= اخوكي فين يحياة ؟
اخوكي فين محمود فين ابني فين يحياة ردي عليا ابني فين
حياة بصتلها و فضلت تعيط و مش قادره تتكلم
اتكلم مجدي بهدوء
= اهدي بس يا فردوس
فردوس بانهيار= بقولكوا ابني فين هاته انا عايزه اشوفه
حياة ببكاء و هي بتمسك ايد فردوس و بتقرب وشها من ايديها و بتتكلم ببكاء
= ابيه ما…ت.. يا ماما ما..ت…
فردوس ببكاء و عصبيه = اخرررسي ابني ممـ..تش.. هو لسه عايش انا امه و حاسه بيه هو بخير حتى كان لسه معايا في الحلم من شويه قالي يا ماما انا جانبك مش هسيبك اوعي انا هروح اجيبه
حاولت تقوم لاقيت رجليها مش عارفه تحركها اتكلمت بغضب و هي بتحاول تحركها
= ابعدي ايديك عن رجلي يحياة انا مش عارفه احركها
بصتلها حياة بصدمه لانها مكنتش ماسكه رجليها
بصتلها فردوس بصدمه كبيره و هي بتحاول تحرك رجليها بس مش عارفه
اتكلمت بدموع
= رجلي مش بتتحرك ليه مش قادره احركها
حياة بصتلها بخوف و بصيت لعمها اللي جري بسرعه يجيب الدكتور و دخل و معاه الدكتور و بدأ يكشف على فردوس
= حركيها كدا
بقلمي يارا عبدالعزيز
فردوس بغضب و بكاء
= مش عارفه مش عارفه احركها خالص حاسه انها منمله مبتتحركش
الدكتور بحزن
= للاسف الصدمه اللي اتعرضت ليها السبب
مجدي بغضب
= يعني ايه يا دكتور مش هتقدر تمشي عليها تاني ؟!!!!!
الدكتور بأسف
= للاسف مش هتقدر
بصله الجميع بصدمه كبيره و خصوصاً حياة اللي كانت شبه بتنهار كليا
مجدي= احنا ممكن نسفرها برا اعمل اي حاجه
الدكتور= للاسف اللي حصل مش بسبب مرض عضوي عشان نقدر نصلحه اللي حصل بسبب صدمة نفسيه و احنا مش هنقدر ندخل بس ربنا قادر عن اذنكوا
حياة جريت على امها و حـ,ـضنتها و فضلت تعيط
= ما ماما
فردوس ببكاء و هي بتمسك في حياة
= محمود اخوكي يحياة اخوكي سابنا و مش هيرجع تاني
حياة ببكاء و هي بتمسك فيها اكتر
= انا معاكي و عمري ما هسيبك بس ابـ,ـوس.. ايديك اهدي عشاني يا ماما عشاني انا مبقاش ليا غيرك مش هسيبك
مر شهرين
و حياه فضلت قاعدة مع امها في شقتها بعد ما طلبت من مجدي تفضل معاها و كريم متكلمش بسبب الحالة اللي كانت فيها وقتها بس اقسم بداخله انه مش هيسيبها مع امها كتير
حياة كانت قاعدة مع والدتها اللي اصبحت ملازمه كرسيها المتحرك دائما
كانوا قاعدين على السفره و حياة بتأكلها
فردوس = كفايه يحياة كفايه يبنتي مش قادره تاني
حياه بهدوء
= بالله يا ماما الدكتور قال لازم تاكلي كويس عشاني يا ماما ارجوكي
فردوس كانت لسه هتتكلم بس قاطعها جرس الباب قامت حياة تفتح لاقيت كريم قدامها
اتنهدت بضيق و دخلت دخل وراها و اتكلم بهدوء
= عايزاك جوا لوحدنا لو سمحتي
فردوس بغضب
= عايز ايه يا كريم متفكرش عشان اخوها ما…ت.. يبقى خلاص انا موجوده و مش هسيبها
كريم بهدوء
= مرات عمي حياة مراتي و انا عايز اتكلم معاها شويه لوحدنا بس
بدأت تحرك كرسيها المتحرك و راحت قدامه و اتكلمت بحده
= و انت ملاكش كلام معاها يا كريم قول اللي انت عايزاه دلوقتي
اتنهد بضيق و مسك حياة من ايديها و دخل بيها اوضتها تحت نظرات الغضب من فردوس اللي حسيت انها مقيضه و مش عارفه اعمل لبنتها حاجه بسبب عجزها نزلت الدموع من عينيها و اتكلمت بعصبيه
= عشان ابوه سافر هيبدا يطالب بيها ما هو مبقاش فيه كبير يوقفه يا رب ملناش غيرك احميها منه
حياة بغضب = عايزه ايه يا كريم بقينا لوحدنا اتفضل قول عايز ايه
كريم قفل الباب و راح عندها و دفن.. وشه في عنقها و اتكلم بهمس = وحشتني و عايزاك يا حياة
حياة انا بحبك اوي و عارف انك بتحبني انا مستعد أطلق روان و تيجي تعيشي معايا و في حـ,ـضني..
