#مرام
#بقلم_مريم_اليوسف
#الجزء_التاسع
فتحت مرام الصندوق ووجدت بداخله رسالة وصور ….وضعت الرسالة على جنب وبدأت تتفرج على الصور …..وكأن الاشخاص الموجودون في الصور هم عائلة والدها وعائلة والدتها ….وبدأت تتأمل الصور …وجدت والدتها تقف مع امها واباها واختها واخها وهذه كانت عائلة امها ….وبدأت تتفرج على صور عائلة والدها كان والدها يقف مع والده ووالدته لكنها لاحظت ان جدتها والدة والدها لا ترتدي الحجاب …واكملت كان يوجد فقط اخ واحد …وبدأت تتأمله ….وتفاجئت ….لقد عرفت عمها …..نعم انه هو هشام …..وبسرعة حملت الرسالة وبدأت تقرأها
الرسالة ( السلام عليم ورحمه الله وبركاته …..مرام حبيبتي انا كتبت هيدي الرسالة لما اعرفت بمرضي …ياحبيبتي انا خبيت عنك مرضي انا اخر فترة عرفت انو معي مرض القلب وكان بدي عملية ضروري …بس ماكان معي تكاليف العملية فقلت خليها على الله اذا كان الي عمر بعيش …… وانت هلق لما عم تقري الرسالة انا بكون متت ….واذا اختك بعدها عايشي ديري بالك عليها وحطيها بعيونك وكمليلها علاجها وان شاء الله الله بيشفيها وبتعيشو مع بعض ….واذا كانت ميتة الله يرحمها وانت انتبهي على حالك …وكوني قوية ولاتخلي حدا يضحك عليكي ….يابنتي هيدا الحياة كتير صعبة ولازم تحاربي لحتى تعيشي فيها …وبدي قلك لا تضعفي بحياتك وكوني قوية لانو اذا كنتي ضعيفة كل العالم بتصير بداها تستغلك …لانو القوي بياكل الضعيف ولا تستلمي ابدا …. يامرام الاشخاص الي بصور بكونو عائلتي وعائلة بيك رح عرفك عليهن لانو مابعرف شو الايام مخباي ويمكن يجي يوم من الايام وتلتقي بحدا منهم … عائلتي جدك اسمو محمد وستك اسمها فاطمة واخي مأمون واختي لمى …وهلق جينالعيلت بيك …بصراحة يابنتي نحنا خبينا عنكن سر وهو انو بيك بكون مسيحي بس اسلم لما اتزوجني ….واسمو الحقيقي ما جابر اسمو جورج …جورج العيسى ….
ابوكي عندو اخ وحيد واسمو هشام وجدك اسمو موسى وستك اسمها ميرا ….بس من فترة اخبرنا انو جدك وستك ماتو وعمك هشام انا مابعرفو غير بالصورة لانو لما هربنا انا وابوكي كان مسافر ….
وهلق يابنتي اعرفتي كل الحقيقة …بدي منك تنتبهي على حالك كتير منيح والله يرضى عليكي وينورلك طريقك ويبعد عنك ولاد الحرام ويقرب منك ولاد الحلال …والله يبعتلك شخص يحبك ويصونك ويهنيكي بحياتك ……الله يكون معك …..
امك يلي بتحبك سلمى .)
مرام بدأت تضغط على الرسالة بين يديها عينانها تزرفان الدموع وتقول :ليش ياربي …ليش …ليش انا عم يصير معي كل هيدا …. وحق الله تعبت ….والله عقلي ماعم يستوعب ….الماما كانت مريضة وانا مابعرف ….ليش ياماما ليش خبيتي عني ….وكمان هشام طلع عمي الحقيقي …والله انا عايشية بدوامة ….وكمان البابا اصلو مسيحي ….يارب ساعدني لك انا شوبدي استوعب لاستوعب ….يااااالله …..ياااااااارب ما الي غيرك
انهارت من البكاء وهي في الارض تبكي من اعماق قلبها وكان قلبها يرتجف من كثرة البكاء وصوتها يقطش …..وبعد فترة زمنية من البكاء احست بتعب ….وتنهضت لكي تقف على رجليها لكن رجلاها لاتحملاها فحست ان ضغطها نزل وبدأت تشعر بالدوار….فزحفت اتجاه الطاولة الموجد عليها الدواء وشربت حبة دواء للضغط …..وسنتدت ظهرها ورأسها الى الحائط وبدأت تستغفر ربها وتوحده حتى سكنت قليلا …..وبعدها اخرجت كرت من حقيبتها مكتوب عليه رقم وعنوان الدكتور محمود واتصلت به
مرام بصوت متقطش :ا..لو….مر…حب-ا دكت–ور
محمود :اهلين مين معي
مرام :انا….انا ….مرا…م …
محمود :مرااااام ….شبك ليش هيك صوتك انت منيحة انت وين
مرام : لا انا ماني منيحة ابدا انا كتير تعبانة
محمود :انت وين
مرام :بالبيت
محمود : انا جاي لعندك عطيني العنوان
مرام : لا تعذب حالك
محمود :شو يعني لاتعذب حالك انت باين عليكي كتير تعبانة عطيني العنوان بسرعة وانا مسافة الطريق وبكون عندك
مرام :ماشي سجل عندك …….
