اما عند زين فقد استيقظ من نومه وهو في حضن غمزه التي استيقظت قبله بكثير ولكنها لم تريد ان تيقظه ابتسم لها وهتف
زين:ثباح الخيل يا مامي
غمزه:صباح الفل يا روح مامي والله انت سكر يا زينو انت
زين:ههههه بابي كمان بيقولي يازينو
غمزه:بجد طب يلا بقي قوم عشان تفطر
زين: لاء انا هاقوم انزل عند جدو عسان يجبلي ساي بلبن من القهوه
هتفت توحه القادمه من الخارج :وتشرب شاي بلبن من القهوه ليه ماتفطر هنا معانا وبعدين تنزل لعاصي تحت
زين:بس بابي زمانه لاح السغل
توحه:لاء يا سيدي ابوك قاعد تحت قدام الوكاله هو حمزه وكمان اصحابهم بدؤو يجو ليهم
زين:طب يلا يا مامي قومي لبسيني عسان انزل ليه بسلعه
توحه:مامي مين يازين دي
غمزه:اصل الاستاذ قرر من امبارح انه يقولي يا مامي يا نانا
توحه:لاء يا زين بلاش تقول كده عشان مش عايزين مشاكل
زين:يا تيتا انا بحبها وعايز اقولها كده وبابي عالف
توحه:يا عيني يا بني طب ياحبيبي بس اوعي تقولها كده بره البيت ده ماشي يازين
زين بزعل:حاضل يا تيتا
وبعد ان البسته غمزه واطعمته طعام الفطارنزل الي الاسفل يجري علي والده الذي احتضنه ورفعه لاعلي
عاصي: وحشتني يا زينو كده تنام بعيد عني
زين وهو يقبل اباه ويهمس في اذنه:ماانا كنت نايم في حضن مامي غمسه النهالده بقي وهي كمان بتقولي يا زينو
عاصي بعد ان تفهم عل ابنه الماكر: هههههههه هي بقت مامي خلاص قولتلها كده مش قولتلك اصبر شويه
زين: يابابي كانت سعلانه وبتعيط وانا قولتلها كده عسان بحبها يا بابي هي خايفه عسان خاطلي مس تخلي حد ياخد مامي مننا يا بابي
عاصي:حاضر يا حبيبي ماتخفش مش هاخلي حد يخدها مننا يلا بقي اطلع عند حسنه وملاكش دعوه بتيتا فاطمه خالص ومش عايزك تنزل خالص النهارده او حتي تفتح البلكونه ماشي
زين : حاضل يا بابي ثم صعد للأعلي
هتف سامح صديق عاصي: اهو حلهالك يا بابي وقالك مس تخلي حد ياخد مامي مننا يابابي والله الواد ده زكي هههههههههه
عاصي:مش عارف يا سامح من ساعة ماجت البنت دي هنا وانا وهي قط وفار عكس بعض في كل حاجه وعنيده قوي
ديما واقفه قصادي الغريبه اني بعد مااهدي مش عارف ليه بلقيها معها حق والتمس ليها اعذار عمري ما دورت لحد عليها
حتي لوانا غلطان بس برضو مش قادر انزل من نفسي قدامها
سامح: ههههههه ده انت طبيت يا صاحبي وانت مش حاسس اسألني انا ماهو ده اللي خلاني اتشنكلت واتجوزت هو بعينه بغباوته ههههههههه
عاصي:لاء يا راجل بقي هو ده بقي اللي بتقوله عليه بس ماظنش انها بتبادلني نفس الشعور دي طيق العمي وانا ماطيقنيش
سامح:بأماره ما قبلت يتقلها يا مامي يا بابي
ماتركز يلا بقي دا الواد ظبطك وانت ولا انت هنا
عاصي:هههههههه هو من ناحية ظبط فهو ظبط
بس اما نشوف النهارده هاينتهي علي ايه الاول
مر الوقت ببطيء علي الجميع واصبحت الساعه الثالثه عصرا صعدت الفتاتان الي سطح المنزل ينظرون الي الشارع فهتفت غزل :الحقي يا غمزه دا حمزه بيقفل الوكاله بيقفل الوكاله من دلوقتي
غمزه:بصي عاصي قاعد هو وأصحابه كلهم جوه القهوه وبصي الشباب اللي واقفين علي اول الشارع دول كلهم
غزل: هو ايه الميكروباص اللي واقف ده دا فيه رجاله شكلها غريب كده ليه دول باين مش من هنا
