#مرام_بقلم_مريم_اليوسف
#الجزء_الثامن_عشر
يوسف : كيف يعني مافهمت ؟؟
محمود : انو قرب منها …انو حاصرها بين اديك بوسها واذا بتحبك مارح تقدر تقاومك ورح تعترف بحبك وهية مانها حاسة على حالها
يوسف : او والله جبتها …انا رايح لعندها
……………………
في مكتب مرام دخلت وجلست على الكرسي وفتحت الابتوب وبدأت تعمل رن الهاتف
مرام : اي نغم
نغم : استاذة مرام …الاستاذ يوسف بدو يقابلك
مرام ابتسمت ابتسامة صغيرة : قوليلو مانها فاضي تقابل حدا
فتح الباب
يوسف : بس انا ماني اي حدا
مرام تظاهرت بالعصبية : استاذ يوسف انت ماعندك شغلة وعملة غير انا … وبعدين انت ماقلتلي انك مانك مسامحني ياعمي انا موافقة انك ماتسامحتني بس بترجاك اتطلاع من حياتي .اقترب ووضع يديه على الطاولة ونظر اليها مباشرة
يوسف : انا حكيت هيك لاني كنت معصب منك بس انا مابقدر ازعل منك ..وكمان حياتي هية نفسها حياتك مرام انا بحبك والله بحبك وكمان شغلة صرلها سبع سنين وراحت ونحنا الاتنين تحملنا العقاب واذا رب العالمين بسامح انت ليش ماعم تسامحيني
مرام كانت تنظر بعيونه وتائهة بهم ثم صحت على نفسها ورجعت الى الخلف وسندت ظهرها على الكرسي : يوسف انا قلتلك اني سامحتك
يوسف : لا ماسامحتيني لو سامحتيني كنت ارجعتيلي
مرام : لا مو شرط
يوسف : لا شرط اولا لانك انت بتحبني وثانية اذا بدك تسامحيني يعني لازم ترجعيلي
مرام : بس انا مابحبك
يوسف : انت وحدة كذابة واصلا عيونك لحالون عم يحكو
تلبكت مرام وقالت بنفسها معقول عيوني فضحونت .
………………….
يوسف : انت وحدة كذابة واصلا عيونك لحالون عم يحكو
تلبكت مرام وقالت بنفسها معقول عيوني فضحوني..وقامت من امامه ووقفت على النافذة التي خلف مكتبها وكتفت يدها : يوسف لو سمحت اطلع لبرا ما ممكن ارجعلك لا ليوم ولا بكرى ولا حتى بعد سنة ….
لحقها يوسف لكنها لم تشعر به الا وهو يهمس في اذنها : ليش هربتي من قدامي
مرام : بترجاك يوسف خليك بعيد …ولا تحاول تقرب
مسكها من زراعها وسحبها …سندها على الجدار وهو صار مقابلها تماما ….مرام كان قلبها يطرق بسرعة وتتنفس بصعوبة وجسمها يرتعش…اخفضت نظرها لكي لاتنظر بعيونه وتستسلم ….وضعت يديها على صدره لكي تبعده من امامها : يوسف بعد
يوسف وضع يده فوق يد مرام التي على صدره وقال : حطيتي ايدك على الوجع …مانك حاسي بدقات قلبي متل ما انا حاسس بدقات قلبك وسامعهن بأدناي وبقلبي كمان. مرام ذاد خجلها واحمر وجهها …حاولت ان تسحب يدها من يد يوسف لكنها لم تستطع ….رفع يوسف يد مرام وقبلها من داخل كفها …وبدأ يستنشق رائحت كفها : لك حتى اديكي فيهن ريحة بتطير العقل
مرام وهية تتنفس بصعوبة : ي و س ف
يوسف : هششش …ولا كلمة ..ترك لها يدها وحاوط يديه حول خصرها …حاولت ان تبعد لكنه جزبها اليه بسرعة …تلاقت العيون مع بعضها …
يوسف : بحبك …بحب عيونك ..بحب قلبك …بحبك كلك على بعضك ….مرام انت بتحبيني
مرام وهية في عالم ثاني : اي……
يوسف : اي شو كملي ….
مرام : ايه بح….قاطعهم الباب بنتطرق ….صحت مرام على نفسها ودفعت يوسف عنها
يوسف عصب وصار يقول : هلق وقتك
مرام : عفوا شو عم تقول لو سمحت اقعد محلك
جلس يوسف مكانه وكان في قمة غضبه وكان يتمنى ان يقوم ويقتل من يطرق على الباب
مرام جلست مكانها : ادخل
دخل احمد : هاي …اااه هيدا يوسف هون كيفك يوسف
يوسف : الحمد لله كيفك انت
مرام : اتفضل احمد اقعد
جلس احمد
مرام : شو بتحبو تشربو
احمد لاحظ على مرام الارتباك ووجهها الاحمر وعلى يوسف الغضب : شو صاير معكن
مرام خافت ان يكون احمد قد لاحظ شيء : اااه ….لا لا ماصاير شي ..
