رواية الملاك والقاسي
الفصل الثلاثون والاخير
بقلم جنات حصريه وجديده
مرت الايام والشهور وفرح بقت فى الشهر التامن وعرفت
انها هتجيب بنوته وفارس قرر انه هو اللى هيسميها ومش راضي يقول لفرح هسميها ايه
الشباب والبنات عايشين فى سعاده وفاطمه اللى دايما
بتهتم بفرح
سارة نزلت الشغل وعامر هيتجنن من غيرتها عليه وزين
اللى مجننهم بتسيبه مع فريده مامتها واوقات بيفضل
مع كامل جد عامر
وملك عرفت انها حامل وكانت زعلانه عشان بنتهم لسه صغيره وزياد اقنعها ان ده رزق من ربنا
~~~~~~~~~~~~~~~~
اشرقت شمس يوم جديد على الكل
فى جناح فارس وفرح
فارس صحى عشان يجهز وينزل الشركه وفرح كالعاده
نايمه فارس قرب عليها وباسها من خدها وهى صحت:
صباح الخير
فارس:صباح الورد ياروحى
فرح:انت نازل الشركه
فارس:اه نازل ياحبيبتى عندى اجتماع مهم هخلصه
واجى على طول
فرح:متتاخرش عليا
فارس:انا اقدر اتاخر على قلبي وبعدين يافرح من اول يوم ف الحمل وانتى مقضياها نوم هو انا بشوفك اصلااا
فرح:بجد الحمل ده مش بشبع نوم
فارس:هتنزلى تفطرى ولا هتكملى نوم
فرح:لا هقوم اخد شاور وانزل لعمتو
فارس:خدى بالك على نفسك يافرحه قلبي
فرح:هتيجى معايا للدكتورة بكرة
فارس:اكيد ياقلبي انتى هتخلصى التامن امته
فرح:لسه اسبوع
فارس:ربنا يقومكو ليا بالسلامه ياقلبي
فرح:مش ناوى تقولى هتسميها ايه
فارس:لا بردوو
فرح:يووووه يافارس
فارس:مستعجله على ايه كلها شهر او اقل وتعرفى
فرح:حاضر يافارس
فارس باس راسها:يلا هنزل انا
فرح:حاضر
~~~~~~~~~~~~~~~~~~
فرح اخدت شاور ونزلت لفاطمه
فرح حضنتها:صباح الفل يافطومه
فاطمه:صباح النور ياروح قلب فطوم
فرح:انا جعانه مووووت
فاطمه:احلى حاجه فى الحمل ده انه مخليكى بتاكلى كتير
فرح:مانا باكل كتير بس معدتى مبهدلانى
فاطمه:خدى علاجك قبل ماتاكلى
فرح:حاضر
فاطمه جهزت الفطار لفرح وفطرو سوااا
فرح:انا هروح اشوف ماكس
فاطمه:اخيرا مابقتيش تخافى منه
فرح:طلع حنين اوى يافطوم بجد انا اتعلقت بيه اوى
فاطمه:روحى ياحبيبتى وخدى بالك على نفسك
فرح:حاضر ياقمر
~~~~~~~~~~~~~~~~~~~~~~~
فى شركه فارس وتحديدا فى مكتب عامر
قاعد بيشتغل على الاوراق دخلت ساره ورزعت
الاوراق على المكتب
عامر: بسم الله الرحمن الرحيم مالك يا ساره
سارة: هيكون مالي يعني ما انا كويسه وزي الفل اهو
عامر قام من على المكتب وقرب منها: يارب دايما تبقي
زي الفل يا قمر الجميل زعلان ليه بقى
ساره: يعني حضرتك مش عارف انا زعلانه ليه عامر
عامر : لا والله مش عارف
ساره: لما تروح تتعشى مع البنت الملزقه دي ازعل ولا
ما ازعلش
عامر: انت مجنونه يا. ساره
ساره: مجنونه ليه شايفني بشد في شعري
عامر: يا حبيبه قلبي هو انا كنت رايح بتفسح معاها
ده عشا عمل
ساره: لا ما ده اللى ناقص تروح تتفسح معاها
عامر: ساره والنبي انا عندي شغل كتير ومش فاضي لجنانك
ساره: والبنت اللي بره دي بتعمل ايه هنا ومين اللي اختارها
عامر: الشؤون اللي اختارتها يا حبيبتي عشان شاطره في شغلها
ساره:تمشي انت مش شايف لبسها عامل ازاي
عامر: يا ساره الله يهديك دي رابع سكرتيره تمشي بسببك
ساره: يعني هو انا مش عاجباك ما انا سكرتيره اهو
عامر: يا حبيبه قلبي انتى السكرتيره الشخصيه بتاعتي