………………
بعد نصف ساعة وصل محمود الى منزل مرام طرق الباب فتحت له مرام وهية مازلت تبكي …..دخل محمود الى الداخل وبدأ يتأمل المكان الى الجدران المهترئة والسقف التي تظهر منه اصياخ الحديد والى الاغراض المبعثرة في الارض …….واحس بقشعريرة في جسده لا يعرف سببها ….وبدأ يقول بنفسه معقول في عالم عايشي هيك وبهيك مكان لك هيدا البيت القطة مابتقدر تعيش فيه
احضرت مرام له كرسي وقالت :لا تواخذني مافي مكان تقعد فيه … كنت عم نضف البيت شوي قلت بشغل عقلي عن التفكير
اخذ محمود الكرسي وجلس عليه : ما مشكلة ….المهم انت كيفك شو صاير معك انشغل بالي عليكي
جلست على الكرسي مقابل محمود: دكتور انا تعبانة كتير ….انا قلبي عم يتقطع
محمود :خبريني شوفي
قامت من ماكانها واحضرت الصندوق واعطته لمحمود …..فتح محمود الصندوق وبدأ يتفرج على الصور لكنه لم يلاحظ وجود هشام بالصورة ….ثم فتح الرسالة وبدأ يقرأها ……
انتهى محمود من القرأة وعاود النظر الى الصور
محمود بصدمة: هشام بكون عمك الحقيقي ؟؟؟!!!
مرام :هيدا يلي فهمتو
محمود :وابوكي كان مسيحي
هزت رأسها بأيجابية
محمود :وامك كانت مريضة وانت مابتعرفي
وضعت يديها على وجهها وهية تبكي وتقول :ايه …ايه…ايه
لم يحتمل محمود دموع مرام وضع محمود الصندوق على الارض واقترب منها واخذها بحضنه
مرام كانت بحاجة صدر تبكي عليه ولم تنتبه على نفسها الا وهية بحضن محمود ….ثم تراجعت بسرعة
محمود : انا اسف بس زعلت عليكي كتير وماتحملت شوفك عم تبكي
مرام وهية تمسح دموعها بيديها : مامشلكة ….دكتور انا بحاجة مساعدتك بترجاك ساعدني انصحني شو اعمل والله انا معد قدراني حتى فكر ..
محمود : رح ساعدك بس انت اهدي شوي
مرام :انا صرت منيحة …..احكي
محمود : مرام امك هلق الله يرحمها ماتت معد ترجع وانت لازم تفكري بحالك وكيف رح تقضي حياتك ….انت هلق قوليلي ما انت كنت بدك تروحي تشتغلي عند هشام بيك ؟
مرام: اي
محمود :وهلق اكتشفتي انو بكون عمك هيدا شي كتير منيح …… يعني هلق بنروح انا واياكي لعند عمك وبتقوليلو انك بنت اخوه
مرام :بسس …
محمود :بس شو احكي ….
مرام : انا خايفي …خايفي ومتلبكة كيف بدي قلو …وخايفي اذا عرف اني بنت اخوه الي هرب مع وحدة مسلمة يتبرا مني
محمود :اي واذا …اصلا انت ماضل عندك شي تخسريه واذا مابدو اياكي بكون بالناقص منو
مرام :اي والله معك حق ماضل عندي شي اخسره
محمود :انا قايم انطرك بالسيارة بين ماتكوني لبستي وجهزتي حالك
………………..
في السيارة محمود يقود السيارة ومرام تجلس بجانبه وتنظر اتجاه النافذة والدمعة لم تنشف من عيونها
محمود :مرام والله حرام بنت بجمالك ورقتك تضل تبكي ارحمي حالك شوي
مرام: والله مابأيدي ما عم اقدر استوعب كلشي عم يصير معي انا صرت حطام
محمود : لامش حطام ولا شي انت انسانة قوية ويلي اتحملتيه بدّل انك قوية ورح تضلي قوية وتكملي حياتك …
مرام :وانا لمين بدي كمل حياتي
محمود : بدك تكملي حياتك مشانك مشان مرام ….
مرام :ان شاء الله …
محمود موبايله يرن حمله وبدأ ينظر اليه ولم يفتح الخط وبدأ يقول بصوت خافت : اوف منكم… بس تعلقو ….
وهو شارد بالهاتف صرخت مرام :دكتوووووور انتبه …
……………………………
في المشفى
بدأت مرام تفتح عينيها ووجدت جنبها محمود …عندما فتحت عيونها اقترب منها بسرعة
محمود :مرام انت منيحة انا اسف ماكان قصدي مابعرف كيف شردت
تنهضت مرام وعدلت جلستها :اي انا منيحة بس راسي عم يوجعني شوي . وضعت يدها على رأسها ولاحظت بوجود قطعت شاش على رأسها
مرام : شو هيدا على راسي …وشو صار معنا
محمود : خبطنا بسيارة …بس لاتخافي اجت سليمة وانت انجرحتي براسك وقطبوكي قطبتين لا تخاف ويمكن ع الخوف نزل ضغطتك وغبتي عن الوعي
…..انا عنجد اسف والحمد لله ع سلامتك
مرام :الله يسلمك …خلص ولا يهمك شغلة بسيطة
محمود : عاملك مفاجئة
مرام : شو هية
محمود :لحظة …. ذهب اتجاه الباب وفتحه وادخل معه هشام
هشام :حبيبت قلبي مرام يابنت الغالي ….الف الحمد لله ع سلامتك …..تعالي ع حضن عمك
قامت مرام بسرعة من مكانها وركضت الى حضن عمها وهشام حملها وبدأ يدرو بها وهية كانت تلف يديها حول رقبته وتبكي ….وكأنها طفلة صغيرة بين يدين والدها ….انزلها على الارض ومسك وجهها بين كفيه وبدأ يمسح دموعها بأبهاميه : خلص يا قلبي …بكفي بكي انت بكيتي كتير ….والله لعوضك ع كل يوم تعذبتي فيه ….سامحيني يابنتي والله انا كنت مسافر ولما ارجعت ع البلد عرفت انو ابوكي هربان دورت عليه بكل مكان ومالقيتو حتى فقدت الامل ….سامحيني والله ماكنت بعرف انك بنت خيي
….. انت من اليوم رح تكوني بنتي فهمتي علي
هزت رأسها بأجابية : اي فهمت ….انا اصلا ماضللي بهالحياة حدا غيرك من بعد رب العالمين …بس انت كيف خبرت
هشام : محمود اتصل فيني وخبرني انكم عملتو حادث وانا جيت ولما جيت خبرني كلشي وفرجاني الصور والرسالة
مرام : شكرا كتير الك يادكتور …عنجد فضلك مارح انساه طول عمري
محمود :ولو هيدا واجبنا ….
