سكريبت قلبه لا يبالي بي بقلمي ميار زاهر حصري وجديد
بتبتدي قصتنا عند بطلتنا سما وهي واقفه في البلكونه بتبص علي بلكونه بطلتنا الي بتحبه بقالها سنين بس مش عارفه هو بيحبها ولا لا بس هي معتقده ان هو بيحبها بسبب ان هو دايما بيهزر معاها وبيضحك معاها
وقطع تفكيرها صوت بطلنا يوسف وهو بيقول: جرا ايه يا حلوه بتتجسسي علي بيوت الناس ولا ايه
شهقت سما بخضه وقالت: الله يخربيتك خضتني وبعدين هتجسس ليه يعني انا كنت بفكر فيك ا…. اقصد يعني بفكر في حجات يعني
يوسف: وايه هي الحجات دي
سما: يا عم وانت مالك الله
يوسف: يمكن مثلا بتفكري في جمالي انا عارف عارف ان مفيش في جمالي
سما في نفسها: اه وحياتك
وبعدين وجهتله الكلام وقالت: يا عم اتنيل وانت عامل زي فرده الشبشب
وقالت في نفسها: سامحني يارب علي الكدب ده
وقطع كلامهم دخول مامت سما
واليكان اسمها مني
مني: ازيك يا واد يا يوسف مامتك عامله ايه
يوسف: الحمدلله ماما بتسلم عليكي حضرتك عامله ايه
سما: هيح يا خويا ياخويا علي الاحترام الي مبنشوفش منه حاجه ده
يوسف: ملكيش دعوه خليكي في حالك دي مني دي في قلبي كده دانا حتي بفكر احي اخطبها
مني: حبيبي يا يويو
سما: يويو هو لعبه طب انا مش واقفه معاكوا وانا ماشيه اهو بس ها
ومشيت سما
ويوسف ومني ضحكوا عليها
ويوسف قال: خلي المجنونه الي جوه دي تجهز عشان اخدها اوديها جمعتها وبعدين اروح شغلي انا
مني: ماشيي يا حبيبي
ودخلت مني وقالت لسما تجهز عشان جمعتها
سما: يارب امتي بقا اخلص واذهب لبيت قره عيني
مني: يا بت خلاص هانت دي اخر سنه ليكي في الكليه
سما: يا بخت الواد يوسف متخرج بقالوا سنتين
مني: يلا يا بت اجهزي عشان يوسف ميوقفش زي كل مره مستني حضرتك
وطلعت مني وسما جهزت واول ما خلصت لقت حد بيخبط علي باب الشقه راحت عشان تفتح ولقته يوسف
يوسف: يااه معقوله خلصتي انا مش مصدق دانا كل يوم بقف ساعه كامله عشان تخلصي
سما: اديني اشفثت عليك انهارده اهو متتعودش علي كده هااا هو يوم وبس
يوسف: طب يلا ياختي عشان منتاخرش
ونزل يوسف ووراه سما وركبوا العربيه
يوسف: يلا بقا شدي حيلك دي اخر سنه ليكي
سما: لا تقلق يا باشا
يوسف: لا انا اقلق
سما: يا عم دانا سما
يوسف: ما هو المصيبه انك سما
وفي الوقت ده وقف يوسف العربيه وقال: يلا وصلنا انزلي
وخلي بالك من نفسك
سما: حاضر
ونزلت سما بفرحه من العربيه وقابلت صحبتها ملك في وشها
ملك: مالك ياختي شكلك مبسوطه علي الاخر
سما: يعني هي دي اول مره اكون مبسوطه كده
ملك: لا بصراحه انتي دايما بتبقي مبسوطه بس لما يوسف بيكون معاكي غير كده بتكشري
سما: انا اكشر ليه يعني
ملك: احنا هستعبط علي بعض مش فاكره لما يوسف كان مسافر يومين وانتي كنتي بتيجي لوحدك وكنتي دايما مكشره لحد اما رجع
سما: بقولك ايه يلا ندخل المحاضره بدل ما الدكتور ميدخلنااش
