رواية لم_اخن_عهدي الفصل الثامن والتاسع والاخير بقلم سلمى_جنايدة حصريه وجديده
بعد شوي دقت نهلة الباب وسألتهن ازا خلصو كلامهن لتفوت …
فاتت واول ماشافت مطر شيرين وشذى ضمتهن كتير وبكيو كتير واعتذرت شيرين منها كتير لان سدقت مع اللي سدقو ….
شذى: انا مارح اعتزر عن حالي لأني ماسدقت شي عنك وقلتلون هالحكي .
مطر: بعرف ياالبي كنت متأكدة انو اتتي بالزات ماحتسدقي عني هيك شي .
عز: …..طيب حياتي ماخلصنا حديث بهالموضوع .
مطر: ….ماشي الحال.
نهلة:….. شو امي شايفة عم تحكو برواق …ان شاء الله اموركن منيحة .
مسك عزو ايد مطر وباسها قدام امو واخواتو واعتزر منها قدامهن اول شي وخبرهن انو مطر وافقت ترجع معهن عالبيت ووافقت يتزوجو اول مايصح عز ….لكن انصدمو من شرط مطر التاني .
نهلة: بنتي متأكدة من طلبك هاد ….حاكم مافي رجال بيقبل بهيك شي .
مطر: اي مرت عمي انا بدي آخد وقتي من جديد مع عزو لاقدر اتقبلو .
عز: …..امي اتركولتا هالسيرة بقى وابعتيلي ورا الدكتور بدي شوفو هلأ .
حاول عز يقنع الدكتور انو يخرجو بهاليوم ليقدر يروح مطر معو لكن ماقبل الدكتور وخبرو انو لازم يبقى شي يوم تاني ليتطمن عليه اكتر .
اتفق عز مع امو انو تاني يوم تروح لمطر وترجعها عالبيت .
قبل ليروحو الكل من عند عز اجى حمزة ليتطمن عليه وقت عرف باللي صار .
التقى بالممر تبع المشفى بشيرين وعرف منها انها اختو لعز ….
دخل ليتطمن على عز وانصدم بوجود مطر عندهن..
حمزة: ….كيفك مطر …..غريبة شو عم تعملي هون .
مطر بخجل: اهلين دكتور ….جيت اتطمن على عز.
عز: …..اقعود حمزة هلأ بقلك عكل شي .
استأزنو وراحو وضل حمزة مع عز وهبرو بكل شي وانو مطر خطيبتو .
اتدايق حمزة من عز انو خبى عليه هيك شي وزعل منو انو كيف ظلم مطر وعاتبو وقت شافها اول مرة بأي حالة كانت وماعمللها شي .
المسا اتصلت مطر بأسامة وخبرتو باللي صار وطلبت تحكي مع ابواسامة..
ابو اسامة: كيفك يابنتي شو اخبارك .
مطر: داعيتلك عمي ….عمي بدي خبرك شي وبدي آخد نصيحتك .
ابو اسامة: اي يابي تفضلي قولي .
مطر: عز اعتزر مني كتير وكنت على علم بكل شي اول بأول …بس عمي هالمرة غير مبارح اجاني بالليل وترجاني ارجعلو وصار يبكي كتير ….بدك الصراحة قطعلي البي وقت شفتو ضعف قدامي …هلأ بعرف انو بيستاهل بس والله استصعبت شوف دموعو وخاصة انو هاد عزو مو اي حدا ….لكن وقت شاف اصراري على رفضو راح من عندي مقهور ومسودة الدنيي بوجهو وعمل حادث وهو هلأ بالمشفى .
ابو اسامة: له له اي وكيف وضعو هلأ .
مطر: الحمدلله مفي شي بخوف مسر برجلو ورضوض ….بس عمي عندي مشكلة وخايفة كون تسرعت .
ابو اسامة: قولي عمي .
مطر: عزو بعت امو اليوم لروح شوفو بالمشفى واستسمح مني كتير وطلب مني ارجعلو واناوقتا عملت عليه حيلة(وخبرتو لأبو اسامة بخجل شو كزبت على عز) لكن كان اصرارو اقوى ووافق بعيبي وانا وقت تأكدت من صدقو خبرتو انو كنت عم كزب عليه وانبسط كتير وقت عرف بالحقيقة ….ووقت شفت نيتو وانو سادق وشفت ندمو شرطت عليه شرطين لحتى ارجعلو ..
اول شرط انو بعتزر مني قدام الكل بيوم العرس ووافق عليه والشرط التاني انو نعيش بغرفتين منفصلين بس لحتى ارجع اتتود عليه وبصراحة كان بدي ندمو اكتر ليقدرني ويعرف قيمتي ….هلأ سؤالي عمي ….انا تسرعت شي .
