رواية تحطم كبرياء انثى الفصل الاول والثاني بقلم الكاتبه سلمي أسامه حصريه وجديده
مين دا اللي عايز يتجوزك
.. طاهر قريب جوز امي
.. دا عند جوز امك.. انتي يا سناء مش لحد غيري انتي فاهمه
.. طب هعمل ايه يعني ثم قالت بدلع
.. اعارضهم
.. لا تتجوزيني
.. اتجوزك دا ايه انت لاقي تاكل
.. طب وانا هعمل ايه ماديكي شايفه الحال امي واخواتي ومريم اللي داخله علي جواز ومصاريف قد كدا
.. طب وانا يا كريم
.. اصبري شويه
.. يا خويا مانا صبرت لحد ماخللت والصراحه بقا امي بدأت تشك فيا اعمل ايه
.. ارفضي صعبه يعني
.. لا يا كريم مش صعبه بس انا بقا ماليش عين اصلا اتكلم
.. اه قولي كدا بقا يبقا انتي عاجبك الواد المقيح دا صح طبعا ماهو واد متريش معاه فلوس
.. كريم مش وقته خالص الكلام دا
تكلم بغضب ليقول
.. امال ايه اللي وقته هاا ايه
.. انك تتحرك تاخد خطوه
.. منين مالحال هو هو
.. يبقي ماتجيش تلومني بقا وتقولي عاجبك ولا مش عاجبك انا هتجوزو واللي عايزه اعمله
.. طب وانا يا سناء
.. شوف حالك بقا يا كريم سلام
..
…………………
.. خير يا بابي
.. ايه كميه الفلوس اللي سحبتيها دي يا جميله
.. ايه يا بابي كنت محتاجاهم
.. في ايه بقا انشالله
.. جددت عربيتي واشتريت شويه حاجات ليا حتعد عليا
.. لا مش هعد بس كدا حرام انا مش مكنه فوري ولا مولود في بقي معلقه دهب يا جميله ولا وارث البهلله دي كلها عن ابويا
.. اووف يا يا بابي… معلش وبعدين انا مالي بكل دا انا باخد اللي محتجاه وخلاص
.. جميله هتخليني اعاقبك عقاب مش هيعجبك
.. هو كل دا عشان سحبت كام ميه الف
.. ميه الف؟؟ محسساني انهم ميه جنيه
.. بابي انا راجعه تعبانه وعايزه انام goog night dad
اموااه
……………….
.. هتعمل ايه يا كريم يا بني
.. انا لاقيت شغلانه حلوه اوي يا ما ادعيلي انتي بس
.. يارب يابني ربنا يكرمك ايه هي
.. هشتغل سواق خاص لراجل ابها اوي يا ما وبراتب حلو اوي
.. ربنا معاك يا حبيبي
………………………
.. اسمك ايه
.. كريم علام يا باشا
.. اممم انت خريج كليه سياحه وفنادق مشتغلتش ليه
.. يا باشا الشغل هناك مش لينا عايزله واسطه
.. اممم طيب يا كريم تقدر تبدأ شغلك معايا من انهارده بس بكاقتك معايا كام يوم
.. تحت امرك يا باشا
.. تقدر تتفضل يا عبدالرحمن خد كريم ووريه الشغل ازاي اتفضل
.. في خروجه دخلت جميله نظر باستغراب اليها فهي ترتدي شورت وتيشرت نص خصرها خرج كريم ودخبت جميله
.. بابي عملتلي ايه
.. تمام يا جميله مش هكون موجود
.. شكرا يا بابي شكرا وانا كدا كدا جهزت الحفله باي soo you
……….
.. فهمت يا كريم يابني
.. فهمت يا عم عبدالرحمن
.. الاقولي يا عم عبدالرحمن
.. قول يابني
.. هو مين الانسه اللي داخله خارجه دي
.. دي الانسه جميله بنت الاستاذ ممدوح بيه
.. اه وهو سايبها خارجه كدا ازاي يعني
.. بقولك ايه يابني احنا مالناش دعوه بحد واه بص بقا خليك انهارده في الاوضه بتاعتي عشان الست جميله عامله حفله هنا كبيره اوي ومبتحبش حد يخرج منا فيها
.. حاضر يا عم عبدالرحمن
………………… في المساء
كان كريم يأكله فضوله ليري ماهي تلك الحفله فخرج بهدوء ليراها من الخارج
.. بقولك ايه يا جميله
.. قولي
.. الا مين المز اللي واقف برا دا
.. فين دا
.. اهو
.. اه دا السواق الجديد بتاع بابي
.. لا بس شكله مز جدا دا جنتل اوي
.. ولا جنتل ولا حاجه زيه زي اي حد دا احنا ممكن نتسلي اوي حتي بدل الملل دا
.. ازاي بقا
.. هتشوفي
.. بقولك يا انت
.. انتبه كريم اليها لينظر اليها ويشاور عليه ويقول
.. انا
.. ايوا انت تعالي
.تقدم كريم اليها ليقول أاموريني حضرتك
.. انت ايه اللي موقفك كدا هنا.
