عدى شهر عليهم فرح وفارس عملو حفله سبوع رهيبه
واكرم اتجوز ونورة حبت البنات جداا وقربو من بعض
واكرم اشتغل مع فارس فى الشركه وفارس طلع فاطمه وفوز وعادل وفريد ام سارة وحسن ابوها عمرة كلهم سواااا
فى جناح فارس وفرح
فرح شايله فاطمه وبتحاول تنيمها
فارس دخل عليها:فرحه قلبي وفطومه عاملين ايه
فرح:فطومتك مطلعه عين فرحه قلبك ومش راضيه تنام
فارس اخد فاطمه من فرح:اميرتى الحلوة تعابه ماما ليه
فارس حاول ينيمها ونامت معاه وحطها مكانها وقرب من فرح وحضنها:عامله ايه ياقلبي
فرح:كويسه طول مانتو فى حياتى
فارس:البت دى اخداكى منى مش عارف استفرد بيكى شويا
فرح:متقولش عليها بت دى احلى اميرة ربنا رزقنا بيها
فارس:لانها شبههك ياروحى..ماتيجى وهى نايمه كدا استفرد بيكى
فرح ضحكت:ممكن طبعااا
فارس باسها بحب وراحو لعالمهم الجميل سواا
~~~~~~~~~~~~~~~~~~~~~~~
مر على ابطالنا ٥ سنين
فارس وفرح بقي معاهم فاطمه وادم
زياد وملك معاهم ليليان ولين
وعامر وسارة معاهم زين وهنا
اكرم ونورة معاهم عادل
عادل اتوفى
فاطمه وفوز كبرو بس ليه بيهتمو بالعيله زى الاول
ملك وزياد استقرو معاهم فى القصر
الشباب كلهم بيشتغلو سوا فى الشركه وكبروهااا سوااا
والبنات قررو انهم يتفرغو للبيت والاولاد ومش هينزلو
شغل تانى
فى قصر الالفى كان الكل متجمعين كالعاده لان فارس خصص ليهم يوم فى الاسبوع مش بيروحو الشركه وبيتجمعو كلهم عنده فى القصر
البنات كانو فى المطبخ بيجهزو الاكل وفوز وفاطمه
قاعدين وحوليهم الاولاد والشباب بيجهزو الجنينه زى
كل اسبوع عشان ياكلو فيها
البنات خلصو الاكل وخروجو على الترابيزة اللى فى
الجنينه وقعدو كلهم ياكلو سوا فى جو عائلى وخلصو اكل والاولاد قعدين يلعبو مع ماكس(عايزة اقولكو ان استاذ ماكس اتجوز وبقي عنده اولاد كمان)
جت ليليان وهى بتعيط:بابى بابي
زياد:روح قلب بابا مالك مين زعلك
جت فاطمه من وراها:زين ياخالو مش عايزنا نلعب مع ماكس
زياد:ابنك ده مش هيتغير ابدااا عايز يفرض سيطرته علي البنات
عامر:طبعاا مش الكبير
ملك:لا لحظه بقي ليليان اكبر منه بساعه لوسمحت
نورة ضحكت:حقانيه اوى
فرح:فطوم خدى لولى وروحى العبي مع الصغيرين احسن
فاطمه:زين حابسهم يامامى ومش راضي يخرجهم
فارس:لا الواد ده زودها اوى
اكرم بص لعامر:ابنك كان طيب والله
فارس راح جاب زين وماسكه من قفاه:انت مش هتبطل تضايق فى البنات ياواد انت
زين:ياعمو سبنى كدا عيب برستيجى بقي فى الارض
فارس:لا مانا كفايا عليا ابوك كدا كتير
فارس ساب زين اللى قرب من عامر:انت شايفنى بتهزق وبتتفرج عليا ياحاج
عامر:مش انت اللى عملى فيها شبح البس بقي
سارة:ياعامر كام مرة اقولك متكلموش بالطريقه دى
الواد بقي نسخه منك
عامر بغمزة:دانا قمر ياسارسورتى
زين بغمزة زى ابوه:دانا امى دى مزة المزز
زياد:الواد بقي سرسجى والحمدلله
ملك:متحاوليش مش هيتغير ده نسخه من عامر
قضو اليوم كله هزار وضحك وكل واحد راح على
اوضته وعامر وسارة روحو
~~~~~~~~~~~~~~~~~~~~~~~
فى جناح فارس وفرح
فارس قاعده على السرير وفرح فى حضنه
فرح:اليوم النهارده كان جميل
فارس:ربنا يديم لمتنا سوا
فرح:الفضل يرجع ليك انت اللى دايما مجمعنا ربنا
يخليك لينا ياحبيبي
فارس باسها من خدها:ويخليكى ليا يافرحه قلبي
فرح:بعد كل اللى مريت بيه فى حياتى ربنا عوضنى بيك احلى واحن زوج كنت سندى وضهرى ومعايا فى كل حاجه وعوضنا باحلى ولاد ربنا يباركلنا فيهم
فارس:انا اللى ربنا بيحبنى عشان دخلك حياتى يافرح
واكتر حاجه مفرحانى ان فاطمه نسخه منك فى الشكل
وفى قلبك الطيب
فرح:وادم محبش يزعلك وجه شبههك انت
فارس وفرح ضحكووو
فرح:فارس
فارس:قلب فارس
فرح بصتله اوى:انا قلبك
فارس:انتى روحى وعقلى وكل دونيتى انتى فرحه قلبي♥️تمت♥️