ابواسامة عم يضحك: هههههههههه يييي عليكي شو قوية يامطر وشو بيطلع منك ….لأ عمي انتي ماغلطتي لازمو فركة ادن لعز بش ماتقلي العيار كتير بلامايصيب بالغلط .
مطر بفرحة: يعني ماغلطت عمي وقت وافقت ارجعلو .
ابو اسامة: لاماغلطتي رح قلك ليش …..لان مامعقول اتضلي لحالك العمر كلو وبلا رجال مافيكي ….الدنيي صعبة وبدك مين يحميكي ويكون معك بكل شي ….وانو تتزوجي من رجال والبك مع عز هالشي مابصير لان مارح ترتاحي بحياتك ابدا .
ارتاحت مطر وقت حكت مع ابو اسامة وريحها وقت ايدها باللي عملتو.
تاني يوم اجت نهلة واخدت مطر معها عالبيت و كان عز طالع من المشفى ..
بقي ناطرها بالصالون ليشوفها وهي داخلة البيت ..
وقت دخلت كان ممليها البيت ورد وبوالين .
ضحكت مطر عالاستقبال وانبسطت كتير فيه لكن ماحبت تبين قدامهن هالشي كانت ناوية تتقل اكتر وتاخد بالها من تصرفاتها لترجع قيمتها وكرامتها احسن من قبل.
عز بفرحة كبيرة: ….نورتي البيت ياروح البي .
مطر: منور بصحابو .
عز: وانتي من صحابو كمان .
رجعت مطر لغرفتها بكت كتييير كتير وقت شافت اغراضها عحالهن وكانت غرفتها مسكرة ماحدا دخلها …اشتاقت لكل شي بالغرفة …..اخدت نفس عميق وقت فتحت خزانتها وشافت تيابها واغراضها .
المسا عالعشا رجعو قررو موعد العرس من جديد ورجعت فيها زكرى وقت تحدد الموعد اول مرة ….
عز: …..هالمرة رح ساوي عرس كل الناس تحلف فيه بدي عوض الوقت اللي ضاع منا …شو رأيك حياتي .
مطر ببرود: متل مابدك .
نهلة: خلص امي ان شاء الله بعد اسبوعين وقت تفك الجبيرة عن رجلك وبتكون مرتاح انتي كمان من الحادث بصير اللي بدك اياه .
بعد يومين اجى حمزة ومعو بوكيه ورد ليتطمن على عز …التقى بشيرين مرة تانية …وكان هالمرة واضح الاعجاب بينهن …
كل القعدة وحمزة عينو على شيرين لحست مطر وشذى عليهن وخجلت شيرين وقامت والبها عم يضرب طبول ..
مطر: شووو ياحلوو كني غمزت السنارة .
شيرين ☺: سنارة شو انتي التانية ….هو هيك لبق كتير بالكلام وزوء كتير كيف بدك احكي معو يعني .
شذى بلهجة مزح: اي مزبوط لازم تحكي بنعومة كتير وتبيني حالك نواعم زيادة موو .
شيرين: تضربو التنتين ماابردكن رايحة من هون وتاركتلكون المكان.
مطر: لوين رايحة لعندو .
انغاظت شيرين وهربت عغرفتها …
مرقو الاسبوعين بسرعة واجى يوم العرس كان الكل مبسوط الا مطر اللي كانت لسا مجروحة وعز اللي مرتو وحبيبتو مارح تقعد معو بنفس الغرفة ….
وتنين تانيين اكيد عرفتوهن .
نزلت مطر وكانت بأجمل اطلالاتها كانت متل حورية متل ملكة جمال مبهرة فاتنة بكل المقاييس ….انبهر عز وقت شافها وداب بحبها اكتر مع انو بيعرف كمية جمالها لكن كانت بهاليوم غير عن كل الايام …
مسك ايديها وباسهن: …الف الف مبروك ياعيوني واخيرا رجعتيلي .
مطر: …..الله يبارك فيك عزو .
عز: يانبض البو لعزو ..
اخدها وراحو لساحة العرس اللي كانت مزينة بأرقى الزينات
اخد عز المايك ليلفت انتباه الحاضرين . …
عز: …يسعد مساالجميع واهلا وسهلا فيكن شرفتوني بحفلتي وبأحلى يوم عندي ….اللي بدي قلكن عليه انو بتعرفو انو لازم عرسنا انا ومطر من شهور وبتعرفو الشياطين اللي دهلت بينا وفرقتنا عن بعض والحمدلله رجعنا لبعض لكن اللي بدي قولو انو بدي قدم اعتزار كبيييير كتير لحياتي وروحي والبي مطر عالي صار من قبل وبقلا ساعة شيطان وبتمنى تسامحني ونبدا صفحة جديدة ..