مرام :اااااه صح انت ان شاء الله ما تأذيت بالحادث
محمود :لا الحمد لله ..
مرام :اي الحمد لله …
محمود : وهلق بدي استأذن
هشام : ع وين رايح دكتور خليك معنا بنروح بنتغدا بشي مكان
محمود : والله مابقدر عندي طيارة بعد كم ساعة وبدي روح جهز حالي للسفر
مرام :ع وين مسافر دكتور
محمود : ع باريس
مرام :بدك تطول
محمود : لا تقربيا شي ١٥ يوم …ليش عم تسألي
مرام : مشان اذا احتجتك وحبيت احكي معك
محمود : ان شاء الله مابطول واذا انت احتجت اي شي حكيني ع الهاتف
مرام : اوكي تروح وترجع بالسلامة
محمود :الله يسلمك
هشام : يعني رايح سياحة ؟؟
محمود : بصراحة لا …ابن عمي اخو زوجتي تعبان شوي وداخل بصدمة نفسية …وانا رايح مشان شوف شو وضعو
هشام : خير شبو
محمود : ابن حماي كان بحب بنت لدرجة الجنون ومن فترة عرف انها عم تخونو وتستغلو لان معو مصاري …اي وبعدها انعزل عن العالم وماعم يفعل يجي ع اللبنان وانا رحت من شهر لعندو وهلق كمان رايح
مرام وهشام : الله يشفيه
محمود : الله يسمع منكم وهلق عن اذنكم
مرام :اذنك معك …توصل بالسلام
محمود : شكرا
………………………… …..
في الفيلا هشام بيك
دخلت مرام من البوابة ….وقفت في متنصف الصالون وبدأت تنظر حولها وتتأمل الفيلا كانت جميلا جدا
هشام : عجبتك الفيلا
مرام : اي حلوة الله يباركلك فيها
هشام : يباركلك الك
مرام : انااا!!!
هشام : اي انت انا حكيت مع المحامي وخبرتو يجهز كل الاوراق لانو بدي اكتب كل املاكي بأسمك
مرام : بس ياعمو هيك مابصير هيدي الاملاك الك وانا مامن حقي اخد اي شي
هشام : وانا ماضللي بهالحياة غيرك انت يعني انت هيك هيك الوريثة الوحيدة
مرام : بس انا مابدي شي
هشام :خلص ولا كلمة …انت رح تستلمي كل املاكي والشركات وانا رح اتفضى لحياتي الخاصة مابدي اي اعتراض
مرام :بس انا بعد مابعرف اشتغل
هسام : انت كان اختصاصك هندسة بناء مش هيك ؟؟
مرام :اي صح
هشام : وانت بدك تكمل اختصاصك ولا بدك تغيره
مرام :مابعرف انت شو رأيك
هشام : انا برأيي انك تدرسي ادارة اعمال وبتتعلمي ع الشغل وانا رح كون معك خطوة خطوة
مرام : انا من ايدك هيدي لاايدك هيدي
هشام : اوكي ماشي …صح مرام انت عندك جواز سفر
مرام : لا
هشام : عطيني هويتك لاعملك بسبور مشان نسافر لانو انا وعدتك انو رح نسافر
مرام :وعوين بدنا نسافر
هشام :ع دبي المقر الشركة الرئيسي بدبي …
مرام : ايمت رح نسافر
هشام :شي يومين …..وهلق امشي معي لحتى فرجيكي غرفتك
مرام : لحظة ..بدي اطلب منك طلب
هشام :انت بتأمري قوليلي شوبدك ياحبيبتي
مرام :بصراحة هنن طلبين مو طلب
هشام : احكي عم اسمعك
مرام : الاول هو بدي روح ع بيتنا بدي جيب شويت غراض الي
هشام :اوك ماشي هلق بخلي الشوفير يوصلك …والطلب التاني شو هو
مرام : بصراحة انا بحاجة شوية مصاري
هشام : شو نسيتي انو انت صرتي المالكةالوحيدة …..يعني كل المصاري تحت امرتك
قوليلي اشقد بدك ….
مرام :تقريبا سبعة الالف دولار
هشام :شوي وبكونو عندك ….بس قوليلي لاشلك فيهن
مرام بتردد :بدي اعطيهن ليوسف
هشام : اااااه صح انا نسيت موضوع يوسف نهائيا …مابدك تقوليلي شو كان في بيناتكن وليش ضربك
مرام : اكيد رح احكيلك بس مو هلق
هشام : اوكي المسا بنحكي …..وهلق روحي ع بيتكن الشوفير عم ينطرك برا
مرام : اوكي …شكرا
هشام : بااي
مرام : باي
ذهبت مرام الى منزلها ودخلت سريعا لكي لا احد من الجيران يراها وبسرعة جمعت جميع اغراضها وكتبت رسالة الى سلام وقالت بها انها سوف تبدأ حياة جديدة وانها لن تعود ثانية وان لا تبحث عنها لان لن يجدها احد بعد اليوم .. وكانت هذه الخطوة مريحة لمرام بأن تختفي ولا احد يعرف عنها اي شيء ..
وذهبت ايضا دون ان يراها احد ….وفي الطريق طلبت من الشوفير ان يوصلها الى استديو تصوير …..
نزلت الى الاستديو كان معها صور لها وليوسف نسختهم نسخة اخرى ….ثم ذهبت الى الفيلا
دخلت مرام الى غرفتها كانت غرفة جميلا جدا واحست بأن بصيص امل انفتح امامها وقست على قلبها وقالت انها لاتبكي ثانية وان عائلتها ماتو وهم الان بأمان وانهم موجودن معها دائما وان يوسف صفحة قديمة وانطوت وانها سوف تبدأ حياة جديدة لايوجد بها سوى مرام …..
