الحلقة الأولى حتى الحلقه الحادية عشر حصريه وجديده البداية

الحلقة الأولى حتى الحلقه الحادية عشر حصريه وجديده
البداية
شهد : انا عارفة ان نفسك يكون لك ابن و ذرية تشيل اسمك وتورث ثروتك .
ابتسم سلطان قائلا : ارادة ربنا اللهم لا اعتراض .
شهد : قولتلك كتير يا سلطان اتجوز وانت اللي رافض !!!
سلطان : عمري ما اقدر اكسر قلبك ابدا يا شهد ، مش بعد الحب الكبير اللي بينا و العشرة اكتر من ١٦ سنة أكون السبب في جرح مشاعرك وكسرة قلبك !!
شهد : لكن انا راضية وانت اللي رافض !!
سلطان : انا رافض لأني عارف ان كلامك بتقوليه من ورا قلبك وانتي مجروحة من جواكي لكن نفسك ترضيني .
شهد : لا صدقني المرة دي بقولهالك وانا راضية تماما ، انت لسه سنك مش كبير ولسه عندك فرصة تخلف وتربي اولادك ، اتجوز يا حبيبي وانا راضية وهكون سعيدة لما اشوفك شايل ابنك علي ايدك ومبسوط .

انتهي الحوار بين الزوجين علي رغبة وموافقة شهد بأن يتزوج سلطان من أمرأة اخري حتي يرزق بالذرية !!!

مرت عدة اسابيع والحال كما هو ولم يجد جديد !!
فسألته زوجته : عملت ايه في موضوع الجواز ؟
سلطان : انتي لسه مصممة يا شهد ؟؟
شهد : ايوة .
سلطان : انا مش عارف افكر في الموضوع ده ، و علي افتراض اني وافقتك اتجوز مين و ازاي وانا في العمر ده ؟؟ للكاتب عادل عبد الله
شهد : انت ليه مكبر نفسك ؟! ٤١ سنة مش كبير !! فيه كتير من سنك لسه بيفكر في الجواز للمرة الأولي ، وبعدين انت صحتك كويسة وشكلك حلو ومعاك فلوس وألف واحدة تتمناك .
سلطان : مش قادر ولا عارف افكر في الموضوع ده .
شهد : ليه مكبر الموضوع كده !! انا مراتك بقولك وبترجاك تتجوز !!
سلطان : ماشي هسمع كلامك وأتجوز ، بس اتجوز مين ؟؟؟
شهد : ايه رأيك في جميلة ؟؟
سلطان : جميلة الخد.امة ؟!!!!!!!!!
شهد : ايوه .
سلطان : عايزاني اتجوز خد.امة بتشتغل عندنا يا شهد ؟؟
شهد : وفيها ايه !! انت يهمك نسبها و شغلها ولا يهمك انك انها تجيبلك الاولاد اللي نفسك فيهم ؟؟ وبعدين جميلة حلوة ويتيمة ومطاوعة وبتسمع الكلام وهتريحك وتريحني انا كمان .
سلطان : تريحك انتي كمان ؟؟ انتي عايزاها تبقي مراتي وفي نفس الوقت تعيش معاكي في نفس البيت !!
شهد : وفيها ايه ؟ بالنسبالي انا عادي جدا ، هنخصص لها غرفة تنام فيها وانت هتقسم لياليك بينا احنا الاتنين بالعدل .
سلطان : انتي موافقة بكده ؟!!!
شهد : ايوه موافقة .
سلطان : وبعد الجواز جميلة هتفضل تخدمك ؟؟
شهد : طبعا .
سلطان : ولما اتجوزها ونعيش معاكي في نفس الشقة مش هتتضايقي ؟؟
شهد : لأ ، مش هتضايق .
سلطان : مادام مش بتغيري عليا يبقي بطلتي تحبيني يا شهد .
شهد : بالعكس انا بحبك اكتر من الاول لكن مادام انت هتكون سعيد وهتحقق اللي نفسك فيه انا كمان هكون سعيدة .
سلطان : خلاص يا شهد اللي تشوفيه ، مادام انتي عايزة كده كلميها ورتبي معها كل حاجة .
شهد : كلمها انت يا سلطان .
سلطان : لأ ، انتي صاحبة الفكرة والاقتراح ، كلميها وابقي قوليلي عملتي ايه .

عاد سلطان من عمله في نهاية اليوم التالي فوجد زوجته تبتسم وتقول له الف مبروك يا عريس !!
سلطان : الله يبارك فيكي ، مبروك علي ايه ؟
شهد : اتكلمت مع جميلة و اتفقنا علي كل حاجة .
سلطان : بتتكلمي جد ؟ ده الموضوع بجد بقي !!!
شهد : ايوه طبعا ، هو الجواز فيه هزار ؟!!
سلطان : واتفقتوا علي ايه ؟
شهد : اتفقنا علي كل الكلام اللي اتكلمناه البارح انا وانت .
سلطان : وهي وافقت ؟؟
شهد ” تبتسم ” : طبعا لازم توافق ، ودخلتكم الخميس الجاي كمان .
سلطان : بسرعة كده ؟!
شهد : خير البر عاجله ، لما كلمتها واتفقنا هي كلمت خالها علشان يحضر يوم الخميس ويكون وكيلها في عقد الجواز .
سلطان : طيب المهم انك مترجعيش تندمي .
شهد ” تضحك ” : لأ مش هندم ، اطمن .
سلطان : انا هدخل اغير هدومي .
شهد : غير هدومك وتعالي علشان نتعشا سوا .

بدل سلطان ملابسه وعاد الي السفرة ليجد كل ما لذ وطاب !!!
سلطان : ايه الاكل ده كله ؟!!!
شهد ” تضحك ” : اكل عرسان بقي ، مش انت عريس ودخلتك كمان يومين يعني لازم تتغذا كويس .
سلطان : جمبري واستاكوزا وسبيط وكابوريا وسي فود !!! كتير قوي كده يا حبيبتي .
شهد : بالهنا والشفا يا حبيبي ، وانا كمان اللي هأكلك بأيدي زي اول جوازنا ، فاكر ولا نسيت ؟؟
سلطان : مفيش لحظة حلوة ببني وبينك يا شهد الا ومحفورة في تفكيري وفي قلبي .
انتهوا من تناول الطعام واحضرت جميلة اقداح القهوة لسلطان وشهد التي قالت لها : اغسلي الاطباق يا جميلة وغيري هدومك والبسي حاجة حلوة وتعالي اقعدي علشان تتكلمي مع عريسك شوية .

تعجب سلطان من كلمات زوجته ومن موقفها الذي يكاد لا يصدق ان يكون واقع يعيشه بالفعل !!
انصرفت جميلة فنظر سلطان لشهد وسألها بنوع من السخرية : قولتلها تيجي ليه ؟ هتكلم معاها في ايه ؟!!
شهد : عادي يا حبيبي لازم تتكلم معها شوية علشان ترفع حاجز الخجل اللي بينكم قبل الدخلة بعد يومين .
ضحك سلطان و هو يكاد لا يصدق ان من تتفوه بتلك الكلمات هي زوجته شهد حب عمره و التي طالما عاني من غيرتها منذ بداية حبهما !!!
غابت جميلة لأكثر من ساعة ثم عادت بعدما بدلت ملابسها وتزينت وجاءت ووقفت امامهما في صمت .
شهد : اقعدي يا جميلة ، هتفضلي واقفة كده ؟!!!
جميلة : تحت امرك يا هانم .
شهد : انا هسيبك مع سلطان بيه تتكلموا علي راحتكم وهدخل اوضتي ، فيه اي حاجة عايزة تسألي عنها قبل ما ادخل ؟
جميلة : ربنا يخليكي يا ست هانم ، انا بس لغاية دلوقتي مش قادرة اصدق وحاسة اني بحلم .
شهد : لا ده واقع مش حلم ولا حاجة ، بس اهم حاجة انك تنفذي كل اللي اتفقنا عليه بالحرف .
جميلة : حاضر يا ست هانم ، هو انا اقدر أنزلك او انزل لسلطان بيه كلمة !!
شهد : طيب انا داخله اوضتي تصبحي علي خير يا جميلة .
ثم وجهت كلامها لزوجها : انا داخلة اوضتنا يا سلطان هستناك جوه .
سلطان ” بأرتباك ” : حاضر يا حبيبتي مش هتأخر .

دخلت شهد غرفتها وجلست جميلة تضم يديها الي رجليها وتضع نظرها الي الارض في خجل !!
بينما يجلس سلطان في مقابلها لا يعرف من اين يبدأ !!!
طال الصمت لدقائق حتي سألته جميلة : أقوم اعمل لحضرتك قهوة يا بيه ؟
سلطان : لا لا شكرا مش عايز دلوقتي ، بس قبل ما نتكلم عايز اقولك علي حاجة مهمة قوي .
جميلة : أؤمر يا بيه تحت امرك .
سلطان ” يبتسم ” : اولا انتي عارفة قد ايه الحب اللي بيني وبين شهد هانم .
جميلة : ايوه عارفة يا بيه ، ربنا يخليكم لبعض .
سلطان : علشان كده عايز موضوع الجواز ده مش يأثر عليها ابدا !!
جميلة : ايوه يا بيه ، انا اتفاجئت بالموضوع ده لما الهانم كلمتني !! ولا كان عمري يخطر ببالي .
سلطان : انتي يا جميلة بنت حلال وتستاهلي كل خير ، لكن لازم اقولك الكلام ده وأكد عليكي علشان بعد الجواز ميحصلش منك حاجة تضايق الهانم !! لأن ساعتها هتشوفي مني موقف مش هيعجبك .
جميلة : انا يا بيه ؟!! ده انا مستحيل اعمل حاجة تضايقها ابدا ، دي اوامرها سيف علي رقب.تي .
سلطان : تمام يا جميلة يبقي متفقين ، الحاجة التانية اللي عايز اقولك عليها ان طول ما شهد هانم موجودة بينا تقوليلي يا بيه زي ما انتي متعودة ، لكن لما نكون لوحدنا تقدري تقولي يا سلطان بس عادي .
جميلة : أاأنا يا بيه ؟؟ مقدرش اقول لسعادتك كده .
سلطان : لا يا جميلة تقولي براحتك مادام لوحدنا ، انا هبقي جوزك وانتي مراتي يعني عادي تناديني باسمي بس بيني وبينك علشان الهانم متضايقش .
جميلة : حاضر يا بيه .
سلطان : دلوقتي بقي عايز اعرف جميلة اللي انا معرفهاش .
جميلة : ازاي يعني يا بيه ؟
سلطان : يعني تكلميني عن نفسك شوية ، عن الحاجات اللي معرفهاش عنك يا جميلة .
جميلة : انا يا بيه بنت غلبانة ملهاش حد في الدنيا بعد ربنا الا انت والهانم ، بعد موت ابويا وامي اخواتي الاتنين سابوني عند خالي وسافروا يشتغلوا بره ، ومن ساعة ما سافروا معرفش عنهم حاجة ، وخالي كان عنده عيال كتير ، قعدت معاهم لحد ما خالي جابني هنا علشان اشتغل عندكم .
سلطان : تمام ، عايز اعرف بقي جميلة الانسانة بتحب ايه ومبتحبش ايه ؟ بتحبي تاكلي ايه ؟ بتسلي نفسك ازاي لما بتكوني فاضية بعد الشغل ؟
ضحكت جميلة وقالت : يا بيه انا اللي زيي ملهاش حق تحب حاجة او تكره حاجة تانية ، اديني عايشة زي الناس اللي عايشين والسلام .
سلطان : ازاي الكلام ده !! يعني مفيش اكلة بتحبي تاكليها ؟ مفيش حاجة بتحبي تعمليها في وقت فراغك ؟؟
جميلة : يا بيه كل نعمة ربنا حلوة ، بس الصراحة لما باكل محشي وفراخ ببقي مبسوطة قوي ، ولما بكون فاضية بعد شغل البيت بحب اقرا قصص و بحب ارسم .
سلطان : بتقرأي قصص ؟
جميلة : ايوه يا بيه ؟
سلطان : بتقرأي قصص لمين بقي من الكتاب ؟
جميلة : بقرأ قصص من اللي بتنزل علي النت دي يا بيه بتبقي حلوة وببلاش مش بدفع فلوس .
سلطان : وبتحبي ترسمي ؟
جميلة : ايوه يا بيه ، اهو بشخبط شوية كده بالقلم .
سلطان : طيب ممكن توريني حاجة من اللي بترسميها ؟
جميلة : مفيش يا بيه ، اصل انا بعد ما بخلص الرسمة بقطعها وارميها .
سلطان : خسارة ، طيب لما ترسمي حاجة بعد كده عايز اشوفها .
جميلة : حاضر يا بيه .
سلطان : طيب ممكن بقي قبل ما نخلص كلامنا و نقوم تقوليلي يا سلطان بس ؟
جميلة : يالهوي ، مقدرش .
سلطان : ولو قولتلك علشان خاطري ؟
جميلة : خاطرك غالي اوي يا بيه بس مقدرش لا لا مقدرش .
سلطان ” يضحك ” : طيب هنبقي نشوف الموضوع ده لما يتقفل علينا باب واحد ونكون لوحدنا .
احمر وجه جميلة خجلا ثم وقفت و سألته : حاجة تانية يا بيه ؟
سلطان : لا شكرا ، ممكن تدخلي تنامي .
جميلة : طيب اعملك قهوة ؟
سلطان : لا يا جميلة انا هدخل انام ، يلا تصبحي علي خير يا قمر .
ضحكت جميلة : وانت من اهل الخير يا سعادة البيه .

دخل سلطان الغرفة فوجد زوجته شهد تمسح عينيها فسألها : مال عينيكي يا حبيبتي ؟
شهد ” تبتسم ” : لا ابدا ده عيني دمعت علشان عايزة انام .
سلطان : مش عارف ليه حاسس انك مش بتقولي الحقيقة يا شهد !!
شهد ” تضحك ” : انا عمري كدبت عليك يا سلطان قبل كده ؟
سلطان : لأ .
شهد : وهكدب عليك ليه دلوقتي ؟
سلطان : قوليلي الحقيقة يا شهد ، موضوع الجواز ده انتي ندمانة عليه ؟؟ لو ندمانه قولي دلوقتي قبل ما الفاس تقع في الراس .
شهد ” تضحك ” : لأ طبعا مش كده ابدا ، وياريت يا سلطان بلاش تقولي كده تاني ، ده قرار واخدناه وانا صاحبة الفكرة ومش ممكن اغير موقفي ابدا ، خصوصا اني مقتنعة وراضية .
سلطان : طيب يا حبيبتي اللي تشوفيه ، انا هنام بقي تصبحي علي خير .
شهد : وانت من اهله يا حبببي .

في اليوم التالي
يعود سلطان من عمله فيجد المنزل خاويا !!! شهد غير موجودة وايضا جميلة لا اثر لها في المنزل !!!
يمسك هاتفهه بقلق ويتصل بزوجته و ترد عليه …
سلطان : انتي فين يا شهد ؟
شهد : في مشوار ، نص ساعة وارجع .
سلطان : اول مرة تخرجي من غير ما تعرفيني !! انا قلقت قوي لما رجعت و مش لقيتك ، حتي جميلة كمان مش موجودة !!
شهد : جميلة معايا في مشوار ، نص ساعة وراجعين .
سلطان : انتوا فين ؟
شهد : لما نرجع هتعرف ، يلا سلام بقي دلوقتي .

يدخل سلطان يبدل ملابسه ثم يدخل لأخذ حمام دافئ واثناء استحمامه يسمع صوت فتح باب الشقة .
انتهي سلطان من استحمامه ثم خرج ليفاجئ بمظهر جميلة وشهد المتألق !!!
سلطان : كنتوا فين يا شهد ؟
شهد : اخدت جميلة وروحنا بيوتي سنتر عملنا شوية حاجات واشترينا شوية هدوم جديدة لجميلة .
لاحظت شهد تبدل نظرات سلطان لجميلة لتصبح نظرات اعجاب وانبهار !!
شهد : يلا يا جميلة ادخلي جهزلنا العشا .
جميلة : حاضر يا هانم .

سلطان : يا حبيبتي انتي جمالك طبيعي مش محتاجة تروحي بيوتي سنتر ولا تعملي اي حاجة من دي .
شهد ” تبتسم ” : بتضحك عليا بكلمتين يا حبيبي ؟؟
سلطان : يا قلبي اضحك عليكي ازاي !! شايفة عيونك حلوين ازاي ولا شفايفك طعمين ازاي !! ولا رموشك يا قلبي اللي …
شهد : طيب كفاية كفاية خلاص صدقتك .
سلطان ” يضحك ” : ايه رأيك ندخل نرتاح في اوضتنا شوية علي ما البنت تجهز الاكل ؟؟
تضحك شهد : لا يا حبيبي مش دلوقتي ، بعد العشا ، واعمل حسابك انت الليلادي بتاعي .
يضحك سلطان : الليلة دي وكل ليلة يا قلبي .
شهد ” وعيونها تتلألأ بالدموع ” : لأ الليلادي اخر ليلة هتبقي فيها بتاعي لوحدي ، من بكره جميلة هتشاركني فيك .
سلطان ” يضحك ” : جميلة ايه !! مفيش في القلب غيرك يا قلبي .
شهد : تسلملي و يسلملي قلبك يا حبيبي ، اعمل حسابك بكره طبعا دخلتك علي جميلة وهتقعد معها اسبوع كامل وده حقها ، لكن بعد الاسبوع هنقسم الايام زي ما اتفقنا .
سلطان : حاضر يا حبيبتي اللي تشوفيه.