وقفت مطر ومسكت بأيدو وهزت راسها ودموعها بعيونها وقالتلو انو مسامحتو وانو نسيت اللي صار دامو اعتزر منها قدام الكل وماخجل من هالشي .
كان عز مأمن البيت لحتى ماتصير شي مشكلة مو متوقعة من رأفت او من سوزان وليقومو يعملو شي مشكلة جديدة وينزعو العرس بعد جهد كبير.
#لم_اخن_عهدي
#سلمى_جنايدة
#الجزء_التاسع_والأخير
حضر العرس من جهة مطر ابونادر ومرتو وام حمزة وحمزة ونبيلة وابو اسامة ومرتو واسامة .
رقصو كتير وفرح الكل برجعتهن لبعض وتكللت هالليلة بأفراح كتيرة وضحكات وهمسات وهدايا وكلام غزل وحب لكن وقت خلص العرس راحو الضيوف وراحو اهل البيت كل واحد لغرفتو ليرتاحو بعد يوم طويل وشاق …واجى دور العرايس اللي كانو ناطرين هالليلة بفارغ الصبر ، لكن ماكملت معهن وما رح يكونو لبعض لوقت تغير مطر رأيها .
عند باب غرفتها اللي كانت قبال غرفتو لعز ….وقف عز وسألها من جديد: ….مطورة حبيبي متأكدة انو بدك تكوني لحالك .
مطر: …..اي عزو …..نحنا اتفقنا ماهيك .
عز بضيق: اي وانا ما رح خون ثقتك فيي ورح بتركك لترضي عني وتتأكدي من حسن نواياي .
باس جبينها وايديها وتمنالها ليلة هادية .
دخلت غرفتها قعدت وقت عم تحاول تستوعب اللي عملتو صح والا لأ ….وكل مافكرت تتراجع عن قراراها تتزكر اللي صار وترجع تصر عرأيها اكتر من اول .
اخدت دوش لتريح حالها من تعب طول اليوم ولبست بيجامة باردة ونامت .
لكن عريسنا المسكين بقي كل الليل ببدلة العرس عم يدخن ويشرب قهوة وكل شوي تراودو نفسو ليروحلها غصب عنها ويرجع يهدي حالو ويقول انو مارح يخلف وعدو الها ليقدر يكسبها بحب اكبر من قبل.
الصبح فاقت مطر متنشطة غير عن كل الايام وضحكت انو قدرت تمشي اللي بدها اياه وقالت بحالها انو معقول عز يقدر يسيطر عحالو ومايغدر فيها ويجي لعندها لهيك قررت تصير تسكر الباب عحالها بالمفتاح .
بقي عز لبعد الضهر وهو نايم بحكم انو مانام كل الليل وهو عم يتقلب عجمر .
نهلة ماكان هاين عليها باللي عملتو مطر بس قدرت ظرفها وطلبت منها مااتطول الشغلة كتير ونبهتها انو الرجال وقت يمل بيعمل شي مابيرضي المرة .
مرق اسبوع واتنين ومطر وعز عحالهن بيحكو مع بعض عادي وبيطلعو وبيضحكو وبيستقبلو الضيوف وعم يبينو للناس انو وضعهن طبيعي لكن وقت يجي وقت يصيرو لحالهن بتتغير كل المعاملة …
بليلة طلعو مطر وعز لينامو بغرفهن قبل ليدخلو …مسكها عز من خصرها وقربها منو حط ايدو عوجهها عم يتحسسو بحب ورومنسية ….
مطر بتوتر: ……..شو عزو عأساس نعست وبدك تنام .
عز: ….ليش وقت بكون معك بكير النوم كلو من عيوني .
مطر: …..اي بس انا نعست وبدي نام .
عز: ….طيب شوباكي استعجلتي هلأ …كنت بدي ….وقرب عخدها وطبع بوسة صغيرة عليه.
مطر رجفت بين ايديه: ….عزو …..شو عم تعمل ..نحنا شو اتفقنا .
عز: …لك اي اتفقنا مايصير بينا شي ننام بغرف منفصلة بس مااتفقنا ماضمك مااتفقنا مااعطيكي بوسة قبل النوم مااتفقنا مااتغزل فيكي وضل قلك قديه بحبك وبعشقك .