احمد : الاستاذ يوسف ليش مشرفنا عالشركة
يوسف : جاي شوف مرام اذا ماعندك مانع ….وعم حاول رجعها الي
احمد : اي ومرام شو ردك مابدك ترجعيلو
مرام : كأنك انت واياه عم تحكو عن حياتي الخاصة …انا مابدي ارجع لحدا ولا رح كون ملك حدا …وانت استاذ احمد شوبدك
احمد : شو نسيتي انو بدنا ننزل انا واياكي مشان تنقيلي بدلة العرس ….
يوسف بغضب : نعمم …ومافي غير مرام تنقيلك بدلة العرس ليش مابتاخد خطيبتك وبتخليها هية تنقيلك اياها
مرام : استاذ يوسف انت شو دخلك ….واحمد كمان متعود ما يلبس غير على زوقي لانو زوقي بيعجبو كتير …
احمد كان مبسوط من مرام ويوسف وكان يريد ان يستفز يوسف اكتر
احمد : اي والله مرام دخيل قلبا كل تيابي هية بتجبلي اياهم ….
يوسف : انسة مرام اول شغلة انا دخلني نص …وثانيا استاذ احمد مرام بتشيلا من قاموسك …رح يصير عندك زوجة بتصير تلبس على زوقها
احمد تجاهل يوسف : شو مروم نمشي
مرام : اي ليش لأ يلا …
يوسف زاد غضب : اذا هيك انا بدي روح معكن اذا ماعنكن مانع ..مرام فرحت من غيرة يوسف عليها واحمدايضا اعتبرها فرصة لكي يجمعهم مع بعض مرة ثانية
احمد : ياريت والله …..
مرام انصدمت : احمد انت شو عم تحكي ليش لحتى يروح معنا
احمد : يوسف صديقي القديم شو نسيتي
مرام : اوك روحو انتو مع بعضكم…..
احمد : لك خلصينا امشي وبعدين يوسف مارح يدايقنا وما انت قلتيلي سامحتيه خلص اعتبريه صديقك
مرام : امري لالله تفضلو بس بشرط بنروح بسيارتين …انا لحالي وانتو لحالكن
احمد : ماشي تفضلي
ركبو في السيارة
ومرام ركبت سيارتها ولحقتهم
احمد : يوسف شو صار معك ومع مرام
يوسف : ماعم تقبل ترجعلي حاولت كل الطرق عم تقلي روح مسامحتك بس انو ارجعلك صعب …بترجاك يا احمد بتعرف شي طريقة والله من اول ماشفتها وانا عم حاول معها لا عم اعرف اكل ولا نام ولا اشتغل ولا حتى عم اعرف فكر …انا متأكد انها بتحبني بس ليش عم تعذب حالها وتعذبني معها اكيد في سبب وانا لازم اعرفو
احمد تذكر عندما قال الطبيب لمرام انها لن تكون ام بيوم من الايام : بظن عرفت السبب انا
يوسف : عنجد احمد بترجاك قلي شو هو
احمد : بس ماني متأكد منو امهلني لبكرا وبقلك
يوسف : بدك تنطرني لبكرا بترجاك قلي
احمد : خلص لبكرا ..
يوسف : امري لالله ..
في محل الملابس …تتفتل مرام بينها لكي تختار طقم لاحمد
واحمد ويوسف ايضا يتفرجون على الملابس
مرام : احمد ليك هيدا الطقم كتير حلو ورح يطلع عليك كتير حلو وكمان هيدا هو مقاسك
يوسف : وكمان بتعرفي مقاسو ..
