آدم ..لحد امتى هفضل بحبك وانت مش حاسه ولا عارفة بس هستحمل لحد ماتحسى انى بحبك
عند عشق نزلت من التاكسي ودخلت الكليه وطبعا كل الولاد كانت هتموت عليها بس طبعا محدش يقدر يجى يكلمها علشان عارف ان عشق بتصد الناس كلها
دخلت كعادتها ودخلت السكشن
عشق ..رحمه حبيبتى عامله ايه
رحمه ..الحمد لله يا حبيبتى
عشق ..وحشانى والله
رحمه ..وانتي اكتر انتي إللى مش بتيجى الكليه
عشق ..معلش انتي عارفة الشغل
رحمه ..ربنا معاكى يا قلبي
دخل عليهم اكتر شخص بارد وهو عمرو وهو بيحب عشق من زمان بس عشق مش بتحبه ولا بتديله اي اهتمام
عمرو ..ازيك يا اجمل دكتورة
عشق ببرود ..الحمد لله
عمرو ..يارب دايما انا بحب اشوفك كتير فى الكليه ياريت تيجى كتير
عشق ..ان شاء الله هاجى بس مش علشانك علشان محضرتي
عمرو اتحرج بس ما بينش ..طب ممكن تقعدى معايا فى الكافيه بتاع الكليه بعد ما تخلصي
عشق ..مش هينفع يا عمرو للاسف
عمرو ..انتي ليه مش عايزة تدينى فرصه انك تحبينى
عشق ..مش عايزة احب اصلا يا عمرو
عمرو ..خلاص براحتك يا عشق وسابها ومشي وهو بيطلع نار
رحمه بضحك ..والله شكلك حلو اووى وانتي بتستفزيه
عشق ..مهو إللى شايف انى ممكن احبه سخيف
رحمه ..جدا
دخل الدكتور السكشن وابتدا يشرح
ولما خلص الشرح وعشق خرجت اخدت تاكسي وراحت على المستشفى بسرعه علشان الحاله إللى طالبها
عشق هى دكتورة جراحه وأكبر دكتوره فى المستشفى
اول مدخلت راحت عند آدم
عشق ..دكتور آدم بجد اسفه على تأخير بس عقبال ما السكشن خلص
آدم ..عارف يا عشق اتفضلى روحى شوفى المريض
عشق..تمام يا دكتور
راحت عشق غيرت لبسها وراحت للمريض
دخلت لقت طفل صغير متعور وبينزف من دراعه جامد
وست اقعده جامبه وباين انها مامته وشكلها حزينه عليه جدا
عشق ..انا اسفه والله على التاخير
ست ..لا يا حبيبتى محصلش حاجه
عشق للولد ..ايه يا قمر مالك متعيطش حاجه بسيطه
الولد ببراءه..بس متدنيش حقنه يا دكتورة علشان بخاف
عشق ..متخافش يا قمر بس انا هديك حقنه صغيرة علشان متحاسش بوجع
الولد ..ماشي يا دكتورة
وبعد فترة كانت عشق خلصت
ست ..انا مش عارفة اشكرك ازاي لا وكمان خلصتى بسرعه
عشق ..دا واجبي بس هو يشرب عصاير كتير وهيبقا تمام علشان بس يعوض الدم إللى فاقده
الست ..ميرسي جدا ليكى
عشق ابتسمت وراحت مكتبها تريح شويه
اوقعتني في حبها
الفصل من ٣ الي ٤
للكاتبة اسراء محمود
#الفصل_٣
الفصل 3
عند مراد وادهم
مراد وادهم كانوا بيتناقشه فى القبض على فريد بدون اخطاء
ادهم ..ببببس كفايه يا عم دماغى بتصفر
مراد بسخرية..ايه يا سوسن تعبتى
ادهم ..بطل يا مراد سخريه وبعدين فعلا انا تعبت وجعان اووى
مراد ..على طول همك على بطنك الله يخربيت اليوم إللى جيت اشتغلت فيه ظابط شرطه
ادهم ..دا انت من غيري متقدرش تعيش
مراد ..اة هموت من غيرك
ادهم .. مش عارف امتى بقا تجوز وتفرحنى بيك يا قطه يا جميله يا حلوة انتي
مراد ضربه على دماغه ..انت عارف ان انا مش عايز احب ولا اتحب علشان مظلمهاش معايا وبعدين كل الستات زى بعدها كلهم بيسلمه نفسهم ل اي راجل يعدي قدامهم كلهم بيكشفه جسمهم ل اى راجل حتى من غير ما يطلب منهم مفيش دلوقتى واحده محترمه
