رواية لم_اخن_عهدي الفصل الرابع والخامس بقلم سلمى_جنايدة حصريه وجديده 

رواية لم_اخن_عهدي الفصل الرابع والخامس بقلم سلمى_جنايدة حصريه وجديده

عم تشتغل مطر بحديقة لست محترمة بطلعة الخمسين ….
دق موبايلها لمطر وكان حمزة …
شل…حت الكفوف من ايدها ومسحت عوجهها بتعب…
مطر: الووو.
حمزة: ….كيفك مطر .
مطر: …اهلا دكتور الحمدلله انت كيفك .
حمزة: …الحمدلله ….مطر وينك هلأ.
مطر: ..انا عم اشتغل عند جماعة عم عشب الأرض ونضف الحديقة خير .
حمزة: …خير يصيبك كنت بدي منك ازا ماعندك شي تجي لعندي عالمجمع الطبي بدنا حدا ينضف الدرج تبعو قلت انتي اولى الناس .
مطر: تكرم عينك دكتور عادي بعد ساعة.
حمزة: ممتاز بانتظارك .
وعطاها العنوان …
بعد شوي خلصت مطر شغلها وراحت لصاحبة البيت …
مطر: مدام خلصت شغلي انا ضل بدك شي تاني .
المدام : …الله يعطيكي العافية ….بنتي معليه تقعدي شوي بدي احكي معك بشغلة.
قعدت مطر …
المدام: …بنتي اعتبريني متل امك لأني والله بعتبرك مال بنتي ديمة بالزبط …ولهيك بدي منك ماتخجلي مني وتقبلي هالهدية البسيطة مني .
قربت من مطر شنتاية سفر صغيرة ..
مطر: ….شو هي مدام.
المدام: …هي الشنتة فيها شوية تياب من عند بنتي ديمة والله يابنتي اغلبهن جديد والورقة تبعهن عليهن يعني مو ملبوسين بنوب …..بنتي عندا تياب بيفتحو تلات محلات بتشتري كتير كتير واختها بتبعتلا من لندن كتير وشي بتلبسو وشي بتتركو عحالو من كتر مو عندا لهيك استحليتلك كم قطعة منهن مع شوية تياب داخلية الك والداخلي كلو جديد …بتمنى انو ماتزعلي مني وتقبلي هديتي ….انا حبيتك كتير واقسملك انو طالعين من خاطري الك انتي مو لغيرك لكن ازا مابتحبي تلبسي من عند حدا فهالشي بيرجعلك بس حسيت انو لازم اهديكي شي ومتل ماقلتلك اغلبهن لسا بورقتهن والله …وحطيتلك مم شنتة خرج طلعة وكم قنينة عطر .
مطر بخجل: ….طيب وبركي بنتك اتدايقت ازا عطيتيني شي من عندها .
المدام.:…لا اصلا هيي اللي طالعتهون وقالتلي هدول لمطر برجع بقلك ازا ماحبيتيهن فيكي تعطيهن لأي حدا .
اخدتهن مطر وهي مكسورة الخاطر .
بعد ماراحت من عند الجماعة ضلت عم تفكر كل الوقت ومترددة تقبلهن والا تعطيهن لأي حدا ….لكن مطر قالت بحالها (…ليش لإتعزز وارفض ءخدهن مافي شي بيدوم عحالو وازا كنت متعودة انو اشتري بأيدي وعزوئي هلأ تغيرت ظروفي وانا اصلا ماعندي تياب )
راحت بعدها مطر لعند حمزة عالمجمع …
رحب فيها حمزة وضيفها قهوة بالأول وبعدها راحت لشغلها ….
وهي عم تنضف الدرج وقف رجال قبالها وهو طالع …استغربت مطر انو ليه وقف رغم انها وقفت مشان تفتحلو مجال يمرق .
انتظرت شوي وهالرجال ماكان يطلع ولا يتحرك …
اتطلعت اخيرا فيه وانصدمت …
مطر: …..
طلع خطوتين لعندها 🤨: ….انتي شو عم تعملي هون .
مطر: ….هاد انت .
عز: …..عم اسالك شو عم تعملي هون ….لك انا وين بروح صرت شوفك ….لك اختفي من حياتي بقى .
مطر: ….انا مو جاية لعندك ….وقت اجي لعندك وقتا قلعني .
عز: انتي هون بمكان شغلي ياخانوم.
مطر: …..كيف شغلك .
عز: اي هالمجمع عيادتي فيه ….معناها انتي عندي مو انا عندك.
مطر: …..ماكنت بعرف انو عيادتك هون ….الدكتور حمزة اتصل فيي وطلب مني …..
قاطعها وعقد حواجبو😠: مابهمني مين بعت وراكي ….عموما خلصي شغلك وخدي حسابك وروحي ولا ترجعي لهون .
تركها وراح وهو عم ينفض تيابو بقرف.
انخنقت من كلامو ومن تصرفو وحسسها كأنها شي حشرة مقرفة .
خلصت مطر شغلها وراحت حتى بدون ماتاخد حسابها .
رجعت عالمخزن عم تبكي كل الوقت لوقت اجاها اتصال من حمزة ….دقلها اكتر من مرة بس ماردت عليه عرفت انو رح يسألها ليه مامرت لتاخد حسابها.
بعدها نامت للمسا فاقت جوعانة ماكان عندها شي تاكلو الا كم حبة زيتون ورغيف خبز.
وهي عم تاكل اندق الباب عندها ..
قامت فتحت ونفخت لبعيد بضيق 😤…
مطر: …..هلأ مين اللي جاي لعند التاني شو بدك .
عز: ….حيت اعطيكي حسابك اللي مافكرتي تمرقي تاخدي .
مطر: …..مسامح فيه خدو الك .
كمشها من ايدها بعصبية : ….انا موبحاجة لحط عيني عشوية مصاري بخجل اعطيهن لشحاد .
مطر: …..اي وانا رح بعتبرهن صدقة ورح خليهن الك مابدي اياهن بماانهن منك.
دفشها لجوا مرة تانية : ….ليكي مطر انتي زودتيها كتير بكفي عم تكلغي بخلقتي وين ماكان ….صرت حسك عم تتقصدي وتلحقيني لأبقى قبالك ماهيك .
ضحكت مطر بصوت عالي استفزتو فيه.
مطر😂: …..هههههههههههههههههههههههههههههههههه .
شد عإيدها اكتر من اول : ….عشو عم تضحكي اااه.
