سكريبت اختبار عشق ✨💙
بقلمي أمل فتحي ✨💙
بسم الله نبدأ….
مليكة بخضة : أييييي يا تمارا،بتصـ,,ــرخي ليه.
تمارا جريت عليها : أنتي بتشربي أي، أنتي هتنتـ,,ــحري.
مليكة : يابنتي أهدي دا مسكن دماغي هتنفـ,,ــجر من العياط،يعني أنا هبقى خسرت دنيتي، وانتحـ,,ــر كمان أخـ,,ــسر آخرتي يا تمارا.
تمارا : طيب أرحمي نفسك عشان الصداع دا.
مليكة رجعت للعياط : خالد واحشني من دلوقت ياتمارا، أززاي هنت عليه بالسهولة دي إن…
جرس الباب قاطعهم وتمارا خرجت وكاان خالد بصت له بزعل : أي يا خالد جاي ليه.
خالد : هو أي إللي جاي ليه جااي لمراتي.
تمارا ابتسمت : مبقتش لسه مراتك،أومال الهبلة دي فضحانا ليه خاالد سابني،خالد سابني.
خالد : ولله مانطقت يا بنتي بترميني بالباطل أنا كنت عامل شبه موبيل الأنفنيكس كدا لما بيهنج هنجت لدقايق،قلبت عليا.
مليكة خرجت على صوته : أكيد جااي تاخد حاجتك، كملت وهي بتمسك دموعها بالعافية، خد إللي ليك وأمشي يا خاالد وأتحركت عشان تدخل أوضتها.
خالد مسكها من أيديها وكان خارج مليكة شدت أيديها: أنت واخدني على فين.
خالد ببساطة : قولتي خد إللي ليك وأمشي،وأنتي إللي ليا يا مليكة أنتي بنتي وحبيبتي وصحبتي.
مليكة بعياط: أي صعبت عليك وقولت أكمل معاها وخلاص.
خالد بصدمة : صعبتي عليا ؟؟!! تصعبي عليا ليه إن شاء الله،أنتي عارفه إنك زي القمر وإني بحبك أكتر من نفسي وبتمني اليوم إللي هتكوني في بيتي فيه،أي صعبت عليك دي.
مليكة بعياط : وإني مبخلفش دا ميخلنيش أصعب عليك.
خالد : أولًا أنا عاوزك أنتي بحبك أنتي فلو عاوز أخلف فعاوز أخلف منك أنتي عاوز بنتي منك أنتي مش أي حد يجيب لي ولاد وخلاص. وثانيًا:أنتي ليه اعتبرتي إنك مبتخلفيش في بدل الدكتور ألف غير إن محدش يعلم ربنا كاتب لينا سوا أي،فكك من كل إللي حصل ولا يهز علاقتنا أصلا، ويلا عشان نستلم الفستان.
مليكه بصت له بدمووع ورمت نفسها في حضنه : ليه مقولتش دا ساعتها كنت محتاجة أسمعه منك وقتها كنت عوزاك تطمني مش تسيبني وتمشي كأنك بتودعني،خالد أنا اتحرمت من أمي وأبويا وأنا طفلة وجيت أنت حسيتك أبويا وحبيبي وكل حاجه في دنيتي متسيبنيش اتخبطت كدا تاني متسيبش أيدي ولو ثواني عشان من غيرك بغرق الله يخليك أووعي توجع قلبي تاني،أنا بحبك أووي ولله.
خالد ضمها أكتر : وأنا ولله ماحبيت غيرك في الدنيا دي أنتي نور عيني وأنا آسف ولله عارف إني كنت غبي بس صدقيني مفكرتش للحظة إني أسيبك أنا بس أتصدمت للحظات حقك على قلبي وعيني يا ملكة قلبي.
تمارا : يارب أحمد يجي دلوقت وأنتُ مكلبشين في بعض كدا ويعلقكو على باب العمارة.
خالد ضحك وخرجها من حـ,,ــضنه : هنروح نجيب الفستان ونتعشي بره وابقى أرجعها،أتوسطي لينا عند أحمد لله يسترك.
تمارا: لا كدا استغلال بقا وأنا مبحبش الاستغلال.