في اليوم التالي ” يوم الزفاف ”
استيقظ سلطان في موعده المعتاد ليرتدي ملابسه استعدادا للخروج الي شركته محاولا اظهار لامبالاة امام شهد .
شهد : انت رايح فين يا حبيبي ؟
سلطان : رايح الشغل يا حبيبتي .
شهد : معقول يا حبيبي هتروح الشغل يوم دخلتك ؟؟
سلطان : ايه ده !! تصدقي كنت ناسي ؟!!
شهد : طيب بلاش تخرج بقي خليك هنا .
سلطان : طيب هروح الشركة اخلص شوية اوراق وارجع بعد الضهر .
شهد : طيب متتأخرش ، خال جميلة هيوصل الساعة ٥ علشان كتب الكتاب .
سلطان : هكون هنا قبل الساعة ٥ بكتير .

قبل الساعة الخامسة
عاد سلطان الي المنزل ومعه المأذون الشرعي .
و بعدها مباشرة جاء خال جميلة ومعه القليل من اسرتها ، وتم عقد القران وبعدها قدم العريس مبلغ من المال كمهر لجميلة كما قدم بعض المشغولات الذهبية كشبكة لها .
تناول اهل جميلة طعام العشاء ثم انصرفوا عائدين الي قريتهم .
بالرغم من ان شهد كانت متألقة المظهر وتبدو اصغر من عمرها كثيرا الا انها كان يبدو عليها كثير من الحزن والتوتر خاصة حينما لاحظت انبهار سلطان بجمال ومظهر جميلة !!!
عادل_عبد_الله
ثم أمسكت شهد بيد سلطان وادخلته غرفتها و قالت ” وعيناها تتلألأ بالدموع ” : عايزاك تدخل لعروستك يا سلطان وتعيش حياتك عادي وكأني مش موجودة في البيت .
سلطان : انااا….
قاطعته شهد : الشئ الوحيد اللي مش عايزاك تنساه هو حبنا ، اوعي تنساني وتنسي حبنا يا سلطان ، ولازم تعدل بينا في كل حاجة .
امسك سلطان بيدها وضمها بين يديه بلطف وقال : ايه الكلام ده ؟!! انتي عارفة ان مفيش في القلب غيرك والجوازة دي انتي اللي طلبتيها انما انا ستات الدنيا كلها مش ممكن تملا عيني منهم واحدة غيرك .
ضحكت شهد : ربنا يخليك ليا يا روحي ، يلا بقي روح لعروستك وزي ما قولتلك انسي اني موجودة هنا خالص ، انا دلوقتي هنام ، وبكره الصبح هجيبلكم الفطار لحد باب اوضتكم !! ثم ضحكت وقالت : متخافش مش هدخل طبعا ، واعمل حسابك دي المرة الوحيدة اللي هجيبلكم الفطار فيها علشان العروسة متاخدش علي كده ومتنساش نفسها !!
امسك سلطان بيديها وضمها بلطف اليه ثم قال لها : هتوحشيني اوي لحد الصبح .
ابتسمت شهد وقالت : يلا بقي روح لعروستك

الحلقة ٢
ضحكت شهد : ربنا يخليك ليا يا روحي ، يلا بقي روح لعروستك وزي ما قولتلك انسي اني موجودة هنا خالص ، انا دلوقتي هنام ، وبكره الصبح هجيبلكم الفطار لحد باب اوضتكم !! ثم ضحكت وقالت : متخافش مش هدخل طبعا ، واعمل حسابك دي المرة الوحيدة اللي هجيبلكم الفطار فيها علشان العروسة متاخدش علي كده ومتنساش نفسها !!
امسك سلطان بيديها وضمها بلطف اليه ثم قال لها : هتوحشيني اوي لحد الصبح .
ابتسمت شهد وقالت : يلا بقي روح لعروستك .
خرج سلطان من الغرفة فوجد جميلة تجلس في حيرة وارتباك !!
امسك سلطان بيد جميلة ثم وضعها في يده وسار نحو غرفتها وقبل ان يصل قالت له : معلش يا بيه ممكن اطلب منك طلب غالي شوية ؟
سلطان : مفيش حاجة تغلا عليكي يا جميلة ، اطلبي اللي نفسك فيه .
جميلة : انا طول عمري بشوف في الافلام العريس بيشيل عروسته علي دراعه في ليلة فرحهم و دي ليلة فرحي وكان نفسي اعيش الحاجات اللي كنت بشوفها في الافلام دي وبتمناها .
ضحك سلطان وقال : بس كده ؟
جميلة : معلش يا بيه هو طلب غالي شوية بس سامحني محدش هيقدر ينفذهولي غيرك .
سلطان : اوامرك يا عروسة .
جميلة : العفو يا سعادة البيه .
ثم حمل سلطان جميله وسار بها بعض الخطوات حتي دخل غرفتها ثم اغلق الباب بقدمه وضحك قائلا : وكمان قفلت الباب برجلي زي الافلام .
ضحكت جميلة وهي بين ذراعيه .
ثم دار بها سلطان عدة مرات ثم وقف وانزلها علي الفراش وسألها : انتي قفلة النور ليه ؟ افتحي النور انا مش شايف حاجة ومش عارف مكان المفتاح فين !!
قالت : معلش يا بيه ممكن حاجة كمان ؟؟؟
قاطعها سلطان : استني استني قبل ما تكملي كلامك ثم اقترب من اذنها هامسا : قولتلك لما نكون لوحدنا قوليلي يا سلطان ، فاهمة ؟؟
جميلة : معلش علي ما اتعود .
سلطان : طيب كملي كلامك ، كنتي هتقولي ايه ؟
جميلة : ممكن بلاش تنور النور ؟
سلطان : ليه بقي ؟؟؟
جميلة : انا بنكسف يا بيه ، ولو عايز النور ضروري انا معايا اضاءة خفيفة رومانسية كده .
سلطان : رومانسية !! انتي باين عليكي رومانسية اوي يا جميلة .
للكاتب عادل عبد الله
جميلة ” بخجل “: انا بنت زي اي بنت يا بيه كانت بتحلم باليوم ده ونفسي احقق اللي كنت بحلم به .
سلطان : وانا الليلادي بقولك شبيكي لبيكي سلطان جوزك ملك ايديكي نفسك في ايه ؟؟
جميلة : نفسي ، نفسي ، نفسي ارقص معاك سلو زي ما بشوف في الافراح في التليفزيون وعلي التليفون .
سلطان : انتي معاكي موسيقي سلو ؟؟
تضحك جميلة : ايوه .
سلطان : ومستنية ايه ؟ يلا شغليها بس بصوت علي قدنا علشان شهد متسمعش .
ابتسمت جميلة وفتحت اغنية هادئة علي تليفونها بصوت محدود ثم وقفت امام سلطان ورفعت ذراعيها وعلقتهما في رقبته ثم رقصوا سويا رقصة هادئة شعر بعدها سلطان بكم الرومانسية التي تتمتع بها جميلة تلك الفتاة البسيطة التي تخفي احلامها و ها هي تحاول ان تعيشها واقع !!
ظلا يرقصان حتي انتهت الموسيقي فضمها سلطان ضمة حانية ثم اخذها الي الفراش….
اغمضت واستسلمت في هيام الي زوجها وهي تشعر وكأنها في حلم جميل لا تريد ان ينتهي ابدا .

في غرفة شهد ….
تكاد الغيرة أن تفتك بها !!
شهد داخل غرفتها تقف وتلف وتدور داخل غرفتها ، تفرك اصابعها بعصبية شديدة ، ثم تخاطب نفسها : مالك يا شهد !! زعلانة ليه بالشكل ده ؟! ما انتي اللي مجوزاها له بمزاجك وارادتك محدش غصبك علي حاجة !! وكمان عارفة انه بيحبك انتي وهي بالنسبة له مش اكتر من وسيلة انه يخلف !! اهدي بقي وانسي اي حاجة ونامي .
ثم ترد علي نفسها : ازاي ؟؟ ازاي انام وارتاح وانا عارفة انه دلوقتي في ح.ضن واحدة تانية !! ده انا حتي شوفت في عيونه نظرة اعجاب لها ، لا ده كانت عينيه هتطلع عليها !! اكيد عجبته وفرحان بيها دلوقتي !! لاااا انا لازم اخرج وانهي المهز.لة دي فورا !!!!!
خرجت شهد من غرفتها مسرعة و سارت نحو غرفة جميلة وما انا اقتربت حتي هدأت خطاها ووقفت امام الباب المغلق ثم وضعت اذنها علي الباب تحاول ان تستمع لأي صوت !! ولكنها لم تسمع شئ !!
ثم عادت الي غرفتها واغلقت بابها وقالت لنفسها : انتي اتجننتي ولا ايه يا شهد !! انتي ازاي تتصنتي عليهم كده !! وبتفكري في ايه دلوقتي ، خلاص الفاس وقعت في الراس مش هينفع تعملي اللي في تفكيرك .

في منتصف الليل …
سلطان : بصراحة انتي تجنني يا جميلة ، انتي اسم علي مسمي ، اسمك جميلة و كل حاجة فيكي جميلة .
جميلة : انا يا بيه ؟
سلطان : قولنا من دلوقتي مفيش كلمة بيه دي زي ما اتفقنا مادام لوحدنا ، قولي يا سلطان وبس .
تصمت جميلة……
سلطان : ها ، يلا قولي .
جميلة : يا سلطان .
سلطان ” يضحك ” : يا روح قلب سلطان .
_عادل_عبد_الله
صباح اليوم التالي
لم تتذوق عين شهد مذاق النوم طيلة الليل ، دخلت الي المطبخ صباحا واعدت الطعام لسلطان وعروسته كما وعدته ثم دقت باب غرفة جميلة عدة مرات ويكاد الارتباك والتوتر ان يقت.لها !!!
سمع سلطان صوت دقات الباب فتح عينيه وتيقظت حواسه سريعا واعتدل جالسا علي الفراش بينما كانت جميلة مازالت نائمة بجواره . ثم قام سريعا ليرتدي بعض ملابسه .

انتظرت شهد في ضجر حتي فتح سلطان باب الغرفة مبتسما وقال : صباح الخير يا حبيبتي .
ابتسمت شهد ” بتصنع ” : صباحية مباركة يا عريس .
سلطان : احم … الله يبارك فيكي يا حبيبتي ، وحشتيني قوي .
شهد : العروسة نايمة ولا ايه ؟
سلطان : ايوه .
شهد : انا جيبتلكم الفطار بنفسي النهاردة زي ما وعدتك ، بعد كده هي اللي هتجهز الفطار ، وبالنسبة لشغل البيت هي عندها اجازة اسبوع زي ما اتفقنا بعده هترجع لشغلها الطبيعي وتنسي الدلع ده .
سلطان : تسلم ايديكي يا حبيبتي ، اكيد ده اجمل فطار علشان انتي اللي مجهزاه بايديكي الحلوين .
ضحكت شهد : طيب يلا يا اونطجي ادخل لعروستك .

جذبت شهد باب الغرفة وهي تبتسم في وجه سلطان لتغلقه .
عادت الي غرفتها بعدما قلت حدة توترها بعد سماع كلمات الغزل منه وعرفت ان مكانتها في قلبه لم تهتز .

اخذ سلطان الطعام ووضعه جانبا ثم استلقي بجوار جميلة وبدأ يداعب شعرها بأنامله وخدودها بانفاسه حتي فتحت جميلة عيونها وابتسمت : صباح الخير .

سلطان : اجمل صباح لأجمل عروسة في الدنيا .
جميلة : معقووول !! انا مش في حلم !! انا في حقيقة !!
سلطان : الذ حلم واجمل حقيقة يا حبيبتي ، يلا بقي قومي علشان نفطر .
اعتدلت جميلة ثم قالت : حاضر انا هقوم بسرعة اجهز الفطار .
سلطان : لا يا قلبي ، شهد جهزلتنا الفطار وجابته لحد باب الاوضة .
جميلة ” بذهول ” : ايييه !! شهد هانم بنفسها اللي جهزتلنا الفطار ؟!!
سلطان : ايوه ، وقالتلي انها النهارده جهزت لنا الفطار و بعد كده انتي اللي هتجهزيه ، وكمان قالتلي انك في اجازة من شغل البيت لمدة اسبوع كامل .
جميلة : ياااه !! شهد هانم دي ست طيبة اوي وقلبها كبير ، ربنا يسعد قلبها ويجبر بخاطرها يارب .
سلطان ” يضحك ” : يلا بقي يا حبيبتي نفطر بسرعة بسرعة علشان عايزك في موضوع مهم قوي .
جميلة : موضوع !! موضوع ايه ؟؟
يضحك سلطان : نفس موضوع ليلة البارح .
ضحكت جميلة واحمر وجهها خجلا ثم قالت : لا استني اوعي تمد ايدك علي الاكل .
سلطان ” بتعجب ” : ليه ؟!!
جميلة : انا اللي هاكلك بايديا .
سلطان : ماشي يا قلبي ، تسلملي ايدك يا قمر .

مرت ساعات النهار بطيئة مملة كئيبة في غرفة شهد .
بينما كانت ساعات النهار حارة ساخنة ملتهبة في غرفة جميلة وسلطان .
وقبل نهاية اليوم دخلت شهد الي المطبخ وظلت به تعد اصناف من الطعام حتي بعد منتصف الليل !!!
خرج سلطان من غرفته فتعجب من انشغال شهد في المطبخ حتي هذا الوقت المتأخر !!!
سلطان : وحشتيني اوي يا حبيبتي ، بتعملي ايه ؟
شهد : زي ما انت شايف بعمل اكل .
سلطان : وليه سهرانه لحد دلوقتي في المطبخ ؟! كده تعب عليكي !!
شهد : قولت اخلص كل حاجة النهاردة لأني بكره الصبح رايحة عند شيماء اختي في اسكندرية .
سلطان : هتسافري فجأة كده ؟؟
شهد : وفيها ايه ؟ شيماء وحشتني وعايزة اشوفها واغير جو عندها .
سلطان : هتقعدي هناك كام يوم ؟
شهد : يومين تلاتة بالكتير .
سلطان : طيب صحيني قبل ما تنزلي الصبح علشان اروح اوصلك .
شهد : لا لا ، انا هسافر لوحدي .
سلطان : مينفعش ، لازم ….
شهد ” تبتسم بألم ” : لازم تفضل جنب عروستك يا عريس .
سلطان :يا شهد انااا….
شهد : هسسسسس ، انت مش هتخرج من البيت وانا هسافر لوحدي ، و بطبخلكم اكل وهسيبه في التلاجة يكفيكم لأخر الاسبوع .

صباح اليوم التالي
فتح سلطان عينيه ليجد جميلة بين ذراعيه فتداعب انامله خصلات شعرها المبعثرة ويهمس في أذنها صباح الخير يا قمر .
تتيقظ جميلة علي همساته لتبتسم : صباح الخير يا حبيبي .
سلطان : احلي كلمة حبيبي سمعتها في حياتي .
تضحك جميلة وتعتدل : هقوم اجهزلك الفطار حالا .
سلطان : لأ خليكي جنبي شوية .
جميلة : انا جعانة قوي ، هقوم اجهز الفطار ونفطر وبعدين هكون جنبك علطول .
سلطان : ماشي يا حبيبتي .

خرجت جميلة من الغرفة فلم تجد شهد !!
فعادت الي الغرفة : غريبة !!! شهد هانم مش موجودة في البيت !!
سلطان : ايوه ، قالتلي انها هتسافر عند اختها في اسكندرية تقعد يومين هناك ، اكيد سافرت الصبح قبل ما نصحي .
جميلة : انا قلقت عليها لما مش لقيتها في البيت ، هروح اجهز الفطار .
سلطان : استني ، فرصة وهي مش موجودة نجهز الفطار مع بعض .

في الاسكندرية
تصل شهد الي منزل اختها لتستقبلها بالترحاب …
شيماء : اهلا حبيبتي شهودة ، حمد لله علي السلامة نورتي اسكندرية .
شهد : الله يسلمك يا شيمو ، اسكندرية منورة بأهلها .
شيماء : انا زعلانة منك ، كل ده متجيش تشوفي اختك حبيبتك !!
شهد : معلش يا شيمو اتأخرت شوية المرة دي ،واديني جيتلك اهو .
شيماء : مالك يا شهد ؟ شكلك متغير اوي زي ما تكوني زعلانة من حاجة !!
شهد : لا ابدا .
شيماء : هتخبي علي اختك حبيبتك ، اتكلمي يا قلبي فيه حاجة مزعلاكي ؟؟
تفلت دموع شهد بين جفون عينيها لتنساب علي خدودها .
شيماء : ايه ده !! معقول !! شهد اختي بتعيط ؟؟ انا اول مرة اشوف دموعك يا شهد !! فيه ايه ؟؟
_عادل_عبد_الله
تنهمر دموع شهد بغزارة : سلطان اتجوز يا شيماء .
شيماء : اييييه ؟؟ سلطان اتجوز !! ازاي ؟؟ ده بيحبك وبيمو.ت فيكي !!!
شهد : هو ده اللي حصل .
شيماء : ازاي ؟؟ ازاي يجيله قلب يتجوز عليكي ويكسر قلبك ؟؟
شهد : لأ هو مش اتجوز من نفسه ، انا اللي طلبت منه وصممت لغاية ما وافق واتجوز .
شيماء : انتي ات.جننتي يا شهد ؟!! انتي بنفسك اللي طلبتي منه يتجوز ؟!!

