#تتمة_الجزء_الرابع_عشر
كرم : يمكن حكيك صحيح هيك الظاهر انها مانا متهمة فيي اصلا …قوم لحتى نفل
يوسف : عوين بعد هلق وصلنا وسليمان جاي على الطريق اشرب قهوتك هلق
جاء سليمان وجلس مع كرم ويوسف
سليمان : كيف بتطلعو من غيري
يوسف : نحنا ماكنا قاصدين نجي لهون بس الظروف جبرتنا
سليمان : عن اي ظروف عم تحكو
يوسف : لك كرم شاف البنت يلي حبها من اول نظرة والحقنها لهون
سليمان : ووينا هلق البنت
يوسف : ليك هنيك في بنتين على الطاولة البنت يلي على كرسيها محطوط مريول ابيض تبع دكاترة
سليمان : اي شفتها …والله حلوة ياكرم بتعرف تنقي اي وشو صار ماحكيتا ياكرم
كرم : شوبدي حكيها اذا ماشالتني من ارضي وعملت حالها مابتعرفني
سليمان : ومين البنت يلي معها هيدي الي عم تأركل
يوسف : شخصية مجهولة من اول ماجينا وماشفنا غير ضهرها بس مبين عليها مليانة
سليمان : وانت شو عرفك انها مليان
يوسف : ليك هديك السيارة
سليمان : لاتقلي هديك السيارة بتكون الها
يوسف : اي
سليمان : انا فكرت انو السيارات انت يلي بتركبها محدا بيركبها غيرك بالبلد طلع في غيرك
يوسف : المهم شو تشرب
سليمان : متل ماعم تشربو
دخل احمد من باب الكافيه وبيده ملف
كرم تذكره عندما قابله بالمشفى
سليمان : يوسف ليك هيدا احمد تذكرتو
يوسف : لا مين بكون احمد
سليمان : لك الشب يلي كان معنا بالثانوية كان سمين ويلبس نظارات
يوسف : اي اي تذكرتو بس مين الو هون
سليمان : كأنو عم يدور على حدا هلق بنشوف مين جاي يقابل
كرم : شفتو بالمشفى لما اخدت ليلى وهو وصلها ع البيت يمكن جاي يقابل ليلى والي معها…
………
احمد واقف وكان يبحث بنظره على مرام …وجدها وتفاجئ عندما رأها تدخن اركيلة وانزعج منها كثيرا
اقترب من الطاولة وسحب الكرسي بجانب مرام وجلس واخذ منها النبريج وضربه بقوة على الطاولة
“يوسف وسليمان وكرم يشاهدون
احمد : ياسلام اركيلة وكمان قهوة شي حلوة كلشي بضرك عم تشربيه
مرام : احمد انت مادخلك وهات النبريج من ايدك
احمد : مييتر …… خود الاركيلة والقهوة من هون
الكرسون : حاضر بتطلبو شي غيرو
احمد : هلق لا اذا بدنا شي بنندهلك
مرام : لا مابتاخد شي
الكرسون واقف ولا يعرف ماذا يفعل
احمد : انا قلت خدون احسن مااقلب هالطاولة
ليلى : طولو بالكن ياجماعة العالم عم تتفرج علينا
احمد : تتفرج مابهمني …..وانت خدون من هون
الكرسون : حاضر ..اخذ الكرسون الاركيلة والقهوة من امام مرام
………..
يوسف : شو عم يصير هنيك
سليمان : انا بقول هيدي مرتو وعصب لما شافها عم تشرب اركيلة
يوسف : بس هو كتير اوفر يعني عادي واذا دخنت اركيلة …لنفتضر ع الاركيلة انزعج والقهوة ليش ليقول للكرسون يشيلها
…………….
يتبع….