كانت تحمل اغراضها يحقيبة فتحتها وافرغت جميع ما بداخلها على السرير وجلست امامهم وكان يوجد بيدها مقص حملت النسخة القديمة من صورها مع يوسف وبدأت تقصهم من المنتصف وكانت تفرق صورتها عن صورته وخبأت النسخة الجديدة معها للذكرى ….
احضرت صندوق صغير ووضعت به الصور المقصوصة فقط التي بها صور يوسف ووضعت السلسلة التي اهداها اياها ولعبة اختها و السبعة الالف دولار كان هشام قد وضعهم في غرفة مرام واحضرت ورقة وكتبت بها ( نحنا هيك بنكون تخالصنا وهيدي الغراض الي جبتلي اياهن والخمس الاف دولار الي دفتعون لعمية عبير وفوقهم الفين هدول مشان العزايم والطلعات والسهرات الي كنت تدفعهم لما نكون مع بعض وكلمة اخير “شكرا كتير ” مرام)
وهية تكتبها كانت تحبس الدمعة من النزول لكنها لم تستطع ان تحبسها اكتر وانفجرت من البكاء : وهية تقول ليش …ليش …ليش ..ليش يارب …انا وحدة كذابة انا بعمري مارح انسى لا يوسف ولا عبير ولا ماما ولا بابا ….يارب تصبرني
***********************************&
****** باااااااااااااك ***************&
مرام تبكي بحرقة : ليش انا صار معي هيك يعني حرام لو كانت كل عيلتي عايشي معي حرام لو كنا اتزوجنا انا وحبيبي ليش انا مكتوب علي التعتير
ليلى : طولي بالك ….والله في عالم حالتها اسوء من حالتك بألف مرة ع القليلة انت عمك بعدو معك وبعاملك متل بنتو
مرام : الله لا يحرمني منو ويرجعو بخير وسلامة من السفر
ليلى : آمين …..قوليلي وبعد ما حطيتي غراض يوسف بالصندوق شو اعملتي
مرام : رحت مع الشوفير ع بيتو وعطيت الصندوق للحارس الي واقف ع الباب وقلتو يحطو بغرفة يوسف
ليلى :وبعدها شو اعملتي
مرام : ضلينا انا وعمو باللبنان شي يومين وبعدها رحنا ع دبي وصرت انا ادرس واتعلم الشغل بنفس الوقت وهنيك تعرفت ع احمد وصرنا اصدقاء مقربين …احمد من اول مرة شفتو قلبي ارتحتلو …..بتعرفي انا بحس انو عندي حاسي سادسة يعني من اول نظرة بعرف الشخص اذا منيح او لأ
ليلى : مزال عم تقولي عندك حاسة سادسة ليش ماحسيتي بمها ونيرمين انهن مانهن مناح
مرام : هدول التنتين ووائل معهم من اول ماشفتون قلبي ماارتحلون بس ماكنت بعرف انهم عنجد طلعو متل ماعم يقلي احساسي كنت كذب احساسي بس من وقت ماعملو فيني هيك صرت صدق بس احساسي
ليلى : امممم وهشام بيك قلتيلو ع قصتك مع يوسف ومها ونيرمين
مرام : اي قلتلو
ليلى : وشو كانت ردت فعلو
مرام : كنا بدبي لما خبروتو وجن جنانو لم سمع شو صار فيني وكان بدو يرجع ع اللبنان وياخدلي حقي ….بس انا ماخليتو وقلتلو ع مهل لحتى تمرق فترة وحتى يأمونو
ليلى : وشو عملتي معون لمها ونيرمين
مرام : هههههه الي عملتو فشت خلق ما انتقام بس انا هيك وصلني حقي والباقي رب العالمين بياخدلي حقي
ليلى : بس انا بعد ما عرفت شو اعملتي
مرام : يلله جايتك بالحكي ………
………..
يتبع…….
توقعاتكم#مرام
#بقلم_مريم_اليوسف
#الجزء_العاشر
ليلى : وشو عملتي معون لمها ونيرمين
مرام : هههههه الي عملتو فشت خلق ما انتقام بس انا هيك وصلني حقي والباقي رب العالمين بياخدلي حقي
ليلى : بس انا بعد ما عرفت شو اعملتي
مرام : يلله جايتك بالحكي ……..هيدا يا سيتي بعد مرور سنة ونحنا بدبي وانا تقربيا اطلعت من الازمة يلي كنت فيها وكنت اشتغل انا واحمد بالشركة احمد كان المدرب يلي يعلمني ع الشغل وكنا متفقين كتير انا واياه وصرنا متل الاخوات واحكيتلو ع قصتي بس ماقلتلو مين بكون حبيبي بس قلتو اسمو يوسف …وقلتلو شو عملو فيني نيرمين ومها وهو قرر يساعدني …احمد اهلو كانو ببيروت وقررنا ننزل انا واياه ع بيروت هو يشوف اهلو وانا كنت مشتاقة كتير لهوا لبنان وبنفس الوقت مشان اخد حقي وكان حلمي انو شوفهن ورا قضبان الحديد …. وكمان مشان نشوف شغلنا بللبنان ….
************************************
*********** فلااااااش بااااااااك************
قبل اقل من ستة سنوات
في مطار دبي
هشام يغمر مرام : حبيبتي لا تطولي لانو رح اشتقلك كتير
مرام : وانا كمان رح اشتقلك كتير ….