الحلقة ٣
شيماء : ازاي ؟؟ ازاي يجيله قلب يتجوز عليكي ويكسر قلبك ؟؟
شهد : لأ هو مش اتجوز من نفسه ، انا اللي طلبت منه وصممت لغاية ما وافق واتجوز .
شيماء : انتي ات.جننتي يا شهد ؟!! انتي بنفسك اللي طلبتي منه يتجوز ؟!!
شهد : ايوه .
شيماء : وازاي تعملي كده ؟؟
شهد : علشان بحبه يا شيماء ، علشان بحبه .
شيماء : ده لغز ده ولا ايه ؟؟ ازاي بتحبيه وازاي تطلبي منه يتجوز ؟؟؟
شهد : سلطان طول عمره نفسه في ولد وبيخبي علشان ميزعلنيش وعمره بيجري وانا السبب انه ميخلفش ، كان لازم مقفش في طريق تحقيق حلمه علشان يخلف ويفرح باولاده .
شيماء : انتي عب.يطة يا شهد ؟؟ ازاي تعملي كده ؟؟
شهد : كان لازم اعمل كده يا شيمو ، كان لازم اعمل كده .
شيماء : واتجوز امتي ومين وفين وازاي سعادة البيه ؟؟؟
شهد : اتجوز جميلة .
شيماء : جميلة مين ؟ جميلة الخد.امة ؟؟؟
شهد : ايوه .
شيماء : ايه الجنا.ن ده ؟؟ انا حاسه كأني بتفرج علي فيلم !!!
شهد : هو ده اللي حصل .
شيماء : طيب استني بقي اعملك عصير ليمون واجيلك تحكيلي علي كل اللي حصل بالتفصيل .

في منزل سلطان
سلطان : احلي فطار من احلي عروسة في الدنيا ، تسلم ايديكي .
جميلة : تسلم يا حبيبي ويسلم لسانك .
سلطان : احنا مش عايزين نضيع فرصة اليومين دول .
جميلة : يعني ايه ؟؟
سلطان : يعني عايزين ناخد راحتنا علي الاخر ويكون لنا في كل ركن في البيت ذكري جميلة نفتكرها ، بس اهم حاجة بعيد عن اوضة شهد .
جميلة : انا فيه حاجة محيراني ونفسي اسألك عليها .
سلطان : أسألي يا حبيبتي .
جميلة : انت فعلا بتحب شهد هانم ؟؟
سلطان : ايوه بحبها طبعا .
جميلة : وازاي بتحبها وبتقول انك بتحبني ؟!!
سلطان : يا حبيبتي انتي حاجة وشهد حاجة تانية خالص . عادل_عبد_الله
جميلة : مش فاهمة .
سلطان : شهد دي حب عمري اول حب حبيته في حياتي من وانا لسه في اول شبابي ، انما انتي …
جميلة : انا ايه بقي ؟؟
سلطان :انتي الحب اللي دخل حياتي غيرها و خلاني احس ان الدنيا فيها حاجات حلوة كتير انتي احلي حاجة فيها .
جميلة : معلش ، مش قادرة اصدق .
سلطان : التفاح حلو ؟
جميلة : ايوه .
سلطان : والفراولة حلوة ؟
جميلة : اكيد .
سلطان : بتحبي الاتنين ؟
جميلة : طبعا بحبهم قوي .
سلطان : بالظبط كده انا بحبكم انتوا الاتنين .

في اسكندرية
شيماء : انا مش قادرة اصدق اللي قولتيه ده يا شهد !! انتي بنفسك تجوزي سلطان جوزك لخدامتك ؟!! وفي بيتك !! وكمان سبتلهم البيت يقضوا اسبوع عسل !!!! انا مش عارفة ازاي تعملي كده ؟؟؟
شهد : لما يتجوز ويخلف السعادة اللي هيحس بها سلطان هتزود حبي في قلبه مش هيقل في قلبه ابدا !! اما بالنسبة لجميلة دي بنت غلبانة مفيش منها قلق ، هي كده كده هتبقي تحت امري ومش هتقدر تفتح فيا ، ومتنسيش اني هشاركهم في تربية الاطفال واكيد هحس بسعادة وانا بشوف اولاد سلطان بيتربوا ويكبروا علي ايدي وقدام عينيا وفي بيتي .
شيماء : متزعليش مني يا شهد تفكيرك مثالي قوي مش واقعي !! مش عارفة انتي حصلك ايه ؟!! تفكيرك كله غلط وبكره الايام تثبت لك انك كنتي غلط وتقولي شيمو قالت .
شهد : مش هتفرق صح او غلط خلاص اللي حصل حصل .
شيماء : طيب اسمعي كلامي علي الاقل تلحقي اللي ممكن تلحقيه قبل فوات الاوان .
شهد : ألحق ايه مش فاهمة ؟؟
شيماء : لازم تلحقي جوزك قبل فوات الاوان .
شهد : مش فاهمة !!
شيماء : قصدي قبل ما العروسة الجديدة تلحس عقله وتشغل قلبه .
شهد : لااا من الناحية دي مفيش خوف ، سلطان بيحبني ومفيش واحدة ممكن تملا عينه او تدخل قلبه غيري .
شيماء : شهودة يا حبيبتي بلاش الثقة الزايدة دي لأن اخرتها وحشة قوي ، واوعي تنسي ان البنت لسه صغيرة وزي الوردة المفتحة واكيد لما يدوق طعمها هتاخد مكان في قلبه .
شهد : تفتكري ممكن يحصل ؟؟
شيماء : ده اكيد لازم يحصل ، بس شطارتك يا شهد انك انتي مش تديها الفرصة دي .
شهد : ازاي ؟؟
شيماء : هفهمك تعملي ايه بس تسمعي كلامي كويس .

في نهاية الاسبوع
عادت شهد الي المنزل مساء ودخلت شقتها فوجدت سلطان وجميلة يجلسون جلسة هادئة رومانسية في الريسبشن يشاهدون احد الافلام الرومانسية .
بمجرد ان فتحت الباب اعتدل سلطان واقفا وسارع اليها واحت.ضنها : حمد لله علي السلامة يا شوشو ، ايه المفاجئة الحلوة دي !!
شهد : الله يسلمك يا حبيبي .
سلطان : مش قولتيلي انك هترجعي بكره !!
شهد : غيرت رأيي علشان وحشتني .
سلطان : وانتي كمان وحشتيني قوي .
قامت جميلة سريعا للدخول الي المطبخ .
فنادتها شهد : ازيك يا جميلة عاملة ايه ؟
جميلة : الحمد لله يا ست هانم .
شهد : رايحة فين ؟
جميلة : هدخل اجهزلك الحمام واجهز العشا ليكي وللبيه .
شهد : طيب يلا بسرعة علشان تعبانة قوي .
ثم وجهت كلامها لسلطان : كويس انك لسه مش اتعشيت علشان نتعشا مع بعض يا حبيبي .

دخلت جميلة وبدأت في اعداد الطعام اثناء استحمام شهد .
واثناء اعدادها الطعام نادتها شهد وقالت : نادي للبيه يا جميلة قوليله الهانم عاوزاك في الحمام .
جميلة ” يبدو عليها الصد.مة ” : حاضر يا ست هانم .
للمرة الاولي تطلب مدام شهد هذا الطلب من زوجها !!
ذهبت جميلة لسلطان وقالت له : كلم الهانم عايزاك في الحمام يا سعادة البيه .
سلطان ” بأرتباك ” : نعم !!! طيب قوليلها جاي .

انتهت شهد من استحمامها وجلست تتناول العشاء مع سلطان .
بينما اختفت جميلة داخل المطبخ حتي انتهيا من تناول العشاء ونادتها شهد .
شهد : جميلة … جميلة .
جميلة : نعم يا هانم .
شهد : اعمليلي القهوة بتاعتي واعملي لسلطان بيه قهوته ، واعملي حسابك من الليلة سلطان بيه هينام في اوضتي ليلة وفي اوضتك ليلة ، انا بقولك كده علشان انا ست بحب العدل ومش احب اكون ظالمة حد .
جميلة : اللي تشوفيه يا هانم كل كلامك اوامر .
شهد : طيب يلا اعمليلنا القهوة وهاتيهالنا اوضة النوم .
دخلت جميلة تعد لهما اقداح القهوة ثم ذهبت بها الي غرفة شهد ودقت باب غرفتها ، فأجابتها شهد : ادخلي يا جميلة .
فتحت جميلة باب الغرفة ودخلت فاذا بها تجد شهد ترتدي ثياب نوم مثيرة و تجلس بجوار سلطان يتبادلان الملاطفة والمداعبة بينما الغرفة تفوح منها رائحة الحب والاشواق .
شهد : حطي القهوة عندك يا جميلة واقفلي الباب وانتي خارجة ، واعملي حسابك اسبوع العسل خلص ومن بكره الصبح ترجعي لشغلك زي ما كنتي .
وضعت جميلة اقداح القهوة امامهما بينما كانت مشاعر الغيرة الانثوية بدأت تتحرك داخلها للمرة الاولي تجاه شهد !!
_عادل_عبد_الله
خرجت جميلة الي غرفتها وهي تفكر بطريقة وفكر جديد .
فها هي الان تفكر في سلطان بيه كزوج لها تحبه وتغار عليه وتريد ان ……
جميلة : انا ازاي بفكر فيه بالشكل ده !! انتي نسيتي نفسك ولا ايه يا جميلة ؟!! انتي طلعتي ولا نزلتي حتة البت الخد.امة !! صحيح انتي مراته دلوقتي لكن هو لسه سلطان بيه وهي شهد هانم وانا بردو البت الخد.امة .
ثم ترد علي نفسها : لكن هو جوزك ولازم تحبيه وتغيري عليه !!
يا بت متضحكيش علي نفسك ، هو اتجوزك مش حبا فيكي ، اتجوزك علشان يخلف العيل اللي نفسه فيه وعلشان كده مراته وافقت لولا كده كانت عمرها ما هتوافق ابدا !!
وبعد ان عانت من التفكير قالت لنفسها : تفكيرك مش هيقدم ولا هيأخر ، انتي غلبانة وضعيفة ومش اد الناس دي ، يبقي تسمعي الكلام وتريحي نفسك وتنامي احسن .

في غرفة شهد
تتمدد شهد بجوار سلطان تعا.نقه وتقول له : وحشتني اوي يا روحي .
سلطان : انتي وحشتيني اكتر يا حبيبتي .
شهد : بجد ؟ بتقولها من قلبك ؟؟
سلطان : طبعا يا قلبي .
شهد : هوحشك ازاي وانت كنت في ح.ضن العروسة ؟!!
سلطان : عروسة ايه يا قلبي ؟ انتي عروستي وحبيبتي وحياتي .
شهد : يعني معقول كنت في ح.ضنها وبتفكر فيا ؟؟ للكاتب عادل عبد الله
سلطان : انا كنت في ح.ضنك انتي يا حبيبتي ، عقلي وقلبي وخيالي كان معاكي انتي وبس .
شهد : لكن جسمك كان معاها !!!
سلطان : انا كده هزعل منك يا قلبي .
شهد : ليه ؟؟
سلطان : علشان عايزة تضيعي ليلتنا في كلام فارغ ، الليلة عايز احس في كل لحظة فيها ان حبيبتي ومراتي وروحي في حض.ني ومفكرش في اي حاجة تانية ابدا .

بعد مرور شهر علي زواج سلطان وشهد

شهد تخاطب جميلة …..
شهد : ايه الاخبار يا جميلة ؟
جميلة : اخبار ايه يا ست هانم ؟
شهد : اخبار الحمل ؟ حصل حمل ولا لسه ؟

جميلة : لسه يا هانم .
شهد : لسه !!!! ليه ؟؟
جميلة : ارادة ربنا يا هانم ، الحاجات دي بارادة ربنا ، وقت ما يريد هيحصل .
شهد : قوليلي يا شهد هو سلطان بيه لما بيكون معاكي ب……..

الحلقة ٤
شهد : اخبار الحمل ايه ؟ حصل حمل ولا لسه ؟
جميلة : لسه يا هانم .
شهد : لسه !!!! ليه ؟؟
جميلة : ارادة ربنا يا هانم ، الحاجات دي بارادة ربنا ، وقت ما يريد هيحصل .
شهد : قوليلي يا شهد هو سلطان بيه لما بيكون معاكي مش بيحصل بينكم حاجة ؟؟
نظرت جميلة الي الارض خجلا وقالت : بيحصل يا هانم .
شهد : طيب عايزة أشوف شطارتك يا جميلة .
جميلة ” بتعجب ” : ازاي مش فاهمة ؟!!
شهد : يعني عايزين نفرح باولاد سلطان في اقرب وقت .
وأنا في ايدي ايه اعمله يا هانم ؟!!
شهد ” بعصبية ” : طيب خلاص خلاص روحي شوفي اللي وراكي في المطبخ .
عادل عبد الله
عاد سلطان مساءا الي المنزل فوجد شهد يبدو عليها التوتر والقلق !!
سلطان : مساء الخير يا حبيبتي .
شهد : مساء النور ، تعالي يا سلطان اقعد عايزاك .
سلطان : خير يا حبيبتي فيه ايه ؟؟
شهد : يا سلطان النهاردة عدا اكتر من شهر علي جوازك من البنت جميلة ولسه مفيش حمل !!!
سلطان : مش لازم يحصل من اول شهر ، ممكن بعد شهر اتنين تلاتة وممكن بعد سنة او اكتر ، عادي يعني يا شهد .
شهد : لأ احنا بكره الصبح لازم نروح لدكتور ويكشف عليكم انتوا الاتنين .
سلطان : وهيكشف عليا انا ليه ؟ ما انا كشفت كتير قبل كده وتحاليلي كلها سليمة وعارف ان مفيش موانع عندي للانجاب !!!
شهد : بردو تعيد الكشف تاني يمكن الخصوبة عندك ضعفت ؟؟
سلطان : انا تمام وزي الفل يا شهد وانتي عارفة كده كويس !!
شهد : يا حبيبي عارفاك راجل وسيد الرجالة لكن انا بتكلم عن الخصوبة ، وده عادي ملهاش علاقة باللي في دماغك .
سلطان : اوكي زي ما تحبي يا حبيبتي ، نروح للدكتور .
_عادل_عبد_الله
بعد عدة ايام
في معمل التحاليل تتسلم شهد ومعها جميلة التحاليل الطبية التي تؤكد سلامة جميلة وسلطان وتؤكد قدرتهما علي الانجاب .
تتصل شهد هاتفيا بسلطان …
شهد : الحمد لله يا حبيبي التحاليل طلعت سليمة وانتوا الانتين كويسين .
سلطان : انا قولتلك يا شهد بلاش استعجال ، هيحصل الحمل وقت ما ربنا يريد .
شهد : ونعم بالله ، انا حبيت اتصل و اطمنك .
سلطان : يا حبيبتي انا مطمن طول ما انتي جنبي ومعايا .

شيئا فشيئا بدأت شهد تشعر بفتور مشاعر سلطان تجاهها !!
فلم تعد لهفته عليها كسابق عهده !!
فكثيرا ما يعود من عمله متأخرا في ايامها ويتعلل بأشغاله في العمل او بلقاء احد اصدقاؤه القدامي ، اما في ايام جميلة فيعود دائما في وقت مبكر !!
اصبحت جميلة اكثر اهتماما بمظهرها في المنزل عن ذي قبل !!
اصبحت اعين سلطان تلاحق جميلة في المنزل كلما أتت او راحت !!
كل ذلك جعل مشاعر الغيرة تستعر في قلب شهد خاصة مع محاولاتها الظهور امامه في ابهي صورة واجمل حلة !!

حتي عاد سلطان يوما من عمله و بدل ملابسه ثم عاد وجلس علي السفرة .
أتت جميلة بالطعام ووضعته امامهما ثم انصرفت بينما نظرات سلطان مازالت تلاحقها مما استفز مشاعر شهد وجعلها تواجهه في الحال …
شهد : عينك يا سلطان !!!
سلطان ” بارتباك ” : ايييه ؟ في ايه ؟ مالها عيني ؟؟
شهد : عينك مش بتنزل من عليها !! للدرجادي مش صابر علي ما يتقفل عليكم باب ؟!!
سلطان ” يبتسم ” : ايه اللي بتقوليه ده يا شوشو !! انتي عارفة ومتأكدة جدا ان مفيش في القلب غيرك ومفيش واحدة تملي عيني غيرك .
شهد : كان ، كان يا سلطان ، كان مفيش واحدة تملي عينك غيري ، لكن دلوقتي لأ ، بقي فيه جميلة هي اللي مالية عينيك ولما بتشوفها بتخليك مش علي بعضك !!!
سلطان : لأ انا كده ازعل ، بجد انا كده هزعل منك ، اللي بتقوليه ده مش حقيقي ابدا يا شهد ، صدقيني كل دي اوهام في دماغك .
شهد : اوهام ؟؟
سلطان : اكيد اوهام يا شهد .
شهد : ورجوعك بدري في ايامها بردو اوهام ؟؟ وعينيك اللي من ساعة ما اتجوزتها مش بتنزل من عليها بردو اوهام ؟؟
سلطان ” بارتباك ” : مفيش حاجة من دي حقيقة ، ولو أتأخرت بتكون صدفة من اكتر ، يا شهد معقول لسه لحد دلوقتي مش عارفة حبي ليكي ؟!!!
شهد : عارفة يا سلطان بس حبك ليا قل عن الاول ، قل كتير قوي ، وخايفة في يوم يروح خالص من قلبك وارجع اندم علي تضحيتي علشانك .
سلطان : طيب اعمل ايه علشان تصدقي ان حبك في قلبي كل يوم بيزيد مش بيقل ؟؟
شهد : اثبتلي يا سلطان ، اثبتلي بأي طريقة ، المهم تثبتلي .
سلطان : حاضر يا شهد هثبتلك ومسير الايام تثبتلك وتأكدلك .

