ادم دخلت الاوضه انا والدكتور لاقيت سما بتضحك ودموعها بتنزل بصيت علي سند لاقيته مفتح …هو ده سبب فرحه سما
بعد ما فوقت من الفرحه اللي كانت زي الصدمه قربت بسرعه من سند ومسكت أيده واتكلمت بفرحه …حمدالله على سلامتك…
سند اتكلم بضعف … الله يسلمك..
الدكتور قرب من سند وانا بعدت عنه ….حاسس بحاجه يا استاذ سند….
سند اتكلم بضيع… هو انا هنا ليه…
الدكتور اتكلم بحزن ….انت مش فاكر اللي حصل امبارح…
سند اتكلم بحزن ….لا فاكر امبارح كان يوم وفاه امي وبكده بقيت يتيم الام والاب …
من الصدمه حسيت كأن حد ضربني علي قلبي … اتكلمت بسرعه ….ازاي كان امبارح
الدكتور اتكلم ….متاكد انه كان امبارح ….
سند بحزن…ايوه وبعد الدفنه دخلت البيت ونمت ولما صحيت لاقيت نفسي هنا ممكن تقولي انا هنا بعمل ايه وليه حاسس بوجع في جسمي كله ورجليه اكتر …
الدكتور اتكلم معنا …ممكن نتكلم بره شويه اتفضلوا…وقبل ما نطلع سال سند عندك كم سنه….
سند بحزن….عندي ١٣سنه…
اتكلمت بخوف ….هو في ايه يا دكتور و١٣سنه ايه اللي بيقول عليهم…
الدكتور …يلا بس نتكلم بره….
خرجت وانا حاسه بالدنيا بتلف بيه ازاي سند ناسي كل اللي فات ازاي ….اتكلمت بحزن….هو ازاي مش فاكر اللي حصل معه امبارح…
الدكتور اتكلم بحزن ….للاسف الاستاذ سند من كتر الضغط النفسي اللي كان فيه عقله قرر يتحرر من كل ده ورجعه لاول صدمه حصلتله في حياته وهي أنه فقد أمه وبقي يتيم الاب والام …
اتكلمت بحزن…يعني ايه ..
الدكتور ….يعني سند رجع بعقله لسن ١٣ووقف …
طيب هيرجع أمته لسنه…
الدكتور اتكلم بحزن ….الله اعلم يمكن دلوقتي ويمكن بكره ويمكن كمان سنه ويمكن يفضل كده علي طول كل اللي انا محتاجه انكم تتعملوا معه علي الأساس ده أنه مرـ,ـاهق في سن ١٣…
ادم بحزن….طيب يادكتور ….يلا يا سما ندخله…
اتكلمت بحزن….يعني هو دلوقتي مش فاكرني ولا عرفني…
الدكتور اتكلم….ياانسه اهم حاجه الفتره الجايه تعاملكم معه وماحديش يحكيله حاجه تصـ,ـدمه ولا يفكره بذكريات سيء..
اتكلمت بحزن …حاضر ..
دخلت الاوضه من تاني لاقيته مغمض عنيه قربت منه وقعت جنبه واتكلمت بحزن….انا اسفه
ودموعي زادت
وانا لسه عيني بتروح في النوم سمعت صوت واحده بتقولي
انا اسفه فتحت عيني لاقيتها بتعيط …حسيت بقلبي وجعني برغم اني اول مره اشوفها….اتكلمت بهدوء ….بتعيطي ليه يا
عمتي …
رفعت عيني لما لاقيته بيكلمني بس بيقولي يا عمتي …رديت عليه وانا بمسح دموعي ….ولا حاجه دي دموع الفرحه انك قومت بالسلامه ..
سند بحنان …طيب كفايه عيط …
رديت عليه وانا بمسح دموعي بكمي ….حاضر وقومت من جنبه ووقفت جنب ادم….
ادم سما جات وقفت جنبي بحزن …طبطبت عليها واتكلمت … الحمد لله أنه فاق والباقي جاي بعدين
سند اتكلم
رديت عليه بسرعه
ادم حسيت بالفرحه حتي لو كان للحظه
البارت انتهاء بس الحكايه لسه واللي جاي اغرب من اللي فات
هستني رايكم في الحكايه وفي بارت النهارده
رايكم بيهمني
الروايه من تأليفي وملهاش أي وجود في الحقيقه هي من نسج خيالي ده ردي علي تعليق وباقي التعليقات الحلوه انا بشكرهم جدا علي كلامهم …
وحاتم دوره انتهاء في الروايه لو ظهر هيكون في ذكريات من الماضي بتفتكره البطله ….
انا اي حكايه بكتبها بتكون طلعه من قلبي اتمنا تكون بتواصل لقلوبكم…
عايزين الروايه تكون قصيره ولا اكتب حسب نسجي للحكايه…
حكايه من واحي خيالي المجنون…
ياريت التفاعل معها يزيد ….
يتبع