مرام لم ترد …اخذ احمد الطقم ودخل لكي يقيسه
اقترب منها يوسف : مابدك تنقيلي شي الي كمان
مرام : المحل قدامك نقي ع كيفك
يوسف : بس انا بدي البس على زوقك متل مابيلس احمد على زوقك …
مرام : اسفة بس احمد صديقي وانت ولا شي بالنسبة لالي
يوسف : شو نسيتي انك قلتيلي انك بتحبيني لما كنا بالمكتب
مرام : لا انا ماقلت هيك
يوسف : لا قلتي …
مرام : ماقلت يعني ماقلت ولاتفتح معي هالموضوع مرة تاني ….يوسف مشان الله اطلاع من حياتي
يوسف : مرام ليش هيك عم تعملي والله تعبت انا
مرام : وانا اتعبت اكتر منك خلص خلي كل واحد يمشي بطريقو
خرج احمد : شو كيف طالع حلو
مرام : بتجنن كتير طالعة عليك حلوة …بس كأنو بدها شويت تظبيطات من هون …لحظة . اقتربت مرام من احمد ومسكت الجاكيت لكي تظبطه .. اقترب يوسف وابعد يديها عن احمد وظبط له هو الطقم …
مرام : احمد الطقم كتير حلو …وانا مهمتي خلصت باي
وذهبت …اتصلت ليلى بمرام على الهاتف
مرام : الو
ليلى : كيفك حبيتي مرام
مرام : هلا ليلى
ليلى : مرام بدي من عندك تياب اذا ماعندك مانع بدي اطلع مع كرم عالغدا
مرام : حبيبتي غرفتي كلها على حسابك …
اغلقت الهاتف مرام وكانت بحاجة الى شخص تتكلم معه فتصلت بمحمود
مرام : الو مرحبا دكتور
محمود : اهلا مرام كيفك
مرام : الحمد لله ..دكتور بدي اسألك انت هلق فاضي
محمود : اي فاضي اذا بتحبي تجي في وقت
مرام : اوك مسافة الطريق
………….
في غرفة مرام دخلت ليلى تبحث عن ملابس فتحت الخزانة وبدأت تبحث لمحت اوراق في الرف العلوي بالخزانة …سحبتهم وجدته تقرير طبي فتحته وقرأته..
ليلى ؛ ياربي شو هيدا معقول …..لا لا اكيد في غلط …بس كلشي واضح ….ياحرام يامرام وانا عم قول ليش رافضة ترجع ليوسف …ياحرام يامرام كل المصايب يلي صارت معك اجت هيدي الشغلة وكملتها معك …بس هية ليش عملت هدول التحاليل والصور ….خبر كرم ويوسف ولا لأ طيب هية اذا الي ماقالتلي هيك بكون عم خون الامانة بس حرام يوسف رح يموت ويعرف شو سبب رفض مرام لالو …..
خلص مادخلني احسن الشي ….رجعت الملف الى مكانه واخذت ملابس وخرجت
………………….
في عيادة محمود
دخلت مرام سلمت عليه وجلست
مرام : دكتور انا فكرت منيح وانك تقلي انو يوسف بيقربك هيك دليل على انك محل ثقة
محمود : الحمد لله اني اطلعت عند حسن ظنك ….اي قوليلي في شي معين بدك تحكيه
مرام : اي في ….بس بدي منك طلب بالاول وهو انك تقنع يوسف يبعد عني
محمود : ليش يامرام انتو التنين بتحبو بعض
مرام: مظبوط حكيك بس انا مابدي اظلمو معي هو بيقدر يكمل حياتو طبيعي ويتزوج ويخلف ويصير عندو عيلة …..
محمود: بشو بدك تظلميه ….انت عندك شي مشكلة
مرام هزت رأسها : اي انا عندي مشكلة بس بتوعدني تكون سر
محمود : بوعدك شوفي
مرام : انا ماممكن كون ام بالمستقبل او متل مابقولو بالعامية عاقر …افهمت ليش انا عم اتهرب منو هو شب والحياة قدامو ومن حقو يصير عندو عيلة ولاتنسى انو وحيد لاهلو ع القليلي لازم يكون عندو ولد يحمل اسمو .. افهمت هلق ليش انا عم اتهرب منو مابدي كون سبب تعاستو طول العمر
محمود : انت كيف عرفتي
مرام : مامهم المهم انو اعرفت وبس وفي عندي صور وتحاليل بتدل على هالشي
محمود : وانت
مرام : انا شو
محمود : كمان انت رح تضلي تعيسي طول عمرك
مرام : انا مو مهم انا اتعودت ع الوحدة …وتعودت ع الحزن والزعل وصار عالمي الخاص وكلها شهر زمان بصير وحيدة ع الاخير ليلى وكرم رح يتزوجو واحمد وهبة وانا برجع لحالي وعمو مابشوفو بضل مسافر ….وكمان تعاست شخص احسن ماتصير تعاسة اشخاص كتير …لانو اذا اتزوجت يوسف امو رح تزعل وابوه واخواتو ويوسف وانا …لا خلص بقصر الشغلة من عندي وخلصنا
محمود : بس يوسف مارح يكون مبسوط مع غيرك
مرام : بكرا حتى يصير عندو ولاد ويزينو عليه حياتو بينسى الدنيا ومافيها وانا رح كون مجرد زكرى مو اكتر
محمود : مرام انت اشقد عمرك
مرام : ههههه عمري بشو بالسنين ولا بالهموم …. بالسنين عمري ٢٦ والهموم على حفة قبري بس المشكلة عم تجيني ضربات كتير ولهلق ماوقعت بهالقبر وريحت حالي …
محمود : مرام ليش كل هالتشائم ….بركي في امل هلق العلم اتطور كتير ومافي مشكلة والها حل ….