بعد شهرين من زواج سلطان وجميلة ، دخلت جميلة علي شهد وقالت……
جميلة : فيه حاجة يا هانم كنت عايزة اقولك عليها .
شهد : قولي يا جميلة .
جميلة : أنااا
شهد : مالك يا جميلة ؟
جميلة : انااا حامل .
شهد : بتتكلمي جد ؟؟ بجد يا جميلة انتي حامل ؟؟
جميلة ” بفرحة ” : ايوه يا هانم .
شهد : طيب تعالي ننزل نروح نعمل تحليل دلوقتي ونتأكد .
جميلة : عملت تحليل واتأكدت يا هانم .
شهد : ننزل نتأكد تاني .

في معمل التحاليل الطبية

بمجرد تأكدهم من حدوث الحمل اتصلت شهد بسلطان …….
شهد : انت فين يا حبيبي ؟
سلطان : في الشغل طبعا يا شهد .
شهد : طيب انا عندي خبر بمليون جنية .
سلطان : مليون جنية ؟!! قولي يا ستي ، انا وفلوسي وكل حاجة ملك ايديكي .
شهد : ربنا يخليك ليا يا حبيبي ويخليك لابنك .
سلطان : ابني ؟ ابني !!!!! قصدك ان …..
تقاطعه شهد : ايوه يا حبيبي جميلة حامل .
سلطان ” تنساب دموعه فرحا ” : بتتكلمي بجد يا شهد ؟ جميلة حامل ؟
شهد : ايوه جميلة حامل .
سلطان : متأكدة ؟؟ اوعي تكوني بتهزري ؟؟ اوعي تلعبي بأعصابي ؟؟
شهد” تضحك ” : لأ مش بهزر يا حبيبي الف مبروك يا قلبي هتبقي اب .
سلطان : طيب انا جاي حالا .
اغلق سلطان المكالمة ثم ارتدي جاكيت بذلته وانصرف من شركته سريعا .

في المنزل
بمجرد دخول سلطان المنزل يجد شهد امامه فيهرول اليها ويحت.ضنها …
سلطان : جميلة حامل بجد يا شهد ؟
شهد ” بفرحة ” : ايوه يا حبيبي .
سلطان : انا بحبك قوي يا شهد .
شهد : الف مبروك يا حبيبي ، تعيش وتشيله وتفرح به .
سلطان : هب فين جميلة ؟
شهد : في المطبخ يا روحي .
سلطان ” بعصبية ” : لأااااا ، من النهاردة جميلة تفضل نايمة في السرير ، فاهمة يا شهد ؟ جميلة تفضل نايمة لحد ما تقوم بالسلامة .
ثم دخل سلطان سريعا الي المطبخ وخلفه شهد .
ما ان رأي جميلة حتي اقبل عليها واحت.ضنها وقال : ألف مبروك يا جميلة ، الف مبروك يا حبيبتي .
جميلة : الله يبارك فيك يا ح….
ثم نظرت الي شهد و لم تكمل .
شعرت شهد بغصة في قلبها جراء احت.ضان سلطان لجميلة وفرحته العارمة وكلمة بحبك التي قالها لها امامها !!
رجعت شهد خطوات الي الخلف وخرجت بهدوء تحاول ان تحبس دموعها .
خرج سلطان ساندا لجميلة التي كاد قلبها ان يطير في عنان السماء فرحا .
ثم ساعدها سلطان علي الجلوس وقال موجها كلماته لهما ….
سلطان : بصوا بقي يا جماعة من النهاردة انتي يا جميلة مش هتقومي من السرير لحد ما تولدي بالسلامة .
جميلة : حاضر ، بس شغل البيت مين ال……
سلطان : ملكيش دعوة بشغل البيت لحد ما تقومي بالسلامة يا جميلة ، وانتي يا شهد بعد اذنك انتي اللي هتقومي بشغل البيت الكام شهر لحد ما جميلة تولد بالسلامة .
شهد : أنا ؟؟؟
سلطان : ايوه يا شهد انتي ، و لا ايه رأيكم اجيبلكم واحدة تخدمكم انتوا الاتنين ؟؟
جميلة تنظر له بأندهاش غير مصدقة للفرحة العارمة التي تبدو علي سلطان ولكلماته التي لم تتوقعها !!!
شهد : لأ يا سلطان انا تتفق مع واحدة تيجي كل يوم ساعتين الصبح تغسل وتعمل شغل البيت وسيب طبخ الاكل عليا انا .
سلطان : ماشي يا جميلة،،،،، اسف يا حبيبتي ، ماشي يا شهد .
عندما ناداها سلطان خاطئا باسم جميلة زادت الغصة في قلب شهد !!!
شهد : انا داخلة ارتاح لأني حاسة اني تعبانة شوية .

دخلت شهد غرفتها واحكمت غلقها ثم جلست علي فراشها تبكي وظلت الافكار المبعثرة تقتحم خيالها …..
سلطان هينساني !!!
فرحة سلطان بحمل جميلة هيغيره من ناحيتي !!!
سلطان اتلخبطت في اسمي وناداني باسمها !!!
جميلة البنت الخدامة اللي كانت بتخدمني هتبقي زيها زيي بالظبط بالعكس كمان ده ممكن هي اللي هتبقي الكل في الكل !!!
جميلة اكيد هتتغير لما تحس انها حققت لسلطان حلم عمره !!!
سلطان من دلوقتي ابتدا يريحها ويحض.نها قدامي وكأني مش موجودة !!! اومال لما تولد وتجيب له عيلين تلاتة هيعمل ايه !!!!
يا تري انا غلطت لما جوزته علشان يحقق حلمه !!!!
وظلت الافكار تطاردها وهي تتخيل حالها وحال سلطان وجميلة في المستقبل حتي فتح سلطان باب الغرفة ودخل فجأة فحاولت شهد أن تخفي دموعها وابتسمت : الف مبروك يا روحي يتربي في عزك ان شاء الله .
سلطان : الله يبارك فيكي يا حبيبتي ، معقول يا شهد أشوف دموعك في يوم زي ده ؟!!
شهد : لا يا حبيبي دي دموع الفرحة .
سلطان : بجد يا شهد ؟؟
شهد : ايوه يا روحي .
سلطان : انتي زعلتي لما غلطت وقولتلك يا جميلة ؟ انا اسف بس الفرحة طيرت عقلي عايز اطير من الفرحة ، أنا أسف .
شهد : لا يا روحي ولا يهمك ، اهم حاجة انك تحقق اللي نفسك فيه .

شعرت شهد بارتياح كثيرا بعد كلمات سلطان التي اعادت اليها عقلها المسلوب .
جهز سلطان غرفة جميلة بكل ادوات الترفية ، شاشة تلفاز كبيرة ، تكييف ، هاتف محمول حديث به الكثير من الالعاب ووسائل السوشيال ميديا ، كتيبات صغيرة للقصص والروايات الصغيرة ، اسكتش رسم وجميع ادوات الرسم .
تفاجئت جميلة بكل ذلك وسألته : ايه ده كله يا حبيبي ؟ لمين الحاجات دي كلها ؟؟
سلطان : ليكي انتي يا حبيبتي ، كل حاجة جنبك وتحت ايديكي علشان مش تحتاجي تتحركي ابدا ، حتي الاكل شهد هتجيبه لحد عندك .
جميلة : معقول شهد هانم تجيبلي الاكل لحد عندي هنا وانا نايمة ؟!!!
سلطان : ايوه يا قلبي وكلنا هنخدمك لحد ما تقومي بالسلامة .
جميلة : انا فرحتي فرحتين فرحتي الاولي باني هكون ام واحققلك اللي نفسك فيه وفرحتي التانية أني عايشة مع ناس طيبين بيحبوني زيك انت و شهد هانم .
سلطان : احنا كمان فرحانين بيكي قوي يا حبيبتي .

مرت عدة اسابيع وجميلة تكاد لا تغادر فراشها الا لدخول الحمام بينما شهد وسلطان يقومان علي خدمتها وراحتها .
كانت اسعد ايام حياتها وهي تري نفسها تعيش وسط هذا الكم الهائل من الحب .

حتي جاء صباح يوم و شعرت جميلة بحاجتها للذهاب للحمام فقامت وكانت تشعر بدوار شديد وحاولت الوصول الي الحمام ولكنها لم تشعر الا وهي تسقط مغشيا عليها !!!
قامت شهد من نومها علي صوت سقوط جميلة أرضا !!!
خرجت شهد لتري جميلة تفترش الارض فاقدة الوعي !!!

الاحداث التالية غير متوقعة تماما !!!

الحلقة ٥
قامت شهد من نومها علي صوت سقو.ط جميلة أرضا !!!
خرجت شهد لتري جميلة تفترش الارض فاقدة الوعي !!!
أتصلت شهد بسلطان ثم اتصلت بالاسعاف .

وفي المشفي
خرج اليهم الطبيب ليعلن لهم ان جميلة فقدت حملها !!!
كان تأثير الصد.مة قويا علي سلطان الذي لم يتسطع حبس دموعه وأطلقها في حزن شديد .
حاولت شهد تهدئة سلطان ومواساته…
شهد : متزعلش يا سلطان ، قدر الله وما شاء فعل .
سلطان : انا كان الأمل رجعلي اني ممكن اكون اب و من يوم ما عرفت بحمل جميلة كل يوم كنت بحلم باللحظة اللي هشيل ابني فيها .
شهد : معلش يا سلطان ربنا يعوض عليك ، شهر ولا اتنين وجميلة تحمل تاني وتجيبلك الابن اللي نفسك فيه .
سلطان : أنتوا السبب !! اللي حصل ده بسبب الاهمال ، اهمالها واهمالك .
شهد : جميلة كانت مش بتقوم من مكانها الا لدخول الحمام وانا كنت بدخلها الاكل لحد عندها في السرير ، كنا ممكن نعمل ايه تاني ؟!!
سلطان : خلاص يا شهد خلاص اللي حصل حصل ، تعالي نطمن عليها .

يبدو علي جميلة التعب والحزن الشديد وهي تبكي بحرارة !!
سلطان : الف سلامة عليكي يا جميلة .
جميلة : الله يسلمك ، انا مليش ذنب ، مش عارفة انا وقعت ازاي !!
سلطان ” بحزن ” : معلش يا جميلة ، المهم انتي كويسة ؟؟
جميلة : انا زعلانة لاني السبب في حزنك انت و مدام شهد .
شهد : لا يا جميلة انتي ملكيش ذنب ، ده قضاء وقدر ، وبأذن الله تحملي تاني وتجيبي الطفل اللي كلنا بنتمناه .
جميلة : يارب ، يسمع منك ربنا يا شهد هانم .
للكاتب عادل عبد الله

بعد يومين
خرجت جميلة من المشفي واخبرها الطبيب بضرورة المعاودة له بعد شهر لأجراء بعض الفحوصات للاطمئنان علي حالتها .
عادت جميلة الي المنزل وبدأ الجميع في استيعاب الصد.مة و سارت الحياة بصورة طبيعية مع وجود جو من الحزن يخيم علي البيت بأكمله !!

بعد شهر
ذهبت جميلة وشهد الي الطبيب في المشفي وبعد الكشف علي جميلة طمأنها بأنها الان قد عادت الي حالتها الطبيعية ولا توجد اي اثار جانبية وامكانية تكرار حدوث حمل في اي وقت .
فرحت جميلة بكلام الطبيب وابتسمت شهد وقالت لها : اطمنتي ، الحمد لله الدكتور قال قدامك انك ممكن تحملي وتخلفي في اي وقت .
جميلة : الحمد لله .
شهد : بعد اذنك يا دكتور انا من فترة بحس بشوية تعب وكنت مترددة اني اكشف ، ممكن تكشف عليا ؟؟
الطبيب : تعب زي ايه ؟؟
شهد : بحس بألم يا دكتور في بطني و بقالي فنرة بحس بدوخة .
الطبيب ” يبتسم ” : دي ممكن تكون اعراض حمل يا مدام .
شهد ” بحزن ” : لا مش ممكن يا دكتور .
الطبيب : ليه مش ممكن ؟ حضرتك متجوزة ؟
شهد : ايوه متجوزة من ١٦ سنة لكن ..
الطبيب : لكن ايه ؟؟ مادام متجوزة يبقي ممكن تكون اعراض حمل .
شهد : لا يا دكتور انا عندي عقم ، عندي عقم ومستحيل اخلف !!
الطبيب : طيب تعالي اتفضلي اكشف عليكي .
بعد دقائق
الطبيب : الف مبروك يا مدام .
شهد : مبروك يعني ايه ؟؟
الطبيب : يعني الف مبروك يا مدام انتي حامل .
شهد : انت بتقول ايه يا دكتور ؟ انا مبخلفش !!! ازاي ابقي حامل ؟؟ انت اكيد غلطان يا دكتور ، بقولك انا مبخلفش .
الطبيب ” يضحك ” : يا مدام انتي ليه مش عايزة تصدقي ؟!! يا مدام انتي فعلا حامل .
شهد : أنااااا… أناااااااا……ثم فقدت الوعي مباشرة !!!!!!

بعد دقائق
شهد استردت وعيها وسألت الطبيب : ايه اللي حصل يا دكتور ؟؟ انا اغمي اعليا وكنت بحلم .
الطبيب : انتي يا مدام فقدتي الوعي من الفرحة لما قولتلك انك حامل .
شهد : اييييه !! حااامل ؟؟ هو مكنش حلم ؟؟
الطبيب : لا يا مدام مش حلم ، انتي ليه مش مصدقة ؟ ربنا قادر علي كل شئ ، ودلوقتي انتي فعلا حامل وفي بداية الشهر التاني كمان .
احت.ضنتها جميلة : ألف مبروك يا شهد هانم الف مبروك انا فرحانة قوووي .
لم تتمالك شهد دموعها و دخلت في هيستر.يا بكاء شديدة فرحا .

بعد نصف ساعة من البكاء المتواصل
شهد اتصلت بسلطان لتبلغه بالأمر…
سلطان : ايوه يا شهد ، رجعتوا من المستشفي ولا لسه ؟
شهد : انا حامل يا سلطان .
سلطان : بطلي هزار يا شهد ، قوليلي رجعتوا البيت ولا لسه ؟
شهد : بقولك انا حامل .
سلطان : مين اللي بتكلمني شهد ولا جميلة ؟
شهد : انا شهد يا سلطان بقولك انا حامل .
سلطان : انتي مالك يا شهد ؟ فيه ايه ؟
شهد : انت بردو مش مصدق ؟ انا كمان كنت مش مصدقة .
سلطان : انتي عارفة انتي بتقولي ايه ؟؟
شهد : ايوه يا سلطان عارفة والدكتور اكد اني حامل .
سلطان : انتي ….
شهد : انا حامل يا سلطان حامل يا ابو ابني وهخلفلك الولد اللي نفسك فيه .
سلطان : انااااا … أنااااااا ، خليكي عندك يا شهد اوعي تتحركي من المستشفي لحد ما اجيلك .

في المشفي
بعد نصف ساعة
يدخل سلطان المشفي فيجد شهد وجميلة يجلسان و تتعالي ضحكاتهما بينما ترتسم ضحكات شهد الواسعة ودموعها مازالت تنهمر فرحا .
يهرول اليهم سلطان …
سلطان : فيه ايه يا شهد ؟؟ كنتي بتقوليلي ايه في التليفون ؟!!
تقف شهد وترتمي بين ذراعيه وتقول : انا حامل يا سلطان ، المعجزة حصلت !! الدكتور كرر التحليل اكتر من مرة وعمل اشعة تليفزيونية و كل ده اثبت اني حامل يا روحي .
يساندها سلطان حتي تجلس و يضحك : الف مبروك يا حبيبتي ، انا مش مصدق ، انتي بتتكلمي بجد ؟ الدكتور اكدلك انك حامل ؟!!
شهد : ايوه يا روحي اكدلي اني حامل .
سلطان : فين الدكتور ؟؟
عادل_عبد_الله
خرج سلطان من عند الطبيب تملأ وجهه البهجة والفرح ثم اقترب من شهد وقبل رأسها و اخذها ومعها جميلة في سيارته وسار ببطئ حرصا عليها حتي عاد الي المنزل .

في المنزل
سلطان : من النهاردة انتي يا شهد هتفضلي نايمة في السرير مش هتتحركي منه ابدا لغاية ما تولدي بالسلامة ، وانتي يا جميلة هتعملي اي حاجة تطلبها منك الهانم طبعا .
جميلة : طبعا انا تحت امر شهد هانم في اي حاجة .
سلطان : ومش عايزين نكرر الغلطة اللي حصلت معاكي يا جميلة ، لو المدام عايزة تدخل الحمام هتسنديها لحد باب الحمام وترجعيها لسريرها .
جميلة : حاضر يا سلطان بيه .
شهد : انت ناسي يا حبيبي اني هكون محتاجة متابعة من الدكاترة واشعة وتحاليل ؟ يعني لازم انزل من البيت !!!
سلطان : كل المتابعة والاشعة والتحاليل هتتعمل هنا في البيت .
شهد : ياااه !! للدرجادي يا روحي ؟؟
سلطان : طبعا يا حبيبتي واكتر من كده كمان .
جميلة : بعد اذنكم رايحة المطبخ اعمل الغدا .