اما دي السكرتيره المسؤوله عن شغلي انا وفارس
ساره: خلاص قولها تحترم نفسها وتلبس كويس
عامر: انا ماليش دعوه هي بتلبس ايه يا ساره اتفضلي
روحي شوفي شغلك عشان انا كمان اشوف شغلي عشان عندنا اجتماع مهم كمان نص ساعه
ساره: ماشي يا عامر
ساره لسه هتخرج عامل شدها وحضنها: يا حبيبه قلبي انا مش شايف ولا هشوف حد غيرك بقى في حد يبقى معاه القمر ده ويبص بره
ساره ضحكت: كل بعقلي حلاوه يا عامر بس اعمل ايه
بغير عليك انت اللي زي القمر
عامر ضحك: والله متجوز مجنونه يلا روحى على مكتبك
ساره باسته من خده وخرجت من المكتب
وعامر راح لفارس مكتبه
~~~~~~~~~~~~~~~~~~~
فى مكتب فارس دخل عامر كالعاده من غير مايخبط
فارس:يابنى اكبر شويا بقي نفسي فى مرة تخبط على الباب
عامر:ياعم انت مش بتزهق وبردو مش هخبط على الباب
فارس:هو زياد مجاش ليه النهارده
عامر:بيقول ملك تعبانه شويا
فارس:انا هكلمه يجو يعيشو معانا فى القصر اهو تبقي
مع عمتو وفرح بدل ماتقعد لوحدها
عامر:يبقي احسن لان ليليان لسه صغير وهى كمان حامل
فارس:ورق الصفقه خلص
عامر:كله جاهز والوفد ربع ساعه وهيبقى وصلووو
فارس:تمام روح ظبط كل حاجه مش عايزة غلطه
عامر:متقلقش ياكبير
عامر خرج وفارس اتصل على فرح عشان يطمن عليها
فارس:فرحه قلبي بتعمل ايه
فرح:قاعده مع ماكس
فارس:والله انا بقيت بغير منه
فرح ضحكت:مش كنت زعلان انى بخاف منه الوقت
بقيت بتغير منه
فارس:مانتى اكتر وقتك يانايمه يامع ماكس ونسيانى خالص
فرح:بقي فرحه قلبك تقدر تنساك بردو دانت كل حياتها
فارس:حبيبتى يافرحه قلبي خدى بالك على نفسك لحد مااجيلك
فرح:حاضر ياحبيبي
فارس قفل معاها وكلم زياد وقاله يجو يعيشو معاهم
فى القصر الفترة دى
~~~~~~~~~~~~~~~~
عند زياد وملك
ملك شايله ليليان وعماله تغنيلها عشان تنام
زياد دخل اخدها منها ونيمها مكانها وقرب من ملك:
حبيبتي عاملة ايه لسه تعبانة
ملك بتعب:اه تعبانة اوي وكمان ليليان تعباني اوي
الفترة دي
زياد:شقيه زى مامتها وكمان بقت متعلقة بيكي اوي
ملك:عمتو بتقولي غيرانة علشان حامل
زياد ضحك:معقول
ملك:معرفش بتقولي الاطفال بيحسو لما الام بتحمل
وبيبقو غيرانين
زياد:بس انتى مش مقصرة معاها ياملك
ملك بدموع:تعلقها بيا زاد اوى ومش عايزة اقصر معاها
بس غصب عني الحمل دا كان غلطة
زياد مسح دموعها:بردو هتقولى غلطة ياملك قولي
الحمد لله نعمة من عند ربنا
ملك :الحمد لله..روح انت الشركه عشان الاجتماع ياحبيبي
زياد:لا انا عرفتهم انى هفضل معاكى النهارده
وكمان فارس كلمنى وعايزنا نروح نعيش معاهم الفترة دى فى القصر انتى ايه رايك
ملك:اللى انت عايزه يازياد
زياد:انا شايف نروح نعيش معاهم عشان لما انزل الشغل
ابقي مطمن عليكى انك مش لوحدك وكمان فطوم هتهتم بليليان وتبقي انتى وفرح سوااا
ملك:حاضر هنروح امته
زياد: النهارده بس قبل مانروح القصر هنروح للدكتورة لانك بقيتى بتتعبي اوى عايز اطمن عليكى لانك خاسة اوي
ملك: يا حبيبي متقلقش دي كلها اعراض حمل
زياد اخدها في حضنه : لما تحسي بتعب قوليلي يا ملك
انا عاوز اشاركك كل حاجة حتى تعبك
ملك: ربنا يخليك ليا يا زياد اتمنيتك جوزي وابو اولادي
وربنا حققلي امنيتي