ادهم ..فيه يا مراد بس انت إللى مش بدور وبعدين هدور ليه وانت البنات هتموت عليك وتيجى ترمى نفسها تحت رجليك
مراد ..الله اكبر يخربيت عينك وقرك يا شيخ روح اجوز انت وريحينى منك
ادهم بهيام ..يا ريت والله نفسي اجوز واستقر بقا
مراد ..هتموت انت على الجواز
ادهم ..اة والله يا اخويا بس اهم حاجه ان انا وهى نكون بنحب بعض
مراد ..ربنا يعطرك فى بنت الحلال يا بنى
ادهم ..مالك بتتكلم ليه زى امى كده
مراد ..مهو دا إللى ينفع معاك ومع طريقتك
ادهم ..ما انت إللى قفوش اووى خليك فرفوش
مراد ..انا قفوش
ادهم ..اى نعم
مراد وهو بيحدفه بطافية السجاير ..طب برا بقا يا زفت
ادهم ..مجتش فيا
مراد لسه هيقلع الجزمه ادهم طلع يجرى
فى مستشفى عند عشق وادم
ادم كان بيمر على المرضه وبيشوف الدكاترة بيعملوا شغلهم كويس ولا لا شاف عشق وهى اقعده ومركزه فى المكتب وبتقرا ملف لحاله عندها
آدم..فى نفسه مش عارف انتي واقعتينى فى حبك كده من اول مرة شوفتك فيها وانا عشقتك يا عشق نفسي تحسي بيا بقا علشان انا تعبت
وافتكر اول مقابله بنهم
فلاش باك
عشق دخلت المستشفى وهى مذهوله من شكل وكبر المستشفى وكانت بتتمنى انها تقبل فى المستشفى ديه وتكون أكبر دكتورة جراحه
وهى دخلت خبطت فى حد وقع كل الورق بتاع التقديم
عشق ..مش تشوف اقدامك يا استاذ بدل ما انت عمال بتخبط فى الناس كده
آدم ..انتي بتكلمينى انا
عشق ..لا بكلم امى
آدم..انتي جايبه السان الطويل دا منين
عشق ..وانت مالك ايه البلاوى إللى بتتحدف علينا ديه
آدم..وانتي مين بقا
عشق ..وانت مالك بتدخل ليه
آدم..انا مالى هتعرفى بعد شويه انا مالى اووى
ومشي آدم وهو بيقول فى نفسه
آدم..يخربيت عيونك يا شيخه هو فيه كده
وبعد شويه كانت عشق داخله لصاحب المستشفى علشان المقابلة
عشق خبطت ودخلت لقت حد اقعد ومديها ضهره
عشق ..احممم انا دكتورة عشق دكتورة جراحه وبعمل دراسات عليا و…..
آدم فى نفسه ..وكمان اسمها عشق شكلها هتبقى عشقي انا وبس
آدم..اتفضلى يا دكتورة عشق
ولف ليها
عشق ..هو انت الواد الرخم إللى خبط فيه من شويه
آدم..رخم
عشق ..اسفه والله يا رخم اقصدى يا دكتور آدم
آدم وهو بيحاول يتحكم فى ضحكته ..خلاص يا دكتوره محصلش حاجه انتي ورقك كله بيثبت انك كونتى ممتازة فى الدراسه وكل الداكتره بيشكروا فيكى
عشق ..يعنى انا اتقبلت في الشغل
آدم ..هو انتي لو مكنتيش قولتى عليا رخم كونت وافقت
عشق بدموع ..والله ما كونت اعرف ولو كنت عرفت مكنتش عملت حاجه انا اسفه
آدم ..طب بتعيطى ليه
عشق..علشان مش هشتغل هنا ودا كان حلم حياتي
آدم ..اهدى والله كنت بهزر انتي اكيد هتشتغلى معايا انا مش سهل القي زيك تاني
عشق ..بجد
آدم..اة بجد
عشق ..الحمد لله
آدم.. اتفضلى انتي وهشوفك بكرا علشان نبدا الشغل
عشق ..تمام يا دكتور
آدم ..طب ممكن متقوليش دكتور تانى غير واحنا قدام الناس غير كده آدم وبس
عشق بكسوف ..تمام
وخرجت عشق واتنهد آدم
آدم..شكلى هحبك يا عشقى
انتهي الفلاش باك
فى الوقت دا عشق خدت بالها من آدم
عشق ..آدم تعالى ايه إللى موقفك كده