ملك: يلا يا ستي
ودخلوا هما الاتنين المحاضره وبعد وقت كانوا خلصواا وطلعوا
وبصت سما يمين وشمال وملقتش يوسف
سما: يووه هو فين يووسف
ملك: يمكن الطريق زحمه استني شويه
وبعد. خمس دقايق
سما: لا لا ده كده اتاخر اوي
ملك: يا بت اهدي دول خمس دقايق الي عدوا
وقبل اما تتكلم سما لقت يوسف في وشها
سماا: ايه الي اخرك كده هاااا
يوسف باستفزاز: مره من نفسي مش كل مره انا الي استني وحضرتك تجيلي متاخر حسي بقا بالي كنت بحس بيه
سما: دانت عيل رخم انا قلقت عليك
يوسف بصدمه : نعم؟…
ملك: الله يخربيتك فضحتي نفسك بنفسك
سما: احم يعني اه قلقت عليك كاخ يعني فاهم
يوسف: اه اه فهمتك ماشي يا ستي
وانتبه يوسف لملك وقال: معلش يا ملك مخدتش بالي منك من البت صحبتك دي عامله ايه
ملك: لا لا ولا يهمك انا الحمدلله
سما: ايه البت صحبتك دي علفكره انا ليا اسم
يوسف: طب يلا ياختي اركبي العربيه
سما سلمت علي ملك وركبت مع يوسف العربيه
يوسف سالها زي كل مره عملتي ايه النهارده؟
سما: الحمدلله كلوا تمامممم
يوسف ابتسملها وبعد شويه كانوا وصلوا
وطلعوا من العربيه
وسما شمت ريحه اكل حلوه
وقالت: الله ايه الريحه الجميله دي
وقبل اما يتكلم يوسف كانت مامته طلعتلهم من البلكونه وقالت: بت يا سما تعالي دانا عامله حله محشي ايهه هتاكلي صوابعك وراها
سما: ما هو باين من الريحه يا هدهود وبعدين هاكل صوابعي وراها ايه دانا هاكل ايديا كلها من حلاوه الاكل
هدي: طب يلاااا يا حبيبتي اطلعي وانا هنادي علي مني
سما: فوريرااا
يوسف ضحك عليها
وطلعوا هما الاتنين واولما دخلوا الشقه
سما: دي الريحه اقوي من تحت ياااه علي الجمال الا هو فين بقا الاكل
هدي: هطفي عليه اهو وهحطوا علطولل هروح بس انادي مني
سما: اشطاط عليكي وانا هستاني لحد اما تيجوا واساعدكوا
هدي: ماشي يا حبيبتي
وراحت سما قعدت علي الكنبه وشغلت كرتون حوريه البحر
يوسف: انا رايح اغير وجاي
سما: ماشي ماشي روح بقا خليني اتفرج علي كرتوني المفضل
يوسف: لا حول ولا قوة الا بالله الله يهديكي يا بنتي
سما مردتش عليه وهو دخل وغير هدومه وطلع ولقا سما عماله تعيط
يوسف: ايه في ايه؟ بتعيطي ليه
سما: الست الشريره خدت من اريل صوتها
يوسف: يا شيخه دانا افتكرت في حاجه حصلت اريل ايه وزفت ايه
سما: لو سمحت متشتمش اريل دي بطلتي المفضله
وقطع كلامهم دخول هدي ومني
مني: يوه مالك يا بت يا سما
سما: الست الشريره خدت من اريل صوتها
مني: يارب صبرني علي ما ابتليتني به
سما: انا مش فاهمه ايه قلبكوا ده ايههه حجر الناس مبقاش عندها رحمهه
كلهم ضحكوا عليها وهي اتعصبت اوي
مني: طب يلا ياختي عشان تسعدينا
سما: اه صح المحشي
يوسف: طول عمرك مفجوعه
سما: ملكش دعوهه
ودخلت معاهم وبدا يغرفوا الاطباق ويحطوها علي السفره
وبعد اما خلصوا قعدوا
سما: يااه قد ايه كنت مستنيه اللحظه دي بسم الله