مرام : هههه بجوز بس انا صعب انا كمان قلت هيك ورحت على اشطر دكتورة بالبلد وفرجيتها الصور والتحاليل وقالتلي مافي امل ابدا ..بس قالتلي قومي لافحصك بركي في شي اتغير بس انا رفضت لانو المكتوب مبين من عنوانو
محمود حزن جدا على مرام ولم يعرف ماذا يقول لها او كيف يواسيها اول مرة لايوجد عنده كلام ليقوله لمريض عنده ….بس يوسف لازم يعرف
مرام : لا مالازم يعرف لانو اذا عرف بصير بدو يشفق علي ويتزوجني …وانا مابدي شفقة من حدا
محمود : بس هيدا ما اسمو شفقة هيدا اسمو حب
مرام : الحب ماكلشي بهالحياة …. انا تعبت بدي روح
محمود : اوك ع راحتك
مرام : سلام
…………………………….
في المطعم
كرم : كيفها حبيبتي القمر
ليلى : مشتاقتلك …
كرم : شبك حبيبتي مانك على بعضك
ليلى : ااه لا مافي شي
كرم : المهم بعد بكرى جهزي حالك رح اجي انا وعمي واهلو ليوسف ويوسف وسليمان مشان نطلبك رسمي
ليلى : عنجد هيدا خبر حلو …بس اهلك ليش مانون جايين
كرم : مارح يقدرو ينزلو قال رح يجو ع العرس
ليلى : كتير منيح ….عنجد انا فرحت كتير
كرم : وانا اكتر ياعمري وان شاء الله عقبال يوسف ومرام
ليلى : ااااه …اي اي ان شاء الله
كرم : حبي ما عرفتي ليش مرام معندة مابدها ترجع ليوسف
ليلى : بصراحة …خلص..خلص مافي شي
كرم : لولو حبيبتي انت بتعرفي شي
ليلى : لا لا
كرم : اذا بتعرفي شي بترجاكي احكي بركي بنقدر نقربهم من بعض
ليلى : انا مابعرف شي واصلا مرام ماحكتلي شي
كرم : اوك متل مابدك ..وهلق شو نشرب
ليلى : عصير فرش
………………………….
في المساء في منزل مرام
نزلت مرام على الدرج كانت تلبس بنطال بجامة احمر وفوقه بروتيل ابيض ومرسوم عليه حبة فراولة وشعرها على شكل كعكة كانت مثل الاطفال …ذهبت الى المطبخ احضرت تفاحة وذهبت الى غرفة الجلوس وكانت تجلس هبة وليلى وعليا مع بعضهم
مرام : مسائووو
الجميع : هلا مسالنور
جلست معهم كانو يتفرجون على فيلم هندي وكله اكشن …
مرام : حلو هالفيلم مبين عليه
هبة : اي والله حلو …واصلا البطل بقاتل متلك
مرام : ههههههه …والله جبتيها
ليلى تقلب في الفيس بوك : يااااخ ياحرام
مرام : شوفي
ليلى : عم يقولو في ولاد عم يختفو ..وعم يقولو انهم عم ينخطفوا
مرام : ياحرام الله يستر صرنا بأخر وقت …الله يصبر اهاليهم ….الله لايوفق ولاد الحرام
هبة : اي والله شوفي ولاد حرام بهل الدنيا
مرام : وين هول الولاد هون باللبنان
ليلى : اي بللبنان …وعم يحزور الناس مشان ماتخلي الولاد تطلع لحالها ولما بدهم ياخدوهم معهم على السوق ينتبهو عليهم منيح …
مرام : ماقدرو يوصلو للخاطفين
ليلى : قال عم يدورو …عطيني عمر حتى يلاقوهم هيدا اذا لقوهم
مرام : اي والله معك حق ….
ليلى : وليكي هيدا خبر جديد كمان
مرام : شو بقول
ليلى : عم يقولو هروب اكبر تاجرة مخدرات من الحبس اليوم الساعة الخامسة الصبح واسمها نيرمين وهيدي صورتها وقال يلي بشوفها يخبر عنها …
مرام : نيرمين ؟؟؟!! فرجيني صورتها
ليلى : ليكيها هيدي هية
مرام : ياااااخ لك هيدي هية نفسها نيرمين ….نيرمين يلي احكيتيك عنها اتذكرتيها
ليلى : لا تقوليها
مرام : اي والله هيدي هية الله لايوفقا ان شاء الله بيمسكوها والله هيدا وحدة متل العقربة والله لتخرب الدنيا اذا ضلت هربانة
ليلى : والله هالبلد صاير بتخوف
مرام : بعين الله…… انا نعسانة بدي اطلع نام بون وي
…………………..