مطر: ….اتروك ايدي وجعتني ….بعد عني .
عز: ممكن اعرف شو قلت لتضحكي هيك.
مطر: ….اولا انا حرة بضحك كيف مابدي تانيا النكتة اللي قلتا هلأ عجبتني كتير هههههههههه.
عز: …قلتيلي نكتة ….يعني بدك تقنعيني انو مو قاصدة شوفك باي مكان بكون انا فيه.
مطر: …..ومين قلك اني طايقة شوفك اصلا ….خود بالك من الأوهام اللي عم تجيك بلا مايصرلك شي .
عز: ..ماتستفزيني مطر مابيطلعلك معي .
مطر: ….ازا بتريد احمل درب طريقك وروح من هون .
اجت عينو عالأكل اللي عم تاكلو …
عز: …لا يكون صديتلك نفسك عن الأكل .
مطر:….الاحسن انو تروح من هون بلا مايجي ابو نادر وتشوهلي سمعتي حاكم ماضل عندي غيرا.
عز: …..طيب اعزميني مو ضيف انا عندك .
مطر: ضيف مو مرغوب فيه …تفضل اطلع لبرا.
طالع مصاري من جزدانو واجى ليعطيها اياهون بدل شغلها.
رفعتلو ايدها : وفر مصرياتك مارح آخدهن …حتى لو كانو تعبي مابدي اياهون..قلتلك اعتبرهن صدقة ..مع انو مابتجوز الصدقة عليك بس برضو انت اولى فيهن.
انغاظ عز منها وحطلها المصاري عالكرسي قدامها وزورها وراح.
صحي هيي اتدايقت من اسلوبو بس ضحكت بعدها انو قدرت اتدايقو كمان وحست حالا هالمرة هيي الكسبانة .
تاني يوم راحت لأم حمزة وعطتها المصاري اللي من عز وقالتلا انو تقول لحمزة يرجعهن لعز ووقت سألتها ام حمزة عن السبب قالتلا انو عز عاطيها اكتر من حقها ماحبت تشوه صورتو .

بوحدة من البنايات اللي كانت تشتغل فيهن مطر تعرفت عناطور بناية كبير بالعمر رجال مقدر ومحترم كتير حست بهيبتو وقوتو كان رجال رزين وحكيم ، ارتاحتلو مطر كتير وكانت كل ماخلصت شغل بهالبناية يتسناها ليعمل شي كاسة شاي او فنجان قهوة ليشربوهن سوا ويحكو شوي وبعدا بتروح مطر لبيتها .

بشي نهار كانت مطر عم تخلص شغلها بهالبناية قام نادالا هالرجال اسمو ابو اسامة ….
ابو اسامة: …شو صار معك يابنتي خلصتي .
مطر من فوق: يلا عمي تكة ونازلة لعندك .
ابو اسامة : اي يلا حاكم جهز الشاي .
سمعت مطر صوت ابو اسامة عم يحكي مع حدا وكان صوت شب …
وقت نزلت …
مطر: ….خلصت عمي .
ابو اسامة : الله يعطيكي العافية ياعمي .
مطر: الله يعافي البك .
ابو اسامة: مطر هاد ابني اسامة محامي كبير واسمو معروف .
مطر بخجل: اهلا وسهلا .
اسامة: اهلا فيكي انا اسامة …حضرتك مطر ….ابي خبرنا عنك كتير …وعطول بيحكي عنك بالمنيح بس ماقلنا انك حلوة وخجولة هالقد.
مطر☺: تسلم استاز اسامة .
اسامة بأعجاب: ….لا بدون استاز مابحب الرسميات ناديلي اسامة بس .
مطر: …تكرم.
ابو اسامة وعم يحط صينية الشاي: ….شو ابي تعرفتو عبعض.
مطر: ….اي عمي .
شربت مطر الشاي وقعدت شوي وكان كل الوقت اسامة عم يحكي مع ابوه بخصوص قضية جارتهن ، لكن ماقدر مايخصص كم نظرة لمطر .
مطر: دايمة عمي …صار لازم روح .
ابواسامة: طريق السلامة بنتي .
اسامة: بتحبي وصلك .
مطر: لأ يسلمو مافي داعي برجع لحالي ….بالإزن.
مرقت ايام وزادت علاقة مطر شي بسيط بأسامة هيك ليوم لمحها عز معو كان اسامة ماشي معها ليوصلها بحكم انو الوقت اتأخر .
وقت شافها معو طار عقلو وحس شي عم يخنقو لكن ماقدر يحكي او يعترض ماكان حابب تحس بغيرتو عليها او انو لسا مهتم فيها .
رجع عالبيت مزعوج كتير حاول ينام ماعرف …
طلب فنجان قهوة واخدتلو اياه امو ..
حطت القهوة واستنت عليه شوي ليحكي شو صاير معو لكن كان سرحان لبعيد كتير .
نهلة: ….شو امي وين وصلت .
عز: 🙄
سرحان ومو دريان عنها.
نهلة مسكت ايدو: ……عزو …..امي عم احكي معك .
انتبه عز عليها : ….اي امي خير شوفي.
نهلة: امي والله حاسة عليك انو متغير ومو طبيعي قلي فيك شي زاعجك شي .
عز: ….لا امي مافيي شي ارتاحي انتي .
نزل راسو لتحت وحطو بين ايديه.
نهلة: اشتقتلا مااا.
اتطلع فيها بطرف عينو وبعد وشو للجهة التانية بقهر.
نهلة: …..لا تكابر امي واضح عليك هالشي باين انو لساتا روحك فيها .
عز: مابتساهل حبي ياامي مابتساهلو ….مطر جاحدة كبت كل شي عملتلا اياه رمتو ورا ضهرا مشان واحد كلب مابيسوى.
نهلة: مو سهل تنسى اللي صار …لان انا مانسيت كيف انت واللي كانت رح تصير مرتك.
عز عم يكز عسنانو بعصبية: …بس هي ملزمة تعطيني تفسير لكل شي ياامي وانا لازم خليها تعطس كل شي عندا مارح اسكت اكتر صار لازك اعرف الحقيقة .
نهلة: ……ومن وين بدك تشوفا لتعرف كل شي ماانت ماخليتا تقلك شي يوما بتتزكر.
عز: اي امي ماخليتا من قبل لاني كنت ومازلت حاقد عليها بس هلأ صار لازم تحكي واسمع انا .
نهلة: وين بدك تلاقيها بعد هالوقت ياامي الله اعلم وين اراضيها هلا .