صح هما مش من هنا
صرخت الفتاتان عندما سمعو صوت حمزه القادم من خلفهم والذي صعد لهم من سطح البيت المجاور لهم
غمزه:ايه انت جيت منين دا احنا لسه شايفينك تحت
حمزه:معلش انا خضتكو بس اللي انتو شايفنهم تحت دول تقريبا كده تبع عمك لأنهم غرب عن المنطقه فعاصي قال ماينفعش تقعدو هنا وغير الخطه
غزل: خطه خطة ايه احنا مش فاهمين حاجه
ايه دا دا عاصي بيتخانق معاهم تحت
حمزه: كده تبقي الخطه بدأت تعالو معايا بقي عشان الحق انزل لاخويا بسرعه
غمزه:استني بس يا حمزه هاتودينا فين مامي لازم تعرف الاول
حمزه وهو بيعديهم علي سطح البيت التاني
يا ستي ماتخوفوش هاخبيكو عندنا في البيت عشان محدش يتعرض ليكو ومامتك عندها علم بكده دلوقتي ابويا عندكو وزمانه قالهاثم اعطي لكل واحده منهم عباءه وطرحه وهتف البسو دول عليكو وانزلو ورايا براحه يلا
سمعو كلامه ونزلو وراه براحه من غير ما يتكلمو لكنهم وقفو خائفين جدا في مدخل المنزل من الخروج معه الي الشارع
وسط هذه المشاجره التي اصطنعها اخوه وقف هو ينظر الي اخيه الذي كان يراقب باب المنزل انسحب بهدوء وغطي اصدقاءه عليه واتجهه اليهم
عاصي: ايه ماتلعطوش ليه
حمزه:مرعوبين يخرجو فاكرينها خناقه بجد
عاصي:ههه لاء جد ايه دا احنا لسه بنسخن تعالو تعالو دا عمكو ده شكله مش سهل خالص
غمزه:انت بتهزر احنا اذي هانخرج وسط الخناقه دي والأسلحة دي كلها
عاصي: لاء بقولك ايه مش وقت مناقشتك دي خالص في شباب زي الورد واقفه بره عامله ليكي درع عشان بس تعدي من البيت ده لبيتنا
يمين بالله كلمه كمان هاطلعك تاني عند امك تقعدي تستني عمك وابنه الحشاش ده فوق
غمزه:ايه امك دي اسمها مامتك او ولدتك مش امك
عاصي :انتي هاتجنيني يا بت انتي يخربيت لسانك تعالي يلا حمزه هات غزل
ثم امسكها من معصمها واجتذبها تحت زراعه
وفعل حمزه مثله مع غزل
وخرج بهم خلف أصدقائه سمعت هي صيحات الشباب امامها
اغمضت عيناها برعب تشبثت في قميصه جيدا وكادت ان تسقط من كثرة الخوف احب هو قربها هذا جدا دلف بها الي داخل منزله ودلف خلفه حمزه بغزل
عاصي:خلاص سيبيني بقي احنا وصلنا ولو عايزه تفضلي كده ماعنديش مانع علي فكره
غمزه:انت قليل الأدب علي فكره
صرخت غزل مره ثانيه عندما وجدت زين ينزل امامها يمسك بيده هذا الكلب المرعب في حجمه وشكله
القت غمزه نفسها علي صدره مره ثانيه وصرخت برعب
ضحك هو ضحكه عاليه ثم هتف :علي فكره بقي انا ممكن اسيب كل حاجه وتفضلي كده واخلي عنتر واقف مخصوص عشان ماتخرجيش من حضني هههههههههه
كادت ان تبتبعد عنه لكنها مرعوبه هتفت فيه
غمزه:من فضلك ابعده عيب كده لو سمحت
عاصي: طب مانتي مؤدبه اهو وبتقولي كلام لطيف خلاص ماتخفيش منه انتو ادام معانا مش هايعمل حاجه هاته يازين وخدهم يلا واطلع بيهم فوق
زين بعد ان امسك بوالده يحدثه في اذنه:اطلع بيهم فين يا بابي عند تيتا اذي ممكن تزعلهم
عاصي:اممم معاك حق حمزه امسك عنتر واطلع للعيال عقبال ما اطلعهم انا
حمزه وهو ممسك بغزل المختفيه تماما في احضانه خائفه من هذا الوحش: عاصي تصدق انا بحب عنتر جدا ااااااا ههههههههه