زياد حضنها:ولا انا عمري ما كنت اتمنى حبيبة وزوجه
وام الا انتي ياملك
~~~~~~~~~~~~~~~~~~
عدى اسبوعين وفرح بقت فى الشهر التاسع وكان الكل متجمع عندهم فى القصر اتغدوا سوااا وخرجو يقعدوا
فى الجنينه
وماكس كان قاعد جمبهم زين قاعد جمبه بيلعب معاه
(طبعا وزين وليليان عندهم سنه)
وليليان كانت فى حضن فاطمه وخايفه من ماكس
عامر:بنتك دى جبانه اوى يازياد
فارس ضحك:بتفكرنى بواحده كدا
فرح:قصدك ايه بقى
ملك:كنتى بتترعبي من ماكس فاكرة
فرح:ماكس الوقتى صاحبي ده بقي بيحبنى اكتر
من فارس
فارس برفعه حاجب:لا والله
فرح:اه والله
زياد:ابنك ياعامر سبحان الله نفس رخامتك
عامر:بص انا مش هرد عليك هسيب سارة هى
اللى ترد عليك
سارة:بصراحه معاه حق انا مش عارفه الاقيها منه
ولا من ابوه
كلهم ضحكوووو
عامر:بقي كدا ياسارسورتى بضحكيهم عليا
سارة:انا اقدر دانت حبيبي
فرح حست بتعب ومن قوته مسكت دراع فارس
وضغطت جامد عليه وفارس بصلها:مالها يافرح
فرح:ااااااه
فاطمه ادت ليليان لملك وقربت منها:طب اهدى حاسه بايه
فرح:مغص صعب اوى اااااااه
فارس:تعالو بسرعه نروح المستشفى
فارس اشتال فرح وركبو العربيه وركب معاه فاطمه وعادل والشباب كل واحد اخد مراته وابنه فى عربيته وراح وراهم
بعد فترة فى المستشفى فارس خرج من اوضة العمليات ومعاه بنوته نسخه من فرح وفاطمه قربت منه:بسم الله ماشاء الله دى فرحه الصغيرة تتربي فى عزكو ياحبيبي
فارس:حبيبتى ياعمتوو
فاطمه:فرح عامله ايه ياحبيبي
فارس:الحمدلله كويسه ياعمتو شويا كدا وهينقلوها اوضه عاديه
عادل:حمدلله على سلامتها يابنى وربنا يباركلك فيها
فارس:الله يسلمك ياعمى
عامر:مبروك ياصاحبي
فارس:الله يبارك فيك
زياد اخدها من فارس:حبيبه خالو ياناس
ملك قربو من زياد:روح قلب عمتو ياناس
سارة:وانا خالتو
كلهم ضحكوو عليهم
بعد شويا فرح اتنقلت اوضه عاديه والكل كان معاهااا
فرح نايمه على السرير وفى حضنها البنوته وبصت لفارس:حلوة اوى يافارس اوى
فارس باس راسها:ماهى حته من فرحه قلبي مبروك
يااحلى ماما
فرح:الله يبارك فيك يااحن باابا
عامر بصوت عالى:انتو هتفضلو تتوشوشو كتير احنا
قاعدين على فكرة
سارة ضربته فى كتفه:ماتسيبهم براحتهم
ملك:ميبقاش عامر لو مرخمش
زين قرب من السرير بيقف على صوابعه رجليه عشان
يشوف النونه فارس اشتاله وقرب منها وزين باسها
من خدها
عامر:شكلها عجبته انا كدا هحجزها للواد زين
فارس:انت وابنك ابعدو عن بنتى فاهم
عامر:انت تطول اصلاا انى اكون حماها
فارس:مش عايز اطول ياخويا
زياد:هتسموها ايه بقي
فرح بصت لفارس:اخيرااا هعرف هتسميها ايه
فارس:هسميها فاطمه على اسم اغلى اتنين مامتك وعمتو
فرح:حلو اوى يافارس
فاطمه:ربنا يبارك فيكو ياحبايبى
فرح:ويخليكى لينا ياااحلى عمتو
الباب خبط ودخل اكرم:نورت مش كدا
كلهم اتفاجاو وفرحو انه رجع
عادل قام حضن ابنه:حمدلله على السلامه ياحبيبي
اكرم:الله يسلمك يابابا
كلهم سلمو عليه وكانو فرحانين بيه
اكرم:جهزو نفسكو بقي عشان انا ناوى اتجوز
عامر:ومين سعيده الحظ بقي
اكرم:نورة كانت معايا فى الشركه
فارس:نورة بنت ماشاء الله عليها مجتهدة
ومحترمه جدااا الف مبروك ياابن عمى
اكرم:الله يبارك فيك ياحبيبي