اتطلع بأمو بابتسامة جنابية: ….مطر قدامي كل يوم ياامي .
نهلة😳: كيف يعني قدامك .
عز: يعني بشوفا كل يوم او اغلب الايام.
نهلة بلهفة: …..عم تحكي جد عزو ….عم تشوفا لمطر.
عز: اي امي .
نهلة: ….من متى بتشوفا ….ووين شفتا وكيف عايشة وعند مين .
عز: ……اول مرة شفتا من شي شهرين .
نهلة: ….اي وبعدين كمل كيف هيي كيف وضعا مع مين عايشة.
عز: …..شفتا اول مرة ببيت حمزة زميلي بالمجمع الطبي كنت معزوم عندو عالغدا ويوما شفتا صدفة …احزري شو كانت عم تعمل .
نهلة: بس ماتقلي انو مخطوبة لرفيقك.
عز: ….ههه لأ امي …..كانت عم تشطف ردج بنايتهن .
نهلة😳: شوووووو.
عز: ….اي امي مطر صارت تنضف درج البنايات وتشتغل عند الناس .
نهلة: ….وتركتا تشتغل عند الناس بعد ماعرفت وضعا وشو عم تشتغل لتعيش.
عز بعصبية: ….لانو بتستاهل ياامي ….اي خليها تشتغل عندون وكتير عليها اصلا هيك شغلة لازم اللي متلا تكون عم تشحد اللقمة مو بس تشتغل …..بس حظا ونصيبا انو قدرت تلاقي شي تتقوت منو وتستر حالا فيه.
نهلة: معقول هانت عليك لهالدرجة ياعزو .
عز وعم يخبط عصدرو: اي هانت عليي وانا لكان ماهنت عليها وقت خانتني وتركتني واتفقت مع رفيقي لتهرب معو بيوم عرسنا …….شو بعد بدك اكتر من هيك بدك اياني سامحها مثلا وقلا كتر خيرك انو وجعتي البي كتر خيرك انك عم تخونيني .
نهلة: اتركلها لربك ياعزو هو قادر يبري البك من جرحو وياخدلك حقك منها .
عز: اي وانا كمان ربي عطاني القوة لاقدر انتقم منها ورجع حقي بأيدي متل ماأزتني لازم ردلها الأزية عشرة ، انا ماني قليل حيلة لحتى مااقدر دافع عن حالي قدامها .
نهلة: ….الله يهدي بالك ويريح البك ياابني .
بقي عز كل الليل عم يفكر فيها وهي ماشية مع اسامة وكل تفكيرو انو مين بكون لان شافها عم تضحك معو وهي خجلانة وربط خجلها مع اسامة بخجلها معو وقت اللي تحدد موعد عرسهن .
فقدت مطر ابو اسامة الناطور وماشافتو بهداك اليوم بالبناية ، ووقت سألت عنو قالولها سكان البناية انو الو يومين غايب عن البناية لانو دخل المشفى .
اتصلت مطر فيه وسألتو وين بيتهون .
راحت لعندو عالبيت ..
ام اسامة: اهلا وسهلا فيكي يابنتي .
مطر: اهلا فيكي خالة كيفو عمو ابو اسامة .
ام اسامة: الحمدلله اليوم احسن.
مطر : بقدر شوفو .
تم اسامة: اي اكيد تفضلي هو ناطرك.
دخلت لعندو وسلمت عليه .
ابو اسامة: كيفك يابنتي شو اخبارك.
مطر: داعية بسلامتك عمي ما عألبك شر.
ابو اسامة: الله يسلمك يارب .
بعد سوي دخل اسامة وسلم عمطر ورحب فيها .
سألها ابو اسامة كم سؤال بالألغاز عن عز كانت مطر مهبرتو قصتها كاملة لان حستو رجال محترم كتير وحست انو بدا شي حدا تفضفضلو وتقلو مشكلتا .
جاوبتو مطر برضو بالألغاز وفهم عليها لكن اسامة مافهم شي بس حس انو حكيهن ملغوم وسري .
بعد ماشربت كاسة الشاي اعتزرت لتروح .
ابو اسامة: بكير عمي لسا ماقعدتي .
مطر: حاجتي انا اجيت اتطمن عليك والحمدلله شفتك بخير وان شاء الله بتصح وبتقوم بالسلامة يارب ….يلا بقى شد.حيلك وارجع لشغلك اشتقت لكاسة الشاي من دياتك .هههه.
ابو اسامة: تكرمي بنتي .
مطر: بشوفك عخير عمي بالأزن.
ام اسامة: مالحقنا نشوفك ونتعرف عليكي يامطر ابواسامة كتير حكالي عنك .
مطر: بكفي خالة زيارة المريض وقت قصير وعمو ابواسامة صار لازم يرتاح …..ان شاء الله بجي بغير وقت بتكون صحتو احسن.
تقصدت مطر تطلع من عندون وقت انشغل اسامة لحتى ماتحرجو ليوصلها .
رجع اسامة مالاقها !!!!
اسامة: …..وين مطر.
ابو: الحقها يابي مطر تقصدت تروح وقت اجاك اتصال لحتى ماتحرجك .
لحقها اسامة كانت باخر الشارع .
مطر: …..خير اسامة في شي.
اسامة: لحظة شوي .
راح عبيت اختو اللي ساكنة بحارتهن اخد مفتاح سيارة جوز اختو .
مطر: ليه هيك عملت .
اسامة: لكان بدك ترجعي لحالك بهيك وقت.
مطر: لسا الشمس ماغابت يعني لسا بكير.
اسامة: عندي مو بكير ولازم تسمعي الكلام .
ضحكت مطر: …..هههه حاضر متل مابدك .
اسامة: ها ياعيني عليكي شو حلوة وانتي مطيعة .
وقت وصلت عالبيت كان عز ناطرها عباب البيت وقاعد بسيارتو شافها وقت وصلها اسامة ، كان بأيدو كاسة القهوة من عصبيتو وغيرتو طعجها بأيدو وطبقها عبعضها لنكبت القهوة منها .
قبل لتفتح الباب الخارجي مسكها عز من ايدها ….
جفلت مطر:……ياامي……لك هاد انت شوبدك مني.
عز: …..شووو كني عجبتك القصة .
مطر عم تفلت ايدها منو: …..اتروك ايدي …..قصة شو عن شو عم تحكي .
عز ولسا ماسك ايدها: كل مرة مع رجال شو طابتلك الشغلة كل مرة ترتمي بحضن رجال .