في الصباح مرام تخرج من باب المنزل اوقفتها ليلى
ليلى : مرام …لحظة شوي
مرام : هلا ليلى صباحو
ليلى : صباحو …بدي منك تنزلي معي على السوق بدي اشتري تياب وانت زوقك كتير حلو
مرام : اوك حاكيني حتى تخلصي محاضراتك وانا رح خلص شغلي بكير وبنطلع …بس شو مناسبة التياب
ليلى : بكرى كرم بدو يجي يطلبني رسمي
مرام : اي الف مبروك …المهم انا هلق مستعجلة خلصي وحاكيني اوك
ليلى : اوك
……………………………..
في منزل يارا اخت يوسف
يارا تلبس عمر جاكيت البدلة
يارا : حبيبي بدي انزل ع السوق اليوم اذا ماعندك مانع
عمر : لا حبيبتي ماعندي مانع …انت ومين نازلي
يارا : انا وسارة
عمر : والصغار وين بدك تحطيهن
يارا : رح اخد يوسف معي لانو اليوم عندو عطلة والصغير رح خليه عند ماما
عمر : اوك حبيبتي انتبهي على حالك وعلى يوسف منيح
يارا : الله يخليلي اياك ومايحرمني منك
……………………………
بعد عدة ساعات ليلى اتصلت بمرام
ليلى : شو ميمو خلصتي
مرام : لا والله عندي شغلة نص ساعة …انت اسبقيني ع المول وانا بخلص بسرعة وبلحقك
ليلى : اوك رح افتل شوي لبين ماتجي
ذهبت ليلى الى المول وبدأت تتفرج على الملابس …ومرام لحقتها ..
مرام في كراج المول تبحث عن مكان لتصف به سيارتها …اتصلت بليلى …ليلى كانت تتمشى
ليلى : اي مرام وين صرتي
مرام : عم دور ع مكان صف السيارة انت بأي قسم
ليلى : انا بالطابق التاني بقسم الملابس النسائية ….
فجأة ليلى سمعت اصوات ضجيج
مرام : ليلى شو هالصوت يلي عندك
ليلى : مابعرف خليكي معي ع الخط …اقتربت ليلى من مصدر الصوت ….وجدت امرأة تجلس بالارض وتبكي هية نفسها يارا : وينو كان معي …ياربي وينووو …يايوووووسف وينك ياماما
ليلى خافت كثير : مرام شكلو في ولد ضايع او انخطف الله اعلم مرام انا خايفي
مرام : انت شو عم تحكي
ليلى : والله متل ماعم قلك ….مرام كانت واقفة بسيارتها رأت شابين يحملون طفل نائم ووضعوه بالسيارة كان منظرهم مخيف وكانو مرتبكي فشكت بأمرهم …
مرام : ليلى بسرعة روحي لعند المرى واسأليها شو لابس ابنها واشقد عمرو
ليلى : كيف هيك مابسترجي حرام حالتها صعبة
مرام دورت السيارة ولحقتهم ومازالت تكلم ليلى : لك بسرعة روحي لعندا مافي وقت
ليلى : اوك يلا يلا …..اقتربت ليلى …لوسمحتي يامدام اشقد عمرو ابنك وشو لابس بركي بنلاقيه
يارا لم تستطيع الكلام من كثرة البكاء …تكلمت سارة وهية ايضا كانت تبكي : عمرو ٦ سنين وكان لابس قميص ازرق وبنطلون جينز وطاقية سوادة …بترجاكن دورو عليه مشان الله لاقوه ….مرام كانت تسمع الحديث وقالت يا الله هو نفسو الولد شو بدي اعمل انا لازم الحقون …ياربي الله لايوفقون كيف عم يحرقو قلوب امهات على ولادها
ليلى : مرام انت معي عالخط
مرام : اي اي معك
ليلى : قال الولد لابس ..قاطعتها مرام اي اي اسمعتها ….ليلى انا ماشية ورا الخاطفين …انا شفتون وهنن شايلين الولد هيدا هو نفسو نفس التياب
ليلى بصوت عالي : شوووووو …..خطفوووووه …. الكل سكت ونظر الى ليلى ….