هشام : احمد انتبه منيح ع مرام افهمت
احمد : ولو يا هشام بيك مرام بعيوني
ركبو الطائرة وانطلقو الى بيروت مرام كانت فرحة جدا لانها اخيرا سوف ترجع الى بلدها ولكي تزور قبور عائلتها لكنها كانت قلقة بشأن يوسف وكيف سوف تتحمل فكرة انه موجود قريب منها وقلقة بشأن الزكريات المريرة التي عاشتها وكانت خائفة من الجرح الذي بداخلها ان ينفتح من جديد ….لكنها تمالكت اعصابها واخذت نفس عميق وبدأت تقول بنفسها : انا قوية انا قوية ومافي شي بأسر علي ….
وصلت الطائرة الى مطار بيروت ….
على بوابة المطار تقف مرام واحمد ومعهم حقائبهم …جائت نسمة هواء دخلت الى قلب مرام انعشتها من الداخل ….وبعدها اخذت نفس عميق وقالت : يالله شو اشتقت لهوا بيروت ارض بيروت وشوارع بيروت
احمد : معك حق والله وانا كمان اشتقتلها كتير والله الغربة صعبة …
مرام : اي والله معك حق …..
احمد : وهلق مين بدو يوصلنا
مرام : انا اتصلت بعلي شوفير عمو هشام وقلي خمس دقايق وبكون هون ……..هاه ليكو هيدا هو
علي : مرحبا
مرام واحمد :اهلين
علي :الحمد لله ع سلامتكم نورتو
احمد :الله يسلمك
مرام : الله يسلمك …كيفك علي
علي :الحمد لله بخير ..كيفك انت دوموزيل مرام
مرام :الحمد لله منيحة كتير
…………اوصلو احمد الى منزله ومرام اكملت اتجاه الفيلا فيلا عمها هشام لكنها اصبح لها ….دخلت الفيلا واتجهت الى غرفتها …ووقفت على النافذة كانت تتطل على البحر لكنه كان بعيد قليلا ومع ذلك كان واضح …. جاءت الخادمة وساعدتها بترتيب ملابسها وثم دخلت مرام الى الحمام لتستحم
انتهت من الحمام وجلست مقابل المرأة نتشف شعرها بالستشوار …وكان علقها وقلبها مشوشين..قلبها يقول لها ان تذهب الى الجامعة لكي ترى يوسف من بعيد لكي تهدء النار التي بداخلها وعلقها يقول لها ان يوسف اصبح ماضي ولن ترجع خطوى واحدة الى الخلف …وكانت ايضا تفكر بطريقة لكي توقع مها ونيرمين في ايدي العدالة …….. وكان هناك شيء مهم جدا يجب ان تفعله وهو ان تزور قبور عائلتها لبست ملابسها ولفت حجابها وخرجت وطلبت من علي ان يوصلها الى المقبرة …..
اقتربت مرام من قبروهم وكانت تحمل ثلاثة باقات ورد ….جلست بجانب القبور ودمعة حارقة نزلت من عينها : كيفكم يا عمري انتو …انا اشتقتلكم كتير والله انا تعبانة من غيركم ….بابا ماما عبير بدي احكيلكم شو صار معي بغيابكن …انا لقيت عمو هشام وانا هلق عايشي معو هو انسان كتير منيح وعم يعوضني عن كتير شغلات بس مارح يعوضني عنكم لانكم انتو الروح …بتعرف بابا عمو هشام دخل دين الاسلام ..وانا عم علمو الصلاة وعم دربو على الصوم بس عم يعزبني شوي ههه بس معو معو بيتعلم …وانت ياماما وعبير انا جاي قلكن اليوم اني راجعة ع اللبنان مشان انتقم من نيرمين ومها لانو حاولو يلعبو بشرفي وانا شرفي كتير غالي وبوعدكن اني خليهن يتختخو بالحبوس …بس انتو دعولي …والله انا بكل صلاةعم ادعيلكم مشان الله يرحمكم ويدخلكم فسيح جناتو …وان شاء الله نلتقى مع بعض بالجنة …..
………………………………………..
في المساء مرام نائمة لكي تستريح مع تعب السفر …وبدأ هاتفها يرن
مرام : الو …اي احمد شوفي
احمد : وينك صرلي ساعة عم دقلك
مرام : نايمة عم ارتاح شوي شو ممنوع النوم
احمد : لا مانو ممنوع ….بس جهزي حالك انا جاي اخديك
مرام ؛ ع وين بدك تاخدني
احمد : لك الله ياخدك قومي خلصينا
مرام :ياحرام عليك الله ياخدك وحدك ههههه عنجد ع وين
احمد : لعنا لعند اهلي حكيتلون عنك وقال حابين يتعرفو عليكي
مرام : اوكي ماشي …عشرة دقايق وتعال
احمد : اوكي باي
مرام:لحظة لحظة ….بشو بدك تاخدني ..ليش انت معك سيارة
احمد : ههههه اي معي سيارة خيي
ذهبت مرام مع احمد وقضت وقت جميل مع عائلته وعادت الى منزلها ….
في سيارة احمد امام فيلا مرام .