مطر: ….فشرت بعينك .
عز: ليش فشرت ….هلأ كنتي مع رجال ووصلك بسيارتو ، ومن قبلو رأفت صحي انتي ليه مو مع رأفت هلأ مو عأساس تركتيني مشان التافه تبعك …..والا اخد اللي بدو اياه منك ورماكي ماعدتي بتلزمي .
فلتت ايدها بعصبية منو وسفقتو كف 👋🏻 بنص خلقتو .
مطر: ولك فشرت ، واحد متلك ماعاد بيلزمني …..مو زنبي ازا انت غبي ومابتثق بحدا شكلو صار عندك مرض ولازمك دكتور لتتخلص من اوهامك .
عز: عم تمدي ايدك عليي يامطر .
مطر: لأنو بدك اياه لتفيق وتصحى وتشوف قدامك صار لازم تفتح عيونك .
عز: لك مين انتي لتتجرئي وتضربيني .
مطر: ومين انت لتتجرأ وتتهمني بشرفي ااااه …..مالك دخل فيي مو طالعتني من حياتك اتركني عيش حياتي وروح شوف حالك وحاج لاحقني من مكان لمكان .
عز: ماشي يامطر اقسملك الا تندمي عالكف هاد وعلمي عكلامي .
مطر: اللي بيطلع بأيدك اعملو .
دخلت مطر بيتها وصارت تبكي عظنون عز فيها وانولساتو حاطط ببالو انو خانتو وتركتو كرمال رأفت .
********
نرجع لاسامة بعد ماوصلها لبيتها ورجع لأبو عندو اسألة كتير بخصوص مطر .
اسامة: يابي شو قصة مطر ….حسيت عليك انت واياها عم تحكو بالألغاز وحاوبتك اجوبة برضو بالألغاز عن شو كنتو عم تحكو .
ابو: موضوع خاص ماضروري انت تعرفو .
اسامة: ايواااا قلتلي خاص ……طيب خاص بمين بمطر والا فيك.
ابو: وانت ليه كل هالقد مهتم .
اسامة: بدك قلك الدغري .
ابو: مابدي تقلي لاني بعرف.
اسامة 😁: شو بتعرف.
ابو: مو عابوك ولاااا لك فكرك انا مو نتبه انو عينك عليها كل الوقت .
اسامة: ياسلام عليك ياابو اسامة شلون بتلقطا عالطاير ….اي وشو رأيك فيها انت للبنت.
ابو: يعني مابتعرف لسا رأيي فيها …..بتعرف انو بعتبرا متل اختك هند .
اسامة: ايوا طيب ولو قلتلك انو البنت خارطة مشطي وعاجبتني بتبارك بهالشي والا الك رأي تاني .
ابو: بدي اسألك سؤال ……انت ماحسيت انو البنت عنداوشي مخبى .
اسامة: امبلى ……ليش في هيك شي واحساسي مزبوط يعني .
ابو: لك ياابني كم مرة قلتلك ركز مع العالم وخليك صحيان لكل شي حواليك ….لك ابني هالبنت عندا اسرار كتيرة بحياتا .
اسامة: والله حسيت يابي وحسيت انو عطول البنت حزينة …..بس قلك.عشي لفت انتباهي فيها .
ابو: اي شو هو .
اسامة: ….والله يابي حسيت هالبنت اكابر كتير وراقية يعني بتحكي بهدوء وبصوت راكز وحسيتا مابتحكي كتير اصلا وطريقة كلاما اصلا مو متل اي بنت بتحسا كتير اكابر حتى طريقة شربها للشاي مابعرف كيف خسيتا قعدتها مشيتها متل عارضات الازياء يعني البنت كتير راكزة وراقية .
ابو: هلأ انت ابني براڤو عليك انو هيك شغلات بسيطة وصغيرة لفتت انتباهك .
اسامة: يعني في منو هالحكي .
ابو: اي ابني ….هلأ انت ناوي تخطبا والا ناوي تتسلى .
اسامة: اعوذ بالله شو اتسلى البمت عجبتني كتير وبدي اخطبا ازا ماعندك مانع .
ابو: لأ ماعندي مانع بس انا خايف انت اللي تمانع.
اسامة: كيف بدي مانع وانا بقلك انو البنت عحبتني وبدي اياها .
ابو: لانو وقت تعرف قصتها وقتا بتقرر يااما بتخطبا يااما بتنسى امرها نهائي .
اسامة🤨: ليش عندا قصة قصدك عندا ماضي .
ابو : اقعود حدي لقلك بس بضل الحكي بينا وانا لولا ماانت نويت تتقرب من البنت والا ماكنت خبرتك بقصتها .
وخبرو ابو بكل شي بخصوص مطر .
بعد اسبوع …..
جماعة كانت بتشتغل عندهن مطر طلبو منها تشتغل عند قرايبينهن بحفلة استقبال لبنتهن واتفقو معها وراحت لعندهن.
وهي عند الجماعة عم اتضيفهن ضيفت صبية وماانتبهت عليها ….
لكن هالصبية انصدمت وقت شافتها وكانت فرحتها مابتنوصف .
: ….مطر
مطر: …….سوزان.
سوزان 😃: ياهلا والله …..لك شو هالمفاجأة الحلوة…..اويلي قديه كنت اسأل خالتي عنك وعن اخبارك.
مطر بعدم اهتمام😒: وخالتك من وين بدها تعرف اخباري.
سوزان : لك اي بعرف انو ماحدا بيعرف عنك شي كتير سألتون بس قالولي مابيعرفو عنك شي.
مطر عم تحكي مع حالا( معناها عزو ماخبرهن انو شافني او انو مابدون يحكو لهالعقربة شي عني ).
سوزان : مطر عندي سؤال .
مطر وعم تضيف الناس: مو فاضيتلك سوزان عندي شغل.
سوزان : ههههههههههههههه هلأ مطر اللي كانت مدللة عند خالتي عايشة اميرة هلأ عملت تشتغل عند الناس ….اااااخ يازماني والله عشت وشفت مطر عم تخدم الناس وهي اللي كانت شايفة حالا عليهون.
مطر😬 : انااااا ….انا كنت شايفة حالي عالناس والا انتي اللي بس هيك بتشوفيني .
سوزان: طيب بس بدي اسألك.سؤال اخير وجاوبيني عليه .
مطر: …….