دابت مطر من لمسة ايدو وهمساتو اللي بيسكروها عالآخر …
مطر بهمس: ….خلص عزو ….اتركني ….يلا روح نام عندك شغل بكرة .
بعدتو عنها وباست طرف اصبعها ومدتلو اصبعها وبعتتلو البوسة بالهوا وعطتو نظرة من فوق لتحت مع ابتسامة خلتو يفقد اعصابو وهربت عغرفتها .
وقت عملت هيك ركض عالباب قبل لتسكرو لكن كانت مطر اسرع منو .
ضرب بالباب بأيدو بعصبية وكز عسنانو: ….ماشي يامطر الا مايجي يوم وآخد كل شي ورح خليكي تترجيني وتقليلي ارحمني .
حطت راسها عالباب وسمعت شو قال وضحكت عليه بصوت واطي 🤭 وقالت بحالا خليه ليستوي عالآخر .
بعد مدة تقرببا شهرين حمزة خبر عز انو معجب بشيرين وحابب انو يخطبها ووقت سألها عز ماعارضت ووافقت وهي خجلانة .
بيوم خطبة حمزة وشيرين كانت مطر خلوة كالعادة وطار عقلو عز فيها وخاصة انو مشتاقلها ومافيو يلمسها …
كانت شيرين كتير حلوة وانفتن فيها حمزة ..
بعد ما الحفلة خلصت دخل عز عغرفة مطر وتخبى ورا الباب وقت حس عليها انو رح تطلع لغرفتها .
دخلت غرفتها واستغربت انو عزو ما مسا عليها ولا شافتو قبل لينام .
سكرت الباب وراها وشعلت الضو وتفاجأت بحدا مسك فيها وضمها من خصرها من ورا ..
شهقت بصوت عالي وقت سمعت صوت عزو …
عز: ……شو حبيبي خفتي .
مطر: ……وقف البي عزو ….شو جابك لهون انت شو ضعفان نظرك ومخربط بالغرف .
عز عم يهمس بأدنها: …لأ…..بعرف وين غرفتي لكن ضيعت البي عندك واجيت دور عليه ..
ضحكت مطر: …..بلا جنان عزو روح من هون .
فتلها لعندو وقرب منها اكتر : مطورة ……حبييي مشان الله مو حاج…. والله تعبت والله حرمت زعلك مشان الله ارحميني ماعاد استحمل اكتر ….حني عليي لك مو بتحبيني انتي .
مطر عم تضحك عليه: ….ههههههه اي بحبك بس نحنا اتفقنا لروق عليك ولقرر انا .
عز: اي وبعدين لمتى يعني ….لسا مارقتي عليي لسا بدك تجازيني اكتر .
مطر: ….اتركني كمان شوي .
تركها فجأة وقت شاف برود اعصابها وعصب كتير: ….مافي داعي خلص رح اتركك براحتك اكتر مارح اجي لعندك او اطلب منك شي .
تركها وراح …
حست مطر انو انهان كتير بهالشغلة وانو قسيت عليه كتير .
صار جاف معها ويحكي معها عقد الكلام فكرو هيك رح يضغط عليها ويخليها تندم وتجي لعندو برجليها ..
بيوم عزمها من الصبح عمشوار يقضو اليوم كلو لحالهن …استغربت طلبو المفاجىء وهو زعلان ومابيحكي معها كتير ..
قضو اليوم كلو برا البيت وهنن عمشاوير وفطور وغدا برا البيت وانجن اكتر وقت شافها كيف حلوة ومرحة وغنوجة ووقت يرجعو لمخادعهن بتتغير وبتصير بس بدها تهرب منو لتخالي بحالها وتحرمو منها .
المسا رجعو عالبيت تعبانين لكن مبسوطين كتير وكانت اول مرة بتحس مطر بفرحة كبيرة بمشوار متل هيك كان كل هالمرة مختلف.
باس جبينها قبل لتدخل غرفتها ودخل غرفتو .
صدمة كبيرة كانت عوجه مطر وقت فاتت غرفتها وانتبهت انو اغراضها مختفيين من غرفتها فتحت الخزايين فاضيين التواليت ماعليه شي الدروج فاضيين مافيون شي دخلت الحمام مااللها ولا شي فيه ..
راحت لغرفة عز اللي كان ناطر هاي اللحظة كل اليوم …
مطر: ….تعى ياعزو تعى شوف .
عز: خير حبيبي شو فيه.
مطر: لك غرفتي فاضية اغراضي كلون مختفيين تيابي عطوري ومكياجي كلوكلو مختفي .
عز: شو هالحكي ارجيني لشوف .
دخل غرفتها: ….لك اي والله وين اغراضك …معقول يكون داخل حرامي 🤔.