آدم ..لا عادى كنت بعدى على الدكاترة فقولت اعدى عليكى
عشق ..طب تعالى اقعد معايا
آدم..طيب ايه رايك اشرحلك شويه في المحاضرة بتاعت انهاردة
عشق ..تمام يا رئيس
وبدا آدم يشرح لعشق بتركيز
عشق..كفايه تعبت وعايزة انام
آدم ..كسوله
عشق ..ما انا مش قادرة افتح عينى والله
آدم ..خلاص روحى انتي
عشق ..لا لسه فى حوالى ساعتين على معاد الخروج
آدم ..وانا صاحب المستشفى وبقولك روحى نامى وانا شويه وهروح علشان غادة هانم مستنيانى على العشاء
عشق .. والله طنط ديه انا حبتها من كلامك عليها مامتك ديه شكلها سكر وباباك كمان
آدم..عجبك اووى بابا
عشق ..جدا
آدم بغيره..طب روحى يا عشق بدل ما ارتكب فيكى جريمه
عشق ..لا امشي احسن
وروحت عشق البيت
عند مراد روح البيت بعد ما خلص شغله وكان تعبان واقعد يفتكر ازاي فقد مامته وباباه وافتكر لما عملوا حادثه عربيه وهو نجاء منها بصعوبه وقد ايه اخد فترة عقبال ما طلع من حاله الاكتئاب إللى هو فيها وافتكر آدم صاحبه وصاحب باباه توفيق إلا ربوه مع آدم واعتبروه ابنهم
مراد اتصل بغاده مامت آدم.. الو يا غدغد يا قمر انتي
غادة .. لسه فاكر امك انا مش عارفة طالع براوى لمين
مراد ..ما انتي عارفة يا غدغد شغلى صعب ازاي
غادة ..ربنا معاك يا حبيبى
مراد..يارب يا امى
فى نفس الوقت دا وصل آدم البيت
آدم لغادة ..مين إللى بيكلمك يا غدغد
غادة ..دا مراد
آدم ..طب هاتى التليفون علشان وحشنى
غادة لمراد ..حبيبي آدم عايز يكلمك خده
مراد ..ماشي يا غدغد دا وحشنى
آدم..ما انا لو كنت وحشتك كنت سالت يا جزمه
مراد ..والله مشغول
آدم..ماشي يا كبير مش هتعدى علينا
مراد ..خلاص هعدى عليك بكرا فى المستشفى
آدم ..وانا مستنيك يا مراد
مراد ..تمام يا حبيبي هقفل انا بقا علشان انام شويه
آدم ..سلام يا حبيبي
مراد ..سلام
عشق روحت البيت لقت أخواتها المجانين بيجرو ورا بعض كالعاده
سهام ..مش هتاكلى يا عشق
عشق..مش قادرة يا ماما انا جعانه نوم
سهام ..طب ادخلى رايحى يا بنتى شويه ربنا يعينك
عشق . يارب
ودخلت عشق نامت وكل من ابطالنا ناموا
#الفصل_٤
الفصل 4
يشرق صباح يوم جديد وتستيقظ بطالتنا على شعاع الشمس الذى يداعب عينها فاقت عشق وادت فرضها وارتدات فستان من اللون الابيض عليه ورود من اللون البينك ولفت الطرحه بينك والكوتشي ابيض وشنطة بيضه وخرجت من غرفتها وهى متعجبه
عشق لسهام..هما فين المجانين ملهمش صوت
سهام ..كان عندهم محاضرات الصبح بدرى ومشيوا
عشق باستغراب..ومن غير الخناق بتاع كل يوم دا
سهام ..شكلهم قالبين على بعض المهم سيبك منهم وتعالى افطرى علشان الكليه بتاعتك
عشق ..مليش نفس يا ماما
سهام ..لا يا عشق مش هينفع كده تعالى كلى علشان متوقعيش من طولك يا بنتى يلا وحياتى عندك
عشق ..حاضر بس علشان خاطرك انتي بس يا سوسو واقعدت عشق تفطر مع سهام
عشق ..الحمد لله هنزل انا بقا يا سوسو
سهام ..ماشي يا حبيبتى خلى بالك من نفسك
عشق ..حاضر يا سوسو يا قمر
ونزلت عشق وراحت الكليه
عند مراد صحى على تليفونه بيرن
مراد بص لقا شاهى بتتصل عليه
مراد ..اووووف بقا مش هخلص منك
مراد ..الو يا شاهى عايزة ايه