مرام: سكري انا رح اتصرف
اقتربت يارا من ليلى : وينو ابني مين خطفو ….انت مع مين كنت عم تحكي …مشان الله قوليلي وينو ابني …
سارة : انت مع مين كنت عم تحكي ومين مخطوف بترجاكي يا انسة احكيلنا …انت شفتي الولد …
ليلى تلبك وخافت : اهدو لو سمحتو ….رفيقتي كانت معي ع الخط كانت عم تصف السيارة ..وانا قلتلا في ولد ضايع وامو عم تبكي عليه …وسألتني شو لابس الولد وانا جيت سألتكن وقلتها قالتلي شافت ولد نفس المواصافات في شخصين كانو حامليون وحطوه بسيارة واكيد خاطفيون وهية هلق عم تلحون
يارا : انت شو عم تحكي ابني مخطوووف يالله ….ياربي …مشان الله ارجعي اتصلي برفيقتك مشان الله انا قلبي رح يوقف…..
ليلى : يلا يلا ….
مرام : كانت تتصل بحيدر ….وحيدر لا يرد
حيدر جائه خبر بأن طفل انخطف وكان في طريقه الى المول …حيدر : مرام شوبدك ماوقتك هلق
ليلى : الخط مشغول …
سارة : مشان الله ضلي حاولي
ليلى تحاول الاتصال بمرام ومرام تحاول الاتصال بحيدر …… وصل حيدر الى ساحة المول ومرام لا تتوقف بالاتصال به حيدر وضع هاتفه صامت
حيدر : لوسمحتو ممكن تهدوا ونعرف شو صار …..
ليلى علق الهاتف ع مرام : الو مرام وينك انت شو صار معك …
مرام : عم الحقون ….عم يبعدوا كتير عن المدينة وانا عم حاول اتصل بحيدر وماعم يرد
حيدر : لو سمحتي يا انسة مع مين عم تحكي …وشو عم يصير هون …نظرت ليلى الى حيدر وعرفته لكن هو لايعرفها ….
ليلى : الضابط حيدر !!!!!!
مرام : حيدر عندك عطيني اياها بسرعة …
ليلى : اتفضل احكي
اخذ حيدر الهاتف من ليلى ووضعه على اذنه : الو
مرام : حيدر انا مرام …ليش ماعم ترد على موبايلك
حيدر : مرااام !!! شو عم تعملي وشو عم يصير انا مش عم افهم شي
مرام : حيدر انا هلق ماشية ورا الخاطفين …شفتون وهنن عم يخطفو الولد …وطلعو برات المدينه ورايحين اتجاه الجرود …بترجاك جيب دورية وتعال ع….وفصل الخط
حيدر : الو مرام ….مرام وينك …
مرام : لا ياربي هلق وقتك تخلص شحن ….
حيدر بسرعة اعطى الهاتف لليلى واتصل بمرام لكن هاتفها مغلق ….
مرام تبحث عن الشاحن بتابلو السيارة ….
حيدر : يحاول الاتصال …لكن بدون جدوى …وكان غاضب كثير وخائف على مرام ….
في هذه الاثناء وصل يوسف وكرم وعمر
يوسف : شو عم يصير هون وينو يوسف
عمر : اقترب من يارا وضمها الى صدره …حبيتي شوفي وينو يوسف شو صاير
يوسف وكرم : ليلى؟؟؟؟؟
كانت ليلى واقفة وترجف من الخوف وتبكي : خائفة على مرام وعلى الطفل
حيدر : استاذ يوسف الولد بيقربك
يوسف : اي ابن اختي بس حدا يفهمنا شو عم يصير هون جينا على عمانا قالو انو يوسف ضايع …وينو يوسف ليقتو
كرم اقترب من ليلى : ليلى شو عم تعملي هون …وليش عم تبكي …ووينو الولد
ليلى وهية تبكي : مرااام ….مرااام ..مرااام
يوسف عندما سمع اسم مرام جمد مكانه : لك حدا يفهمنا شوووفي …ليلى شبها مرام
سارة ويارا وليلى لا يستطيعون الكلام
حيدر : انا رح خبركن الولد انخطف …. مرام بظن بتعرفها شافتون وهلق هية لاحقتون كنا عم نحكي معها وانقطع الاتصال ….
يوسف : شووووو مرام لحقتون …وكمان يوسف مخطوف ياربي …شوبدنا نعمل هلق بترجاك لاقي حل
حيدر : انا خبرت المخفر وعم يحددو موقع مرام عن طريق رقم هاتفها …..
