في فيلا سلطان
مازالت شهد غاضبة من سلطان !!!
بينما ظل سلطان حبيس احزانه لا يتكلم !!!
تتصل شهد بنور لأطمئنان عليه …
شهد : بردو مش ناوي ترجع يا نور ؟؟
نور : مش هرجع يا ماما الا لما بابا يوافق انه ينسي الموضوع ده وميتكلمش فيه تاني .
شهد : عيب يا نور ، ده باباك ، مينفعش تفرض عليه شروطك بالشكل ده !!!
نور : وانتي شوفتي عمل معايا ايه ؟؟ بيقولي هيخلي امن الشركة يطردني من شركتي !!!
شهد : قولتلك باباك كان متعصب ولازم تتحمله .
نور : طول عمري بتحمله ، وانا دلوقتي مش صغير يا ماما علشان بابا يكلمني بالطريقة دي !! افرضي كلمني كده قدام موظفين الشركة او قدام مراتي .
شهد : عادي يا نور ده باباك ومهما عمل معاك مش عيب ، خلاص بقي يا نور هستناك ترجع النهاردة .
نور : مش هرجع ولا النهاردة ولا حتي بعد سنة الا لما هو يوعدني انه ميكلمنيش في موضوع الشركة والفلوس مرة تانية .
شهد : بردو يا نور !!! انت بردو مش عايز تسمع الكلام ؟!!
نور : ماما بعد اذنك انا بعمل الصح ليا وليكي ولنا كلنا ، مش هتيجي البنت دي وتاخد تعبنا طول السنين دي علي الجاهز .
تنزل شهد وتجلس في حديقة الفيلا وفجاة تجد رجلا غريبا يقف مع بواب الفيلا !!! ثم يأتي ويسألها : شهد هانم ، فيه محضر من المحكمة بيقول عايز سلطان بيه !!!
شهد : محضر !!!
البواب : ايوه يا هانم .
شهد : عايز سلطان بيه ليه ؟
البواب : بيقول ان سلطان ببه له جلسة في محكمة الاسرة .
شهد ” تضحك ” : محكمة الاسرة !!! ده اكيد فيه غلط في الاسم او العنوان .
تنادي شهد علي محضر المحكمة وتسأله : انت عايز مين بالظبط ؟؟
المحضر : مش دي فيلا سلطان ابو المجد ؟؟
شهد : ايوه .
المحضر : هو فين يا هانم ؟؟
شهد : سلطان بيه نايم فوق ، عايزه ليه ؟
المحضر : فيه اعلان من محكمة الأسرة بجلسة قـ,ـضية خـ,ـلع .
شهد : خلع ازاي ؟!! اذا كنت انا مراته وواقفة قدامك اهو !!!
المحضر : حضرتك مدام جميلة ؟؟
شهد ” بدهشة شديدة ” : جميلة !!!!!!!!!
المحضر : ايوه يا هانم ، زوجته مدام جميلة رفعت عليه قضية خلع .
شهد : طيب هات الاعلان انا هستلمه .
شهد تقرأت الاعلان والدموع تملأ عينيها !!!!! ثم تصعد الي غرفة سلطان لتجده جالسا شارد الذهن !!!
تمد يدها بورقة الاعلان وتقول ” بسخرية ” : اتفضل يا سلطان بيه استلم .
سلطان : ايه ده ؟
شهد : طالبينك في محكمة الاسرة علشان مراتك رافعة عليك قضـ,ـية خـ,ـلع !!
سلطان : مراتي !!!!!
يسحب منها الاعلان ويقرأه ويرتبك !!!
شهد ” بدموع ” : اتكلم ، دافع عن نفسك !! انا عايزة اعرف انت رجعتلها امتي وازاي ؟؟؟
سلطان : اناااا…..
شهد ” بسخرية ” : انت كداب وغشاش لكن ممثل قدير ، قدرت تمثل عليا الدور تمام .
سلطان : اناااا…
شهد : انت هتدافع عن نفسك تقول ايه ؟!! انا نفسي اعرف رجعتلها امتي ؟؟ وام الدكتورة كمان مش استحملتك وعايزة تطلق !!!
سلطان : اسمعي يا شهد .
شهد : مش عايزة اسمع منك حاجة !!!
سلطان : انا مطلقـ,ـتش جميلة رسمي لحد دلوقتي .
#ألف_قصة_و_قصة
#للكاتب_عادل_عبد_الله
شهد : يعني كنت بتضحك عليا وتستغفـ,ـلني لما قولتلي انك طلـ,ـقتها رسمي ؟؟!!
سلطان : مكنتش عايزك تزعلي .
شهد : مطلقتهاش علشان بتحبها !! مش كده ؟؟؟؟
سلطان : لأ مش بحبها ، انا كنت عايز اعوضها عن البهدلة اللي شافتها في حياتها بسببنا .
شهد : طـ,ـلقني يا سلطان .
تنويه :
سيتم قريبا نشر رواية_قطار_الأقدار للكاتب_عادل_عبد_الله
يارب تعجبكم