سوزان: لك بس هالسؤال ……هلأ انتي ليه هيك عملتي مع عزو …..يعني مابدك اياه ليه لتعلقي فيكي كنتي اتركي من الاول او قليلو من الاول مابدي اياك مو تخلي لو قت يحبك ويموت عليكي وبعدين تتركي ومشان مين مشان رفيقو .
زورتها مطر😠: ….وبعدين شوفي كمان .
سوزان: انا مابدي شي بس كان عندي فضول اعرف ليه هيك صار معكون .
مطر بلا مبالاة: خلي فضولك يقتلك .
تركتا مطر وراحت تكمل شغلها .
حاولت سوزان تتصل اكتر من مرة برأفت لتقلو انو لقيت مكر واخيرا ….بس ماكان يرد عليها .
ماسكة سوزان موبايلها: لك الغبي هاد وينو ليش ماعم يرد وقت اللي لقيت مطر بطل يرد عليي هيك رح يروح عليي كل شي .
بعد شوي اتصل رأفت بسوزان .
رأفت: ….خير ست سوزان ليش داقيتلي الف مرة شو صاير .
سوزان: لك وينك انت هلأ وقت احتجتك مالقيتك كنت رح تخرب كل شي .
رأفت بعصبية: بس ماتقليلي بدك مصاري …بطلع بروحك والله .
سوزان: لأ مابدي مصاري بس هات البشارة ووقتا انت رح تقلي تعي وخدي اللي بدك اياه .
رأفت: بشارة شو هاتي لشوف .
سوزان: …..لقيتلك حبيبة القلب.
فز رأفت عن الكرسي وقعد منيح: شوووو لقيتيها ….وينها هلأ ….والا ليكون عم تكزبي .
سوزان: ليش في بالعادة قلك لقيتا او عرفت عنا شي وطلع كلامي مو مزبوط .
رأفت: يعني اكيد لقيتيها .
سوزان عم تلعب بشعراتها: اي وحياتك وليكا حتى واقفة قبالي .
رأفت بلهفة : وين قبالك يعني .
سوزان: ….قبالي عم اتضيف الناس وتخدمهن .
رأفت: عيدي عيدي شو قلتي .
سوزان: متل ماعم قلك مطر عم تخدم الناس هون بالحفلة اللي انا فيها .
رأفت: هلأ مطر عم تخدم الناس .
سوزان: تخيل ههههههه.
رأفت: سوزان ازا بتضحكي بمسخرة هيك مرة تانية بتشوفي مني شي ماشفتي بحياتك عم تفهمي .
سوزان: اي شوصرلك عم امزح…..هلأ مارح تعطيني البشارة عهيك خبرية .
رأفت: اطلبي اللي بدك اياه .
سوزان: بدي الخاتم اللي عجبني من فترة عندك .
رأفت: الك تنين مو واحد تعي وخدي طلبك بس بدي شوفا بالأول .
عطتو سوزان العنوان وضل قاعد تحت البناية ناطر مطر لتطلع .

#لم_اخن_عهدي
#سلمى_جنايدة
#الجزء_الخامس

بعد شي ساعة اتصل رأفت بسوزان …
رأفت : ….لك شو عم تتخوتي انتي …
سوزان: شو صرلك شو في.
رأفت : الي ساعة واقف تحت البناية ولهلأ ماشفتا ، والله ياسوزان ازا عم تكزبي عليي الا افرط كل شي هالمرة وروح قلو لحبيب القلب عن كل الخطة وعليي وعلى اعدائي هيك هيك انا مو طايلها ولا لاقيها.
سوزان: حيلك حيلك طول بالك لشو كل هالتهديدات ،عم قلك البنت قبالي بس لسا ماخلصت شغلا وخلصت الحفلة من شوي .
رأفت : اي شفت بنات كتير طالعين بس ماشفت مطر من بينهن.
سوزان : ….ياربي عليك شو عجول…..قلتلك هي عم تخدم هون اللي طلعو الضيوف شي طبيعي هي رح تطلع اخر وحدة ….بعدين انت اللي استعجلت واجيت من هلأ انا قلتلك انو الحفلة لسا مبلشة .
رأفت: ….لك اي بعرف بس خفت تروح قبل لا شوفها قلت بستنى ساعة والا تنين ماانا مستنيها الي شهور ….عموما قديه باقيلها .
سوزان: ….شفتا من شوي كانت عم تحكي مع رفيقتي اللي صاحبة البيت شكلو خلصت وراحت تبدل تيابا.
رأفت: …..هانت ان شاء الله ….واخيرا رح شوفا واخيرا ..ماعم سدق انو لقيتا .
سوزان: قصدك انا اللي لقيتا .
رأفت : اي انتي اللي لقيتيها ومو ببلاش صح والا بتحبي زكرك.
سوزان: صحيح عالسيرة بكرة رح امرق لعندك واخد الحلوان اي .
رأفت: ….اهلا وسهلا تعي وخدي اللي وعدتك فيهن.
بعد شي عشر دقايق نزلت مطر ولمحها رأفت من بعيد وطار عقلو من الفرحة لكن زعل عليها انو متغيرة ضعفانة ودبلانة وكان باين عليها التعتير والهم.

بهالوقت سوزان مااكتفت انو رح تروح مطر من طريقها لأ وفوق منها عرفت شلون تبتز رأفت وفكرت انو فيها تقدر تغير نظرة عز لمطر وانو هيك بتأكدلو اللي صار من شهور وانو مطر هيي المذنبة والخاينة ….اتصلت بعز بعد ماخلصت مكالمة مع رأفت وخبرتو انو مطر متفقة تلتقي برأفت وعطتو المكان لحتى توقع مطر اكتر وتقنع عز انو كان معو حق وقت قلعها من بيتو وصار لازم يقلعها هلأ من حياتو وتفكيرو بماانو شافت انو عز لهالوقت ماقدر ينساها لمطر.

نزل رأفت من سيارتو ولحق مطر …
رأفت : مطر …..مطر .
التفتت لورا وشافتو قدامها ضلت حصة واقفة وساكتة .
رأفت : …..كيفك مطر …اشتقتلك.
مطر: ……
رأفت: …..شو باكي مطر ماعرفتيني .
مطر بعصبية: ….كيف ماعرفتك …كيف ماعرفتك وانت اللي خربتلي بيتي ….والك عين تأرجيني وشك بعد اللي عملتو اااه ….لك شلون طلع من البك تتبلاني هيك وتقول انو انا اللي باعتيتلك صوري اااه ….فهمني من وين جبتون كيف وصلولك .
