الفصل الخامس نظر الجميع بصدمه كبيرة لما شافوا روان في مقطع الفيديو و هي داخله غرفه حياة و بتحط الاسوره في وسط هدومها
حياه كانت متابعه الفيديو معاهم و بتبتسم بسخريه
شهقت روان بخوف شديد و خصوصاً بعد ما شافت نظرات الجميع ليها و اللي كانت مليانه اتهام و احتـ..قار
قاطع حاله السكوت اللي كانوا فيها حياه و هي بتسقف و بتروح عند روان
وقفت تسقيف و بصيت لروان و هي بتضحك بسخريه
= ايه الجمدان دا يا رورو ايه رأيك حلو صح
روان مكنتش عارفه تتكلم ، نزلت الدموع من عينيها بخوف و مسحتها بقوه قبل ما حد يشوفها
حياه بسخريه=
متعيطيش يا روان هيفيد بي ايه العياط هيرجعلي حقي مثلا
كملت بغضب و هي بتبصلها بحده
= جيتي و اتهمتني باني سر..قتها و انتي اصلا اللي حاطها بس تصدقي صدقتك طب و الله كنت بدأت اشك في نفسي قولت انا مكنتش في وعيي و خدتها و لا ايه
بس شوفي عشان ربنا رايد انه يفضحـ..ك شوفي عشان ربنا مش عايز انتي أو غيرك يتهـ..موني بالسوء
سكتت لفتره و هي بتفتكر اللي حصل
-flash back –
حياه كانت قاعدة بتعيط في اوضتها ، فاقت على صوت اشعار جيه لفونها اللي كان جانبها على السرير
فتحت المسدج و كانت من واحدة صاحبتها بعتلها فيديو يخص الدراسه فقررت انها تفتحه من على اللاب عشان الصورة تكون اوضح
فتحت اللاب و لحسن حظها انه كان مفتوح على الكاميرا و صور روان و هي داخله الاوضه
بصيت حياة للفيديو بصدمه كبيرة و نزلت دموعها اتكلمت بألم..
= ياااه لدرجه دي يا روان لدرجه دي بقيتي بتكرهني
مسحت دموعها بقوه
= بس لا يا روان انا مش هسمحلك تيجي عليا اكتر من كدا و زي ما انتي مسمتيش عليا انا كمان مش هسمي عليكي يا صاحبة عمري
قالت كلامها و حفظت الفيديو و استنت عمها يجي و الكل يبقى متجمع عشان توريهم
back _
حياه بحده و غصب
= شوفي مصاحبكي بقالي كام سنه و اول مره اعرف انك بتعرفي تخططي اوي كدا لدرجه انك تدخلي اوضتي و تحطي اسورتك في نص هدومي و تطلعني حراميه قدام الكل
روان بصتلها بكره و دموعها نزلت و اتكلمت في وسط بكائها بغضب مفرط
= و هو انتي مش حرا..ميه هو انتي مسـ..رقتيش مني جوزي لو انا خططت عشان اطلعك حراميه قدام الكل انتي خططتي عشان تسر…قي مني جوزي
كملت و هي بتبصلها باحتـ..قار
= استخدمتي اسلوب رخـ..يص زيك عشان توقعي جوزي و حملتي منه في الحـ..رام و خلتيه يتجوزك عليا يوم صباحيتي دبحـ..تني و دبـ..حتي قلبي بسبب اللي انتي عاملتيه
حياه بعصبية
#بقلم_يارا_عبدالعزيز
= انا عارفه اني غلطت بس و الله ما كان قصدي و الله العظيم يا روان انا من ساعتها و انا كارهه نفسي و كارهه حياتي و بعدين جوزك هو جوزك انا و هو هنتطلق بمجرد ما ابني هيجي الدنيا وقتها هيبقى معاكي و اصلا هو من دلوقتي معاكي انا و كريم خلاص عمرنا ما كانا و لا هنكون مع بعض
كريم بصلها و الجمله كسـ..رته و هو مش عارف السبب بس حس انه اتوجع و بشده
يمكن لانه حابب وجودها ؟!!!!
و يمكن لانه اتملكها ؟!!!!!