حياة بسخرية = بتحبني يا كريم
كريم بهمس = بعشقك يحياه
حياة بغضب = يبقى تطلقني و تبعد عني عشان
طلع راسه من عنقها و اتكلم و هو بيمسك رسخ ايديها بغضب
= انتي بتعملي كدا ليه اومال لو مش بتحبني يعني
أومال لو مكنتيش سلمتلي نفسك قبل الجواز بتتعاملي كأنك مش عايزيني و انتي اصلا اللي جبراني على الجواز منك
حياة بصتلها بصتله بالم.. من كلامه اللي زي السكـ..اكسن بتغرز في قلبها اتكلمت بقوه عكس اللي جواها
= و انا. دلوقتي مبقتش عايزاك و انت هتطلقني يا كريم انت فاهم هتطلقني انا مش عايزاك افهم بقى
ضربـ..ها بقوه بالقلم.. على وشها و اتكلم بفحيح
= اخرررسي اياكي تجيبي سيرة الطلاق دي على لسانك
حياة بغضب و دموع
= لا هجيبها على لساني ديما ايه هتمـ..وتني مـ,ـوتـ..ني.. على الاقل المـ..وت هيكون ارحم منك مليون مره
بصلها و رفضها ليه جننه اكتر و الغضب عماه مسك ايديها بكل قوته و خرج بيها تحت نظرات فردوس
خدها و نزل بيها و حياة كانت بتحاول تفلت ايديها منه بس معرفتش نزل بيها على تحت
فردوس خرجت وقفت على طرف العتبه و هي بتبص للسلم و مش عارفه تنزل
حاولت تحرك رجليها عشان تنقذ بنتها لكن معرفتش
فضلت تضـ..رب الكرسي بايديها بغضب و دموع و هي بتدعي ربنا يحمي حياة من بين ايديه
كريم دخل بحياة تحت نظرات روان و ناديه
دخل اوضته قبل ما حد يتكلم و رمها… على السرير و اتكلم بغضب
= من انهارده دا مكانك و مش هتخرجي من هنا و امك انا هجبلها واحده تعقد معاها و تاخد بالها منها و لو عايزاك تشوفك تشوفك هنا في بيتي بيت جوزك و دا اخر كلامي يبنت عمي ادام الذوق مبينفعش معاكي و اخلعي الاسود اللي انتي ديما لابسه دا البسي الوان لجوزك و اااه انا مش هصبر عليكي كتير
قال كلامه و خرج من الاوضه و هو بيرزع.. بغضب
خرج من البيت بغضب و هو بيهرب من. مناقشه اي حد سواء كانت ناديه أو روان اللي كانوا بيشيطوا من الغضب من تصرفاته
في المساء
حياة كانت في الحمام بستفرغ بعد ما حسيت ان معدتها وجعها لانها ماكلتش اي حاجه طول اليوم
روان بصيت على اوضتها ملاقتهاش
دخلت الاوضه بسرعه و هي بتبص يمين و شمال و بتتأكد من ان اللاب مش مفتوح زي المره اللي فاتت
بصيت على علبه الفيتامين بتاعت حياة جريت بسرعه و قعدت على السرير بخوف و كبت كل الحبوب على السرير و فتحت شريط حبوب الإجهاض.. و كبته كله في العلبه بخوف و هي بتبص على الباب و هي مرعوبه حياة تيجي خديت حبوب الفيتامنيات من على السرير و خرجت قعدت في الصاله و هي بتتنهد براحه
خديت بالها من حياة اللي خرجت من الحمام و هي ماسكه معدتها بالم..
بصتلها روان و ضحكت بشـ..ر..
= لسه بدري على الالم.. يحياة البسي بقى اديني هخلـ..صك من كريم نهائيا و معاه اللي في بطنك فوق البيعه يعيني عليه مش هيلحق يشوف الدنيا
بقلمي يارا عبدالعزيز
دخلت حياة الاوضه
وقعدت على السرير و هي ماسكه معدتها بالم.. فتحت علبه الفيتامين و خديت منها حبيتن و خدتهم
بعد مرور نصف ساعه مروا على روان و هي منتظره بفارغ الصبر
دخل كريم دخل اوضه حياة لاقها قاعدة على السرير و ماسكه بطنها بالم.. مفرط
كريم بخوف شديد= مالك يحياة فيه ايه
حياة بالم شديد = مش قادره مش قادره ضهري ضهري و بطني بمـ..وت
كريم كان لسه هيتكلم بس قاطعه حياة اللي سقطت مغشيا عليها و في بحور من الدم… بتنزل منها و
يُتبع…
عارفه ان البارت حزين جدا و ان اكيد الكل زعل على محمود بس اللي فيكم قرأ ليا قبل كدا هيكون عارف ان مفيش اي روايه ليا ظلمت اي حد فيها أو طلعت حد منها من غير ما ياخد جزاءه
ومين عارف مش يمكن مـ..وت محمود دا يكون سبب في طوق نجاه لحياة
تابعوا معايا القادم و حقيقى مش هتندموا و شكرا لدعمكم و متابعتكم ليا
بحبكم جدا بجد
يتبع