دخلت جميلة الي المطبخ تملأها مشاعر الحزن الممزوج بالخو.ف !!!
وظلت تفكر…….
الان لقد اوشك حلمي علي النهاية !! شهد هانم ها هي قد اصبحت حامل وعلي وشك ان تأتي لسلطان بالمولود الذي يحلم به !!
بالتأكيد سينتهي دوري كزوجة ثانية لسلطان وكأم محتملة لابنه !!!
ماذا تخفي لي الايام القادمة ؟؟؟
هل سيستمر زواجي من سلطان ؟ ام سينتهي الحلم بورقة طلاق وطردي من هذا المنزل ؟؟؟
لماذا الان ؟؟ لماذا الان فقط يتحقق حلمهم علي حطام حلمي ؟!!!
لقد احببته بالفعل !!!
نعم هي الحقيقة ولابد ان اعترف انني احببته حقا ولن استطيع الابتعاد عنه .
لن استطيع ان اعود بالنسبة له كخادمة فقط او ان يبعدوني عنه وعن هذا البيت .
انه الرجل الاول !!!
نعم الرجل الاول في حياتي معه عرفت الحب و مشاعر لم اجربها من قبل .
سلطان ذلك الرجل الطيب الحنون بين ذراعيه ينسيني كوني خادمة وهو السيد ، بل و يجعلني اشعر بأني زوجته وحبيبته ومعشوقته .
لا انكر اني اغار عليه منها … نعم اغار عليه بشدة كلما رأيتهما امامي ، يأكلان يشربان يضحكان كلها افعال عادية لم انتبة لها من قبل الا حينما تزوجته واحببته !!!
هي من فعلت بي ذلك ، نعم هي من ادخلتني الي هذا الحلم الجميل وهي الان ستكون السبب في طردي منه !!

ثم انتبهت جميلة لترد علي افكارها …
لماذا هذا التشاؤم ؟ لماذا هذه النظرة السو.داوية ؟ انتي لم تري يا جميلة منها الا كل خير .
لماذا تتوقعين منها الأسوأ الان ؟؟
حتي وان تغيرت شهد من ناحيتك فيكفي حب سلطان لي .
نعم انه يحبني بل يعشقني !!
نعم يعشقني عشقا !! قلبي لا يكذب ويؤكد لي حبه .
للكاتب عادل عبد الله
انتبهت جميلة لخروج سلطان من غرفة شهد فنادته و قالت ” بصوت منخفض ” : سلطان ، يا سلطان بيه .
سلطان : ايوه يا جميلة .
جميلة : انا عايزاك ضروري النهاردة .
سلطان : النهاردة يوم شهد .
جميلة : لأ انا عايزاك النهاردة ضروري .
سلطان : وحشتك يا حبيبتي ؟؟
جميلة : انت بتوحشني وانت قصاد عيني .
سلطان : بتقولي شعر كمان ؟
جميلة : بقول اللي في قلبي ، عايزاك النهاردة ضروري قوي .
سلطان : طيب هستناها تنام واجيلك يا قلبي .
جميلة : هستناك ، اوعي تتأخر عليا .

عدت ساعات النهار سريعا بينما كانت شهد في غرفتها وبجوارها سلطان يطربها بكلمات الحب ويحلمون بالساعة التي ستلد فيها شهد مولودهما الاول ويختارون له اسما ويرسمون له المستقبل كانت جميلة تتقاذفها الافكار ما بين الحب و الخو.ف حتي جاءت ساعات الليل واغلقت شهد غرفتها استعدادا للنوم .
دخلت جميلة للأستحمام ثم ارتدت كامل زينتها وجلست في غرفتها في انتظار سلطان .
وبعد منتصف الليل وقد تأكد سلطان من نوم شهد قام بهدوء وذهب لزوجته الثانية جميلة في غرفتها .
بمجرد دخوله قامت جميلة واخذته بالا.حضان والقب.لات الحارة !!
كان اشتياقها له ملتهبا ربما لأنها تخشي أن تكون ساعة الفراق قد اقتربت .

وبعد مرور بعض الوقت ومازالت جميلة لم تغادر احضا.نه سألته جميلة : هتبعد عني يا سلطان ؟؟
سلطان : ليه بتقولي كده ؟
جميلة : حاسة ان دوري كزوجة لك انتهي بعد حمل شهد !!

الحلقة ٦
سلطان : ليه بتقولي كده ؟
جميلة : حاسة ان دوري كزوجة لك انتهي بعد حمل شهد !!
سلطان : اوعي تقولي كده تاني ، انا بحبك يا جميلة ، بحبك سواء شهد خلفت او لأ ، انا هعترفلك بحاجة يا جميلة .
جميلة : قول يا عيون جميلة يا قلب جميلة ، يا روح جميلة .
سلطان : انا حبي ليكي حب راجل لزوجته و حبيب لحبيبته مش حب انتظار انك تخلفيلي العيل اللي بحلم به وبس ، مش هنكر اني عمري ما فكرت فيكي قبل الجواز لكن من يوم ما اتجوزنا وانا شوفت فيكي جمال وطيبة عمري ما تخيلت اني الاقيهم في انسانة .
بالرغم من كلمات الحب والرومانسية التي اطربها بها سلطان الا ان اهتمامه بشهد زاد علي حساب اهتمامه بجميلة .

اما شهد فها هي الان تشعر بأن الحياة قد ابتسمت لها اخيرا بعد سنوات من الحزن واليأس ، ها هي في طريقها لتصبح أما بعد فقدانها الامل من قبل ، ستصبح ام لطفل من زوجها وحبيبها ، ولكنها تداركت للتو انها ادخلت أمرأة اخري تنازعها دورها ذلك .
ولأول مرة تشعر شهد بالغيرة من جميلة !! للمرة الاولي تشعر ان جميلة امرأة اخري تقاسمها زوجها !!
حقا ان جميلة خادمتها ولكن هي ايضا الزوجة الثانية لزوجها !!

ظلت جميلة علي خدمة شهد وعلي راحتها بينما في كل واحدة منهما صر.اع داخلي من الافكار والمخا.وف .

مازالت جميلة تعاني الخوف علي حبها وعلي مستقبلها !!
هي خائفة من تبدل شهد وسلطان عليها خاصة بعد تحقق حلمهما وعدم احتياجهما لها !! هي تعلم ان سلطان يحبها ولكن حبه لشهد اشد وبالتأكيد حبه لابنه القادم اشد واقوي .
للكاتب عادل عبد الله
عاد سلطان من عمله مساء لتستقبله جميلة بقبلة حارة علي باب المنزل !!
يعلو صوت شهد من داخل غرفتها : سلطاان… سلطاااان بتعمل ايه عندك ؟؟
يدخل سلطان الي شهد في غرفتها و يميل اليها ويقبل رأسها ويدها فتضحك شهد وتقول له ” مزاحا ” : انا مراتك يا سلطان مش مامتك علشان تبو.س راسي وايدي !!
يضحك سلطان : يا حبيبتي انتي مراتي وامي وبنتي و حبيبتي .
شهد : يعني هي دي بو.ستي عندك ؟!!
يضحك سلطان : عن نفسي عايز ابو.س كل حتة فيكي بس خليكي فاكرة ان الدكتور قال مفيش حاجة الايام دي علشان التثبيت .
شهد : ماشي يا سلطان ، قولي بقي اتأخرت ليه ؟؟
سلطان : انا كل يوم بجي في نفس الميعاد !!
شهد : لا يا حبيبي ، قصدي اتأخرت ليه بعد ما جميلة فتحتلك الباب ؟؟!!
سلطان ” بارتباك ” : لا ابدا انا كنت بسأل جميلة عملت اكل ايه .
شهد : احساسي بيقولي انك بتكدب عليا وكنت واقف بتحب فيها .
سلطان : وهكدب عليكي ليه يا حبيبتي ؟! ولو كنت واقف بحب فيها زي ما بتقولي هقولك عادي ، اصلها مراتي مش عشيقتي ، مفيش داعي اني اكدب !!
شهد : سلطان .
سلطان : نعم .
شهد : بحبك قوي .
سلطان : وانا كمان يا قلبي .
شهد : انا بغير عليك من البنت دي !!!
سلطان : البنت دي مراتي وانتي اللي جوزتهالي بنفسك يا حبيبتي .
شهد : ودلوقتي انا ندمانة .
سلطان : يعني ايه ؟؟
شهد : يعني هتعمل ايه لو قولتلك طلقها ؟؟
سلطان : مش هعمل حاجة .
شهد : يعني مش هطلقها ؟؟؟
سلطان : مش هطلقها علشان عارف انك هتكوني مش بتتكلمي بجد لأن شهد حبيبتي عمرها ما ترضي تظلم حد خصوصا لو بنت مسكينة زي دي .
شهد : لو حسيت انها هتشاركني في قلبك يا سلطان ممكن اعمل اي حاجة .
سلطان : طيب انتي اللي وافقتي انها تشاركك فيا !!!
شهد : وافقت انها تشاركني فيك كزوجة انما كحبيبة مستحيل اوافق .
سلطان : وانا بطمنك ان مفيش حد يقدر ياخد مكانك في قلبي .
تضحك شهد ضحكة عالية : انا مش بقول ياخد مكاني يا سلطان انا بقول يشاركني في قلبك لأني عارفة ان مكاني في قلبك عمر واحدة هتقدر تاخده .
سلطان ” بضحك ” : ده ثقة ولا غرور ؟
شهد : لأ يا سلطان علشان مفيش واحدة هتحبك زي ما حبيتك يا سلطان ، مفيش واحدة ممكن تقبل انها تضحي باحساسها كأنثي وتقبل تجوز جوزها لست تانية علشان يحقق حلمه ويخلف الا اذا كانت بتعشق جوزها ، فاهم يا سلطان ؟؟
_عادل_عبد_الله
سلطان : يمسك يدها ويضمها الي قلبه ويقب.لها ، ربنا يخليكي ليا يا قلبي .
شهد : هتنام النهاردة فين ؟
سلطان : هتفرق معاكي وانتي تعبانه ؟
شهد : طبعا ، كفاية انفاسك تكون جنبي وقريبة مني بحس بحنان ودفا يكفي العالم كله .
سلطان : انا بحبك قوي قوي يا شهد .

مرت الايام و مزيج من مشاعر الفرح الممزوجة بالغيرة تسيطر علي شهد ومشاعر الحيرة تنمو لدي سلطان ومشاعر الحب الممزوجة بالخوف تملأ كيان جميلة !!!
اصبحت جميلة اكثر اغراءا لسلطان واكثر تغنج و تدلل عليه .
فلا يأتي المساء الا وترتدي جميلة ملابس الاثارة والاغواء لزوجها حتي اصبحت نيران الرغبة مستعرة في قلبه لا تهدأ !!
فأمسي يتحين الفرصة للانفراد بها بعيدا عن شهد وعيونها !!!
فلا تدخل المطبخ لتجهيز الطعام او اعداد قدح من القهوة الا وذهب سلطان خلفها وكأنه عريس جديد لا يترك فرصة للتحر.ش بزوجته الا وانتهزها لتزداد حياتهما الزوجية اثارة !!
مشاعر مراهقة ولكنها تزيد من لهيب الحب والاشواق بين الازواج وتعطي له قبلة الحياة للاستمرار .

مرت الايام حتي علمت جميلة بحملها مرة اخري !!!!!
هذه المرة لم تذهب الي شهد وتبلغها بسعادة كما حدث اول مرة ، ولكنها انتظرت حتي عودة سلطان لتفاجئه !!

عاد سلطان من الخارج لتعانقعه وتطبع قبلتها علي شفتاه وتقول له : حمد لله علي السلامة يا حبيبي .
سلطان : الله يسلمك يا قلبي .
جميلة : عندي مفاجأة لك مش هتصدقها .
سلطان : مفاجأة ايه يا حبيبتي ؟
جميلة : انا حامل .
سلطان : بتتكلمي جد ؟؟؟
جميلة : وحياة حبي لك يا حبيبي .
سلطان : الف مبروك يا حبيبتي .
جميلة : الله ببارك فيك يا حبيبي .
سلطان : معقول !!! انا حاسس اني بحلم .
جميلة : ليه يا روحي ؟؟
سلطان : معقول بعد ١٦ سنة جواز كان نفسي فيهم فعيل ومش طايله ربنا يديني اتنين في نفس الوقت !!!!
جميلة : علشان انت صبرت يا حبيبي والمثل بيقول اللي بيصبر ينول .
سلطان : الف حمد وشكر لك يارب .
جميلة : نفسك في ولد ولا بنت ؟
سلطان : قوليلي الاول انا مش سامع صوت شهد ليه ؟
جميلة : هي نايمة من شوية ، قولي بقي نفسك في ولد ولا بنت ؟؟
سلطان : كل اللي يجيبه ربنا كويس .
جميلة : بس احنا دلوقتي هيبقي عندنا مشكلة .
سلطان : مشكلة ايه يا قلبي ربنا ما يجيب مشاكل ابدا .
جميلة : لما كنت انا حامل كانا مدام شهد بتخدمني ، ولما هي بقيت حامل كنت انا بخدمها ، دلوقتي احنا الاتنين حوامل هنعمل ايه ؟؟
سلطان : يا حبيبتي انا اخدمكم انتوا الاتنين بعينيا .
جميلة ” تضحك ” : يخليك ليا يا حبيبي ، انا بتكلم بجد مين اللي هيخدمنا كلنا ؟؟ انا لولا خايفة ان البيبي ينزل زي المرة اللي فاتت كنت افضل اخدمكم زي ما انا ، لكن انا اخاف يحصل زي المرة اللي فاتت !!
سلطان : لا يا حبيبتي ، انتي من دلوقتي تنامي زيك زي شهد بالظبط وهجيبلكم واحدة تخدمكم انتوا الاتنين .
جميلة : يخليك ليا يا روحي ، انا عمري ما تخيلت ان ربنا يديني زوج طيب وحنين احبه بالشكل ده .
سلطان : علشان انتي طيبة يا قلبي وتستاهلي اكتر من كده ، شهد عرفت انك حامل ولا لسه يا قلبي ؟
جميلة : لأ لسه ، انا قولت اني المرة دي لازم افرحك بنفسي .
سلطان : احلي خبر من احلي جميلة في الدنيا ، انا هدخل اصحي شهد واعرفها بخبر حملك يا قلبي .
جميلة : ادخلها علي ما اجهزلكم الاكل .
سلطان : لا لا ، انتي تدخلي تنامي علي ضهرك ومتتحركيش وانا هتصرف في موضوع الاكل والحاجات دي .

دخل سلطان غرفة شهد واغلق بابها ثم استلقي جانبها وظل يداعب خصلات شعرها باطراف انامله بينما تداعب انفاسه وجنتيها حتي فتحت شهد عينيها لتحيط رأسه بذراعيها وتضمه اليها في حنان ورفق وتقول : حمد لله علي السلامة يا حبيبي .
سلطان : الله يسلمك يا قلبي ، وحشتيني اوي .
شهد : انت اكتر يا روحي .
سلطان : عندي خبر ليكي بمليون جنية .
شهد : مفيش حاجة ممكن تفرحني بعد خبر اني حامل منك يا روحي .
سلطان : وجميلة كمان حامل يا حبيبتي .
نزعت شهد يدبها سريعا بانقباض وتبدلت ملامحها فجأة تحاول ان تستوعب الصد.مة ، ثم تسأله : بتتكلم بجد ؟؟

سلطان ” يبتسم ” : وحياتك عندي جميلة حامل .
شهد ” بانقباض ” : حامل من امتي ؟
سلطان : مالك يا شهد ؟؟ شكلك زعلانة !!! مش فرحانة زي المرة اللي فاتت !!!
شهد : لا لا لا ، فرحانة ، فرحانة اوي .
سلطان : لا يا حبيبتي شكلك مش بيقول انك فرحانه ابدا !!!! المرة الاولي لما عرفتي انها حامل كنتي فرحانة نفس فرحتي بالظبط ، المرة دي واضح انك مصد.ومة مش فرحانة !!!
تصمت شهد قليلا ثم تقول : انا هكلمك بصراحة يا سلطان ، انا ……..

