#سلامو عليكو ورحمه الله
#وعليكم السلام
عزه ترمقه بنظرات حارقه ماذا هل استيقظت غيرتها الميته الان بالتاكيد لا غيرتها ترتبط بوجود اكياس بيديهم غيرتها ترتبط بالمال وحسب ابتعدت الصغيره لتجسو علي قدميها امام والدته وتحدثها بصوت هامس ولكنها بالتاكيد تقول شيء يسعدها لانها احتضنتها وطبعت قبله حانيه علي راسها جلس علي المقعد يتابع حديثها مع والدته ويتمني ان يستمع ولو لجزء صغير منه عندما وقفت عزه وقالت بحنق
#انا طالعه انام يلا ياجاسر
#اطلعي انتي ياعزه انا هقعد شويه مع الحاجه وعيشه
لعلها المره الاولي التي يقول هذا لذا استغربت وهو ايضا تعجب رده ففي العاده كان يتمني كل لحظه قرب صعدت وهي تزفر بضجر وعندها بدات الصغيره توزع الهدايا لم يكن يعلم انها خصت ايناس بغطاء للراس وولدها الرضيع بهديه قالت ايناس
#داانتي منستيش حد بقي ..بصراحه متوقعتش تفتكريني
حور بود #ليه بتقولي كده ياام جاسر النبي قال تهادو تحابوا
ايناس بابتسامه #صدق رسول الله
والدته ببتسامه مشجعه
#ربنا يكملك بعقلك يابنتي … امتحانك الجاي امتي
#بعد يومين ان ربنا اذن ….
عائشه بابتسامه
#مبروك علي الدبله ياحور
رفعت يدها تتامل الوانها الماسيه المنعكسه من الضوء وقالت بسعاده
#ربنا يبارك فيكي ياعيشه عقبالك تصبحوا علي خير بقي
جاسر #حور في شنطه انتي نسيتيها
تناولت الحقيبه الصغيره وقالت باسمه
#لاء مش نسيتها دي هديه ابله عزه بس مش رضيت ادهالها انا عشان متحرجنيش وممكن ترميها وتاخد ذنب فبفضل تديهالها انت تصبح علي خير
قالت جملتها وتوجهت نحو جناحها لتختفي بالداخل عائشه بالحاح
#عيله اد كده بس عليها مخ رهيب اموت واعرف جيبلها ايه
ايناس بحماس
#وانا كمان هموت واعرف
والدته #وبعدين معاكوا بقي … اطلع ارتاح ياجاسر
ترجل للاعلي وهو ممتليء فضول من تلك الهديه لعلها قنبله فهو تبدو صلبه هز راسه نفيا ماهذا السخف ترجل للداخل وجد عزه جالسه علي مقعد الزينه تضع مرطبات البشره علي وجهها وهذه بالنسبه له لافته ممنوع الاقتراب تنهد بقوه وجلس علي طرف الفراش وبدات هي تثرثر
#يعني اخدها من الصبح وخرجت مش فارقه علي فكره لكن كمان تجيبلها هدايا ودبله الماظ
زفر بضيق وهو يرفع يدها
#انتي كمان لبسه دبله الماظ علي فكره ولو مش واخده بالك كل سنه في عيد ميلادك بتنزلي تختاري اللي انتي عوزاه …