رأفت : …مو مهم حياتي المهم اني لقيتك اخيرا .
مطر : لك كيف مو مهم كيييف لك انا اتقلعت من بيت خطيبي قبل عرسي بأسبوع …فيك تقلي الناس شو قالو عني هلأ شو اخدو فكرة عني انو ليه خطيبي قلعني من بيتو قبل العرس بوقت قصير …..رح يقولو لو ماشاف عليها شي عاطل ماكان قلعها وحضرتك عم تقلي مو مهم اعرف من وين جبت صوري .
رأفت عم يحاول يحط ايدو عليها : طولي بالك حبيببي بعدين رح تفهمي كل شي .
نترت ايديه عنها ودفشتو لبعيد: لك لا تقلي حبيبي اللي بيسمعك بسدق انو في شي بيني وبينك ….هلأ بدك تفهمني من وين جبت صوري …بس اللي مجنني انو واصلينك من موبايلي ….لا يكون قدرت توصل لموبايلي وتاخدهن منو لتبليني بالقصة …..بس ليش هيك عملت شو غايتك .
رأفت : …..وحياة حبي الك مامسكت موبايلك ولا وصلني بأي شكل ….واللي خلاني اعمل هيك اني بحبك يامطر بحبك بجنون …ماتخيلت شوفك لغيري ماتخيلت شوفك عروس لعز وانا اللي ماكنت جدي بعلاقتي مع اي بنت الا معك انتي ولا فكرت اني حب بنت غيرك ….كلو كان تسلابة وتضبيع وقت بس .
مطر: لك انت مجنون شي حب شوووو ….لك انا خطيبة رفيقك كيف بتفكر فيي بهالطريقة كيف زبطت معك .
رأفت : شو ساوي مو بأيدي حبيتك غصب عني …من وقت اللي شفتك عم تكبري ببيتهن وانا طاير البي عليكي .
ضربتو مطر عصدرو بأيدها: ….لك ماعم تخجل عحالك انت اااه …ليش لو مابضل غيرك بالدنيي مابتطلع فيك …بتعرف ليش لأنك رفيقو لعز ومستحيل فكر اكسرلو البو واجرحو رغم انو ظلمني لكن انا مافيي اعمل هيك .
رأفت بصراخ : …..لك لسا عم تفكري فيه بعد كل اللي عملو فيكي اذاكي وقلعك من بيتو وضربك وهانك….عز مابيستاهلك يامطر سدقيني تعي معي وانا رح عيشك عيشة الأميرات عيشة احلى من اللي كان واعدك فيها النظر عز .
سفقتو كف عوشو : ….اخرس ولا تجيب سيرتو علسانك عز اشرف وانضف منك …مين انت لتتشبه فيه ولتفكر اني ممكن بيوم بدلو فيك .
جن جنانو رأفت: ….عم تضربيني مشانو يامطر وهو اللي رماكي وكبك بالشارع وانا اللي قاتل حالي عليكي ….هاد كيف لو ماكان مقلعك بنص الليل وتاركك خدامة ببيوت الناس .
مطر: …..انا خدامة ببيوت الناس بسببك انت لو ماوصلو صوري لألك ماكنت وصلت لهون …وعز انا عاذرتو لانو قدرت تضحك عليه بحقارتك وتقنعو اني انا اللي باعتتلك الصور …..بس لو عندك ذرة ثقة بالنفس بتقلي شلون وصلوك ….وماتقنعني بحكي فاضي .
رأفت : ….بقلك عشرط .
مطر: شو بدك.
رأفت : بتجي معي .
مطر🤨: ….لوين.
رأفت : …معي ….وين مابدك باخدك بدك باخدك عشقتي وازا بدك بطلع منها وبتركلك اياها او بستأجرلك احلى شقة او بأحسن اوتيل المهم تجي معي ماسدقت لقيتك .
فكرت مطر وقالت انو بدي استغل حبو ولهفتو عليي بس لأعرف الحقيقة.
مطر: …..موافقة .
قرب منها ليلمسها : ….جد….جد حبيبي رح تجي معي .
بعدتو عنها هالمرة بهدوء لتكسب ثقتو.
مطر: ….اي ..اي اصلا ماضللي حدا بهالدنيي اثق في وانت قلت انو رح تستأجرلي بيت او غرفة بأوتيل مو .
رأفت : مو غرفة جناح خاص فيكي .
مطر بابتسامة مكر: …اوك ..بس هلأ قلي كيف وصلوك الصور.

رأفت: …..ماشي الحال بس اولا لأني بحبك وميت عليكي رح سامحك عالكف اللي سفقتيني اياه ورح قلك شلون وصلوني .
مطر: …..عم اسمعك .
رأفت: …..ناس قراب كتير منك هنن اللي وصلولي الصور.
مطر: ….ناس قراب مني …..مين هنن …..مستحيل يكونو شيرين او شذى .
رأفت : لا مو شيرين ولا شذى اللي بعرفو انو علاقتك فيهن طيبة وبحبوكي كتير .
مطر: …اي هنن متل اخواتي انا ربياني معهن ومستحيل يأزوني ….طيب مين اللي بعتلك اياهن قلي.
مسح عشعرو بقلق : …..مافيي بالزبط قلك بس حدا قريب كان يدخل لعندكن وهو بصراحة مابحبك وبدو اياكي تبعدي عن طريق عز بأي شكل.
صفنت شوي وقالت : …لك مين ….مين اللي بدو يأزيني ومابدو اياني كون مع عز .
رأفت : هلأ مو هاد المهم اخرتك تعرفي الحقيقة هلأ انتي وعدتيني تروحي معي مااا هيك.
مطر: مابروح معك ليش قلتلي مين ماقلتلي .
رأفت : مابقدر قلك يامطر .
مطر: ولو قلتلي مابروح معك …..شو جنيت انا لثبت عحالي الكلام اللي طلع .
رأفت : هيك مابصير يامطر انتي وعدتيني .
مطر: لأ انا ماوعدتك بشي انت الي عشمتني تقلي مين اللي الو مصلحة يبعدني عن عزو وماقلتلي وانا مو مضطرة التزم بكلامي بماانك ماالتزمت.
بدون سابق انذار كيف وليش فجأة ببين عز وبيهجم عرأفت متل الديب وعضرب عوين بيوجعك …
جفلت مطر واستغربت كيف وصل عز لعندهن وكيف عرف بمكان وجودها .