وصل وصل وصل ( حلقة 🔥🔥)
الحلقة ٧
سلطان : لا يا حبيبتي شكلك مش بيقول انك فرحانه ابدا !!!! المرة الاولي لما عرفتي انها حامل كنتي فرحانة نفس فرحتي بالظبط ، المرة دي واضح انك مصد.ومة مش فرحانة !!!
تصمت شهد قليلا ثم تقول : انا هكلمك بصراحة يا سلطان ، انا حاسة انك مهتم قوي بجميلة !!
سلطان : عادي يا حبيبتي ، انتي كمان لما عرفتي انها حامل المرة الاولي كنتي مهتمه بحملها وفرحانة .
شهد : كنت مهتمة علشان كنت عايزاك تحقق حلمك ان يكون لك ولد ، ومادام الولد انا هخلفهولك يبقي اهتم بها ليه ؟!
سلطان : يا حبيبتي طبعا اهم حاجة ان يكون ابني منك ، لكن اللي حصل ان انتوا الاتنين دلوقتي حوامل يعني لازم اهتم بيكم انتوا الاتنين .
شهد : يعني انا بالنسبالك زي جميلة ؟؟
سلطان : لأ طبعا جميلة حاجة وانتي حاجة تانية خالص .
شهد : يعني لو قولتلك طلق جميلة هتطلقها ؟
سلطان : ايييه ؟؟ اطلق جميلة !!!
شهد : ايوه لو طلبت منك كده هتطلقها ؟؟
سلطان : يا حبيبتي انا عارف انك طيبة وعمرك ما تعملي كده .
شهد : لو حسيت انها هتاخدك مني هعمل كده .
سلطان : شوشو حبببتي انا مش عايزك تفكري في حاجة دلوقتي الا ابننا اللي احنا بنستناه من زمان قوي ، قوليلي صحيح انتي لسه مخبية انك حامل ؟؟
شهد : ايوه ، خايفة لما اقول والناس تعرف يحسدوني وبعيد الشر البيبي ينزل .
سلطان : متخافيش يا حبيبتي ما دام ربنا رزقنا به بعد السنين دي كلها يبقي بأذن الله هيكمل فرحتنا علي خير .
شهد : خلاص يا حبيبي انا هقول لشيماء اختي بس .
سلطان : معقول شيماء لحد دلوقتي متعرفش !!! دي ممكن تزعل قوي !!
شهد : طيب انا هقولها .
سلطان : لأ استني انا هتصل بها .
امسك سلطان بهاتفهه واتصل بشيماء …..
شيماء : ازيك يا سلطان عامل ايه ؟ وشهد اخبارها ايه ؟
سلطان : ازيك انتي يا شيماء ، شهد كانت عايزة تقولك مفاجأة وقالت لازم اول واحدة تعرف اختي شيماء .
ثم اعطي الهاتف لشهد التي بمجرد ان التقطته منه قالت : انا حامل يا شيماء .
شيماء : بتقولي ايه يا شهد ؟؟
شهد : بقولك انا حامل .
شيماء : بتتكلمي بجد ؟
شهد : ايوه عرفت اني حامل وعملت فحوصات كتير قوي لحد ما اتأكدنا .
شيماء : الف الف مبروك يا شهوده ، خلي بالك من نفسك وخليكي نايمة اوعي تتحركي ، انا بكره الصبح هكون عندك .
_عادل_عبد_الله
صباح اليوم التالي
يدق جرس باب المنزل فتفتح الخادمة الجديدة الباب وتدخل شيماء الي غرفة شهد وترتمي في احضا.نها …
شيماء : شهوده حبيبتي الف الف مليون مبروك .
شهد : الله يبارك فيكي يا شيمو ، وحشتيني يا قلبي .
شيماء : انتي اكتر يا روحي ، مش قولتلك يا شهد اخر الصبر فرج .
شهد : الحمد لله ، انا بجد فرحانة قوي ، مش مصدقة اني هسمع كلمة ماما .
شيماء : الحمد لله يا حبيبتي ، المهم تخلي بالك من نفسك كويس علشان ربنا يتمم لك علي خير يا روحي .
شهد : اكتر من كده !!! ده انا مش بقوم من السرير خالص .
شيماء : ايوه لازم تعملي كده ، والبنت اللي اسمها جميلة دي لازم تخدمك ، هي فين صحيح ؟؟ اللي فتحتلي الباب بنت تانية !! انتوا طردتوها ؟؟؟
شهد : لا يا حبيبتي ، اهي مرزوعة جوه ، اصلها حامل هي كمان .
شيماء : نعم !!! حامل !!! ونايمة جوه عاملة فيها هانم ؟!! طيب انا هقوم اعرفها مقامها .
قامت شيماء ودخلت غرفة جميلة تصر.خ في وجهها بصوت عال : قومي يا بت فزي من مكانك ، انتي هتعملي فيها هانم ولا ايه !!!
جميلة : فيه ايه يا شيماء هانم ؟ انتي داخلة تزعقيلي ليه ؟؟ انا عملت ايه ؟؟
شيماء : انتي كمان بتردي عليا يا نن عين امك ؟؟ قومي يا بت اتجري شوفي ستك شهد عايزة ايه .
جميلة : يا ست شيماء انا حامل وتعبانة وشهد هانم عارفة وعلشان كده فيه جابوا بنت تانية تخدمنا .
شيماء : حمي لما تشيلك يا بت ، مين دي اللي البنت هتخدمها ؟؟ انتي هتساوي نفسك بستك شهد هانم ولا ايه !!!
جميلة : العفو يا ست شيماء المقامات محفوظة .
شيماء : طيب يلا قومي فزي شوفي ستك شهد هانم عايزة ايه .
جميلة : واقوم ليه وانا تعبانة ؟! ما البنت التانية بره تشوف طلبات الهانم !!
شيماء : والنعمة لو ما قومتي وعملتي اللي بقولك عليه لأقوم اجيبك من شعرك واعرفك مقامك يا بت .
جميلة ” تبكي ” : هو انا عملت ايه لكل ده ؟؟؟
شيماء : انتي يا بت صدقتي نفسك وحسبتي نفسك بقي ليكي لزمة علشان ستك شهد جوزتك لسلطان بيه ؟؟ هي عملت كده علشان تخلفي لسيدك العيل اللي نفسه فيه !!!
جميلة : انا مقولتش كده !!
شيماء : انا بس بفوقك لتكوني صدقتي نفسك !!
أتت من خلفها شهد وقالت لها : بس خلاص يا شيماء تعالي عايزاكي .
شيماء : انتي قومتي ليه يا حبيبتي ، روحي نامي يا قلبي علي ما اعرف مقصوفة الرقبة دي شغلها .
شهد : خلاص يا شيماء سيبيها و تعالي علشان عايزاكي .
شيماء : حاضر يا روحي انا جاية وراكي علطول .
ثم توجه خطابها لجميلة وتقول لها بصوت كالرعد : عارفة يا بت لو رجعتلك ولقيتك لسه مخمودة في السرير هقصف رقبتك .

خرجت شيماء من غرفة جميلة التي ظلت تبكي بانهيا.ر !!!
وظلت تقول : انا عملت ايه بس يا ربي علشان دي تعمل فيا كده !!! حسبي الله ونعم الوكيل فيها ، انا لو قومت ممكن اسقط تاني !! طيب اعمل ايه ؟؟ دي ممكن تيجي وتضر.بني فعلا انا عارفاها دي مفتر.ية قوي !!!
ثم قامت بخطي بطيئة خا.ئفة وذهبت الي المطبخ وظلت تساعد البنت الاخري في غسيل الصحون وطهي الطعام ودموعها تنزل علي وجنتيها وتقول حسبي الله ونعم الوكيل فيكي يا شيماء هانم ينتقم منك ربنا .
وتقول باكية : طيب اعمل ايه دلوقتي ؟!! اقول لسلطان لما يرجع ؟؟ ولو قولتله هيعمل ايه ؟؟ ده مش بيحب يزعل شهد ابدا ؟؟
ثم ردت علي نفسها : لكن سلطان بيحبك يا جميلة واكيد مش هيسكت علي اها.نتك وبهد.لتك بالشكل ده !! لازم لما ييجي اقوله علشان يبعدها عني .
للكاتب عادل عبد الله
دخلت شيماء غرفة شهد التي قالت لها : عملتي معها كده ليه يا شيمو ؟؟
شيماء : متغاظة منها بنت ال… ، افتكرت نفسها بقيت هانم ولا ايه ؟؟
شهد : البنت حامل يا شيماء !!!
شيماء : حامل من جوزك يا شهد !!! انتي يا بت بقي معندكيش د.م ولا ايه !!
شهد : انا مش عارفة يا شيمو انا كان عقلي فين وانا بوافق اني اجوز سلطان للبنت دي !!! ده انا اللي كنت بتحايل عليه وبترجاه كمان !!!
شيماء : فعلا يا شهد انتي غلطتي غلطة كبيرة قوي ، بس لازم تلحقي نفسك بقي وتصلحي غلطتك .
شهد : اصلح غلطتي !! يعني اعمل ايه ؟؟
شيماء : البنت دي لازم اللي في بطنها ينزل وسلطان يطلقها وتروح لحالها .
شهد : ومش هيبقي حرام علينا اللي عملناه فيها ؟؟
شيماء : عملتوا فيها ايه !! انتوا معملتوش فيها حاجة غلط ولا حرام !!! سلطان اتجوزها جواز شرعي وهيطلقها طلاق شرعي ، وبعدها تمشي من هنا تشتغل ولا تتجوز ولا تتهبب بقي في اي دا.هية تاخدها بعيد عن هنا .
شهد : يعني البنت تدخل هنا بنت بنوت وتخرج من هنا مطلقة !!! ولما تمشي هتروح فين ؟؟ ولما تمشي من هنا مطلقة من صاحب البيت اللي كانت بتشتغل فيه اي حد هيفكر انه عمل معاها حاجة وسمعتها هتتبهدل ومش هتلاقي حد يتجوزها !!
شيماء : انتي طيبة قوي يا اختي ، الاشكال دي هتعرف تتصرف كويس متشليش همها !! شيلي همك انتي وجوزك وابنك وبس !! ومينفعش ابن شهد هانم يبقي اخوه ابن الخدامة !!!!
شهد ” تفكر في تلك الكلمة لثواني ” : كانت غايبة عني فين دي يا شيمو ؟؟
شيماء : ايه يا حبيبتي اللي كان غايب عنك ؟؟
شهد : ان اخو ابني يبقي ابن الخدامة !!! لا لا مش ممكن ابدا !! انا ابني لازم اخوه يتشرف به قدام الناس والمجتمع مش يتعاير به !!!
شيماء : شوفتي بقي ان ليا حق ؟!
شهد : وهنعمل ايه دلوقتي باللي في بطنها ؟؟
شيماء : دي بقي سيبهالي وانا هتصرف
شهد : هتعملي ايه ؟؟
شيماء : متشغليش بالك ، انا هروح اشوفها لسه مخمودة ولا قامت تشوف شغلها .

خرجت شيماء من غرفة شهد لتجد جميلة تقف في المطبخ وتغسل الصحون .
شيماء : ايوه كده شاطرة ، احبك لما تسمعي الكلام .
جميلة : انا تحت امرك يا ست هانم .
شيماء :انا قاعدالك هنا اسبوع مع ستك شهد ، واياكي اشوفك قاعدة مبتشتغليش هطين عيشتك !!
جميلة : حاضر يا ست هانم ، اي اوامر تاني ؟؟
شيماء : لما تخلصي اللي بتعمليه هاتي مية سخنه علشان تغسلي رجلين ستك شهد .
جميلة ” تبكي ” : حاضر يا ست هانم
مشت شيماء وعادت الي غرفة اختها بينما انها.رت جميلة بكاء ثم امسكت بهاتفها واتصلت بسلطان …
جميلة : تعالي ألحقني يا سلطان .
سلطان : مالك يا جميلة فيه ايه ؟؟

الحلقة ٨
خرجت شيماء وعادت الي غرفة اختها بينما انها.رت جميلة بكاء ثم امسكت بهاتفها واتصلت بسلطان …
جميلة : تعالي ألحقني يا سلطان .
سلطان : مالك يا جميلة فيه ايه ؟؟
جميلة : لما تيجي هتعرف .
ثم اغلقت المكالمة وظلت تبكي بحرارة .
ركب سلطان سيارته و انتابته هواجس عديدة وظل يكرر محاولات الاتصال بجميلة الا انها لم ترد عليه .

عادت جميلة الي غرفتها واحكمت غلقها .
وبعد قليل من الوقت عادت شيماء اليها فوجدتها قذ ذهبت الي غرفتها .
لحقتها شيماء وظلت تدق عليها الباب دون اجابة !!!

عاد سلطان للمنزل ليجد شيماء تدق باب جميلة بقوة وتكيل لها السباب !!
سلطان : فيه ايه يا شيماء ؟ ايه اللي بتعمليه ده ؟؟
شيماء : انت اتجوزت خدامة اختي وعملتها هانم يا سلطان !! هو ده حبك لشهد ؟؟ هي دي اخرتها ؟!!!
سلطان : ايه اللي بتقوليه ده !! شهد هي اللي جوزتني جميلة ، وبعدين انتي جاية تباركي لشهد علي حملها ولا جاية تعملي مشكلة ؟؟
شيماء : انا عارفة ان شهد اللي جوزتهالك علشان كانت عايزة تفرحك بالولد اللي نفسك فيه يبقي ده جزائها انك تساويها بجميلة الخدامة ؟!!
سلطان : استني بقي يا شيماء ، اولا جميلة مراتي مش رفيقتي ولا واحدة مصاحبها ثانيا شهد مراتي وجميلة بردو مراتي لكن دي لها وضع ودي لها وضع تاني ثالثا وده المهم انا مش هسمحلك تتدخلي في حاجة زي كده .
شيماء : انت بتكلمني بالطريقة دي علشان حتة خدامة !!!
سلطان : احترمي نفسك يا شيماء اللي بتتكلمي عليها دي مراتي .
شهد : بس كفاية يا سلطان ، انت ازاي تكلم اختي بالطريقة دي ؟!!!
سلطان : انتي شايفاها بتتكلم ازاي !! انا مش هسمح لحد غريب يتدخل في حياتنا .
شهد : شيماء اختي مش حد غريب .
سلطان : يبقي تلزم حدودها ومتدخلش في اللي ملهاش فيه .
ثم تركهم ودخل غرفة جميلة !!
شيماء : شوفتي يا شهد اخرة غلطتك ؟!
شهد : خلاص يا شيماء ، كلامك ده مش هيغير حاجة .
شيماء : البنت دي وجودها في حياتكم خطر عليكي يا شهد ، لازم سلطان يطلقها والا هيضيع منك بعد ما بدأتي تحققي احلامك .
شهد : عندك حق سلطان لازم يطلقها .

في غرفة جميلة
سلطان يجد جميلة منهارة بكاءا فيحاول تهدئتها …
سلطان : خلاص يا جميلة اهدي علشان خاطري .
جميلة : انت مشوفتش اخت مراتك عملت فيا ايه !!!
سلطان : معلش حقك عليا .
جميلة : لا العفو متقولش كده يا سلطان انت مهما كان انت البيه وانت البنت الخدامة .
سلطان : لا انتي كرامتك من كرامتي و انا مش هسمح لحد يهيينك ابدا .
جميلة : ربنا يخليك ليا .
سلطان : لو شيماء كلمتك تاني وقالتلك اي حاجة مترديش عليها وقوليلي ، واوعي اشوفك بتبكي تاني .
جميلة : حاضر .

يعود سلطان الي غرفة شهد فيجدها حزينة وبجوارها اختها شيماء يبدو عليها الغضبب الشديد !!
شهد : جاي ليه ؟ ما تروح وخليك جنب حبيبتك .
سلطان : ايه اللي بتقوليه ده يا شهد !! انتي عارفة ومتأكدة انك انتي حبيبتي .
شهد : كان زمان قبل ما البنت دي تدخل بينا .
سلطان : لأ يا شهد ، انتي حبيبتي وقلبي وروحي وعمري وهتفضلي كده علطول .
شهد : لو انا حبيبتك زي ما بتقول طلق جميلة يا سلطان .
سلطان : انتي بتتكلمي جد يا شهد ولا بتختبري حبي ليكي ؟
شهد : لا يا سلطان بتكلم بجد ، دخول جميلة حياتنا هيضيع حبنا بعد ما ربنا كرمنا وبدأنا نحقق اللي نفسنا فيه .
سلطان : ده بيتهيألك ، مفيش حاجة ممكن تأثر علي حبنا او تبعدنا عن بعض ابدا .
شيماء : لأ مش بيتهيألها يا سلطان اختي شهد عارفة مصلحتها ومصلحة ابنها كويس .
سلطان : بعد اذنك يا شيماء متدخليش في الموضوع ده .
شهد : استني انتي يا شيماء دلوقتي ، لأ يا سلطان ، وجود جميلة هيبعدنا عن بعض ، انا اللي دخلتها حياتنا وجوزتهالك وانا اللي بقولك طلقها .
سلطان : احنا مش عرايس لعبة في ايدك بتحركيها زي ما انتي عايزة ، ولو موضوع الطلاق ده مش هيفرق معايا فأكيد هيفرق كتير معها وهي ملهاش ذنب علشان نجوزها ونطلقها بمزاجنا وكأنها مش انسانة لها رأي ومشاعر !!!
شهد : اخر كلام عندي يا سلطان قدامك حل من اتنين يا تطلق جميلة يا سلطان يا تطلقني ؟؟
سلطان : ياااه !! للدرجادي ؟؟ وقدرتي تقوليها !!
شهد : مادام متمسك بها كده يبقي لازم اقولها .
سلطان : و هي ذنبها ايه ؟؟
شهد : وانا ذنب ابني ايه ان اخوه يكون ابن خدامة ؟؟
سلطان : ابنك هيكون ابن سلطان بيه ، وبعدين ما انتي كنتي راضية وموافقة بكده قبل ما تحملي !!!
شهد : كنت موافقة قبل ما اعرف ان هيكون ليا ابن لازم لما ييجي الدنيا يتشرف بأهله مش يتعاير بأخوه !!!
سلطان : طيب يا شهد ، اديني فرصة افكر .
شهد : فكر زي ما انت عايز و اعمل حسابك شيماء هتبات معايا في اوضتي هنا وهتقعد معايا اسبوع علي ما انت تفكر وتاخد قرارك .
سلطان : اه طبعا شيماء تنور الدنيا كلها بس المهم ابعدي عن جميلة يا شيماء بعد اذنك .
شيماء : الاهم انها هي اللي تبعد عننا .
للكاتب عادل عبد الله
مرت ايام ومازال سلطان يفكر في هذا المأزق الذي لم يتوقعه ابداا.
شهد هي حب عمره ولا يستطيع الابتعاد عنها ابدا كما انها قدمت له الكثير من التضحيات واخرها فكرة زواجه من جميلة .
وفي ذات الوقت لا ينكر ان جميلة استطاعت بطيبتها ورومانسيتها ان تجعله يحبها ويكون لها ركن هام داخل قلبه ، بالاضافة الي انها بنت يتيمة مسكينة لا حيلة لها دخلت هذا البيت كفتاة بريئة كيف تخرج منه الان كمطلقة ومعها حملها ؟!!!
ظل سلطان ايام وليالي يفكر واقترب الاسبوع من نهايته و اصبح قاب قوسين او ادني من اتخاذ قرار لم يحدده بعد !!!