نظر اليها بحرج لتقول هي
.. انا مش قولت محدش يخرج من الاوضه اللي في الجنينه
.. انا اسف حضرتك انا بس
.. انت ايه اتفضل غور من هنا مشوفش وشك هنا غير لما انا اعوزك.
.. انتي بتكلميني ليه كدا انا ولا لعبه ولا شغال عندك انا سواق خاص للأستاذ ممدوح ملكيش الحق انك تكلميني كدا
.. قالت بغضب
.. انت ازاي تكلمني بالاسلوب دا انت فاكرني الست بتاعتك اللي جايه من ورا الجاموسه
.. لا الست بتاعتي متربيه مبتلبسش كدا وترمي لحمها يمين وشمال
ومبترفعش صوتها علي راجل يا محترمه
.. رفعت يداها لتصفعها وهي تقول
.. انت قليل الادب
ليمسك يداها ويلويها ورا ضهرها ويديرها اليه ويتكلم بجانب اذنها
.. انا متعودش ان انا ارفع ايدي علي ست ولولا انك بنت مديري كان هيبقي ليا تصرف تاني واه قولي للأستاذ ممدوح ان انا استقلت وزقها وذهب بغضب لتقف جميله مصدومه مما حدث في وسط الحفله
رأيكم
البارت الثاني
وقفنا فیییین
.. انا متعودش ان انا ارفع ايدي علي ست ولولا انك بنت مديري كان هيبقي ليا تصرف تاني واه قولي للأستاذ ممدوح ان انا استقلت وزقها وذهب بغضب لتقف جميله مصدومه مما حدث في وسط الحفله
………… فی الصباح
.. بقا کريم عمل کدا
.. ایوا یا اونکل ولله
.. وجميله ردها كان ايه
.. زعقت في الكل وطردتنا كلنا
.. اممم طيب يا رنا تقدري تطلعي لجميله وانا هتصرف
……………
.. الو
.. كريم علام معايا
.. ايوا مين
.. انا استاذ ممدوح
.. اه اذي حضرتك خير في حاجه
.. انا كنت عايز اقابلك
.. بص يا باشا لو هتتكلم في امبارح فأنا مغلتطش
.. يابني انا عايز اقابلك في خصوص الشغل
.. بس انا استقالت
.. وانا موافقتش
.. يعني ايه
.. واضح انك مش هتيجي فخلاص هقولك هنا انت زي مانت معايا فالشغل زي مانت انا ماليش دعوا بجميله وتصرفاتها انت شغال معايا انا
.. يعني حضرتك
.. ايوا حضرتي معينك ملكش الحق في انك تستقيل من غير موافقتي هستناك دلوقتي عشان رايح مشوار وعايز سواق سلام
.. سلام
قفل كريم المكالمه مستغربا مما حدث ونهض ليجهز نفسه
……………
.. ويهون عاليكي كريم يا سناء
.. ولله بقا يا طنط انا هونت عليه وهو مش عايز يجي يتقدم
.. مانتي واعيه عالينا وعارفه اللي فيها
.. ولله بقا يا طنط انا زهقت وامي بتزن عليا وبدأت تشك فيا اعمل ايه طيب
.. طيب يا سناء انتي حره
.. يا طنط انتي اللي ابنك مش عايز يتحرك وانا زهقت امي من ناحيه و كريم من ناحيه انتي عارفه ان انا بحبه
.. وهو كمان بيحبك وانتي عارفه
.. طيب وبعدين اخره الحب دا ايه ماهو مش عايز ياخد خطوه
.. انتي خطوبتك امتي
.. بكره باليل
.. انتي لحقتي
…………………. عند ممدوح
.. مجتيش تفطري ليه يا جميله معايا
.. مليش نفس
.. اه من اللي حصل امبارح يعني
.. انت عرفت منين صمتت ثم نظرت لرنا نظره توعد لتكمل وتقول
.. انا مغلطتش
.. لا غلطتي لما تجيبي واحد شغال معايا تهزئى فيه قدام صحابك الهبل دول سوري يا رنا تبقي غلطتي ايه دا من امتي وانتي كدا هو ايه ولاد الناس بقوا تسليه تتسلي بيهم وتتمسخري عليهم انتي وشويه المتخلفين دول
.. وهو كمان قل قدبوا
.. دا لما كنتي عايزه تضربي
.. انا… قطع حديثها دخول كريم من باب الڤيلا
.. سلام عليكوا
.. وعليكم السلام
.. ايه دا ايه اللي جاب البني ادم دا هنا