شاهى ..يعنى انا موحشتكش يا مراد بقالك كتير مش بتيجى الشقه لا وكمان مش بتكلمنى
مراد .. انا مشغول يا شاهى وانتي عارفة كده
شاهى ..طب تعالى بليل بليز يا مراد انت وحشنى اووى
مراد ..حاضر يا شاهى هاجى بليل
وقفل معاها وقام لبس وراح شغله وافتكر انه هيعدى على آدم بس قال بعد الشغل
عشق راحت الكليه واول مدخلت شافت عمرو فى وشها
عشق فى سرها ..يادى النيله هو مش هيحل عنى بقا
عمرو قرب من عشق
عمرو ..عشق عامله ايه
عشق بدون نفس ..الحمد لله انت عامل ايه
عمرو.. مش كويس خالص طول ما انتي مش معايا
عشق ..عمرو انت مش بتزهق من الكلام دا
عمرو ..لا يا عشق ونفسي تحبينى زى ما انا بحبك
عشق ..عمرو انا مش فاضيه انا همشي علشان المحاضرة بتاعتى سلام
عمرو فى نفسه ..مش هسيبك يا عشق حتى لو كونت هموتك واشوفك ميته قدامى احسن من انك تروحى لحد غيري
دخلت عشق المدرج واقعدت جمب رحمه وهى مخنوقه
رحمه ..مالك يا بنتى داخله من غير سلام ولا كلام ايه مش شيفانى
عشق بخنقه..مفيش يا رحمه
رحمه..لا فيه اكيد الزفت إللى اسمه عمرو دا تانى جه كلمك
عشق ..اة جه انا مش عارفه هو مصمم ليه على الحب دا بجد انا زهقت
رحمه ..طب خلاص سيبك منه خلينا فى آدم العسل دا عامله معاه ايه
عشق ..هعمل ايه يعنى
رحمه ..يا بنتى دا شكله بيحبك من كتر الكلام إللى بتحكيه عنه شكله بيحبك وبيحبك اووى كمان
عشق..بس انا مش شايفه غير اخ اكتر من كده لا
رحمه ..شكلك هتعنسي
عشق ..انتي عارفة انا لازم احب عايزة راجل يقتحم قلبي ابقا عايزة اشوفه كتير احب اقعد اكلم معاه واسرح فى عيونه انا عايزة احب وبس مش عايزة ولا عمرو ولا آدم
رحمه..الله على الكلام الجميل من امتى والعقل دا موجود
عشق ..موجود بس انتي مش واخده بالك
فى الوقت دا المحاضرة بدأت وقطعت كلامهم عشق خلصت المحاضرات ومشيت راحت المستشفى وكانت حاسه بنشاط وحماس غريب
عند مراد كان بيلم حاجته علشان يروح عند آدم وبعدها عند شاهى
دخل عليه ادهم
ادهم ..اقف عندك يا سيد مراد إلى أين تذهب بدونى رايح تسرمح يا خاين يا جبان
مراد وهو بيضحك ..يخربيت حراكاتك بضحكنى والله مع انى كل يوم بشك انت ازاي دخلت شرطه
ادهم ..قدرات يا بنى قدرات
مراد..ماشي ياعم القدرات
ادهم ..رايح فين انا عارف اكيد رايح للبنات بتوعك
مراد ..بص انا هروح الاول عند آدم وبعد كده هروح عند شاهى
ادهم ..واووو شاهى البت المززه ديه إللى مش برتاح ليها
مراد ..هى مززه اة بس بردو مش داخله دماغى كلهم نسخه واحده كلهم بيجوا يسلمه نفسهم ليا من غير ما طلب
ادهم ..انا عارف ان مفيش اى بنت بتدخل دماغك دماغك جزمه
مراد ..ملكش دعوه بيا يلا انا ماشي هروح المستشفى
ادهم ..تمام مراد هو مش انت ليك جزء فى المستشفى مش بتروح ليه تتباع مع آدم
مراد ..انا إللى مش عايز يا ادهم
ادهم ..تمام يا صاحبي
مراد مشي وركب عربيته وراح عند آدم
عشق وصلت ودخلت مكتبها
آدم كالعاده بيلف على الدكاترة
آدم شاف عشق وجمالها قال فى سرة ..الله يخربيت جمالك هتجنينى بجمالك دا
آدم ..ازيك يا عشق
عشق ..الحمد لله يا آدم
آدم..واووو الفستان شكله تحفه عليكى
عشق ..ميرسي