سلطان يتمدد ليلا بجوار جميلة ويظل قلقا متيقظا يفكر !!!
جميلة : فيه ايه يا سلطان ؟ قلقان ليه ؟
سلطان : لا ابدا مفيش .
جميلة : لأ فيه حاجة شغلاك وبتفكر فيها !!
سلطان : دي حاجة بخصوص الشغل .
جميلة : لا يا سلطان مش بخصوص الشغل .
سلطان : اومال هكون بفكر في ايه ؟؟
جميلة : اقولك انا سلطان مادام مش عاوز تقول ، شهد هانم عايزاك تطلقني .
سلطان : مين قالك ؟
جميلة : قلبي اللي قالي ، المهم دلوقتي انت هتعمل ايه ؟ هتطلقني ؟
سلطان : انا بحبك يا جميلة ومش عايز اطلقك ، لكن..
جميلة : مادام قولت كلمة لكن يبقي اكيد انت نويت تطلقني .
سلطان : جميلة ، انا…..
جميلة : انا تحت امرك يا سلطان بيه .
سلطان : سلطان بس ، قولتلك سلطان بس يا جميلة .
جميلة : سلطان …
سلطان : نعم يا عيون سلطان يا قلب سلطان يا روح سلطان .
جميلة : انا بحبك قوي ، اوعي تطلقني انا معرفش اعيش من غيرك .
يضمها سلطان اليه ضمة حانية : وانا كمان بحبك قوي يا جميلة .
_عادل_عبد_الله
صباح اليوم التالي
يستيقظ سلطان علي صوت دقات علي باب الغرفة !!!
سلطان : مين ؟
شيماء : انا شيماء .
تحت.ضن جميلة سلطان في خو.ف !!! يربط علي كتفها ثم يرد : ايوه يا شيماء فيه ايه ؟
شيماء : انا وشهد هننزل .
سلطان ” بتعجب ” : نازليين !!! رايحين فين ؟
شيماء : هننزل للدكتور نعمل سونار علشان نطمن علي الجنين .
سلطان : لا ، انا هتصل بالدكتور واخليه يعملها السونار هنا في البيت .
شيماء : بتتكلم بجد ؟؟
سلطان : ايوه ، ادخلوا استريحوا دلوقتي وانا هتصل بالدكتور .

بعد عدة ساعات
يأتي الطبيب ومعه مساعده ومعهم جهاز اشعة تليفزيونية ” سونار ” للكشف علي حمل شهد .
وبمجرد رؤية سلطان لصورة جنينه داخل رحم شهد تنزل دموعه فرحا بينما تضحك شهد ودموعها تنهر وتقول : ابنك اهو يا سلطان ، شايف ابنك ، شايفة يا شيماء ابن اختك شهد ؟
شيماء : ايوه يا حبيبتي ربنا ييفرحك به بارب .
سلطان ” يضحك ” : ممكن تقولنا هو ولد ولا بنت يا دكتور ؟
الطبيب : ايوه طبعا ، مدام شهد حامل في ولد ، اهو باين اهو ، ابنك باين اهو ولد يا سلطان بيه .
سلطان : الف حمد وشكر لك يارب .
شهد : الف مبروك يا ابو الولد الف مبروك يا سلطان .
سلطان : الف مبروك يا شهد الف مبروك يا ام ابني .
وقبل ان ينصرف الطبيب يسأله سلطان : ممكن يا دكتور نطمن علي الجنين اللي في بطن جميلة ؟؟
الطبيب : ايوه طبعا .
سلطان : بعد اذنك يا دكتور ممكن تيجي معايا الاوضة التانية ؟

يشاهد سلطان صورة الجنين في رحم جميلة فيبتسم : هو ده يا دكتور ؟
الطبيب ” يضحك ” : قصدك هي دي .
سلطان : هي بنت يا دكتور ؟

الطبيب : بنت زي القمر .
جميلة : بنت !!!
الطبيب : ايوه بنت .
تتغير ملامح جميلة ويبدو عليها الحزن !!

الحلقة ٩
يشاهد سلطان صورة الجنين في رحم جميلة فيبتسم : هو ده يا دكتور ؟
الطبيب ” يضحك ” : قصدك هي دي .
سلطان : هي بنت يا دكتور ؟
الطبيب : بنت زي القمر .
جميلة : بنت !!!
الطبيب : ايوه بنت .
تتغير ملامح جميلة ويبدو عليها الحزن !!
سلطان : مالك يا جميلة زعلتي ليه ؟! كل اللي يجيبه ربنا خير .
جميلة : كان نفسي اجيبلك ولد ، يا عب.يطة ده ربنا اللي بيجيب وكل اللي بيجيبه رزق وخير ، الحمد لله .

صباح اليوم التالي
يدق سلطان باب غرفة شهد ثم يدخل ويقول لها : شهد انتي حطتيني قدام اختيار صعب ما بين اني اطلق جميلة او اطلقك وانا جاي اسألك ده أخر كلام عندك ؟
شهد : ايوه .
شيماء : انت جاي بعد اسبوع تسألها اذا كان اخر كلام ولا لأ !!!
سلطان : بعد اذنك يا شيماء انا بكلم شهد .
شهد : استني انتي يا شيماء ، ايوه يا سلطان ده اخر كلام ، والمهلة اخرها النهاردة ، اخترت ولا لسه بتفكر ؟؟
سلطان : مش محتاجة تفكير ، مينفعش يكون حب عمري في كفة وفي الكفة التانية فيه اي حد .
شهد : يا حبيبي يا سلطان ، بحبك اوي ، كنت عارفة اني مش اهون عليك .
سلطان : انا هكلم جميلة النهاردة في موضوع الطلاق لأنها لسه متعرفش وهديها قرشين كتعويض ، والبنت الخدامة الجديدة هتفضل قاعدة معانا تشتغل مكان جميلة .
شهد : والبنت اللي في بطنها ؟؟
سلطان : بعد ما تولدها هديها قرشين واخدها منها تتربي هنا معاكي ومع اخوها .
للكاتب عادل عبد الله
في صباح اليوم التالي
يحضر خال جميلة الي المنزل بينما تتساقط دموع جميلة !!
سلطان يخرج شيك بمبلغ مالي ويعطيه لجميلة ويقول : ده مبلغ كويس يا جميلة ممكن يساعدك في حياة مستقرة لو شغلتيهم وعيشتي من ريعهم ، ورقة طلاقك هتوصلك بيت خالك خلال ابام ، وياريت في اليوم اللي هتولدي فيه تتصلوا بيا وتعرفوني علشان اكون موجود .
جميلة : هو ده كلامك معايا ؟؟ هي دي وعودك ليا ؟!!!
سلطان : معلش يا جميلة الظروف اتغيرت .
جميلة : ببساطة كده ؟!
خالها : هي البت دي عملت ايه يا سلطان بيه ؟؟ قولي وانا اقصف رقبتها .
سلطان : لا الحقيقة جميلة معملتش حاجة بس الظروف بتتغير ، خدي يا جميلة الشيك خليه معاكي .

انصرفت جميلة مع خالها ، بينما كانت مظاهر السعادة والفرح تغمر وجه وملامح شهد وشيماء .
تبدو علي ملامح سلطان بعض ملامح الحزن والالم ولكن يحاول اظهار ابتسامته امامهما !!
شهد : بحبك قوي يا سلطان ، طول عمري واناواثقة من حبك ليا واسعد لحظات حياتي لما بتثبتلي حبك في اي موقف .
سلطان : اهم حاجة تكوني مبسوطة يا شوشو .
شهد : حبيبي لازم اكون مبسوطة وانت جنبي ، واكتر حاجة فرحانة لها اننا رجعنا زي الاول انا وانت بس وكمان معنا ابننا مفيش سعادة بعد كده .
سلطان : لأ يا حبيبتي فيه اكتر من كده .
شهد : فيه ايه ؟
سلطان : ان ابننا يكبر قدامنا ويبقي راجل ملو هدومه .
شهد : اناابني يا سلطان لازم يبقي احسن شاب واحسن راجل وكل الناس تتباهي به وتشاور وتقول ابن شهد وسلطان اهو .
شيماء : بمناسبة العيال بقي انا راجعة اسكندرية لأن ابو العيال وحشني ، وبالمرة اسيبكم تتهنوا وتفرحوا ببعض .

في منزل خال جميلة
الخال : بردو مش هتقولي يا بت عملتي ايه علشان سلطان بيه يطلقك ؟
جميلة : والله ما عملت حاجة يا خال .
الخال : يا بنت اختي من البارح وانا بسألك وانتي مش عايزة تقولي الحقيقة !!
جميلة : يا خال انا لو كنت عملت حاجة كان هيفع المبلغ اللي في الشيك ده كله !!
الخال : اومال يعني طلقك من الباب للطاق كده ؟!!
جميلة : شهد مراته واختها شيماء هما اللي قالوله يطلقني .
الخال : وانتي عملتلهم ايه علشان بطلبوا منه كده ؟؟ ما شهد هانم كانت موافقة وهي اللي مشيت في جوازتكم !!
جميلة : علشان هي كمان بقيت حامل .
الخال : معقول !! بعد العمر ده كله !!! ده انتي يابنت اختي …..
وفجأة يأتي اليها سلطان……..
الخال : يا مرحب يا سلطان بيه ، ده انت اول مرة تشرفنا .
سلطان : مرحب بيك يا حاج ، يلا يا جميلة هاتي شنطتك وتعالي .
جميلة : شنطتي !! هنروح فين تاني يا سلطان بيه ؟ هتوديني المحكمة اخد ورقتي من هناك ؟؟!
سلطان : ورقة ايه يا جميلة !!! انتي صدقتي اني ممكن اطلقك بجد ؟؟
_عادل_عبد_الله
جميلة : مش فاهمة !!
سلطان : لما شهد صممت علي الطلاق انا حسبتها قولت لما اخدلك شقة لوحدك هتعيشي مرتاحة اكتر من البيت .
جميلة : شقة لوحدي !!!
سلطان : ايوه شقة ليكي لوحدك .
جميلة : لكن كده انت هتبقي بعيد عني !!!
سلطان : هبقي جنبك علطول ، يلا بقي علشان نلحق نرجع قبل المغرب علشان مبحبش اسوق بالليل .

بعد مرور عدة شهور
في شقة جميلة
سلطان : احتمال اغيب عنك كام يوم .
جميلة : ليه يا حبيبي ؟
سلطان : شهد المفروض هتولد بكره .
جميلة : صور البيبي وابعتلي صورته بعد ما يتولد علطول .
يضحك سلطان : حاضر .
جميلة : هتسميه ايه يا سلطان ؟
سلطان : امه عايزة تسميه نور .
جميلة : وانت هتسمع كلامها .
يضحك سلطان : ايوه مضطر .
جميلة : وانا المفروض اولد الشهر الجاي ، هتسمي بنتنا ايه ؟
سلطان ” يضحك ” : هسميها جميلة .
جميلة : لاااااا انا نفسي اسميها غرام .
سلطان : غرام ….. اسم جميل قوي ، بس اشمعني غرام ؟
جميلة : علشان يفضل اسمها شاهد ودليل علي حبي لك .

بعد شهرين
يستيقظ سلطان من النوم صباحا فيجد شهد تحت.ضن ابنها نور وتلعب معه في فرح وسعادة بالغة .
سلطان : صباح الخير يا شوشو ، صباح الخير يا بشمهندس نور .
شهد : لأ اسمه الدكتور نور ، انا نفسي يطلع دكتور ومشهور وعنده عياده كبيرة قوي ويطلع في التليفزيون زي الدكاترة المشهورين اللي بنشوفهم .
سلطان : يارب يا حبيبتي ، هاتي بقي دكتور نور العب معاه شوية .

تشاهد شهد السعادة في عيون سلطان وهو يلاعب طفله الذي انتظروه طويلا .
ثم يخطر شيئا في خاطرها فتسأله : جميلة ولدت ولا لسه ؟
سلطان : ايوه ولدت من عشرين يوم .
شهد : وروحت شوفت البنت ؟؟
سلطان : ايوه طبعا .
شهد : سمتها ايه ؟
سلطان : غرام .
شهد : غرام !!! ايه الاسم البلدي ده !!
سلطان : مامتها اللي سمتها .
شهد : اسم بلدي قوي ، و ليه مش جبتها لحد دلوقتي زي ما قولتلي ؟؟
سلطان : قولت اسيبها مع امها احسن .
شهد : لااا ، لو سبتها عند امها يبقي كل شوية هتروح تشوفها وتشوف امها ، وبعدين اللي زي جميلة دي مش هتعرف تربي البنت ، هاتها تتربي هنا مع اخوها احسن.

سلطان : انا مش عايز اتعبك ، كفاية عليكي تربية نور .
شهد : متشغلش بالك انت بالتربية ، المهم لازم تجيب البنت تتربي هنا مع اخوها قدام عينيا .
سلطان : حاضر يا حبيبتي .

الحلقة ١٠
سلطان : انا مش عايز اتعبك ، كفاية عليكي تربية نور .
شهد : متشغلش بالك انت بالتربية ، المهم لازم تجيب البنت تتربي هنا مع اخوها قدام عينيا .
سلطان : حاضر يا حبيبتي .

بعد عدة ايام …..
تستيقظ شهد علي صوت نغمة هاتفها في الثانية بعد منتصف الليل !!!!
سلطان : خير يارب ، مين يا شهد ؟
شهد : دي شيماء!!!!!
الو ايوه يا شيمو فيه ايه ؟؟
شيماء : انا اتطلقت يا شهد .
شهد : انتي بتهزري !!
شيماء : والله ابن ال… طلقني .
يلتقط زوجها الهاتف من يديها ويقول : شوفتي قلة ادبها !!! والنعمة ما هتبات فيها ، انا عشان اسكندراني جدع مش هتطرها في الشارع ، بس قدامكوا ساعتين اي حد ييجي ياخدها والا هتستلموها من المشر.حة .
يلتقط سلطان الهاتف : مسافة السكة هكون عندك .

في السابعة صباحا
يعود سلطان الي منزله و معه شيماء ، وما ان تدخل حتي تنهمر دموعها…..
شهد : حبيبتي يا شيمو ، بطلي عياط يا روحي .
شيماء : طلقني ابن ال…
سلطان : ماهي طولة لسانك دي هي السبب انه يطلقك .
تنظر له شيماء بحدة بينما تعاتبه شهد : ايه يا حبيبي اللي بتقوله ده !!! عمره عمره لو لف الدنيا كلها يلاقي شعره منها !!
سلطان : جوز اختك ، قصدي طليق اختك هو اللي قال كده ، انا مش بجيب حاجة من عندي .
شهد : طيب خلاص اللي حصل حصل ، اسبوع ولا اتنين لما يهدوا هما الاتنين وهيتصالحوا ويرجعوا لبعض تاني .
شيماء : مش هينفع يا شهد دي ثالث طالقة …
شهد : يخربيتتتته !!!
شيماء : هو نفسه قالي ان دي اخر مرة اشوف وشه فيها وهيبعتلي ورقة الطلاق علي المحكمة ، بس والنعمة يبعت بس ورقة الطلاق وانا هاخد الشقة والعفش واللي قدامه واللي وراه وانيمه في الشارع .
شهد : لا يا روحي انتي بعد كده ملكيش عيشة تاني في اسكندرية ، هتقعدي هنا جنبي وحقك هيجيلك وانتي حطة رجل علي رجل .

بعد مرور اسبوع
وقد صار طلاق شيماء بصفة رسمية…
شهد : ناوية تعملي ايه يا شيمو ؟
شيماء : انا رتبت نفسي خلاص ، اول حاجة عايزة محامي كويس علشان يجيب لي كل حقوقي من حباب عينيه ، ثانيا عايزة سلطان يشوفلي شقة تمليك تكون قريبة من هنا .
شهد : وليه شقة ما تعيشي معايا هنا .
شيماء : لا يا قلبي انا عايزة مكان استقر فيه ولما تكون قريبة منك هتلاقيني كل يوم عندك .
شهد : انتي مش ناوية تتجوزي تاني ؟
شيماء : لا لا لا ، بلا رجالة بلا وجع قلب ، انا هقعد اربي باسل وبسام والحمد لله علي كده .
شهد : مش هنسبق الاحداث ، المهم دلوقتي يا سلطان شوف محامي كويس لشيمو وشقة تكون جنبنا هنا في نفس الشارع .

بعد ايام ….
يجلس سلطان علي السفرة يتناول طعام الافطار و علي ذراعه ابنه نور وبجواره شهد وامهما شيماء وابنائها .
شهد : دراعك كده هيوجعك يا حبيبي ، هات نور علي ماتفطر .
سلطان : لا خليه كده يفتح نفسي .
شهد : ربنا يخلهولك ويخليك له .
شيماء : بتحبه هو اكتر ولا شهد يا سلطان ؟
سلطان : حبي له من حبي لشهد ثم يضحك ويقول : اطلعي انتي منها مش هتعرفي توقعينا في بعض .
يضحكون جميعا ثم تسأله شيماء : طيب بتحب نور اكتر ولا غرام ؟؟
يقف سلطان عن تناول الطعام من مفاجئة السؤال !!!!!
ثم يقول : اكيد بحبهم هما الاتنين .
شيماء : قصدي بتحب مين اكتر نور ولا غرام ؟
سلطان : هما لحد دلوقتي مفيش مواقف بينا علشان احب حد فيهم اكتر من التاني ، فاكيد بحب الاتنين قد بعض .
للكاتب عادل عبد الله
شيماء : هي فين غرام صحيح ؟ مش كنت بتقول هتاخدها من امها علشان تتربي هنا مع اخوها ؟
سلطان : انا قولت لامها ورفضت .
شهد ” بعصبية ” : هي مين دي اللي رفضت ؟!!!
سلطان : جميلة .
شيماء : البنت نسيت نفسها !!وهي الخدامة دي هتعرف تربي البنت زي ما تتربي هنا مع شهد اختي ؟!!!
سلطان : انا كلمتها وهي متمسكة بالبنت وبصراحة انا مش هيجيلي قلب اخد البنت من امها غص.ب عنها .
شهد : لا يا سلطان مينفعش تاخدها منها الا لو هي وافقت .
سلطان : انا كمان رأيي كده ، انا رايح الشركة يا روحي ، باي .

