عمر:اه الحمد لله اهم حاجه الشغل يتظبط عشان نرجع
عمار:ايوة بس الكلام ده لسه سابق لأ وانه انتوا عارفين اننا حنحتاج وجودكم حوالى شهر تقريبا
عمر:مااحنا اكيد مش حنمشي غير لما نطمن على الشغل يابشمهندس
عمار:ربنا يوفقكم أن شاء الله امال شمس منزلتش ليه لحد دلوقتي
عمر:حضرتك ممكن يكون التعامل معايا انا وملكش دعوة بشمس
عمار:مش فاهم تقصد إيه
عمر:مقصدش حاجه شمس بتريح شويه ونازله دلوقتى انا حروح الموقع وحظبط الشغل لحد هى ماتيجى براحتها تمام كده واللا عندك مشكله
عمار:مفيش مشكله ولاحاجه انا اهم حاجه عندي الشغل
بس فى حاجه كنت عاوز اتكلم معاك فيها
عمر:اتفضل يابشمهندس
عمار:انا ملاحظ ان عندك مشكله فى التعامل معايا ممكن اعرف السبب
عمر:لا طبعا مفيش حاجه كده خالص حضرتك ليك كل احترام وتقدير
عمار:ههههههههه عيب يابشمهندس انا مش صغير انا اكبرمنك يمكن بحوالى عشر سنين وعارف كويس اوى ايه اللى انت حاسس بيه
عمر:انا مش فاهم حضرتك تقصد ايه
عمار:اقصد ان عيونك فضحاك يابشمهندس والحب باين فيهم اوى وهى بصراحه تستحق الحب ده
وانا لو كان بايدي او كان ينفع كنت احارب الدنيا كلها علشانها لكن للأسف مينفعش نهائى
وفجأة يجدون من يتحدثان خلفهم :صباح الخير
فيرد عمر وعمار:صباح النور
عمر:ايه اللى نزلك دلوقتى ياشمس اطلعى استريحى انتى وانا حروح الموقع
شمس :لا والله انا مش تعبانه انا زى القرده اهوه
عمار:ياااه لو كل القرود حلوين كده وينظر لعمر فيجد الشرار يتطاير من عيونه
عمار:مونى عامله ايه ياقمر ناويه على ايه النهارده ان شاء الله
إيمان بقمصه :حروح معاهم الموقع
عمار:ليه يعنى طب وخطيبك
إيمان :قلبنى قاللى عندى شغل ياما النهارده ومش فاضيلك
عمر:طب وانتى مقموصه كده ليه يامونى
إيمان :كنت عاوزاه يفسحنى ياعمر مش انا ممكن اقولك ياعمر بردو
ففهم عمر ان شمس حكت لها :طبعا يامونى انتى تقولي اللى انتى عاوزاه ده انا حتى اول مرة اعرف ان اسمى حلو كده
إيمان :ايه العسل ده ياناس لا ده احنا اتغيرنا خالص
عمار:تمام ياجماعه انا عندى مشوار حروحه ونتقابل بالليل ان شاء الله
عمر:بالليل ليه مش حنتقابل عالغدا
عمار:حروح المطار استقبل ناس مهمه ونتقابل بالليل ان
شاء الله
يتوجه عمر وشمس وايمان للموقع حيث يجدون العمال يبدا كل منهم في العمل وتجلس شمس وعمر تحت المظله لرؤية التصميمات والتاكد من دقة الزوابا بينما كانت ايمان غاضبه من حسن
يقف عمار فى المطار ينتظر قدوم شحص ما
عمار:حمد الله على السلامه
_الله يسلمك مكنش فى داعى تسيب شغلك وتتعب نفسك وتيجى
عمار:وانا عمر حاجه فى الدنيا اخرتنى عنك
_اخبارك ايه والمشروع الجديد اشتغلتوا فيه واللا لسه
عمار :الحمد لله كله تمام والمشروع بدانا فيه من امبارح الصبح وفى خلال ٣شهور حيكون جاهز بامر الله
_طيب كويس
عمار:ماسه اخبارها إيه
_كويسه عندها امتحانات الشهر الجاي حتخلص وتنزل مصر ان شاء الله
عمار:ان شاء الله
_خليك انت ارتاح وانا اسوق
عمار وهو يعلم مغزى الكلام :انا كويس الحمد لله وبعرف اسوق كويس وبعرف اعمل كل حاجه كويس انا لسه واقف على رجلية ولسه مجاش الاوان انى اضرب بالنار زى خيل الحكومه
_ليه كل كده انا مقصدتش حاجه انا كنت بدور على راحتك مش اكتر
عمار:راحتى اه يمكن ثم يتحرك بالسيارة تجاه الاوتيل
🌺🌺🌺🌺🌺🌺🌺🌺🌺🌺🌺
فى المساء
يجلس كل من عمر وشمس وإيمان وحسن يتبادلون الاحاديث
حسن :محضرلكم بروجرام بكرة تحفه
إيمان :حبيبي ياسونه منحرمش منك ياقلبي
حسن:ولا انحرم منك ياروح قلبي
إيمان :بس مش حنعطلك ياروحى
حسن:يالهوى تعطلينى د ه ايه ده انا نفسي تعطلينى عن الدنيا كلها
إيمان :هههههههه حبيبي ياسونه يخليك لية ياقلبي
حسن:لاء بقولك ايه بلاش الضحكه دى اعصابي متستحملش وبعدين معانا ناس احترمى نفسك
إيمان :سورى ياجماعه اصلي وانا قاعده مع سونه بنسى الدنيا كلها بحس اننا فعالم لوحدينا
عمر:لاخدوا راحتكم عالاخر اعتبرونا كأننا مش موجودين
حسن:معلش ياجماعه انتوا اكيد عارفينها طبعا
عمر:عارفينها ده احنا حافظينها
شمس:ربنا يهنيكم يارب
حسن:عقبال لما نفرح بيكم انتوا كمان
عمر وشمس ينظران لبعضهما ويدب الخجل فى قلوبهم
إيمان :يخرببيتك ايه اللى انت قلته ده
حسن :هو انا قلت حاجه ياللا بشرة خير ياجماعه المهم عاوزكم بكرة تستعدوا انتوا اجازة من الشغل وانا اجازة وحنولع شرم بكرة ان شاء الله
يلتفت عمر فيجدعمار قادم عليهم وفى يديه امرأة جمبله بيضاء البشرة شعرها اصفر وعيونها ملونه تشع حيويه وجمال
تشبه نجمات السينما
فيلتفت الكل لهم ويتساءلوا انفسهم ياترى من هذه الحسناء
عمار:مساء الخير يا جماعه
الجميع يرد واعينهم مسلطه على من بيديه ويريدون معرفة هويتها :مساء النور
عمار:اعرفكم مدام اشرقت. مراتى
🌺🌺🌺🌺🌺🌺🌺🌺🌺🌺🌺🌺🌺🌺
مغامرات شرم لسه منتهتش ولسه فى حاجات كتير معرفنهاش بس انا قلت انزلكم الجزء ده النهارده تصبيرة كده لحد مااكتب الفصل الجديد ان شاء الله
يارب يكون عجبكم ومعلش لو كانت الأحداث بطيئه شويه بحاول اسرع والله بس مش عارفه
اعملكم ايه حظكم معايا كده بقى
اشوفكم على خير الفصل الجاى ان شاءالله
تعليقاتكم وتوقعاتكم بقى متبخلوش علية واللا انا مستحقش يعنى ظبطونى بقى عشان اظبطكم انا كمان
💙💙💙💙💙💙💙💙💙💙💙💙💙💙
