سارة بصت لي بحزن مسكت ايده:يلا روح اتوضي كدا وادعي ليها وانا كمان هعمل كدا دلوقتي يلا بلاش نفكر كتير يا كريم خير والله خير ان شاءلله
كريم دار ضهره بالفعل ماشي في المستشفى بدأ يبعد وهو حاسس روحه تخرج منه من شده الرعب علي مراته.
♡♡♡♡♡♡♡♡♡♡♡♡♡♡♡♡
بعد كام ساعة في القلق و الخوف وهما قاعدين يدعو لها انها تقوم بالسلامة.
كريم بص علي الساعة في ايده اتنهد وقال: يارب ما تجيب غير كل خير يارب
الدكتورة طلعت من غرفة العمليات وهي شايله بيبي
كريم و سارة قامو بسرعة بتوتر
كريم بسرعة: دكتوره طمنيني علي مراتي عامله ايه دلوقتي
سارة بإبتسامة: اخدت البيبي
بإبتسامة و فرحه: اللهم بارك البنوته قمر يا كريم اللهم بارك اللهم بارك يارب
الدكتوره بحزن: مبارك علي الطفلة يا استاذ كريم.
كريم بلهفه: دكتورة حياة طمنيني عليها بالله عليكي هي كويسه صح قولي انها كويسه
سارة بخوف: دكتورة حياة كويسه صح؟
الدكتوره بحزن: البقاء لله يا جماعة للاسف مدام حياة اتوفت
الكلمه نزلت عليهم زي السهم اللي ضـ,ـرب في قلوبهم
كريم بغير استوعاب: ا ا انتي بتقولي ايه مستحيل يكون الكلام ده صح
سارة بدأت تعيط جامد مش مصدقه انها ماتت
كريم بدأ الدموع تنزل منه غضب عنه قال بغضب: اااانتيي ااااكيد مش عااااارفه حااااجه هيي عااايشه عااايشه
الدكتوره بدموع: للاسف الكلام حقيقي والله هي خلاص انا قولت قبل كدا في اول الحمل ان الحمل صعب عليها البيبي لازم ينزل علشان يا هي يا الطفله اللي لازم تعيش
كريم جواه مش مصدق حاسس ان الحياة من هنا بقت واقفه و الساعه الوقت كل حاجه حواليه مش حاسس بأي شئ غير ان الدنيا سواد في وشه
سارة كانت بتبكي جامد وحـ,ـضنه الطفله. الممرضة جت اخدت الطفله منها
حياة دخلت عند حياة حـ,ـضنتها جامد وهي تبكي في انهيار عليها
كريم داخل بدموع عليها وكل قلبه وعقله مشتت بالحزن عليها.
_________________________
عند شهد كانت طالعه من المدرسة
لول لما طلعت في حد من بعيد بدأ يصور فيها من غير ما حد ينتبه لي او هي تشوفه حتى.
_________________________
في منزل السيوفي.
نور دخلت البيت بتعب دخلت علي الاوضه بتاعتها. وكان كل عقلها شغال بالتفكير في احمد و شهد راقضت علي السرير بصت ل الدبدوب قالت بزهق: ينفع كدا يا صاحبي مش ينفع صح؟ انا عارفه انك معايا ي صاحبي اكيد. اتنهدت و راحت قاامت بدأت تبدل في الهدوم بعدها دخلت الحمام تاخد شاور وطلعت تصلي.
_________________________
شهد كانت جت البيت هي أيضاً غيرت الهدوم راحت ع الاوضه بتاعت ميار. اول لما دخلت بدأت تبكي. ميار بصت ليها بخضه قاامت من علي المكتب.