مرام وضعت الهاتف على الشحن ….واخرجت من حقيبتها الدواء وشربته للاحتياط
مرام : يعني انا مكتوب علي حياة الاكشن …ياربي كل مصيبة بنحط غير رب العالمين مابخلصني منها وهيدا الزفت كمان ماعم يشعل …
حيدر : حددنا موقع قطع مرام محل ما انقطع الاتصال …بالجرد الجنوبي ….يلا جهزو دورية خلينا نروح لهنيك
يوسف : انا بدي روح معكن
عمر : وانا كمان
كرم : وانا كمان
ليلى : وانا كمان بدي اطمن على مرام …خايفي يصير معها شي لانو هية مريضة ضغط وممكن تغيب عن الوعي بأي لحظة
حيدر : اوك تفضلو
اقترب يوسف من يارا : حبيبتي خلص حاج تبكي نحنا رايحين نجيب يوسف بس انت ادعيلنا وادعي لمرام كمان ..لانو الله اعلم شو صار معها …عم تضحي بحياتها مشان طفل
يارا : يارب …يارب
يوسف : سارة اتبهي على يارا وخديها لعنا عالبيت
سارة : حاضر اخي
عمر : حبيبتي يارا كوني قوية ابنا رح يرجعلنا اوك حبيبي
هزت رأسها يارا : اي
حيدر موبايله يرن فتحه بسرعة وبلهفة : مرام وينك انت منيحة شو صار معك
اقتربو منه جميعا
مرام : اي اي انا بخير تلفوني خلص شحنو …المهم انا هلق لاحقتون بس مابعرف وين صرنا بمكان كتير بعيد وبخوف ….حيدر انا خايفة كتير بترجاك لاتطول
حيدر : مرام مابعرفك هيك ضعيفة انت قوية …شو نسيتي هديك الليلة شو عملتي كيف قتلتي الزعران … المهم انت اعملينا تحديد للموقع وانا جاي فورا
يوسف كان مقهور من طريقة حيدر بالكلام مع مرام
مرام : اوك انا ورح نضل على تواصل
حيدر : انتبهي على حالك
يوسف كان يريد ان يذهب ويضرب حيدر لكنه تمالك اعصابه ولان الوقت غير مناسب
حيدر : يلا الكل ع السيارات
ركبو الجميع في السيارات ومشو كان في سيارة يوسف يركب عمر وكرم وليلى
يوسف : ليلى حيدر ليش هيك كان عم يحكي مرام
كرم : يوسف نحنا بشو ولا بشو هلق شو نسيت انو حيات يوسف الصغير بخطر ….
يوسف : مابصير غير يلي الله كاتبو وبعيدن مرام وراهن ان شاء الله بنلاقيه …..المهم ليلى ايو زعران مرام قتلت وعن اي ليلة كان عم يحكي حيدر
ليلى : مرام من فترة كانت ماشية بسيارتها بليل وطلعت قدمها بنت وفي زعران عم يلحقوها …وهية ضربتون كلون وكسرتون تكسير
يوسف : مرااام!!!!؟؟؟؟
ليلى : اي مرام لما كانت عايشية بدبي سجلت بنادي واتعلمت القتال الياباني وكيف بتسيطر على نقاط الضعف بجسم الانسان
يوسف : مرااام ؟؟؟!!!!
ليلى رن تلفونها وفتحت الهاتف بسرعة : الو مرام كيفك
مرام : انا منيحة …قوليلي وين انت وشو صار بأمو للولد
ليلى : انا جاي لعندك على الطريق مع يوسف وكرم وعمر
مرام : شوووو يوسف !!!؟؟؟ شو خبرو يوسف
ليلى : الولد المخطوف بكون ابن اختو يارا
مرام : اوك .. ليلى ليلى وصلنا لحظة سكري وبعدين بحكي معك رح احكي مع حيدر .واغلقت الهاتف
الجميع سمع المحادثة لان ليلى كانت مشغلة مكبر الصوت
يوسف لم يتكلم وحبس غضبه بقلبه
بقيت مرام بعيدة بين الاشجار ونزلت مشي …
وصلت سيارة الخاطفين وانزل الطفل كان يبكي ودخلوه الى مبنى قديم وسط الغابة
عادت مرام الى السيارة وتكلمت مع حيدر واخبرته ..
واتصلت بها ليلى
ليلى : مرام وين صرتي
مرام : مابعرف بس بعرف انو في شجر حولي وفي مبنى قديم وفي عليه حرس …الحمد لله انو في شبكة هون
ليلى : مرام انت منيحة
مرام : انا خايفة كتير …اول مرة بحس بهالشعور الله يستر …خايفي ع الولد كتير وكمان يمكن في ولاد غيرو
ليلى : مرام لاتخافي ونحنا رح نوصل وان شاء الله بنقدر نساعدهم
مرام : يلا سكري حيدر مع ع الخط
تتكلم مرام مع حيدر …وهية تتكلم رأت سيارة كبيرة لها صندوق كبير من الخلف …
مرام : حيدر في سيارة كبيرة اجت سيارة نقل انا خايفي ياخدوهن وما نلحق
حيدر : عم نمشي بأسرع طاقة …
مرام : فتحو باب الصندوق ..بترجاك ياحيدر اسرعو
لاحظ يوسف بأن السيارات اسرعت كثيرا وشغلو اصوات الزمامير لفتح الطريق
عمر : شوعم يصير
يوسف : ليلى اتصلي بمرام
اتصلت ليلى : مشغول
مرام تكلم حيدر ” : لك عم يحملو ولاد كتير ..مابس ولد …
حيدر : مرام خليكي عم تراقبي لنشوف شو رح يصير
مرام : لحظة لرد عمكاملة تانية
مرام : اي ليلى
ليلى : شوفي صار شي جديد
مرام : اي اجت سيارة كبيرة وحملو فيها ولاد كتير ….انا كتير خايفة …بترجاكن اسرعو مافي وقت
ليلى : والله عم نمشي بسرعة كبيرة
مرام: ليلى رح ياخدوهن…..انا لازم اتصرف …
يوسف : مرام لا انت حياتك بخطر
مرام : يوسف !!!