مرام : احمد شو بدنا نعمل انا ماني عرفاني من وين بدنا نبلش
احمد : خلص ولا يهمك …امممم من نبلش من الشقة الي اخدوكي عليها
مرام : اي والله معك حق ……بسسسس ممكن يكونو غيرو العنوان
احمد : صح كيف راحت عن بالي هيك اشخاص بيشتغل هالشغل بغيرو مكانون ع طول
مرام : خلص بلا ما نستبق الاحداث بكرى بنشوف
احمد : اوكي ماشي …
مرام : تصبح على خير
احمد وانتي من اهله
مرام : احمد شكر كتير الك
احمد : ولو يامرام نحنا متل الاخوة
مرام : واعز ان شاء الله
………………………………………
في صباح اليوم التالي ذهبت مرام واحمد الى الشركة
واطمأنو على اوضاع الشغل ….وبعدها ذهبو الى الحي الذي يقع فيه شقة نيرمين
نزل احمدو مرام من السيارة ….سند احمد نفسه على مقدمة السيارة وكتف يديه ومرام وقفت بجانبها
احمد :هيدي هية العمارة
مرام :اي هيدي هية ….وهلق شوو
احمد :تعالي نسأل الناطور
ذهبا بتجاه ناطور العمارة
احمد : مرحبا ياعم
الناطور : اهلين …اتفضل شوبتربد
احمد :بدي اسألك انت بتعرف كل سكان هيدي البناي
الناطور : اي بعرفون كلون قلي انت عم تدور على حدا معين
احمد : بصراحة اي عم دور ع وحدة اسمها نيرمين بتعرفها
تغيرت نظرت الناطور لهم وبدأ ينظر لهم بقرف …: انت من وين بتعرفها لنيرمين
احمد : هيدا شي مابخصك ..انت عليك تجاوب في وحدة بهالبناي اسمها نيرمين ولا لأ
الناطور بغضب : وانت ليش عم تعيط علي واصلا اذا في حدا بهل الاسم مارح قلك بس مشان تتربى
غضب احمد واقترب منه لكي يضربه لكن مرام سحبته بسرعة …واخذته الى جنب
مرام : انت شو عم تعمل يامجنون بدك تفضحنا
احمد : مانك شايفتيه كيف عم يحكي معنا
مرام : اهدى شوي هيك عالم مابتجي غير بالمصاري …وانا حاسي انو بيعرف شي …تعال معي انا رح حكيه انت لا تحكي ….
احمد : امشي لنشوف شو اخرتها
اقتربت مرام واحمد من الناطور
الناطور : خير ليش ارجعتو
مرام اخرجت من حقيبتها مية دولار واعطته اياها وهو اخذها بلهفة :مرحبا انا بكون سلمى وهيدا اخي سليم
الناطور : اهلا اهلا نورتونا
اخرجت مرام مية اخر واعطته اياها : وانت شو اسمك
الناطور : انا انا ابو النور
اخرجت مرام مية اخرى واعطته: اهلا يا ابو النور بدك تقلي في وحدة بهل البناي اسمها نيرمين
الناطور :اي اي نيرمين ساكنة بالطابق الثاني
مرام : وبتعرف شو بتشتغل هيدي نيرمين
ابو النور : احمممم بدأ يفرك اصابعه ويشير انه يريد المال
مرام : اااااه …تفضل بس معد في غيرها …قلي شو بشتغل
ابو النور : فاتحة بيتها بيت دعارة ….بس انتو ليش عم تسألو
تكلم احمد :واشقد بتعطينا اذا قلنالك ههههه
ابو النور : ااااااه …لا لا مابهمني ….يا انسة عطيني مية تاني وبقلك كلشي بخصها لنيرمين والي ساكنين مع نيرمين
مرام : اوك اتفضل …احكي بدي اعرف اسماء الي بيشتغل معها كلهون وكل واحد شو شغلتو
ابو النور : حاضر …هيدا ياستي نيرمين بيشتغل معها بنات كتير …اسمائهن : توتي ولولو وميمو وسوسو وفيفي وفوفو
مرام : لا ياشيخ وانا هلق شو فهمت منك عم تقلي لولو وميمو ومابعرف شو كمان …بدي اسمائهن بالكامل
ابو النور : انا مابعرف …بس بعرف هيك اسمائهن
مرام : طيب في شباب بيشتغل معها غير الزباين
ابو النور : اي في شب اسمو ياسر …
مرام : وهيدا شو شغلتو
ابو النور : هيدا شغلتو بالبيت بيطبخ بينضف وبجيب غراض للبيت يعني متل الخادم بس بطريقة غير مباشرة …
مرام نظرت الى احمد وغمزته واحمد هز برأسه وكأنه يقول لها فهمت عليكي
مرام : اخرجت ميتين دولار واعطتهم لابو النور : وهدول مشان تنسى انو نحنا جينا لعندك وسألنا على نيرمين اوكي
ابو النور : حاضر حاضر …..
مشت مرام واحمد بضع خطوات…ثم اوقفهم صوت ابو النور :سلمى
توقفو مكانهم والتفتو الى ابو النور :مرام:خير نسيت شي
ابو النور : اي في شي مهم بدي خبركم عليه
اقترب مرام واحمد منه
احمد : احكي شوفي عندك
ابو النور : بصراحة من اول ماجيتو وانا عم اتحزر وين شايفك
مرام : انااااا
ابو النور : اي انت
مرام : وشو طلع معك عرفتني
ابو النور : اي عرفتك
مرام واحمد نظرو الى بعضهم بصدمة ثم نظرو الى ابو النور ..احمد :احكي شو بتعرف
ابو النور: من حوالي تسعة اشهر …اجا شب حلو طويل الو عضلات ….وكان معو صورة الك وعم يسأل عنك
مرام نظرت الى احمد ثم نظرت الى ابو النور :احكي عن شو سألك بالظبط
ابو النور : سألني اذا بعرفك او اذا بعدك بتشتغلي مع نيرمين …وانا قلتو بحياتي ماشفتها ولا بعرفها وقلتلو بعرف البنات يلي بيشتغلو مع نيرمين بنت بنت بس البنت الي بصورة بحياتي ماشفتها ….
مرام : بس هيك
ابو النور : اي بس هيك بس حسيتو ماصدقني وفكرني واحد مخرف
مرام : اممممم …بعد في شي بدك تقولو
ابو النور : اي في هيدا الشب كتبلي رقمو ع صورتك وعطاني اياها وقلي اتصل فيه اذا شفتك
مرام بغضب : وبعدك ساكت معك الصورة وعم تتحزر بسرعة روح جيبها وجيب معك الرقم كمان .