بعد انصراف سلطان
شيماء : انتي ايه رأيك في كلام جوزك ؟
شهد : مش مرتاحة له .
شيماء : وانا كمان مش مرتاحة له .
شهد : قصدك ايه ؟
شيماء : قصدي ان سلطان مخبي حاجة .
شهد : انا كمان حاسة بكده .
شيماء : سبيلي سلطان انا بطريقتي هعرف هو مخبي ايه .
شهد : انا خايفة ليكون سلطان ….
شيماء : من غير ما تكملي انا كمان نفس الاحساس .
شهد : يارب ما يطلع اللي في دماغي ، علشان لو طلع اللي في دماغي هيبقي اخر اللي بيني وبينك يا سلطان !!

تبدأ شيماء في مراقبة ومتابعة خطوات سلطان حتي تجده يدخل شقة جميلة فتتصل بشهد وتقول : سيبي اللي في ايدك وتعالي حالا .
شهد : فيه ايه شيماء ؟ واجيلك فين ؟
شيماء : سلطان رجع لجميلة وواخدلها شقة وهو دلوقتي عندها ، تعالي علي العنوان اللي هقولك عليه …..

بعد نصف ساعة
تصل شهد الي حيث توجد شيماء !!
شهد : انتي متأكدة يا شيماء انه عند جميلة ؟!
شيماء : تعالي نطلع وانتي تشوفي بنفسك ، بس خليكي جامدة واوعي تنزل منك دمعة .
تصعد شهد وشيماء الي شقة جميلة التي تصد.م حين تراهم من خلف الباب !!
جميلة : ألحقني يا سلطان !! شهد وشيماء بره !!!!!
سلطان : اييييه !!! وعرفوا ازاي ؟؟
جميلة : معرفش ، المهم اعمل ايه انا دلوقتي ؟؟
صوت رنات متتابعة ودقات متتالية علي باب الشقة !!!!!
سلطان : طيب ادخلي انتي جوه .
عادل_عبد_الله
يفتح سلطان باب الشقة ليجد شهد وشيماء في مقابلته !!!!
شهد : هي فين الست هانم ؟؟؟ فين خدامتي اللي انت واخدلها الشقة دي وعملتها هانم !!! اطلعي يا خدامة !!!!
سلطان : اهدي طيب يا شهد وانا هفهمك كل حاجة .
شيماء : لو البت دي مطلعتش انا هدخف اجيبها من شعرها .
سلطان : اسكتي يا شيماء من فضلك .
تخرج جميلة وتواجههم ….
جميلة : فيه ايه يا شهد هانم ؟
شهد : فيه انك حرباية عرفتي تضحكي علي العب.يط ده وتخليه ……..
سلطان : انا مسمحلكيش ، اسكتي يا شهد بعد اذنك .
شهد : انت دلوقتي حالا قدامك حل من الاتنين لتطلقني لتطلقها و حالا .
سلطان : طيب تعالي نروح البيت وبعدين نتفاهم .
شهد : مفيش تفاهم ، لازم تطلقها دلوقتي يا سلطان لترمي عليا يمين الطلاق ومش هتشوفني ولا هتشوف ابنك تاني !!!
سلطان : انتي كده هتعقدي الموقف اكتر ما هو معقد !!!
شهد : لو نزلت من هنا يا سلطان من غير ما تطلق البنت دي مش هتشوفني ولا هتشوف ابنك تاني .
سلطان : هطلقها يا شهد بس مش دلوقتي .
شهد : دلوقتي وحالا والا …….
سلطان : طيب نرجع البيت ووو…..
شهد : دلوقتي حالا ، طلقها يا سلطان والا اقسم بالله هتخسرني وتخسر ابنك للابد !!
سلطان ينظر لجميلة ” في الم ” : اتتي …
شهد : يلا انطق .
سلطان : انتي طالق يا جميلة .
تنهمر دموع جميلة علي وجهها وتجري اليها شيماء وتأخذها وتطردها خارج الشقة !!!
سلطان : ميصحش كده يا شيماء ، سبيها في شقتها وانا ……
شيماء : شقة مين ؟ الجربوعة دي بقي ليها شقة وبيت !!!
سلطان : يا شيماء استني ….
تأخذها شيماء وتلقي بها و تحاول نزع طفلتها منها فتبكي جميلة وتتوسل اليها ترك الطفلة معها !!! حتي يصر.خ سلطان في وجهها : سيبلها البنت حرام عليكي

شهد : سيبيلها البنت يا شيماء .
تترك شيماء الطفلة لجميلة ثم تنتزع منها مصوغاتها الذهبية وهاتفها المحمول !!
سلطان : ايه اللي بتعمليه ده يا شيماء ، حرام عليكي .
شيماء : من امتي كان عندها دهب وتليفون الخدامة دي ، والله ما تنزل من هنا ومعاها حاجة منهم !!!!

الحلقة ١١
سلطان : ايه اللي بتعمليه ده يا شيماء ، حرام عليكي .
شيماء : من امتي كان عندها دهب وتليفون الخدامة دي ، والله ما تنزل من هنا ومعاها حاجة منهم !!!!

أخذت شيماء من جميلة مصوغاتها الذهبية وهاتفها الخلوي وحطمته تماما علي الارض ثم طردتها الي الخارج ولم تتركها الا بعدما تأكدت من ابتعادها وطفلتها تماما عن المنزل !!

تجلس شهد وتنزل دموعها ” العتاب ” : هونت عليك يا سلطان ؟؟ للدرجادي هونت عليك تضحك عليا وتستغفلني وتقولي انك طلقتها !!! وهي لسه علي ذمتك واخدتلها شقة كمان ؟؟
سلطان : اناااا…
شيماء : من غير ما تقول انا ، انت ايه ؟؟ انت لسه عايز تضحك عليها ؟!!!
سلطان : انتي تخرسي خالص ومسمعش صوتك تاني ، فاهمة !!
ثم يوجه خطابه لشهد….
سلطان : يلا يا شهد نكمل كلامنا في البيت .
شهد : ومش عايز تتكلم هنا ليه ؟ ولا عايز ترتب افكارك في الطريق علشان تعرف ترد عليا !! للكاتب عادل عبد الله
سلطان : لا يا شهد مفيش اللي بتقولي عليه ده ، اولا جميلة انتي اللي اترجتيني اتجوزها وانا مكنتش عايز .
شهد : ده كان بسبب ظروف و الظروف اتغيرت .
سلطان : واحنا عرايس في ايدك تلاعبينا زي ما تحبي ؟!!! اتجوز دي ..طلق دي … والبنت دي ذنبها ايها ان ظروفك اتغيرت و ربنا اكرمك وحملتي وبقيتي مش محتاجاها !!! انتي ناسية انها انسانه لها مشاعر واحاسيس ولا علشان هي فقيرة و مش متعلمة تبقي عديمة الاحساس و نتعامل معها كأنها حيوان !!! لا يا شهد !!! ده حتي الحيوان بنحافظ علي مشاعره وبنهتم به .
شهد : يعني انت مطلقتهاش خوفا علي مشاعرها بس ولا علشان مشاعرك انت كمان اتحركت ناحيتها ؟؟
سلطان : وهو انا مش انسان ولا فاكراني مصنوع من بلاستيك او خشب مفيش عندي احساس !!! اتجوز بدون مشاعر واطلق بدون مشاعر !!!
شهد : خلصت ؟ قولت اللي جواك ؟؟
سلطان : انا رديت علي كلامك .
شهد : انا قولتلك طلقها مش بس علشان اني حملت يا سلطان ، أنا لما شوفت انها خطر علي حياتنا قولت يبقي لازم البنت دي تخرج من حياتنا قبل ما تد.مرها وتضيع حبنا وحلمنا بأبننا اللي انتظرناه سنين طويلة .
سلطان : عايزة تعرفي الحقيقية يا شهد ؟
شهد : ياريت .
سلطان : الخطر الحقيقي علي حياتنا اختك شيماء .
شيماء : أنااااا ؟؟؟!!!!!!
سلطان : انا بتكلم مع مراتي وانتي تخرصي خالص طول ما انا بتكلم .
شهد : انت بتكلمها كده ليه ؟ عملت ايه شيماء علشان تقول كده ؟؟
سلطان : انتي يا شهد اللي دخلتي جميلة حياتنا وكنتي فرحانه بحملها الاول علشان نحقق اللي كنا حلمنا في الانجاب والبنت محصلش منها حاجة ليكي علشان تغيري موقفك ناحيتها ١٨٠ درجة بالشكل ده ، الا لما دخلت شيماء في الموضوع ولأول مرة اسمعك تتكلمي بطريقة طبقية وتقولي مش عايزة اخو ابنك يبقي ابن الخدامة !!! ده مش تفكيرك يا شهد ، ده تفكير شيماء اختك .
شيماء : انت بتتهمني وانا ساكته احتراما لك ولأختي الكبيرة ولما تخلص كلامك هرد عليك .
سلطان : مفيش كلام تاني ، انتي شقتك هتستلميها بعد بكره ، وياريت متدخليش في حياتنا تاني ، سبيني انا و شهد و ابننا نعيش حياتنا في هدوء وابعدي عننا بعد اذنك .
شيماء : يعني عايز تمنعني من اختي ؟؟
سلطان : ايوه امنعك ولا عايزة تد.مري حياتنا زي ما د.مرتي حياتك !!!
شهد : ايه اللي بتقوله ده يا سلطان ؟؟
_عادل_عبد_الله
سلطان : اظن انا دلوقتي اثبتلك انك انتي وابننا اهم حاجة في حياتي وطلقت جميلة اللي ملهاش ذنب في حاجة علشان ارضيكي ، بعد ما اختك طردتها في الشارع بطريقة مهينة وهي متستهلش كده وسكت علشان خاطرك وبنتي معها ومعرفش اذا كنت هعرف أشوفها تاني ولا لأ بردو علشان خاطرك ، بعد ده كله لو انتي فعلا لسه شهد اللي اعرفها ابعدي اختك عن حياتنا ، علشان نكمل حياتنا مع بعض .
شهد : قسيمة طلاق جميلة اشوفها بعينيا يا سلطان .
سلطان : ده معناه عدم ثقة ؟؟؟ ١٦ سنة ثقة موقف واحد يهدهم ؟؟ للدرجادي الثقة ما بينا كانت هشة قوي كده ؟!!!
شهد : لا مش عدم ثقة يا سلطان ، علشان قلبي يطمن .

يذهب سلطان للمأذون الشرعي لأتمام اجراءات طلاق جميلة .
بينما تعود شهد وشيماء الي المنزل .

يعود سلطان من الخارج فيجد شهد مع شيماء اختها فيتركهم ويدخل غرفة ويغلقها ويفكر بحزن فيما حدث…..

يا تري يا جميلة دلوقتي نظرتك ليا ازاي ؟ اكيد شايفاني رجل ضعيف مقدرتش احميكي من همجية شيماء !!
انا من المفاجئة مكنتش قادر افكر او اتصرف !! مش هنكر اني حبيتك يا جميلة ، انتي دخلتي حياتي و خليتي لها طعم جميل ، جمالك وطيبة قلبك ورقتك اسروا قلبي لكن شهد دي حب عمري و ياما ضحت علشاني كتير قوي . كنت لازم ارضيها مهما حصل !!يا تري لو رجعتلك تاني علشان نرجع لبعض هتوافقي يا جميلة ؟؟ ورقة الطلاق هتوصلها بعد يومين عند خالها وهسيبها فترة اسبوعين تلاتة علي ما تهدا من اللي حصل وبعدين هروح اصالحها .

يقطع افكاره دخول شهد المفاجئ وتسأله : خلاص طلقتها ؟؟
سلطان : ايوه ، وورقة الطلاق هتوصلها بعد ٣ ايام وهاخد منها نسخة اجبهالك .
شهد : اوكي حبيبي ، قولي بقي انت رجعت من بره وقعدت لوحدك ليه ؟؟
سلطان : لقيتك قاعدة مع اختك سيبتكم علي راحتكم .
شهد : طيب ما تيجي تقعد معنا .
سلطان : لأ ، شيماء دي بعد كده مفيش اي كلام بيني وبينها ابدا .
شهد : خلاص يا سلطان زي ما انا سامحتك انت كمان سامحها ونبدأ صفحة جديدة من غير مشاكل .
سلطان : انا وانتي نسامح بعض اوكي انا كمان سامحتك علي الاهانة وقولت ممكن تكوني قولتيها لحظة انفعال ، انما موضوع اختك ده موضوع تاني .
شهد : يعني ايه ؟
سلطان : يعني زي ما انتي شايفة ان جميلة خطر علي حياتنا وخرجتيها من حياتنا ، انا شايف ان اختك شيماء خطر علي حياتنا اكتر من جميلة .

مرت عدة أسابيع …..
يشعر سلطان بحنين كبير لجميلة وبشوق اكبر لابنته غرام …
يبدأ سلطان في التفكير فيها من جديد !!!
بالتأكيد أن حدة صد.متها قد ضعفت كثيرا الان بعد مرور بعض الوقت .
توجه سلطان بسيارته الي خال جميلة الذي استقبله بالترحاب الشديد !!!
الخال : يا اهلا وسهلا يا الف مرحب يا سلطان بيه ، البلد كلها نورت .
سلطان : اهلا بيك يا حاج ، اخبارك ايه يا حاج ؟
الخال : الحمد لله يا بيه عايشين في خيرك .
سلطان : واخبار جميلة ايه ؟
الخال : مش فاهم يا بيه ، لموأخذة بتقول ايه ؟
سلطان : بسألك يا حاج اخبار جميلة بنت اختك ايه ؟
الخال : انت بتسألني أنا !!! دا انا يا بيه اللي كنت لسه هسألك علي جميلة !!!
سلطان : ازااااي ؟؟؟ هي جميلة مش عندك ؟!!!
الخال : لأ يا بيه مش عندي !! جميلة بنت اختي المفروض عندك انت !!!
سلطان : انا جاي اشوفها هنا !! اوعي تكون جميلة عندك و مخبيها عني ؟؟
الخال : يا بيه انا راجل غلبان هروح فيك فين علشان اخبي ولا اداري عنك جميلة !! انا عايز افهم بس هي قالتلك انها جايالي هنا امتي ؟؟
سلطان : من اكتر من شهر .
الخال ” بحزن شديد ” : يا سنة سوخة !!! تبقي ما.تت !!! يا وقعة سودا يا ولاد البت ما.تت .
سلطان : اسكت يا حاج بعد اذنك واهدا علشان نعرف نفكر .
الخال : مادام مش عندك ولا هنا كل الوقت ده يبقي لازم تكون ما.تت !! هي قالتلك ايه قبل ما تمشي من عندك يا سلطان بيه ومشيت ازاي و ليه ؟
سلطان : هقولك علي كل حاجة بس نطمن عليها الاول ونعرف مكانها ، هي ممكن تكون فين او عند مين ؟؟
الخال : يا بيه جميلة متعرفش تخطي خطوة برة البلد هنا ومادام مش عندك ومش جوه البلد تبقي ما.تت مفيش معني تاني .
سلطان : ملهاش اصحاب او زمايل او قرايب في بلد تانية جنبكم؟؟؟
الخال : جميلة ملهاش بعد ربنا الا انت وباقي اهلها كلهم في البلد هنا .
سلطان : وانت متأكد انها مش عند حد من اهلها هنا في البلد ومخبيها ؟؟
الخال : كنت هعرف يا بيه ؟!! احنا هنا معندناش الكلام ده ، هي جميلة سرقت منكم حاجة ؟؟
سلطان : لأ يا حاج ، بنت اختك عمرها ما تعمل كده .
الخال : انا عارف بنت اختي دي تربيتي ، اومال عملت ايه ؟؟
سلطان : معملتش حاجة يا حاج ، انا هدور عليها وعلي بنتي غرام في كل مستشفيات واقسام مصر ، وهعمل اعلانات في كل حته لغاية ما اوصلها .
الخال : وانا رجلي علي رجلك لما نوصلها او نوصل لخبر عنها .

فلاش باااااااااك

تأخذ شيماء جميلة من ذراعها وتلقي بها خارج المنزل و تحاول نزع طفلتها منها فتبكي جميلة وتتوسل اليها ترك الطفلة معها !!! حتي يصر.خ سلطان في وجهها : سيبلها البنت حرام عليكي .
شهد : خلاص سيبيلها البنت يا شيماء .
تترك شيماء الطفلة لجميلة ثم تنتزع منها مصوغاتها الذهبية وهاتفها المحمول !!
سلطان : ايه اللي بتعمليه ده يا شيماء ، حرام عليكي .
شيماء : من امتي كان عندها دهب وتليفون الخدامة دي ، والله ما تنزل من هنا ومعاها حاجة منهم !!!!
جردتها شيماء من مصوغاتها الذهبية وهاتفها وتركت معها فقط طفلتها غرام .
خرجت جميلة ودموعها تسيل بغزارة علي وجهها تكاد لا تري بعينيها من اثر البكاء وابنتها غرام علي ذراعها تبكي هي الاخري وكأنها تري امامها مصيرها !!!

يتبع