.. جميله لو سمحتي روحي اوضتك دلوقتي
.. انا بقول الحيوان دا بيعمل ايه هنا
رنا: جميله ميصحش كدا عيب والدك واقف
ممدوح: جميله اطلعي اوضتك عشان مزعلكيش
جميله: انت ايه يالا انت مكفش تهزيق امبارح جي عشان اكمل عليك انهارده
كريم ببرود: ولله لو ع تهزيق فالمفروض تشوفي الاول مين هزق مين ولو علي جي ليه فأنا جي عشان شغلي هنا مع والدك الاستاذ ممدوح
نظرت له بغضب وقالت بغضب شديد
.. الواد دا لو فضل هنا دقيقه كمان انا مش هقعد في البيت
ممدوح.. كريم روح انت علي شغلك وانا شويه وجيلك
.. تحت امرك
.. جميله انا كل دا مش عايز ازعلك مني
.. وانا اتهزقت قدامك وانت متكلمتش
.. عشان هو مغلطش وانا بقا مش حمل ان انا كل شويه اجيب سواق جديد عشان جنانك انا رايح الشغل ومش عايز مشاكل سلام
نهض الي الخارج لتجلس جميله بغيظ وغضب وتقول
.. ماشي وانتي كمان بتفتني عليا ماشي يارنا
.. يا جميله انتي مأڤوره اوي اصلا الواد معملش حاجه لكل دا دا طيب وغلبان ومز المز انتي اللي بدأتي
.. ولو انا مش هسيب حقي مش جميله ممدوح هي اللي تسيب حقها
.. يعني هتعملي ايه الواد دا شكله متشرد علي قد ماهو شكله طيب مش سهل يعني
..قصدك ايه
..يعني لو هتعملي حاجه فكري فيها كويس
..يا بنتي انتي عبيطه دا انا لو عايزه ارمي في الشارع هعملها مفيش حاجه صعبه عليا
.. طيب اما نشوف
.. تراهنيني
.. علي ايه
.. علي ان الواد دا في خلال يوم يترمي في القسم
.. يا جميله دا هزقك قسم ايه
.. هنشوف رهان
.. رهان علي ايه
.. علي عربيتي الجديده
.. اوكي موافقه
…………. في اليوم التالي
.. انت رايح فين يا كريم
.. رايح الشغل
.. ربنا معاك
.. هو ايه الدربكه اللي ع صبح دي يا ما
.. دي خطوبه سناء بيجهزولها
.. اممم طيب انا هروح الشغل ادعيلي
.. ربنا معاك يابني
…………….. عند جميله
.. انت يا اسمك ايه انت
.. افندم حضرتك بتناديلي
.. انت شايف حد غيرك
.. اؤمري
.. روح هاتلي حاجات من السوبر ماركت
.. افندم
.. هو ايه اللي افندم بقولك هاتلي حاجات من السوبر ماركت
.. وانا مالي حضرتك
.. يعني ايه انا مالي هو انت مش شغال عندنا
.. قصدك عند والدك سواق خاص
.. طيب انت هتروح ولا هيبقي عقابك عسير معايا
.. عقاب؟؟ احنا في الحضانه
.. طيب هتشوف ثم نظرت بخبث وقالت
.. هتشوف يا يا كيمو
………….. في المساء كان كريم يتمشي في الحديقه ثم وجد اسطبل خيل فدخله ليري كميه جمال الخيل
.. عند جميله
.. عم عبدالرحمن
.. اؤمري يا بنتي
.. فين كريم
.. في الاسطبل
.. اممم طيب انا هروح انام
.. ماشي يا بنتي
خرجت جميله من باب خلفي وذهبت الي الاسطبل
.. كان كريم يجلس امام حصان شكله جذاب لينتبه الي صوت جميله وهي تقول
.. قاعد لوحدك ليه
.. مافيش هقوم اهو عن اذنك
.. لا اذنك ايه ياروحي دانا هوريك عقابك العسير دلوقتي
.. افندم؟؟ يعني ايه
نظرت اليه بخبث
لتصرخ بشده وهي وتضرب نفسها بالاقلام وتشق هدومها نصفين وتبهدل شعرها كان صوتها كفيل انه يجتمع كل من في الڤيلا
كان كريم يقف مصدوم لتهجم عليه وتقطع الچاكيت
.. اوعي ابعدي انت بتعملي ايه انتي اتجننتي ابعدي عني
لترمي الچاكيت بعيدا ثم تجلس علي الارض بعشوائيه
كان كريم يحاول ان يستوعب ما يحدث حتي اجتمع كل من في الڤيلا علي صوتها
.. ايه اللي بيحصل هنا
رأيكم
يتبع