ابو النور : حاضر حاضر اتفضلو معي مشان تدورو معي
دخل ابو النور ومرام واحمد معه الى المحرس …كان يوجد كيس معلق على الجدار انزله وكان فيه الكثير من الاوراق والبطاقات والكروت وارقام هواتف وارقام التكاسي …..وبدأ بعمليه البحث ووجدو الصورة …نعم انها صورة مرام …. انصدمت مرام لماذا يوسف يبحث عنها ولماذا يعطي صورتها لشخص غريب هل هية اصبحت رخيصة الى هذه الدرجة في نظره ….لكن مازال السؤال يحيرها لماذا يبحث عنها وبدأت تقول بنفسها : معقول عرف انو انا مظلومة وعم يدور علي مشان يعتزر مني ….هههه شو مجنونة يامرام اصلا لو عرف انك مظلومة ماكان اجا دور علي عند نيرمين …اكيد كان ناوي ينتقم …بس ياترى هو عرف شو صار معي ومع امي وعبير …مابعرف العلم عند الله
احمد.: سلمى …ياختي سلمى …
مرام : اااااه …شوفي …عم تحكي شي
احمد :صرلي ساعة عم حكيكي وين كنتي شاردة
مرام : خلص مافي شي بس قلي شو كنت عم تحكي
احمد : شو ناويي تعملي هلق
مرام اخذت الصورة :بعدين بقلك قوم
قام احمد ومشا مع مرام لكن ابو النور اوقفهم وقال : لو سمحتي يا انسة ممكن تعطيني الصورة
احمد : انت مجنون ولاشلك بالصورة
ابو النور : مشان اتصل بالزلمة الي اجا وسأل عنك وخبرو اني شفتك
مرام :لاااااا انت خالص ع الاخير …انت مافي براسك عقل
ابو النور : هو عرض علي مبلغ كبير اذا بخبرو عنك
احمد : امشي …امشي هيدا واحد مجنون هههه قال بدو الصورة قال
مرام : الله يسبت علينا العقل والدين
احمد : آمين
مشو قليلا ثم توقفت مرام
احمد : مرام نسيتي شي ..
مرام : لحظة …بدي اسأل ابو النور سؤال
رجعو الى ابو النور
مرام : بدي اسألك سؤال
ابو النور وهو مقهور :اتفضلي اذا عرفت بجاوب
مرام : هلق ماحدا كان يبلغ عن نيرمين ..قصدي من الجيران
ابو النور : واشقد بتعطيني اذا قلتلك
مرام : انت قول وماعليك
ابو النور : هيدا ياستي تبلغ عنهم مرتين مدري ثلاثة مرات بس كل مرة ينفدو …لانو في واحد بيجي لعندها بشتغل بالدرك وكان يخبرها اذا اجا شي تبليغ عليها وهية بسرعة تلفلف الموضوع …ويجو الدرك ومايلاقو حدا
مرام :اوكي شكرا ….ثم اخرجت من حقيبتها ٥٠٠ دولار واعطتهم له وقالت له ان لا يخبر احد
…………
في السيارة احمد يقود ومرام تجلس بجواره
مرام : وهلق شو رح نعمل
احمد : ولا يهمك عندي
مرام : كيف عندك فهمني اياها
احمد ” راس الخيط هو ياسر الي قال عليه الناطور واكيد رح يساعدنا
مرام : وكيف بدنا نوصلو لياسر
احمد : هههه سهلة رح نخطفو
مرام : شوووو نخطفو انت اكيد جنيت
احمد : لا ما جنيت بنخطفو وبنهددو وبنعطيه مبلغ محترم واكيد رح يساعدنا
مرام : بنفكر بالموضوع …..احمد ممكن اطلب منك طلب
احمد : احكي عم اسمعك
مرام : بدي اياك تتصل برقم يوسف وتحكي معو
احمد : هههه ليش قلو لقيتلك مرام
مرام : صحيح انك بايخ
احمد : صح ليش صورتك كانت مع الناطور وليش يوسف عم يدور عليكي
مرام : انا فكرت فيها كتير وبرمتا بعقلي هو اكيدماعرف انو انا مظلومة بس الله اعلم شو كان ناوي يعمل فيني لحتى يبرد قلبو لانو انا هلق بنظرو خايني
….المهم هلق دقلو
احمد : وشوبدي قلو
مرام : انت دق ولا تحكي شي
اتصل احمد بالرقم الموجود على الصورة وفتح السبيكر ….فتح الخط
يوسف : الو …الو …مين معي …الووووو …
مرام كانت تضع يديها على فمها وانفها لكي تخفي صوت انفاسها العالية وكان قلبها يدق وكأنه سيخرج من بين اضلاعها والدموع تنزل من عينيها
مازل يوسف يتكلم :الووووو ….اذا مابدكن تردو انا رح سكر الخط ….الو مرام هيدي انت ….الووووو
مرام انصدمت عندما سمعت اسمها واشارت بسرعة الى احمد لكي يغلق الخط ….اغلق احمد الخط ..واقترب منها ووضع يده على كتفها وبدأ يطبطب لها
احمد : خلص مرام اهدي قلتلك انو مالازم نتصل …وهلق شو رح نعمل يمكن فكر انو انت الي عم تتصل
مرام تمسح دموعها بيديها : ارجع اتصل فيه وقلو انك مخربط وانو لما اتصلت اول مرة راحت التغطية
احمد :حاضر بس انت سكتي وحاج تبكي انت قوية ومازلام تضعفي بعرف انك لسه بتحبيه بس لانتسي في حاجز كبير بيناتكن …..اتصل مرة اخرى
احمد :الو …مرحبا حضرتك مسيو ناجي
يوسف : اهلا ..لا ياخيي غلطان
احمد : اااه سورري …يمكن غلطت بالرقم …ولاتعذرني لاني اتصلت بحضرتك بس اول مرة راحت التغطية من عندي
يوسف : عادي ولا يهمك
اغلق الهاتف احمد ونظر الى مرام : هلق سمعتي صوتو ريحتي قلبك …هلق بدنا نبدأ بخطتنا ….