ميار بقلق: مالك يا شهد بتعيطي ليه قالت بسخرية: لا يكون اتخنقتي انتي و احمد تاني
شهد بدموع: ياريت كان احسن من الضيق من الضيق اللي جوايا ده والله
ميار: وانتي مضايقه من اي يختي ميكنش سامي جالك المدرسة تاني ولا اي.؟؟؟؟
شهد قعدت علي السرير يزهق: نور الصبح شفتني وأنا بحـ,ـضن في احمد وانا خايفه احسن تروح تقول حاجه ل بابا
ميار بغضب: وانتي تحـ,ـضني احمد ليه ان شاءلله هو انتي مش ترتاحي غير لما تجيبي لنفسك بلوه انا عارفه والله
شهد بحزن: بس انا بحب احمد علشان كدا انا متعودة عليه
ميار بعصبيه: حبي يا حبيبتي بس مش تعملي اللي انتي بتعمليه ده كانه جوزك احترامي نفسك احسنلك علشان ساعة الغلط محدش يرحمك في البيت نهائي من ايديهم
شهد بعد فهم: محدش يرحمني ازاي علي اي يعني مش فاهمه؟
ميار: انا وانتي فاهمين كويس انا اقصد اي فا انتي لمي نفسك كدا شويه علشان وقت الغلط الشيطان بيبقي عايز اكتر من كدا صدقيني لو حصل حاجه ما بينك انتي و احمد مش هيطلع عليكي الناـ,ـر. لو حصل كدا في يوم وانا بقولك اهو وأنتي عارفه اللي بيعمل اي حاجه في العيلة دي بيعملو فيها اي كويس
شهد بخوف: ميار انا انت مستحيل اعمل حاجه زي كدا وانا اصلا مش بفكر في حاجه زي كدا نهائي والله انت هبلة انا بحبه و دايما عاوزه افضل معاه و مستنيه كل واحد فينا نخلص الكام سنه دول لكن مش في نيتي حاجه زي كده والله العظيم
ميار بزهق: براحتك انا مليش دعوه بيكي صدقيني ساعه كدا احمد مش ها يسأل فيكي و هسيبك وانا كمان هقولهم مكنتش اعرف حاجه عنها ابدأ
شهد بدموع: انتوا تغدرو بالواحد كده ليه دا انا بنت عمكم الوحيدة يعني
ميار اتنهدت وقالت: ماانا بقولك اهو خدي بالك من نفسك بلاش ترمي نفسك علي احمد بالطريقة دي
شهد بدموع و زهق: تمام طيب و نور هتعملي فيها اي دلوقتي احسن تقول ليهم حاجه
ميار ببرود: نور سيبك منها مش هتقول حاجه لحد
شهد بتوتر: انتي متاكده طب انتي قوليلها اوعي تقولي حاجه و. اللي حصل ده مش هيحصل تاني قوليلها اي حاجه
ميار بعصبيه: بقولك ايه اطلعي يلا علشان عاوزه اذاكر يلا لو نور قالت حاجه سبيها عليا انا
شهد بغضب: انتي غريبه كفايه عصبيه شويه يا بنتي بقا
ميار قعدت علي المكتب: اطلعي بره يلا بقولك
شهد راحت طالعه وقافله الباب
في الصالون اميرة كانت بتنادي علي البنات علشان تاكل. الكل منهم طلع قاعد علي السفرة.
سميرة: مالك يا شهد حاسه انك زعلانه كدا حد مزعلك ولا اي؟
شهد بإبتسامة حزن: لا يا مرات عمي مفيش حاجه
نور زعلانه عليها جامد مش عاوزه تشوفها بتعمل غلط وتسكت عاوزه تخليها تمشي في الطريق الصح
اميره: انا مش عارفه مالها كل يوم في حال وتروح وتجي عند ام أمال مش عاوزه تقعد في مكان واحد البت دي
أمال بغضب: انا نفسي زهقت منهم و تعبت اقولها اقعد معاها تجي تجري علي هنا مش عارفه هى مالها مش علي بعضها ليه
شهد قامت من علي السفرة بعياط: ماما انتي عايزني اقعد علي طول هناك انا مش حابه اقعد هناك انك بزهق مش بلاقي حد يقعد معايا ولا يسهر
أمال بغضب: عالي صوتك كمان عليا ياا بت ولا اقولك بدل ده كلو تعالي اضـ,ـربيني احسن
اميرة قامت: بسسسسس انتي وهي في اي مفيش احترام الاكل نهائي انتي وهي أمال كفايه شوفيها مالها زهقانه من اي وانتي يا بت اسكتي بلاش صوت عالي ولمي لسانك و اقعدي
شهد بدموع: انا شبعت الحمدلله
راحت دخلت الاوضه بتاعتها
أمال بصوت عالي: ان شاءلله عنك ما طفحتي غوري كتك نيله
سميرة بغضب: ما كفايه بقي و اسكتي انتي لسانك سم كدا ليه شوفيها هي عاوزه اي او مالها دي انتي غريبه اوى
امال بزهق: البت مفيش غير انها كل شويه راحه جايه رايحه جايه اتلكك ميت مره مره نسيت حاجه مره عاوزه فلوس مره زهقانه مره مش عارفه اي اااااي دههه الله
اميرة بهدوء: ياا ختيي كفايه كفايه دماغييي صداعت منك بقا اسكتي
نور قاامت راحت ليها الاوضه
ميار طلعت من الاوضه علي صوتهم:في اي مالكم؟؟
ااميرة: روحي ل شهد في الاوضه بتاعتها يا ميار
ميار: تمام . راحت دخلت
نور قعدت جنبها علي السرير كانت قاعده علي السرير تبكي
نور حـ,ـضنتها بحزن: خلاص كفايه عياط العياط مش يفيدك بحاجة والله قومي كده توضي وصلي الظهر وخدي قرار كدا انك طلعي احمد من دماغك اهتمي في الدراسه اهم حاجه من ده كله لو ليكي نصيب انتي وهو تبقي لبعض هتبقي لبعض حتى لو بعد ميت سنه والله ي حبيبتي