صارت تصرخ وقت شافت الدم عم يفور من تمو لرأفت ومن انفو .
مطر: ….لك حااااج عزوووو خلص مشان الله …..لك حاج ياعزووو هلأ بتقتلو .
عز وهو فوقو لرأفت بعصبية : اتركيني مطر بدي اطلع بروحو لهالواطي👊🏻👊🏻 .
مطر عم تبعد عز عن رأفت لكن ماقدرت ..
مطر: ….لك ياعزو والله ماعم اقدر عليك …..خلص اتركوو ياويلي هلأ بيفرط بين ايديك .
قام رأفت بالزور وضربو لعز بوكس عوجهو وضلو يتضاربو حصة لتعبو التنين آخر شي نط عز لسيارتو واستناول مسدسو وقرب لعند رأفت وهددو …
عز : ليك ولااا والله ازا هلأ مابتقلي مين اللي باعتلك الصور الا قوصك ومابسأل فيك احكيييييييي.
مارضي يحكي رأفت وكان عم يسعل وحاطط ايدو عالحيط ليسندو والايد التانية عصدرو من التعب …
عز : ….والله بطلع بروحك ازا مابتقر وبتقول مين اللي ساعدك وبعتلك صورها من موبايلها احكيي واكسب حالك .
وقوص عالحيط جنبو ليخوفو .
ارتعبت مطر وحطت ايديها عأدنيها من صوت القواص.
وقت شافو رأفت هيك قرر يحكي وقال بحالو ليه لآكل كل شي بجنابي لحال، لمتى بدي ضل اتستر عسوزان …
رأفت عم يرفعلو ايدو🖐🏻 : لحظة ……..خليني …….آخد ……نفسي ….بال…..بالأول .
حط المسدس براسو لرأفت وصرخ فيه: ولك احكي قبل ماقوصك وربي بعملها لك قوووووول.
رأفت : …….سو………سوزان .
رأفت ومطر بصدمة 😳.
مطر: سوزان …..ليش لتعمل هيك مابعمري ازيتها بشي .
رأفت وهو عم يسعل: …..اي ….بس هيي مابتحبك لأنو عز بحبك ومابحبها وهي …….وهي بدها اياه……بأي شكل .
عز : …….وانا شو بيضمنلي انو كلامك مزبوط بجوز تكون عم تتبلاها لسوزان مشان تكلع من القصة متل ماعملت من قبل وقلت انو مطر هيي اللي بعتت الصور .
رأفت : مطر الي مصلحة عندا وبدي اياها لهيك حاولت بعدها عنك ……لكن سوزان شو مصلحتي معها ….اصلا مابطيقا ولولا حاجتي الها مابفكر احكي معها …..عموما ازا بدك خود موبايلها او موبايلي وشوف المحادثات اللي بيني وبينها بخصوص هالموضوع.
عز : …ياحقير كنت مستغل محبة سوزان الي لتنفذ خطتك ماااا …..مشان تبعدو مطر عني ويخلالكن الجو تنيناتكون.
حطت مطر ايدها عتمها وصارت تبكي : لهالدرجة وصل الحقد والكره تتهموني بهالشكل مشان كل واحد يوصل لهدفو …….لك انتو شوووو .
اتطلعت بعز نظرة قسمتو نصين وركضت بعيد عنهن عم تبكي ..
عز: ……مطر ……استني مطر …..
رجع لرأفت ومسكو من رقبتو: ….وينا سوزان هلأ .
رأفت : …..فوق عند رفيقتا بهي البناية .
عز: …..اياك تنبه سوزان اني عرفت بالموضوع وقتا لطولك لو كنت تحت سابع ارض .
رأفت: ….ههه اتطمن مارح خبرها بشي ….ليش لحالي لآكل الضرب …صار دورا هلأ تاخد نصيبا .
عز: ……..ماشي ياسوزان ازا مابندمك مابكون عز .
ركب عز سيارتو ولحق مطر شافها بنص الطريق عم تركض وتبكي .
صار يندهلا وهو بالسيارة : ….مطر …استني يامطر ….بدي احكي معك وقفي شوي .
مطر: 😭.
عز: بترجاكي مشان الله وقفي او اطلعي لهون خلينا نحكي ببوس ايدك .
مطر: …..شو بعد.بدك مني ….روح من هون اتركوني بحالي مابكفي اللي صارلي ….مابكفي ظلم وذل وقهر.
نزل من سيارتو ومسكها من ايدها ليحكو …
عز: ….طولي بالك خلينا نحكي وحياة عيونك ودموعك وقهرك وظلمك الا آخدلك حقك منهن بس وقفي واسمعيني .
دفشتو وصرخت فيه : هلأ …..هلأ صرت تحلف بعيوني وظلمي وقهري بعد شو ااااه بعد شو بعد مادقت الذل الوان من هالدنيي ومن الناس ومنك اول واحد …..مابدي شي لا منك ولا من غيرك بس اتركوني مشان الله اتركوني بحالي .
هربت منو ومل ماحاول يلحقها تدفشو وتركض لوصلت المخزن سكرت عحالها الباب وقعدت ورا الباب وصارت تبكي بحرقة وبنفس الوقت عم تبكي فرحانة ..
مطر عم تحكي مع حالها بصوت مسموع ** واخيرا ياعزووو ….واخيرا عرفت الحقيقة عرفت اني ماخنتك عرفت اني مظلومة لكن بعد شو 😭 بعد شوووو.
جرب يلحقها ويدخل عالبناية لكن كان ابو نادر قاعد عباب البناية وماقدر يلحقها و يدخللها.
قرر عز يروح ليشوف شغلو مع سوزان وقال بيرجع لمطر بوقت تاني بتكون راقت وفيو يحكي معها .
اتصل عز بسوزان ….
سوزان : …..هلا بعزووو هلا بالغالي .
عز: …..كيفك سوزي .
سوزان: …..وااااو سوزي مرة وحدة شكلو عرفت الحقيقة لحتى رضيان عليي وعم اتدلعني.
عز بضحكة خبيثة: …..اي كان معك حق بكل شي ولهيك بدي شوفك لنحكي وينك هلأ .
عطتو سوزان عنوان بيت رفيقتها وبسرعة وصلها وقلها انو ناطرها بالسيارة .
نزلت مبسوطة وابتسامة نصر عوشها 😁.
ركبت بالسيارة : ……كيفك عزوو .
عز : …هلا ببنت خالتي …كيفك انتي .
سوزان: ….مشتاقتلك كووووومايات .