مرام : اوك …يلله امشي ….
ومر يومين ومرام واحمد وعلي يراقبون الوضع …وجاء وقت تنفيذ الخطة
في المساء في غرفة تحت الارض تقع تحت مستودع تابع للشركة …ياسر مغمض العينين ومربوط على كرسي …. وكان يصرخ مين انتو وشوبكن مني
دخلت مرام وكان احمد على يمينها وعلي على شمالها
مرام ” علي من بعد اذنك شيل الربطة عن عيونو
اقترب على وشال الغطاء عن عيونه ….
فتح ياسر عيونه وجاءت عينه على مرام وعرفها لكنها هية لم تعرفه لانها لم تنتبه عليه يوم الحادثة …
ياسر : مراا مرام …هيدي انت
نظرت مرام اليه بصدمة : انت بتعرفني
ياسر : اي بعرفك ليش انت مابتعرفيني
مرام : لا ….كيف بدي اعرفك وانا ولا مرة شفتك
ياسر : انا كنت موجود هيداك اليوم
مرام : بس انا ما انتبهت ….المهم انت بتعرف ليش جبتك لهون
ياسر : ببوس ايدك يامرام انا مادخلني …هنن ..هنن
مرام : بعرف كلشي
ياسر :شو المطلوب مني وانا جاهز اذا بتحبي بروح لعند يوسف وبعترفو بالحقيقة …بس مشان الله اتركيني ولا تأذيني
مرام : هههههه لا ماحزرت …ومابدي يوسف يعرف شي انا معد يهمني لايوسف ولا غيرو
ياسر :شو المطلوب
مرام : اذا تعاونت معنا اول شغلة بوعدك انك ماتنضرب وتاني شغلة رح اتركك تروح وتالت شغلة رح ساعدك …شو قلت
ياسر : انا من ايدك هاي لايدك هاي
مرام : اصبح احكيللي كلشي من الاول لليوم شو عم يصير ….انا هلق تقريبا بعرف جزء من القصة بس بدي اسمعها كاملة يلا احكي
ياسر : حاضر حاضر ….مها بتكون صديقة قديمة لنيرمين وكانت تشتغل معها نفس الشغل بس بعدين تركت ومعد اشتغلت معها لانو مها اتعرفت ع يوسف وهو كان يصرف عليها وضلت هيك ع هالحالة يمكن لحتى ظهرتي انتي وصرتو تحبو بعضكن انتو ويوسف واجت لعند نيرمين واتفقت هية واياها مشان الي عملوه معك وانت بتعرفي …وانا كنت دق ليوسف وابعتلو صورك وانا الي خبرتو عن العنوان وقلتلو مشان يجي يلقطك بالجرم المشهود …وهيدي هية كل القصة
مرام : اممم ….انا بدي منك تساعدني مشان نكمشون للدرك وبدنا دليل
ياسر : الدليل موجود
مرام : وينو وشوهو ؟؟
ياسر :فيديوهات …نيرمين حاطة بالبيت كاميرات مراقبة مشان تستغل الزباين وتهددهم مشان يعطوها مصاري …وكماااااان
مرام:كمان شو احكي
ياسر : بصراحة الي صار هداك اليوم معك مصور
مرام : شووو انت متأكد ..
ياسر : اي متأكد …مشان تستغل فيهم مها وترجع تشتغل معها
مرام : يعني مها عم تشتغل مع نيرمين
ياسر : اي اي صح
مرام : كتير حلو ….هلق بدي منك تروح ع بيت نيرمين تجبلي الفيديوهات لعندي …ورح اعطيك خمس الاف دولار …والمهم الفيديو الي انا فيه هيدا اهم واحد …وهلق رح نفكك لانك باين عليك جبان واعترفت من غير ولا كف …وبتروح بتنفذ الي قلتلك عليه واذا حاولت تلعب بديلك رح يكون عقابك الموت …واصحك حدا يعرف انك كنت مخطوف او انك شفتني
ياسر : حاضر …حاضر ..بس ايمت رح تعطيني المصاري
مرام : لحتى تجبلي الفيديوهات واذا كملت معي للأخير ونفذت كلشي رح ضاعفلك المبلغ
ياسر : عنجد
مرام : اي عنجد ….علي فكو خليه يروح
علي : حاضر
ذهب ياسر وكان فرح جدا …لكنه تذكر ان الفيديو الذي مصورة به مرام يوجد منه اكثر من نسخة وبدأ يقول بنفسه : وانا من وين بدي اعرف وين نيرمين حاطة كل النسخ …مارح جبلا غير نسخة اصلا هية مابتعرف ….بس مرام من وين جابت كل هالمصاري ….ههه واخيرا رح اخلص من وسخ نيرمين
………………..
احمد : مرام انت متأكدة انو مارح يلعب من ورا ضهرنا
مرام : لا مابظن …انت ماشفتو حكا كلشي من غير ولا كف …. وكيف فرح لما عرضت عليه مصاري
علي : وانا رأيي من رأي مرام …مابظن يحكي
………..
في المساء في نفس المستودع جاء ياسر معه كل الفيديوهات اخذت مرام الفيديو الذي يخصها …وتكلمو قليلا عن الخطة
ياسر : اناااا مستحيل اعمل هيك …بدك ياني سلم حالي للدرك
مرام : اي لانو انا مابدي اظهر لا انا ولا اي حدا بيقربلي ….لانو اذا نحنا خبرنا عنهم رح ندخل بسين وجيم وبصير بدون يعرفو شو دخلنا مشان هيك انت انسب شخص بتسلم حالك وبتعترف …وانت اصلا مانك مشتغل معهم شغلهم القذر ومافي شي بيسبت هالشي وبعدين لاتخاف بالمبلغ يلي رح اعطيك اياه بتوكل احسن محامي وبتطلع خلال اشهر قليلة
