”
“ونبي ركز و اوعى يقع منك كلمة كدة ولا كدة و خلي بالك من نفسك”
” متخفيش كل حاجة هتبقى تمام”
” بتمنى كدة فعلا يلا …..سلام دلوقتي و ربنا معاك ”
و قفلت معه ثم نظرت الى ندى و الشغالة الذي كانوا يجلسون و ينتظرون إنهاء مكالمتها و
نرمين: انا اسفة جدا بس تليفون كان مهم جدا
ندى: ولا يهمك ….. بصي يا نرمين ده 5 نسخ للكاميرا الي صورت الي حصل علشان لو ضاع منك حاجة و دي الكاميرا كنتم مركبين كاميرات في الشقة تقريبا و ده محدش عرفه غير سمحية فقط و عرفته بصعوبة جدا ومن ال 5 النسخ دول فيهم الاصلي و فيها خط أحمر عليه علشان تتاكدي انه الأصلي و متتلغبطيش و جبتلك سميحة اهيه و هنفتح الريكورد بتاع الموبايل علشان كل كلمة بتقولها تبقى مسجلة
نرمين:طيب تمام يلا بصي يا سميحة افتكري بس أنك تكوني أقوى من كدة و انشاء الله كله هيبقى تمام اوك؟
سميحة: اوك
نرمين : ابدأي
و بدأت نرمين بتشغيل التسجيل و
سميحة: انا سميحة 30 سنة عندي عيلين و شغالة خدامة بقالي كتير اعرف نوران عن طريق ندى هانم ندى هانم تبقى صديقة نوران من بعيد لبعيد بس نوران كانت بتحكيلها كل حاجة لان ندى مكنتش تعرف حد فيكم و ندى هانم بعتتني اني اشتغل عند ابو حضرتك و بعديها روحت البيت و استقبلتوني و كنت وخداكم زي بناتي و اهلي و نوران كنت بتكلم معاها و كدة بس ساعات مش كنت بستريحلها حركاتها كانت غريبة و بعدها في وقت كنت بعمل شغلي و بكنس وقتها الباب رن و لقيت نوران هانم متسربعة كدة و فتحت الباب بسرعة و كان في شخص عينه زرقا و شعره بني و طول متوسط كدة المهم لقيتها بتقولي اني أبطل كنس و ادخل اوضتي و مخرجش منه غير لو عوزت اروح الحمام أو هي طلبتني وسمعت كلامها و لقيتهم رايحين الصالة وقتها ولما طلعت علشان اروح الحمام و كان الحمام قريب قوي من الصالة تقدري تسمعي منها كل حاجة سمعتهم بيقولوا
فلاش باك
نوران:رامي انت عارف طبعا ان صبري مش ابويا و كل الي عملته تزوير في الأوراق
رامي:طبعا ياختي عارف المهم هتعملي ايه
نوران:عايزاك تاخد كل الأوراق دي معاك و حافظ عليها الورق ده لو اتكشف هروح في مصيبة و ممكن البس قضية تزوير
رامي:لا متخافيش كله تمام
نوران: بس قولي هتحط الأوراق دي فين
رامي: في الشركة طبعا في الخزنة وانتي عارفة الخزنة في حيتة محدش هيعرفها
نوران:ايوة فين يعني
رامي: جنبي مكتبي في بلاطة بحط فيها كل المصايب الي بنعملها
نوران: اه أعتقد محدش هيفكر فيها
رامي:طب و هتعملي ايه في صبري ده
نوران:متخفش قريب اوي هنهيه
باك
سميحة: كل الكلام ده طبعا اول ما سمعته سجلته في تليفوني علطول وبعدها طلعت بسرعة و روحت اوضتي و هنا وقتها الراجل مشي وبعديها لقيتها بتدخلي بتقول اني مش اقول لحد أن حد جه في البيت وقتها صبري بيه كان مش موجود و انتهى على كدة بعديها علطول انتي سفرتي من هنا و لقيتها قاتلة ابوكي الله يرحمه
نرمين: طب انا الي سمعته من ندى انك شوفتي قتلته ازاي و قولتي أن كان في كاميرا في البيت