يوسف : اي يوسف مرام لاتخاطري بحياتك نحنا رح نوصل
مرام مابظن في وقت انتو ادعولي باي
يوسف : مرام لا …مرام
مرام لحيدر : حيدر انا رح اتصرف لانو مافي وقت نهائيا باي ….
حيدر : مرام …لاتتهوري هدول عصابة …مرام لم ترد
مشت بسيارتها وقررت تكذب وقول انها ضائعة وتأخرهم قليلا
اقتربت منهم كانو قد انهو تحميل الاطفال واغلقو عليهم …عندما رأوها استنفرو ووقفو لكي يروا من هية ….مرام في قلبها يارب تكون معي
اقتربت منهم كثيرا …ونزلت من السيارة كانت قد وضعت هاتفها صامت وتركته بالسيارة …
مرام : هااي ..سورري بس انا ضايعة وصرلي ساعة عم افتل وماعم اعرف وين الطريق العام وشفتكن وجيت اسألكن …ممكن تدلوني
احد الشباب : انت شو جابك لهون
مرام : كنت هون بالضيعة القريبة وانا طالعة ع بيروت ضيعت الطريق ….
الشب : اوك …بس انت طريقك مو من هون هلق بتمشي وبترجعي من هيدا الطريق وبتضلي بوجهك بتلاقي الطريق العام
مرام : اااه عنجد ..ميرسي كتير ….مشت خطوطين الى الامام ثم توقفت والتفت اليهم
مرام : بس انا هيدا الطريق صرلي ساعة عم افتل فيه ممكن تحددلي بالظبط من وين
الشب : شو هالنهار هيدا …مابعرف هلق روحي واسألي اي حدا بوجهك
مرام: اوك ماشي بس لاتعصب ميرسي
خرج شخص من المبنى ورأى مرام
الشخص : انت وقفي عندك
مرام وقع قلبها في الارض والتفتت ببطئ : عم تندهلي الي
الشخص : هيدي انت …والله جيتي والله جابك ما تذكرتيني ….هيدك الليلة وهبة …شو نسبتي …والله لعدمك حياتك لكن انا خالد اكل قتلة من وحدة متلك …
مرام عرفته وصارت تقول بقلبها : الله لا يوفقك يامرام على هالعلقة ياربي هدول كلون مسلحين والله حقي رصاصة وردت عليه : انا انا مابعرفك وعن ايو ليلة عم تحكي مش متذكرة ….يا اخي انا كنت ضايعة وعم اسأل ع الطريق
خالد : ههههه مانك متذكرة يامرام العيسى …لك انا اتبعت اخبارك واعرفت كلشي عنك واعرفت انو هبة عندك بالبيت …كنت ناوي خلص عليكي وعليها بس شايفة الدنيا شو صغير جيتي برجليكي لعندي …شباب جيبوها واذا حاولت تعمل اي حركة من حركاتها البطولية بتقوسوها افمتهو
مرام : انا …بس وقفو لاشرحلكن …ياشب وقف بس كلمة ….
خالد : خير شوبدك
مرام : بترجاك خليني روح انا هديك الليلة شفتها بحاجة مساعدة وساعدتها …تركني واشقد مابدك بدفعلك ….
خالد : هههههه لا انا مابدي مصاري …انت عجبتيني وبدي اخد شي منك غر المصاري وبعدها وبتركك ….دخلوها خلينا نعرفها ع البوس
كانو يمسكون مرام بأحكام وادخلوها الى الداخل
……….
يوسف: ليلى ماعم ترد
ليلى : لا ياربي بس ماتكون عملت شي شغلة واتهورت
حيدر ايضا في السيارة الثانية يحاول الاتصال بها
…………..
خالد : كيفك يا احلا بوس (زعيم) ليكي هيدي هية يلي ضربتنا هديك الليلة ….
كانت تقف على النافذة التفت ….
مرام : شووووو هيدي انت ؟؟؟؟؟!!!!!
………………………….
توقعاتكم