كان جواه مشاعر كتير مختلطه ناحيه حياة بالذات
اتخـ..نق من نفسه و حس انه مش طايق المكان و لا الموجودين ، نفسه يقول لحياة انها مراته و ياخدها و يثبت ملكيته ليها بس اللي منعه هو مجدي
روان بصيت لحياه و كانت لسه هتتكلم
قاطعها مجدي و هو بيتكلم بغضب و حده
= روان بس مش عايز اسمع صوت تاني في بيتي و بسبب اللي انتي عاملتيه دا فانتي خسرتي حقك في البيت دا و لما تيجي هتيجي على انك ضيفه هتتعاملي معاملة الضيوف بالظبط هتعقدي في مكانك و تاخدي ضيافتك و اوضه كريم دي تبقى اوضه حياة فلو هي سمحتلك تدخليها تمام غير كدا هتفضلي قاعدة زي الكرسي اللي انتي قاعده عليه
روان بدموع و قهـ..ر
= و على ايه بقى يا عمي انا اللي مش هدخل البيت دا تاني و هي برضوا ملهاش دعوه بيا و لا بجوزي
مجدي بحده
#بقلم_يارا_عبدالعزيز
= كريم يبقى جوزها و ابو ابنها و كونك انتي رضيتي بالوضع دا و قبلتي تعيشي يبقى لازم تعرفي ان زي ما ليكي حق في كريم فحياة برضوا و حامل بابنه
روان بصتله بغيظ و غضب و مكنتش عارفه ترد قررت انها تهرب من المعركه دي و اللي هي شايفه ان محدش خسران غيرها فيها
اتحركت من قدامهم و راحت ناحيه الباب و فتحته
كانت لسه بتخطي اول خطوه وقفتها حياة و هي بتتكلم بثقه و بتربع ايديها
= لحظه واحده يا روان
وقفت روان و بصتلها
، راحت حياة عندها و اتكلمت بثقه
= عندي ليكي حاجه انتي ادتيهلي و لازم اردهالك
بصتلها روان بعدم فهم و لكن انصدمت بقوه و شهق الجميع بصدمه لما حياة ضر..بت روان بقوه على وشها
روان بصتلها بغضب مفرط و دموع
حياة بثقه و هي بتقلد طريقتها في الكلام
= لو انتي اهلك معرفوش يربوكي انا هربيكي
روان بصتلها بغضب مفرط و كانت عايزه تجبها من شعرها و كانت لسه هتضـ..ربها بس وقفتها ناديه بخوف من مجدي
و اتكلمت بحده
= روان اطلعي انتي دلوقتي
روان بصتلها و اتكلمت في وسط شهقاتها بغضب و هي بتبص لحياه بغضب
= و الله العظيم ما هرحمك يا زبا..له يا رخيـ..صه و هندمك على اللي انتي عاملتيه دلوقتي و هردلك القـ..لم دا عشره
ناديه بغضب مفرط و هي بتبص لمجدي اللي كان خلاص على تكه ، خافت على روان منه و خافت تعمل حاجه لحياة و هي حامل و يحصل حاجه للجنين
اتكلمت بسرعه و حده
= قولتلك اطلعي انتي يا روان دلوقتي اطلعي و انا شويه و جيالك
#بقلمي_يارا_عبدالعزيز
روان ببكاء و عصبيه
= مش عايزه حد فيكم منك لله يا كريم منك لله انت و هي و الله لهدمركم انتوا الاتنين
قالت كلامها و طلعت شقتها و قفلت على نفسها الباب
دخلت اوضتها و قعدت على السرير و هي بتعيط و في نفس الوقت بتتوعد لحياة و بتفكر ازاي هتردلها اللي عاملته و تندمها
حياة كانت بتبص لطيف روان بدموع و هي حزينه جدا على اللي وصلت ليه مع اعز صاحبه ليها
حسيت بدوار ، سندت على كرسي السفره بأرهاق
مجدي بخوف
= حياة انتي كويسه يبنتي
حياة ببأبستامه و ارهاق
= انا تمام الحمد لله
مجدي بأمر و هو بيبص لكريم
= ما قولتلك خدها اطمن عليها لو مش عشانها على الاقل عشان ابنك اللي في بطنها
كريم و هو بينفخ بضيق
= قولت هاخدها يا بابا ادخلي يحياة غيري هدومك و يلا عشان نروح دلوقتي
حياة بصتله و مكنتش عايزه تروح معاه بس هي فعلا بتحس بان معدتها ديما تعبها و ديما دايخه و لانها قليله الخبره و لسه صغيره في السن خافت ان يكون جنينها حالته الصحيه مش كويسه
هزيت راسها و خديت اللاب بتاعها و دخلت اوضتها تغير هدومها
كانت بتلبس طرحتها ، جالها رساله على هاتفها و كان كريم
” انا نزلت عشان اطلع العربيه مستنيكي تحت قدام باب العماره لو مش هتقدري تنزلي رني و انا هطلعلك”
بصيت للرساله و اتنهدت بسخريه
= خايف عليا اوي يا كريم اللي يشوفك كدا يقول و نعمه الزوج مش عارفه انا ازاي حبيت واحد زيك
كملت و هي بتحط ايديها على بطنها و بتتحسها برفق
= انت و بس اللي مخليني مستحمله كل اللي بيحصل اول لما هتيجي انا هطلق و هاخدك معايا و هربيك احسن تربيه مش هخليك تطلع لحد فينا لا ليا و لا لابوك يحبيبى
نزلت لاقيت عربية كريم واقفه قدام باب العماره ، اتنهدت بضيق و دخلت قعدت جانبه قدام من غير ما تتكلم
بصلها و اتنفس بغضب و طلع بالعربيه
ميلت على شباك العربيه براسها و بصيت للطريق بشرود
قاطع شرودها صوت كريم
= انتي كويسه
هزيت راسها بمعنى ايوا من غير ما تتكلم
تجاهلها ليه و عدم ردها عليه جننه
وقف العربيه بغضب و اتكلم بحده
= بالنسبه لكلامك باننا عمرنا ما هنكون مع بعض فاحنا اصلا دلوقتي مع بعض و انتي مراتي و اللي في بطنك دا هيفضل رابطنا لاخر العمر