مطر: لك عزو …..بقلك غرفتي فاضية. انت واقف …اعمل شي …لك وغرفتك لتكون هيك كمان .
راح عز ونادى لمطر : تعي مطر .
دخلت لعندو: شو فيه …..لك هي اغراضك كلا هون ….لكان وين راحو تيابي .
فتح عز خزانتو قداما: …..لك مطورة تعي شوفي هالشوفة ….لك هدول مو تيابك ..
مطر: كيف هيك ….شو جاب تيابي لخزانتك .
عز عم يتصنع الحيرة: ….مابعرف ياالبي .
اتطلعت بكل الغرفة شافت كل شي الها موجود بغرفة عز ..
مطر: ….عزو هلأ هلأ بدك تفهمني شو يعني هيك .
ضحك عليها مسك راسها وباسو: حياتي شو مفكرة لكان ….تيابك بدهون يجو لعندي واغراضك كلا عندي هلأ معقول هني يحنولي و انتي لأ حرام ماتكسفيهن خليهن والا قلك شو رأيك انتي كمان تجي تنامي عندي هون .
حست مطر باللعبة اللي عم يلعبها عز عليها: …..اهااااا هيك لكان شو رأيك تخبر اللي نقل كل شي يرجع كل شي لمطرحو ….والا قلك شو رأيك اقعد انا اشرب فنجان قهوة وانت تنقل كل شي لغرفتي وترجع كل غرض لمطرحو .
ضحك عز بصوت عالي: ……ههههههههههه لأ شو رأيك تدخلي تتحممي وتلبسي شي حلو لنسهر سوا ونكمل هالليلة هون وتنامي بغرفتي .
مطر: …عزو رجع كل شي هاد اتفاق .
عز: وانا رح اخلف بوعدي حاجتي ناطر ترحميني تلات شهور …(قرب منها وبصوت رومنسي حكى) …بغلاوة عزو حاج ….بدي اياكي حبيبي اشتقتلك بدي ضمك بدي اياكي .
كانت رح تعترض لكن صدى صوت ابو اسامة رن بأدانها فجأة وقت قلها لا تتقلي العيار كتير واتزكرت كلام مرت عمها وقت قالتلا انو الرجال بيصبر وقت معين …
خافت تعترض اكتر ويوقع كل شي عراسها بعدين وهي اصلا لانت وراقت على عزو من وقت صغير وكانت ناطرة يرجع يفاتحها بالموضوع لكن حبت تشوف حالها عليه بالأول ..
مطر: ….موافقة رح نام بغرفتك بس عشرط .
عز: مابقى في شروط خلص هلكتيني بشروطك ….صار لازم استخدم معك القوة الظاهر انو دلعتك كتير .
نامت واخيرا مطر بهالليلة بحضن عزو بعد ماصارت مرتو بكل شي بالحلال وبشرع ربنا ….
الصبح فاقت لتشوف حالها استسلمت لعزو ووهبتو حياتها وكل شي بتملكو .
حاولت تقوم …
شدها لعندو: ….لوين رايحة.
ابتسمت بخجل : …بدي اخد حمام وانزل لتحت .
عز: مو قبل تلات شهور بتطلعي من هون .
مطر: …شو يعني محبوسة .
عز: ….اسيرة كمان بدي عوض الشهور اللي حرمتيني اياهن منك .
مطر: …خلص عزو صار متل مابدك اتركني قوم .
شدها اكتر وضمها من جديد ووو……🙈🙈.
فرحت نهلة كتير وقت عرفت انو رجعت امورهن من اول واحسن …
تزوجت شيرين وحمزة ومن بعدا انخطبت شذى وتزوجت …
اما مطر وعز فكان كل يوم عندهن عرس وكل يوم فرح وحب وغزل .
عزو: شو حبيبي ….كيف رضاكي عليي .
مطر وراسها عصدرو: …….ماشي الحال .
عزو: …لا ياااا بعزبك والله وبتعرفي تعزيبي كيف بكون .
قعدت مطر: لا لا حبيبي انت مافي منك …..اصلا انا كتير سعيدة ومبسوطة معك .
عز: بس انا حابب انو عزبك سو رأيك .
مطر: ..لا لا مافي داعي خلص التوبة .
عز 🤔: لا مااقتنعت انا جاي عبالي عزبك …
مطر: …عأساس حببتبك مووو.
عز 😂: اي ولأنك حبيبتي بحب عزبك …تعي طعميكي العزاب الوان تعي 🙈🙈🙈…
مسكينة مطر شو بتتعزب من عزو هو مبسوط بعزابها وهي 😥..
النهاية