سميحة: في مرة وانا في اوضتي كنت قاعدة سمعت صريخهم و كانوا بيتخانقوا وبعدها دخلت نوران اوضتها و من ساعتهت مشوفتش اي صوت و قولت ان هتبقى خناقة و خلاص و فعلا نمت و صحيت على انه مات الله يرحمه بس كدة و عملت نسخ كتير اوي من الكاميرا و كدة انا شهادتي بقولها لو حصل حاجة و الكاميرا دي عرفت مكانها بعد موته بيومين و انا بنضف و كانت الكاميرا في اوضته
هنا قفلت نرمين التسجيل و قالت ندى
ندى:خلاص كدة
نرمين:طب بصي انتي عندك كام نسخة
سميحة:يجي 7 كدة علشان بس اطمن
نرمين: طب بصي انا هاخد 5 وانتي خدي اتنين و تحمي بيهم نفسك لأن نقطة ضعف نوران هو أن حد يذلها ولو حد ذلها بتوتر و بتعمل أي حاجة علشان محدش يمسك عليها حاجة
ندى: ايوة فعلا كان نقطة ضعفها كدة
نرمين: شكرا جدا بجد يا جماعة
ندى:في حاجة تاني عاوزاها
نرمين: هسالك سؤال يا ندى
ندى:قولي
نرمين: انتي بتعملي مع نوران كدة ليه مع أنها صاحبتك
ندى: علشان دي قتلت وانا لو مش قولت كل ده كنت هظلم ناس كتير وانا اكتر حاجة بكرها هي الظلم و بعدين هي مش صاحبتي اوي يعني
ابتسمت لها نرمين و قالت
نرمين بامتنان: شكرا ليكي بجد
ندى: ده واجبي استأذن انا بقا يلا يا سميحة
نرمين: ثانية واحدة بس
و دخلت نرمين غرفتها و اخدت بعض المال و عادت مرة أخرى إليهم و هي تقول لسميحة
نرمين: خدي دول يا سميحة
سميحة: بس ده كتير اوي يا هانم
نرمين: دول قليل اوي من الي عملتيه معايا و مع بابا الله يرحمه
سميحة: ربنا معاكي و بقاء لله
نرمين: يارب تسلمي
و سلموا عليها
و خرجوا برة البيت
*****************
و عند نوران
رن جرس بيتها و قالت
نوران: مين ده الي جايلي دلوقتي
و راحت و فتحت الباب و قالت
نوران باستغراب: ايوة حضرتك مين
سيف و هو يعطيها كارت : حامد عبدالحميد راجل اعمال للمقولات و سمعت عنك كتير و عرفت ان حضرتك شريكة واحد اسمه رامي نور الدين و الصراحة كنت حابب اشتغل معاكم
نوران بتفكير و ثقة: طيب تمام اتفضل
و دخل و قال
سيف: متشكر
اياد: مين يا نوران
نوران: حامد عبدالحميد راجل اعمال للمقولات حابب انه يشتغل معانا و سمع عننا كتير
اياد : أهلا و سهلا
سيف:أهلا بيك اتشرف بمعرفتك
اياد: احم انا اياد جابر ابقى صديق الانسة نوران و راجل اعمال بردو اؤمر اقدر اساعدك
سيف: ليكم في الشغل الي تحت الطرابيزة ولا
اياد: مش فاهم
سيف:ليكم في المخدرات ولا لا
نوران: افندم
و هنا نظر اياد بصدمة اليها
***************
و عند ادهم
في غرفة فرح
قال
ادهم: الوقت اتاخر يلا علشان ننام
حنين: بث مث عايثة انام
ادهم: لا هتنامي لأنك نمتي متاخر و صحيتي متاخر و دي حاجة وحشة يلا مش عايزة تنامي جنب بابي ولا ايه
حنين:لا عايثة
ادهم: وانتي مش هتنامي جمب بابي ولا ايه
فرح: هتهزر لا طبعا
ادهم: هههه طيب يا روحي
فرح: هاتي بوسة يا حنين
و قبلتها حنين
ادهم: طب وانا
فرح و ضربته ضربة خفيفة
فرح: انت تنام و تبطل قلة أدب ههههه يلا تصبح على خير يا دوما
ادهم: وانتي من أهلي يا روح دوما معلش يا حبيبتي احتليت اوضتك
فرح: ولا يهمك يا حبي يلا باي باي
و قامت حنين بطفولة حركة السلام لها و ابتسمت فرح و
خرجت من الغرفة و ذهبت إلى غرفة أخرى