عز: …..ههههه اي من يوم ورايح مارح تلحقي تشتاقيلي رح تشوفيني كتير .
سوزان😃: كيف يعني .
عز: كل شي بوقتو حلو .
سوزان: اتشوقت اعرف ….المهم قلي شو صار شو اكتشفت لحتى قلتلي معي حق .
عز: ….اااخ شو كنت مخدوع كل هالوقت يا سوزان مابعرف عدوي من صاحبي .
حطت ايدها عكتفو لتواسيه: ..ولا يهمك حبيبي انا معك بكل شي وبأي وقت متى مااحتجتني رح بتلاقيني .
عز : …..اي اكيد ولو …لك بتعرفي شووو ….لك شفتهن مع بعض ياسوزان تخيلي ….بعد كل شي عملتو لمطر بتتركني مشان رفيقي تخيلي شو صعبة .
قربت منو بجرأة وحكت بالهمس قريب من وشو : ….انساها حياتي هيك اشكال مابتستاهل اتضل تفكر فيها بدك وحدة تحبك من البا وتعطيك كل حياتا بحب وسدق .
اتطلع فيها بقرف : معك حق ….صار لازمو الواحد يفكر بغير وحدة لينسى اللي راح ويبدا من جديد.
لمست خدو بوقاحة ونزلت بأيدها تلعب بشعرات دقنو وصارت تحكي معو وتعض عشفافها وتغمزو : وانا موجودة بأي لحظة شو مابتطلب مافي شي بيغلى عليك ……سوزان كلا على بعضا ملكك اعتبرني من هاللحظة الك .
عز : …..هاد العشم ياسوزي ….ليكي ….موبايلي طفى شحنو معليه احكي مع امي من موبايلك.
سوزان: …..اي حياتي قلتلك كلي عبعضي ملكك وموبايلي عحسابك .
عطتو اياه بعد مافكت القفل عنو: …..تفضل روحي.
عزو : شكرا .
بلا ماتنتبه فتح عالواتس تبعها وراح لرقم رأفت وقرأ كم شغلة اكدتلو اللي قلو اياه رأفت .
جلّس قعدتو وأرجاها المحادثة …
سوزان : …😥😥.
عز عم يكز عسنانو: فيكي تفهميني شو هاد .
سوزان: …..والله ياعزو …
مالحقت تكمل كلامها الا 👋🏻كف متل فراق الوالدين خربطلها ملامحها فيون .
مسكها من شعرها : ….. لسا بدك تكزبي والا بدك تحكي السدق.
سوزان عم تتوجع: ….ااااخ شعري ياعز مشان الله.
عز: ….احكيييييييي ….شو هاد ااااه …..واياكي تكزبي لأني عرفت كل شي .
سوزان: ……هوو ….هو اللي جبرني اعمل هيك والله هو. .
عز: لك لسا عم تكزبي مو انتي اللي كنتي مخططة معو لياخد مطر ويخلالك الجو معي …..لك مفكرة اني ممكن اتطلع فيكي ليش ماصفي بنات غيرك لآخدك الك ……لك صرماية مطر مراية لوشك ياكلبة .
سوزان: …….والله من حبي الك ياعزو والله …..انت مو حاسس فيي كل الوقت مع الحقيرة مطر ومو شايف غيرا .
كمشها من شعرها من جديد ومسك وشها بأيدو طبق خدودها عبعض : ازا بتتجرئي مرة تانية وبتغلطي فيها مارح ارحمك وديني ياسوزان الا احرقك واحسب الله ماخلقك .
سوزان: ……..لك لييييييييييسش …..ليش مو شايف غيرا والله انا بحبك اكتر منا بعشقك اكتر من روحي ومطر..
ماكملت كلاما وقت صرخ فيها: ……سوزاااااان قلتلك ماتجيبي سيرتا علسانك بحرقك بخفيكي بمسحك عن الدنيي عم تفهمي …….هلأ رح بفضحك قدام امي واهلك وخليكي عبرة لغيرك .
سوزان: ……لاااا…..بترجاك ياعزو بترجاك ….والله مارح عيدا والله.
عز: ….ههههه ليش مين قال انو رح تدخلي بيتي مرة تانية او رح تحكي مع حدا من عيلتي ….ومطر رح ترجع تنور بيتي من جديد ورح اتزوجا وكيدك وكيد الحقير التاني واحرق الوبكن انتي واياه …..زاتا انتي واياه بتشبهو بعض ولابقين لبعض .
رجع عز عالبيت مو عرفان حالو ازا فرحان والا مقهور …
نهلة: ….خير امي ليه هيك وشك …..تعبان شي.
عز: ……اااااااخ ياامي …..لك ياامي مو تاريني كنت ظالمها لمطر كل هالوقت .
نهلة : ….شووو …ليش شو صار هات احكيلي .
قعد عز وحكى لأمو كل شي …
عز : وهي كل القصة ياامي شفتي بنت اختك المحترمة شو عملت .
جنت نهلة : …..انا كنت حاسس عليها انو بتحبك بس ماتوقعت انو توصل فيها تأذي حدا وتعمل هيك شي ….لك ماخافت تقتل مطر او رأفت وتنبلي انت وتدخل السجن من وراهن .
عز: ….شفتي ياامي شفتي ….مو هاميتني لا سوزان ولا الندل اللي كان معها كل همي هلأ بمطر ياامي كيف بدي صلح موقفي معها فكرك لو اعتزرتلها بتقبل وبترجعلي .
نهلة: ….بهالبساطة ياعزو …اااي عملتو فيها مو قليل بتتزكر …..بتتزكر الضرب والاهانة والتقليع بالليل والعيشة اللي هلأ عايشتا مطر بسبب تسرعك وتسديقك لكلام رأفت متوقع منها بعد كل هاد انو باعتزار منك رح توافق ترجعلك ….ههه لا ياامي انا بعرف مطر اكتر منك ….مطر وقت تكون مجروحة وزعلانة مافيها تسامح بسرعة وهي مو غلطة عادية بحقا ….هي اهانة واتهام بالخيانة ….هالشي مو سهل ياامي مو سهل.
عز: …..مشان الله ماتيأسيني ياامي انا عم قلك لتنصحيني ولتكوني معي ولتقليلي شو اعمل ….شو ساوي لأكسبها …..انا مانسيتا وقت كنت زعلان منها وبقي حبي الها محفور بألبي كيف هلأ بعد ماظلمتا ساعديني ياامي كرمال الله .
يتبع